microsoft lumia 535

[mamdouh.0100]

عايز اعرف رأيكم في لوميا 535 انا عارف ان التاتش بتاعه فيه مشاكل بس انا عايز اعرف رد الناس اللى استعملته فعليا هل المشكله مؤثره فعلا ولا ممكن التغاضى عنها؟؟؟؟؟؟؟؟؟؟؟ مع العلم ان التحديث اللى وعدت بيه ميكروسوفت لحل المشكله نزل في دول معينه ومحلش المشكله بناءا على تقارير اجنبيه المشكله لسه موجوده بعد التحديث

[McLaren]

المشكلة بالتفصيل علشان ناس كتير مهتمّة بالموضوع
هي أن الجهاز أحياناً بيفقد القدرة على تتبع الإصبع في اللمس

دي صورة مثلاً على ال Fresh Piant
وأنا كنت بأحاول رسم مستطيل على شكل حلقة مغلقة
الصورة طلعت بالمنظر ده:

https://im71.gulfup.com/vrHzUe.png (https://www.gulfup.com/?VIkHUF)

كما يظهر في الصورة الجزء العلوي الجهاز رسمه تمام
أمّا الجزء السفلي فواضح جداً أن الجهاز فشل في تتبع إصبعي في الرسم

مش معنى كده أن الجهاز مش بيحس باللمس في الجزء اللي السفلي من الشاشة
لأ, الجهاز بيستجيب عادي لمّا بتدوس على أيقونة مثلاً أو زر معين بدون مشاكل حتى في الجزء السفلي

ولو بتستخدم الجهاز عادي في التصفّح بين القوائم أو في الإنترنت وحركات ال Swipe العادية بيستجيب عادي جداً,
بس ممكن تضّطر تدوس على الحاجة مرتين أحياناً قبل ما تفتح.

مع العلم أنّي لمّا حاولت أرسم نفس المستطيل اللي في الأعلى بس ضغطت على أيدي شوية وأنا برسم
الجهاز رسمه صح.

برضوا بيفقد تتبع الإصبعين لمّا يقرّبوا من بعض قوي وأنت بتعمل زووم Out

حاجة كمان: لوحظ أن المشكلة بتسوء جداً للناس اللي حاطة سكرينة أو لازقة حماية على الشاشة
بس الجهاز أصلاً Gorilla Glass 3 مش محتاج حماية.


طيب السؤال: هل الجهاز قابل للإستخدام؟

الإجابة طبعاً واستخدام يُعتمد عليه
لو واحد بيستخدم الاستخدام العادي مش هيلاحظ أن فيه مشكلة قوي أثناء تصفّح الهاتف
غير أنه أحياناً مش بيستجيب من أول دوسة كما ذكرت سابقاً, وده قليل

سؤال: هل ممكن التغاضي عنه؟

أرى أنه من الممكن التغاضي عنه لجهاز بهذا السعر وهذه الإمكانيات ولإنعدام المنافسين تقريباً

وإن كان الأفضل بالتأكيد لو كان الجهاز كاملاً دون أية عيوب.

هل هذا العيب قابل للإصلاح بالتحديثات كما تزعم ميكروسوفت؟
لا أعلم,
ولكن في حال كان كذلك وكانت ميكروسوفت على حق,
فإنه يستحق الشراء بدون تردد حتى ولو كان الإصلاح سيأتي بعد فترة.

لأن الجهاز على حالته الآن ليس سيئاً في اللمس.

أرجوا أنّي أكون وضحت المشكلة كده بالنسبة لكم
وبرضوا مفيش مانع لو الواحد راح وجرّب الجهاز بنفسه عند مراكز البيع.

[ahmed*1]

شكرا ع توضحيك لمشكله وحلها بالصوره دى
الجهاز فعلا رائع
ولكن الكمال لله وحده
بس نتمنى مايكروسوفت تحل المشكله

[DoRo]

شوفت ريفيو ل 535 .. بس مش ملاحظ اي عيب ظهر في اسفل الشاشه
العاب زي subway و Temple Run
التحكم فيها بيكون من اسفل الشاشه سواء يمين او شمال
بس بصراحه الموبيل جامد جدا ما شاء الله :)
عيبه الوحيد بالنسبالي تصوير الفيديو بجوده 480p
وكثافه الوان الشاشه 220ppi قليله شويه ع ال5 انش



https://youtu.be/0xplTcVCfKM

[McLaren]

خبر:
تحديث لوميا 535 نزل النهار ده في مصر
وفعلاً صلّح اللمس عن تجربة

جربت اختبر الجهاز وتتبع إصبعي بشكل طبيعي تماماً

فعلاً الواحد مكنش متوقع أن ميكروسوفت تكون شاطرة كده

الجهاز رائع بكل ما تعنيه الكلمة والسحب عليه جامد في السوق وفي بعض المناطق بقى شرائه بالحجز.

ولكل العايز يشتريه, دلوقتي أقدر أرشحهوله وبقوة, لأنه بكدة مبقاش ليه منافس.

[DoRo]

اخويا اشتراه وفعلا كان بالحجز
وجربنا نشوف التحديثات المتاحه
وبرضه نفس مشكله التاتش موجوده
شوفت ع النت فيديو اختبار للتاتش
بس مش عارف البرنامج ايه

وانطباعي عن الموبيل
حجمه ممتاز جدا
وصوته مقبول
وطبعا مش بيصور hd بس بيعرض الفيديو hd عادي جدا
ودي حاجه كويسه

نوع الشاشه بصراحه معجبنيش خالص
تحس انها زي الموبيلات الصيني
ونقاء الالوان مش في المستوى المطلوب
ولما تنزل بالقايمه ساعات كتير جدا بيدخل على تطبيقات لوحده
بمجرد ما تلمس الشاشه وقبل ما تنزل بالقايمه

ولما تكون منزل تطبيقات على الكمبيوتر بصيغه XAP
وتحب تسطبها لازم تكون متصل بالنت
ولو التطبيق ليه تحديث مش هتعرف تثبته
مش عارف هل فيه طريقه تانيه للتسطيب غير دي ولا لأ الله اعلم
انا كنت منزل برامج والعاب تقريبا 4 جيجا
وطبعا عشان نزلهم تحديث مش عارف اسطبهم :D

بس في النهايه الموبيل مقبول جدا ومالوش منافسين في الفئه السعريه

[McLaren]

اخويا اشتراه وفعلا كان بالحجز
وجربنا نشوف التحديثات المتاحه
وبرضه نفس مشكله التاتش موجوده
شوفت ع النت فيديو اختبار للتاتش
بس مش عارف البرنامج ايه

وانطباعي عن الموبيل
حجمه ممتاز جدا
وصوته مقبول
وطبعا مش بيصور hd بس بيعرض الفيديو hd عادي جدا
ودي حاجه كويسه

نوع الشاشه بصراحه معجبنيش خالص
تحس انها زي الموبيلات الصيني
ونقاء الالوان مش في المستوى المطلوب
ولما تنزل بالقايمه ساعات كتير جدا بيدخل على تطبيقات لوحده
بمجرد ما تلمس الشاشه وقبل ما تنزل بالقايمه

ولما تكون منزل تطبيقات على الكمبيوتر بصيغه XAP
وتحب تسطبها لازم تكون متصل بالنت
ولو التطبيق ليه تحديث مش هتعرف تثبته
مش عارف هل فيه طريقه تانيه للتسطيب غير دي ولا لأ الله اعلم
انا كنت منزل برامج والعاب تقريبا 4 جيجا
وطبعا عشان نزلهم تحديث مش عارف اسطبهم :D

بس في النهايه الموبيل مقبول جدا ومالوش منافسين في الفئه السعريه

تقدر تثبّت التطبيقات من ال SD Card من خلال الدخول على الستور وإختيار "تثبيت التطبيقات المحلية"

بس لازم SD Card مينفعش من ذاكرة الجهاز

ولو عايز تثبّت تطبيقات مدفوعة مكركة ساعتها هتضطر تعمل حاجة اسمها Deploy
حاجة زي ال Jail break كده في ال iOS بس مخصصة أكثر للمطورين
وتثبّت التطبيقات عادي من ال SD Card

ومبروك لأخوك على الجهاز الجديد

عايز أقول لك أن الجهاز في مصر بيتباع بشكل مش طبيعي
الدفعة الأولى منه اللي وصلت مصر, إختفت من السوق في أقل من 6 أيام !