[هــــامـ] العضويات الجديدة لن تستطيع المشاركة فى القسم التجارى بعد الآن ...

[Mr.pOPo]

https://upload.wikimedia.org/wikipedia/ar/c/c6/%D8%A8%D8%B3%D9%85_%D8%A7%D9%84%D9%84%D9%87_%D8%A7 %D9%84%D8%B1%D8%AD%D9%85%D9%86_%D8%A7%D9%84%D8%B1% D8%AD%D9%8A%D9%85.png

فى إطار جهود إدارة القسم التجارى و مشرفيه فى تطوير القسم و العمل على تنظيمه ،
و الإرتقاء بعمليات البيع و الشراء بداخله ،،

** فقد تقرر الآتى:

تم منع جميع العضويات الجديدة من إمكانية المشاركة بالقسم التجارى أو انشاء أية مواضيع بيع بالقسم ،،

حتى تحقق الشروط الآتية:

1- تخطى عدد مشاركات العضوية ال 60 مشاركة.

أو

2- مُضى 3 أشهر أو أكثر على العضوية ، مع عدد 1 تقييم على الاقل للعضوية.


(أيُّهما يتم الوصول إليه أولاً)

** مع العلم ..
أن القسم سيظل متاح لهم لرؤية ما فيهم من مواضيع بيع ، مع عدم قدرتهم على المشاركة بها أو إنشاء مواضيع بيع خاصة بهم
حتى تحقق أىِ من الشروط السابقة.

و فى حالة رغبة أى من العضويات الجديدة شراء أى من السلع المعروضة، فإنهم يستطيعوا مراسلة البائع على الخاص،
أو الاتصال به هاتفياً فى حالة توافر رقم الهاتف.

و قد تم أيضاً الاحتفاظ بحقهم فى عمل مواضيع بقسم "طلبات شراء الاجهزة و متعلقاتها"

[arrow92]

للرفع

[nanomites]

شكرا لإدارة منتدي عرب هاردوير علي الإهتمام بالقسم التجاري
ويا ريت يتم تطبيق القوانين دي أيضا علي قسم النصائح وده أقتراح مش أكثر:)

[ahmed-ibrahim]

, و ايه الهدف من الموضوع ؟

[arrow92]

, و ايه الهدف من الموضوع ؟

لكثره حالات السرقه من العضويات الجديده
عدم التزامها بقوانين القسم
انتشار العضويه المزوجه
من نفس الجهاز او من اجهزه اخرى
الخ

لذلك خوفا على مصلحه الاعضاء تم اقرار الاتى

[hany_bendary]

صح أوى كده والله

الله ينور

[MR7WaeL]

فعلآ الله ينور عليكم

[muhammed tawfek]

طب ال 60 مشاركة مقدور عليهم ال 1 تقييم ده اجيبو منين

[arrow92]

طب ال 60 مشاركة مقدور عليهم ال 1 تقييم ده اجيبو منين

تساعد عضو فى موضوعه
تعمل موضوع كويس
هتلاقى اعضاء كتير بتشكرك وتقييمك على مجهودك

[samegeg]

الله ينوووووووووووووووووووووور

[rehab702001]

قرار صائب فعلا

[lost_soul]

قرار فى محله شكرا اداره المنتدى الكرام

[مصرى دائما]

موضوع ايجابى جداا بالتوفيق للجميع

[abdalruhman]

كده افضل واحسن و شيئ ايجابى بالتوفيق

[النسور]

تمنع المشاركه قرار حكيم لكن لا تمنع الدخول للجميع لرؤية ما هو متاح من السلع لدى الأعضاء الكرام

[الرجل الثالث]

لابد من هذا لكثرة حالات النصب والاحتيال على الاعضاء
شكرا ادارة المنتدى

[arrow92]

تمنع المشاركه قرار حكيم لكن لا تمنع الدخول للجميع لرؤية ما هو متاح من السلع لدى الأعضاء الكرام

التى تم تحديده هو المشاركه

اما رؤيه المواضيع فى القسم التجارى فهى غير مقيده باى شروط

يمكن لاحد ان يراها
عضو جديده. قديمه او غير عضو فى المنتدى

[hmr2002eg]

قرار اكثر من رائع

[zeka005]

كدا صح الصح الحق افضل منتدا بيحفظ علي اعضائو

[zeka005]

قرار اكثر من رائع

[DeMody]

قرار سديد ! :ah7:

[ابو كمال وملك]

الله ينور من ادارة عرب هاردوير كل الشكر وتقدير

[diamondteam]

الف شكر على التنويه والى الامام دائما

[fakeeda]

قرار مهم جدا .. شكرا عرب هاردوير :)

[محمد خليفه 1]

السلام عليكم
انا عندى وجهه نظر مختلفه شويه وحابب اعرضها عليكم
اولا انا شايف من وجهه نظرى ان ده مش صح ليه
اولا النصب او السرقه للى عايز يعمل ده مش هيغلب ما شاء الله المنتدى فروعه كتيره ممكن يعمل المشاركات دى فى يوم واحد سهله جدا ( اللى عايز يسرق وينصب مش هيغلب)
وكلامى ده من واقع تعاملاتى وخبرتى مع الناس
النصب والسرقه مش هتفرق بين عضو بستين مشاركه وعضو بواحد وستين مشاركه
الحل الحقيقى ان سواء المشترى او البائع ياخد كل حذره واحتياطه سواء من عضويه جديده او قديمه
نجى بقه انا ليه مختلف فى القرار ده
اولا من الناحيه التسوقيه لاى منتدى بتعمد بشكل كبير على عدد الاعضاء وتفاعلهم والقرار ده ممكن يقلل عدد الاعضاء الجدد وتفاعلهم


اما اساس الاختلاف وبالبلدى كده
حوار بين شخصين

بقولك يا فلان انا عندى جهاز كمبيوتر ولاب وموبيل عايز ابيعهم

عندك منتدى رائع اسمه عرب هارد وير

وبعد كام يوم ها عملت ايه يا صاحبى يارب يكون المنتدى عجبك وعرضت سلعتك وبيعتها ان شاء الله

يا عم فكك ده منتدى معقد دخلت اعمل موضوع لقتيهم عاملين شروط وتقيم ومشاركات
روحت عارضهم فى حته تانيه
انا عايز ابيع انهارده او بكره لسه هستنى اللى بتقول عليه يا صاحبى
مع العلم ان اللى عايز يبيع ده حاجته كويسه مش شرط تكون بايظه

هو ده الانتشار اللى بتكلم عليه
القرار ممكن يخلى ناس كتير وتكون كويسه متكملش فى المنتدى
اتمنى اكون قدرت اوصل وجهه نظرى بطريقه سهله
كامل احترامى لكل افراد المنتدى بالكامل

[wessam-pro]

قرار غريب بصراحة كثرة عدد المشاركات او تاريخ الحساب مش بضمانه ان الشخص امين - او ان السلعه جيده - وحتى لو بتعامل واحد معروف من سنين المفترض تجرب حاجتك قبل ما تشتريها وتتخذ الضمانات اللازمة فى حالة صعوبة التجربة الفورية - تنازلك عن حقك باسم الثقة او العشم دا غلط لان انت بتدفع فلوس.

المنتدى هنا هو اكبر منتدى متخصص فى الهاردوير قرار زى ده ايه مشاكله : اولا الناس هتبدأ تدور على sites مختلفة للعرض (وما اكثرها ) وبالتالى زوار المنتدى برده هيبدأو يدوروا فى sites دى للبحث عن عروض مختلفة تناسبهم. فالمنتدى كده ممكن يفقد ريادته فى المجال ده.
ثانيا : زى ما قال استاذ محمد خليفة مش قصة يعنى 60 مشاركة لو عايز انصب ومش بعيد تلاقى مواضيع المنتدى اتملت spam وردود غير مجدية من نوعية مشكوور وغيرها للوصول لعدد المشاركات المطلوبة.

الحل الصحيح دايما فى التوعية مش المنع - توعية المشترى بضرورة تجربة السلعه قبل الشراء - ولو صعب تجربها يبقى تاخد ضمانات كافيه خد صورة بطاقته وخليه يكتبلك تعهد انه باعلك السلعة الفلانية بمبلغ فلانى وانه بيتعهد انها مفهاش اى مشكلة وضامنها وليكن لمدة اسبوع وخليه يمضى - مش عيب - وهو طالما حاجته سليمه مش هيمانع - اما تقابل واحد وتاخد حاجة وتديله فلوس وبختك يا ابو بخيت . دا ال بيعمل المشاكل

ياما بشوف ناس كاتبة ضمان شخصى اسبوع ضمان يومين من عندى ويروح ناس تشترى وتدفع فلوس طب والضمان الاسبوع فين ؟ بتعتبر انه مادام قال يبقى هيوفى يابنى انت دافع فلوس اضمن حقك -

ف النهاية انا شايف ان قرار زى دا مش هيفيد غير التجار وهيضر بال users العاديين

كل الاحترام للادارة وللادمنز

[wegyptw]

الكلام ده ممتاز جدا جدا جدا

[TIMO1]

wessam-pro (https://arabhardware.net/forum/member.php?u=11149147) اخى الفاضل اتفق معك فى نقطه ان التجربه هى افضل شىء طبعا لضمان حق المشترى وليس التجربه فقط بل ايضا معرفه مكان البائع حتى ان وجد المشترى عيب يستطيع ان يعود عليه مره اخرى بسلعته واخذ حقه ... ولكن دعنى اقولها لك من خلال فترتى القصيره كمشرف فى الاقسام التجاريه وهى ما افادنى كثيرا الحمد الله
ان ما يهم المشترى السعر حتى عند وجود سلعه مدلسه وهروب البائع من ذكر ابسط التفاصيل كالمكان او الهاتف او التجربه ارى العديد من الاعضاء بيقوموا بمراسلته وكان ما اقوله وهو فى الاول والاخير لضمان حقهم بلا اى قيمه .
الموضوع كله اصبح الان ان لم تلاحظ وجود عضويات جديده بسلع هاى اند بسعر مغرى وعند الاتفاق او التسليم يا يتهرب منك او لا يجرب( وايضا العضويات الجديده لاخبره لها ) فقد يشترى منه عضو جديد على اعتبار ان السلعه فى الضمان ولا يوجد بها مشاكل ويوجد بعض المشاكل التى لايعترف بها بعض الضمانات .
لذلك انا اجد القرار جيد ولصالح الجميع وحتى يعلم جيدا كل عضو مدى قيمه واهميه عضويته حتى لايقوم بالنصب ولايخشى غلق العضويه فيقوم بعمل اخرى بكل بساطه .

[abdalruhman]

[QUOTE=TIMO1;2911684]
wessam-pro (https://arabhardware.net/forum/member.php?u=11149147) اخى الفاضل اتفق معك فى نقطه ان التجربه هى افضل شىء طبعا لضمان حق المشترى وليس التجربه فقط بل ايضا معرفه مكان البائع حتى ان وجد المشترى عيب يستطيع ان يعود عليه مره اخرى بسلعته واخذ حقه ... ولكن دعنى اقولها لك من خلال فترتى القصيره كمشرف فى الاقسام التجاريه وهى ما افادنى كثيرا الحمد الله
ان ما يهم المشترى السعر حتى عند وجود سلعه مدلسه وهروب البائع من ذكر ابسط التفاصيل كالمكان او الهاتف او التجربه ارى العديد من الاعضاء بيقوموا بمراسلته وكان ما اقوله وهو فى الاول والاخير لضمان حقهم بلا اى قيمه .
الموضوع كله اصبح الان ان لم تلاحظ وجود عضويات جديده بسلع هاى اند بسعر مغرى وعند الاتفاق او التسليم يا يتهرب منك او لا يجرب( وايضا العضويات الجديده لاخبره لها ) فقد يشترى منه عضو جديد على اعتبار ان السلعه فى الضمان ولا يوجد بها مشاكل ويوجد بعض المشاكل التى لايعترف بها بعض الضمانات .
لذلك انا اجد القرار جيد ولصالح الجميع وحتى يعلم جيدا كل عضو مدى قيمه واهميه عضويته حتى لايقوم بالنصب ولايخشى غلق العضويه فيقوم بعمل اخرى بكل بساطه .
[/QUO


كلامك صح وبالتوفيق للمنتدى على تلك الخطوة الرائعة

[BLACK CATS]

السلام عليكم
انا عندى وجهه نظر مختلفه شويه وحابب اعرضها عليكم
اولا انا شايف من وجهه نظرى ان ده مش صح ليه
اولا النصب او السرقه للى عايز يعمل ده مش هيغلب ما شاء الله المنتدى فروعه كتيره ممكن يعمل المشاركات دى فى يوم واحد سهله جدا ( اللى عايز يسرق وينصب مش هيغلب)
وكلامى ده من واقع تعاملاتى وخبرتى مع الناس
النصب والسرقه مش هتفرق بين عضو بستين مشاركه وعضو بواحد وستين مشاركه
الحل الحقيقى ان سواء المشترى او البائع ياخد كل حذره واحتياطه سواء من عضويه جديده او قديمه
نجى بقه انا ليه مختلف فى القرار ده
اولا من الناحيه التسوقيه لاى منتدى بتعمد بشكل كبير على عدد الاعضاء وتفاعلهم والقرار ده ممكن يقلل عدد الاعضاء الجدد وتفاعلهم


اما اساس الاختلاف وبالبلدى كده
حوار بين شخصين

بقولك يا فلان انا عندى جهاز كمبيوتر ولاب وموبيل عايز ابيعهم

عندك منتدى رائع اسمه عرب هارد وير

وبعد كام يوم ها عملت ايه يا صاحبى يارب يكون المنتدى عجبك وعرضت سلعتك وبيعتها ان شاء الله

يا عم فكك ده منتدى معقد دخلت اعمل موضوع لقتيهم عاملين شروط وتقيم ومشاركات
روحت عارضهم فى حته تانيه
انا عايز ابيع انهارده او بكره لسه هستنى اللى بتقول عليه يا صاحبى
مع العلم ان اللى عايز يبيع ده حاجته كويسه مش شرط تكون بايظه

هو ده الانتشار اللى بتكلم عليه
القرار ممكن يخلى ناس كتير وتكون كويسه متكملش فى المنتدى
اتمنى اكون قدرت اوصل وجهه نظرى بطريقه سهله
كامل احترامى لكل افراد المنتدى بالكامل






كلام صح جدا