المساعد الشخصي الرقمي

مشاهدة النسخة كاملة : استفسار بخصوص ايفون 5


muhammed tawfek
16-01-2015, 20:10
دلوقتى الايفون بيسحب من الرصيد بتاع الخط حتى لو متصل بالواى فاى و ازاى ممكن اضيف ملف ترجمة ل فيديو وشكرااااااا
BLACK CATS
16-01-2015, 20:43
ادخل علي
الاعدادات
عام
خلوي
اقفل البيانات الخلويه
واقفل ال3g
البيانات الحلويه هي اللي بتشغل نت الشريحه
ةبالنسبه لل3g ملوش لازمه لانك هتبقي شغال واي فاي بس
MOHAMED FAROOQ
16-01-2015, 21:35
ادخل علي
الاعدادات
عام
خلوي
اقفل البيانات الخلويه
واقفل ال3g
البيانات الحلويه هي اللي بتشغل نت الشريحه
ةبالنسبه لل3g ملوش لازمه لانك هتبقي شغال واي فاي بس

+1
وراجع هذا الرابط الخاص بأمر الترجمه

https://iphoneislam.com/2014/11/how-to-watch-subtitles-movie-on-ios/41035
muhammed tawfek
16-01-2015, 21:51
متشكر ياجماعة انا دلوقتى قفلت ال cellular دلوقتى اللى بسأل فيه عاوز اعرف لو فى اوبشن يخلي الجهاز شغال واى فاى طول ماهو لاقط الشبكة بحيث لما اكون برا البيت يشتغل اتوماتيك على الشريحة ( بعد ما اعمل باقة) وكمان عاوز اعرف باقة منجز من اتصالات هتبقى كويسة ولا فى عروض احسن من شركات تانية ومشكور مرة تانية
MOHAMED FAROOQ
16-01-2015, 23:17
عمتاً بالنسبه لباقه الانترنت فدى على حسب استخدامك
وتقدر تدخل على موقع اتصالات وتشوف انواع الباقات وتختار اللى يناسبك فيهم والباقه اللى انت شايفها هتكفيك اشترك فيها ..
شخصيا .. انا خطى فودافون ومستخدم لباقه جيجا ونصف ( ب ٢٥ جنيه ) ودى بتكفينى فى الشهر مع العلم انى لا استخدم الفيس نهائى ...

اما بخصوص استفسارك
مفيش طريقه غير انك تشغل الاثنين مع بعض ..
الواى فاى بطريقه مستمره وعند خروجك خارج نطاق الشبكه هيشتغل معاك اتوماتيك 3G
وبنصحك متعملش كده ..

لان البطاريه مش هتكمل معاك يوم

عشان كده ..
اجعل الطريقه يدويه حفاظاً على البطاريه ..
يعنى وقت ماتحتاج الواى فاى شغله
ووقت ماتحتاج ال 3G شغله وافصل الواى فاى ..
muhammed tawfek
17-01-2015, 00:43
معلش بقى استحملونى اخر سؤال انا و بشترى الجهاز الراجل اللى باعهولى قالى منصحكش تعمل جيلبريك لأنه بيجهد الجهاز ومع الوقت هيقصر عمره و الاداء هيضعف الكلام دا صح ولا لأ انا مكنتش عاوز اسأل ف رد جديد عشان ميبقاش اسبام بس ان شاء الله بعد كدا هحاول اجمع كل الاسئلة واعمل بيهم موضوع واحد
MOHAMED FAROOQ
17-01-2015, 00:50
ولا يهمك
اسأل براحتك ....
انا مستخدم لأجهزه أبل من حوالى ٧ سنوات وجميع الأجهزه التى حملتها كلها عملتلها جيلبريك ولا أستطيع الإستغناء عنه ... وماشاء الله ولا جهاز اشتكى ..

هل تعلم أنه تم عمل احصائيه لجميع مستخدمى الجيلبريك
وثبت أن مستخدمى الجيلبريك نسبتهم حوالى ٨٣٪

إذا كان الجيلبريك خطر على الأجهزه فلما هذه النسبه الكبيره تهتم بالجيلبريك ...

أنا حالياً معى iphone 5s به جيلبريك .. والأمور الحمد لله تمام ..

فلا تقلق من ذلك ...
والمثل بيقول ( اسأل مجرب ولا تسأل طبيب )
BLACK CATS
17-01-2015, 00:51
معلش بقى استحملونى اخر سؤال انا و بشترى الجهاز الراجل اللى باعهولى قالى منصحكش تعمل جيلبريك لأنه بيجهد الجهاز ومع الوقت هيقصر عمره و الاداء هيضعف الكلام دا صح ولا لأ انا مكنتش عاوز اسأل ف رد جديد عشان ميبقاش اسبام بس ان شاء الله بعد كدا هحاول اجمع كل الاسئلة واعمل بيهم موضوع واحد

لالا الكلام ده مش مظبوط خالص

الجيلبريك نفسه مش بياثر عالاداء

ولكن هقولك ايه اللي ممكن يأثر

انا افتكر اول ماعملت الجيلبريك مكنتش بسيب الايفون خالص لدرجه اني كنت بشتغل عليه وهو في الشحن

فاللي هياثر هو ان استخدامك هيبقي اضعاف استخدامك له بدون الجيلبريك لانك فعلا هتحس انك معاك جهاز محترم اوي من كميه الادوات والتطبيقات

والالعاب اللي هتقدر تنزلها وتستخدمها وتغير بيها الجهاز رأسا علي عقب

وبصراحه الايفون بدون جيلبريك جهاز بدون روح