الرجاء مساعدتي بما يرضي الله

[momoviper81]

لو سمحت انا محتار بين جهازين بعينهم انا عايز اعرف الاحسن والافضل انا اقصي ميزانية 4600 وهما دول الجهازين الي محتار فيهم 1-Dell I 15R 5537 (i5/6/1TB/R8670)2-Lenovo Z5070 (i5/6/1TB/GT840M) الفرق بين الجهازين في الفلوس حوالي 100 جنيه لصالح اللينوفو انا محتار جدا انا استخداماتي هيبقي جهاز رئيسي في البيت يعني هيبقي مفتوح علطول هيبقي نت افلام جيميز كل حاجة في ناس بتقول ان اللينوفو ملوش قطع غيار وفي ناس بتقول الديل حمال اسية انا مشعارف والله هما الاتنين شكلهم حلو لو سمحت عاوز اعرف الفرق بينهم بالظبط واشتري ايه ولماذا وشكر لكم جداااااااا

[sakrquraish]

انا برضة محتار بس حاطط معاهم hp probook g2

[Hassan M3]

الافضل طبعاً اللينوفو عشان كارت الشاشة gt840m اقوى من 8670 وكمان معمارية احدث بالنسبة للاستحمال اللينوفو قوى جداً كان معايا واحد بيتحمل كويس وكنت ببيتوا يحمل اوقات طويلة كان مش بيحصلوا حاجة متقلقش من اللينوفو خالص ;)

[McLaren]

اللينوفو Z5070 أفضل

[momoviper81]

يا جماعة لو سمحت ممكن اعرف افضل ليه وايه هي مميزات وعيوب كل جهاز

[omar abdelaziz]

اللينوفو أفضل طبعا .. أنا جبت الجهاز ده i5 من 4 ايام من محل في مول البستان اسمه الصحوه بس كان آخر جهاز موجود جبته ب 4500 بس كارت الشاشه 4 GB مش 2
ده رقم التليفون ممكن تتصل وتسأل 0233037449
0233022313
اللاب معاه ضمان من تاريخ شرائي له حتي سنه كامله وطبعا قرات في كتالوج اللاب في ضمان على البطاريه لمده 3 شهور
الصوت نقي وعالي بالأخص لما سطبت تعريف سماعاته Dolby .. الجهاز مش بسمعله صوت وهادي جدا جدا جدا .. شاشته حلوه والحمد لله مفيهاش عيوب صناعه والكيورد مريحه جدا في الكتابه بس انا لاحظت انهم كاتبين حرف ال ذ في مكان غلط جمب الواحد اللي فوق زر Tap ومكانه الحقيقي تحت زر Bankspace بس مش مشكله برضه لان وظائف الحرف شغاله وتمام هو حرف ال ذ بس اللي اتكتب في مكان مش مكانه ودي عادي ممكن خطا من الشركة نفسها أثناء الطباعه
كمان الجهاز فيه زر بجانب مدخل الشاحن الزر ده بيدخل على اوامر ال bios و boot وكمان بيعمل recovery ويرجع الجهاز كما ان لسه مشتريه
وجاي مع الجهاز اسطوانه تعريفات خاصه بويندوز 8.1 64bit
بطارية built out وكابلين للشاحن كابل ثلاثي وكابل ثنائي وطبعا ال adapter
وفي برنامج تبع لينوفو اسمه Energy Manager ده بيتحكم في البطارية وده موضوع انا عملته عن البرنامج ده اقراه مهم جدا جدا لو هتشتري اللاب ده وممكن يغير رأيك كمان ويخليك تشتريه
https://arabhardware.net/forum/showthread.php?t=415152
البطارية بتقعد معايا فوق ال 5 ساعات ولكني لم أقيس بجديه مقدار الوقت الصحيح من نسبه شحن 100% حتي تفرغ
ولو احتجت تعرف حاجه تانيه انا في الخدمه .. لسه مجربتش عليه العاب سوى pes 2013 و pes 2015 والأداء عالي جدا ولكن pes 2013 لا تعمل مع ويندوز 8.1 ولكن تعمل مع 7 و 8 ودي مشكله معرفش حلها لحد دلوقتي ومش مهمه بالدرجه الكبيره يعني
وطبعا الماتريال حلوه جدا والتصميم برضه .. فاضل حاجه واحده هي مش عيب ولكنها موجوده في كل الاجهزة اللي استخدمتها .. احيانا بتحس بذبذبات خفيفة لما تمسح جسم اللاب اللي جمب الماوس وده شيء طبيعي جدا وبمجرد المسح بتختفي وانا بعتبر ان ده مش عيب والحاجه دي موجوده في التليفزيونات كمان وحاجه طبيعيه جدا جدا جدا .. انا لاحظتها وفي غيري مش بيلاحظها عاديه يعني

للعلم انا كنت رايح مش حاطط في دماغي الجهاز ده كنت بدور على hp probook 450 g1 i5 بس ملقتهوش وعملت اتصالات كتير وبرضه ملقتهوش غير في كمبيوتر شوب ب 5000 وحرام طبعا سعره كده غالي عن اي مكان تاني كان متاح فيه وروحت جبت ده افضل والحمد لله مقابلنيش مشاكل لحد الان ..

[momoviper81]

الف شكر يا استاذ عمر بس ممكن اسال حضرتك حاجة هل الجهاز اللينوفو ال بكارت الشاشة 4 جيجا هل هو 840 ولا حاجة تانية وهل يوجد مع الهارد الهارد ssd 8 جيجا

[omar abdelaziz]

ايوه 840m Nvidia وكمان 4 جيجا ... ومظبوط كلامك في هارد 8 ssd جيجا .. معلش نسيت اذكرهم وسرحت في كتابة الموضوع .. بس لو هتجيبه سطب جميع تعريفات اللاب عشان يبقي تمام ومتواجهش اي مشاكل وخلى بالك وانت بتشتريه تشوف كل سم فيه من شاشه لكل شيء شوف موضوع شراء لاب توب جديد في المواضيع المثبته .. وتأكد من ان كارت الشاشه 4 جيجا لان في اجهزه 2 جيجا ... المحل ده عملى نسخة الويندوز وطمني ان كل حاجه تمام وكارت الشاشه 4 جيجا وتوكلت على الله .. اهم حاجه تتأكد من المواصفات كويس جدا عشان لما يفتح الكرتونه وتلاقي المواصفات غلط يبقي معلكش غلط

[momoviper81]

لو سمحت يا استاذ عمر انا لقيته في ايجيبت لابتوب 4600 فايه راي حضرتك في الشركة دي

[omar abdelaziz]

مش عارف والله انا لقيت السعر 4500 عند الصحوه وهو اول محل دخلته وسالت فيه عن اللاب ده .. وبعدها لفيت في باقي المحلات اشوف الاسعار لقيتهم اقل سعر فجبت من عندهم وتوكلت على الله
في واحد قرات موضوع ليه النهارده بالصدفه بس مش فاكر فين هنا ولا موقع اخر كان بيشتكي من egypt laptop من جهاز كان اشتراه وانهم بينزلوا نسخه الويندوز ب 50 جنيه والمفروض تبقي مجاني ولقي مشاكل بالجهاز .. الله اعلم انا متعاملتش معاها بصراحه ولا اقدر اقيمها لاني مجربتهاش

[omar abdelaziz]

ده الموضوع اللي زميلنا في المنتدى كتبه عن تجربته مع egypt laptop اقراه
https://arabhardware.net/forum/showthread.php?t=409453

[momoviper81]

تصدق كده الواحد قلق من شركة ايجيبت لاب توب طب اسه راي حضرتك اجيبه منين انا ساكن في الوراق

[omar abdelaziz]

مش عارف بصراحه انا مش من القاهره ... المهم ايان يكن المكان اللي هتروحه تكون مركز بس في كل تفصيله في الجهاز وتتاكد من المواصفات اللي على الكرتونه وان الكرتونه متبرشمه كويس والحاجات دي واديك عرفت انا جايبه بسعر 4500 وادوني معاه حافظه للكيبورد و ماوس عاديه .. بعض المحلات بتدي ماوس وايرلس وشنطه فده بيزود السعر 100 جنيه او اكتر عشان كده هتلاقي فروق اسعار .. ممكن تعمل موضوع تاني تسال فيه عن مكان شراء الجهاز ويكون مضمون وكويس او تنزل بنفسك وتدور بنفسك واكيد هتلاقي سعر كويس لما تنزل .. ان شاء الله

[momoviper81]

بصراحة انا مش مستريح الينوفو مش عارف ليه في ناس بتقول انه شاشته عاكسة آوي وبيلم تراب جامد جداا وبيسخن مع اللعب الكتير بفكر أجيب الديل ال 5537 ولكن انا لقيت كتير مش لقيه والناس كلها قالتلي ده خلاص مش شغال والأحدث منه 3542 بس بالصدفة لقيته موجود في محل في مول المهندسين ًلقيته كمان وواماته 6 جيجا ومارت الشاشة 8680 2 جيجا وانا خائف يكون ريفيربيشد فايه رايكم هل انا صح في اختياري ولا اللينوفو برده أفضل وشكرااااا

[McLaren]

بصراحة انا مش مستريح الينوفو مش عارف ليه في ناس بتقول انه شاشته عاكسة آوي وبيلم تراب جامد جداا وبيسخن مع اللعب الكتير بفكر أجيب الديل ال 5537 ولكن انا لقيت كتير مش لقيه والناس كلها قالتلي ده خلاص مش شغال والأحدث منه 3542 بس بالصدفة لقيته موجود في محل في مول المهندسين ًلقيته كمان وواماته 6 جيجا ومارت الشاشة 8680 2 جيجا وانا خائف يكون ريفيربيشد فايه رايكم هل انا صح في اختياري ولا اللينوفو برده أفضل وشكرااااا
اللينوفو برضوا أفضل

[momoviper81]

طب لو سمحت ممكن حضرتك تقولي أفضل في ايه وايه الفرق بينهم

[momoviper81]

أنتوا فين يا بشر

[omar abdelaziz]

بالنسبة لينوفو z5070 أنا سبق وكلمتك عنه بس في حاجه أنا ذكرتها وطلعت عيب بس من تعريف اللغه بتاع الويندوز وهو حرف ال ذ ... ولما عملت نسخه جديده ظبطت وكل شيء تمام
بالنسبه للبصمات والشاشه العاكسه شوف الموضوع ده هيفيدك جدا وممكن يغير رأيك
https://arabhardware.net/forum/showthread.php?t=411256
هو انا من وجهه نظري لينوفو ومقدرش اقولك روح اشتريه لان القرار قرارك طبعا ولازم تكون مقتنع باللي هتشتريه وسيبك من راي أي حد ... كل اللي عليك تعرف عيوب ومميزات كل لاب محتار فيه وفي الاول والاخر مفيش لاب كامل لازم ولابد هتلاقي عيب في كل جهاز بس كل واحد واولوياته
بصراحه الجهاز حلو جدا وكيبورد ممتازه ومريحه جدا وانا جايبلها حافظه عشان الاتربه ومنها بتدي مظهر حلو كمان ولسه ان شاء الله هشتري الاستيكر الغامق عشان الشاشه العاكسه والبصمات ولو انها مش مأثره خالص ابدا بالنسبالي يعني بس انا هجيبه حفاظا بس عليه مش أكتر
المعلومه اللي اعرفها عن dell 5537 ان شكله بقي تقليدي وقديم اصلا ومش بيشغل الالعاب على جوده عاليه كل مميزاته تكمن في ان بطاريته بتدوم لفتره كويسه جدا ممكن توصل ل 6 و7 ساعات (حسب الاستخدام طبعا ) وانه مبيسخنش والكلام ده انا قرأته في المنتدي ولكن انا مجربتهوش
وفي الأول والأخر صدقني مفيش جهاز كامل .. انا كنت مستبعد لينوفو نهائيا ومش بحبها اصلا ... بس في الاخر ملقتش غيره مناسب وتوكلت على الله

[momoviper81]

والله يا أستاذ عمر انت إنسان محترم والله وبتحب تساعد الناس ربنا يجازيك خير ان شاء الله وشكرا للتوضيح

[momoviper81]

بقلك ايه يا استاذ عمر ايه رايك في الوان االينوفو اجيب الفضي ولا الاسود انا عارف ان ديه ازواء بس انا عاوز اخد راي حضرتك ويا ريت لو حد يشاركنا شكراااااااااااااااااااااااااااااااااااا

[McLaren]

الأثنين حلوين, لكن لو هختار.
الفضى عشان الأسود لون معتاد.

https://notebookspec.com/web/notebook-picture/Lenovo/Z5070/Z5070-c.jpg

[momoviper81]

انا برده فكرت زي حضرتك انت علي فكرة برنس يا استاذ mclaren

[omar abdelaziz]

متشكر جدا لحضرتك ودي شهاده اعتز بيها
بالنسبة للون ف ... الفضي حلو جدا وشيك بس هتحتاج تنظفه باستمرار لان اي عرق او اي تراب او ايد مش نظيفه اوي هتسبب مشاكل طبعا في شكله ...
"""(إلا لو جبته وركبتله استيكر للظهر و للكيبورد فكده مش هيتوسخ وهتحافظ عليه)""" ... وهيبقي شكله شيك برضه
ولو ملقتهوش مش مشكله هات الاسود وخلاص اهم حاجه يكون مالي رغباتك واحتياجاتك :-)

[momoviper81]

يعني يا أستاذ عمر مش المفروض ان الأسود بسلم تراب كتير انا قلت الفضي مش هيبان عليه التراب وكده فهل الفضي ممكن يقشر ويبقي شكله جربان مع مرور الوقت وشكرااااا

[omar abdelaziz]

يعني يا أستاذ عمر مش المفروض ان الأسود بسلم تراب كتير انا قلت الفضي مش هيبان عليه التراب وكده فهل الفضي ممكن يقشر ويبقي شكله جربان مع مرور الوقت وشكرااااا
مفيش جهاز مبيلمش تراب طبعا بس القصد ان هيبان اوي لو مش نضيف ... باقل حاجه هيتوسخ ويبان عليه مش زي الاسود مش باين اوي
بس لما تجيبله استيكر هيحافظ عليه طبعا من التراب
وبالنسبه للتقشير والحاجات دي متخفش الماتريال حلوه الحمد لله وكمان الاستيكر هيحافظ عليه ان شاء الله
توكل على الله

[momoviper81]

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا يا استاذ عمر والله انا سعيد بكلام حضرتك انت انسان محترم:ah7:

[omar abdelaziz]

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا يا استاذ عمر والله انا سعيد بكلام حضرتك انت انسان محترم:ah7:
ربنا يخليك ومتشكر جدا ليك :)

[momoviper81]

انا اسف يا استاذ عمر ممكن اسالك سوال كمان بالنسبة لتقسيم الهار الواحد تيرا ايه احسن تقسيمة هو المحل هيقسم الهارد الاول ولا هينزل الويندوذ الاول ممكن التوضيح واسف للازعاج

[omar abdelaziz]

انا اسف يا استاذ عمر ممكن اسالك سوال كمان بالنسبة لتقسيم الهار الواحد تيرا ايه احسن تقسيمة هو المحل هيقسم الهارد الاول ولا هينزل الويندوذ الاول ممكن التوضيح واسف للازعاج
متقولش كده مفيش تعب ولا ازعاج ولا حاجه ... أنا أفضل تقسيمه بحبها وبعملها دايما في كل أجهزتي ... ان اعمل بارتيشن للويندوز وبارتيشن تاني احط فيه كل حاجه بقي من العاب وبرامج وغيره كل حاجه في فولدر طبعا
المهم وهو بيعمل النسخه قوله عاوز الهارد يتقسم كذا وكذا .. مثلا الويندوز انا عامله 100 جيجا حلو جدا ومدياني راحه والباقي في بارتيشن تاني ... ده نظامي لو حبيته قوله عليه يعملهولك

[McLaren]

انا اسف يا استاذ عمر ممكن اسالك سوال كمان بالنسبة لتقسيم الهار الواحد تيرا ايه احسن تقسيمة هو المحل هيقسم الهارد الاول ولا هينزل الويندوذ الاول ممكن التوضيح واسف للازعاج
كما قال الأخ عمر
أفضل تقسيمة
100 جيجا على الأقل للويندوز
والباقي في بارتيشن آخر

وذلك لتجنّب هدر المساحة.

لأن كلما زادت عدد التقسيمات كلما تطلّب ذلك مساحة خالية مهدرة لكل بارتيشن.