فعرض النبى ... ازاى اعما وندوز اكس بى على الفلاشه

[heroty]

السلام عليكم

انا بنسخ وندوز 7 او 8 ع الفلاشه وبسطب الوندوز زى الصاروووخ

انمااا وندوزززز اكس بى جربت برامج كتيرر اووووووووووووى والبوووت لا يريد الاقلاع نهائى او الفلاشه تجبلى خطاء ونا داخل اسطب
تقريبا جربت كل البرامج المشروح


ممكن حد يقولى طريقه مجربهااااا واكيدة ؟؟؟؟؟؟؟؟؟؟؟؟؟؟

[himaalex]

باشا اعمل النسخة على اسطوانة

[heroty]

اززززززززززززززززززاى ؟

[himaalex]

عندك نسخة اكس بى iso?
لو موجودة نزل برنامج power iso
سطبه وافتحه وادخل على tools
وبعد كده اختار make cd/dvd image
وتختار ملف النسخة بتاعتك

[احمد مغازى]

بسم الله تعالى الرحمن الرحيم

وأفضل الصلوات واتم التسليمات على المبعوث رحمة للعالمين حضرة سيدنا محمد صلى الله على سيدنا محمد وعلى آل سيدنا محمد رسول الله وسلم تسليماً كثيراً وعظيماً واصيلا

اخى الكريم :
لو انت عاوز تنزل windows xp على الفلاشة او على اسطوانة حتعوز برنامجين واحد علشان تنزل الويندوز على الفلاشة وواحد علشان تنزل الويندوز على الاسطوانة
اولا لو عاوز تنزل الويندوز على اسطوانة لازم طبعا تكون عندك نسخة الويندوز اللى حتنزلها ويبقى احسن لو تنزلها نسخة خام يعنى مفيش انسان لعب فيها بمعنى انه طاف ليها برامج او اى حاجة تبقى النسخة زى ما جات من الشركة خام ودة رابط علشان تحمل اكتر من نسخة xp خام اصلية مقتبسها من موقع بثق فى صاحبة اضغط على الرابط وبعدين حمل من الموقع النسخة

https://mrelhlawany.com/pr/category/%D8%A7%D9%86%D8%B8%D9%85%D8%A9-%D8%A7%D9%84%D8%AA%D8%B4%D8%BA%D9%8A%D9%84/%D9%86%D8%B8%D8%A7%D9%85-%D9%88%D9%8A%D9%86%D8%AF%D9%88%D8%B2/%D9%88%D9%8A%D9%86%D8%AF%D9%88%D8%B2-xp/page/2

بعد ما تحمل اخى الكريم النسخة xp حتلاقى امتداد النسخة iso واذا متعرفش ازى تعرف امتداد النسخة بعد ما تحملها اوقف على النسخة اللى حملتها واضغط بيمين الماوس واختار اخر واحدة خصائص اظن بالعربى معناها كدا وبعدين حتلاقى كلمة iso من فوق
تانى حاجة اخى الكريم علشان تنسخ الويندوز على الاسطوانة نزل برنامج النيرو بالانجليزى nero وياريت انك تحمل الاصدار 7 من برنامج النيرو وبعد ما تنزل برنامج النيرو وتسطبة حتفتح برنامج النيرو وتختار من فوق من ضمن الخيارات ايقونة فيها رسمة عود كبريت مشتعل للاسف مش عندى صور علشان اوضح ليك اكتر علشان تفهمى اكتر بس وبعد ما تختار تضغط على الايقونة دى وبعدين حيديك خيار تختار انت مكان نسخة iso بتاعت الويندوز xp اللى نزلتة وبعدين خلى بالك من ضمن الخيارات فى البرنامج النيرو تختار سرعة تحميل حرق النسخة تبقى بطيئة يعنى خليها تقريبا x16 اللى هى دى سرعة الحرقة احتمال يطول معاك شوية فى نسخ الاسطوانة بس مرة واحدة تتعب فيها علشان لو اخترت سرعة نسخ عالية لما تيجى تنزل الويندوز حتلاقى الاسطوانة تقيلة معاك طبعا نسيت اقولك انك قبل ما تفتح البرنامج فى الاساس تكون ركبت اسطوانة فاضية فى السيدى روم بتاع الكمبيوتر عندك واكمل وبعد ما تختار السرعة تضغك على next او انا مش فاكر بالتحديد اسمة اية بس اى كلمة تدل على معنى كمل او انسخ بالانجليزى طبعا وبس بكدا تبقى نسخت الاسطوانة

ثانى حاجة طريقة نسخ الويندوز على فلاشة وانا افضل الطريقة دى بدل النسخ على الاسطوانة
لاكتر من سبب منها ممكن فجاه تلاقى الاسطوانة تقلت معاك وغير كدا النسخ على الفلاشة اسرع

الطريقة اخى الكريم حتنزل برنامج اسمة WinSetupFromUSB 1.4 البرنامج مجانى بس انت اكتب فى google اسم البرنامج ونزلة من موقعة الرسمى يعنى احسن ولو نزلتة من اى مكان عادى براحتك
بعد ما تنزل البرنامج حتكون فرمت الفلاشة وتخلى نظام الفلاشة ntfs لانة سريع حديك رابط فيه شرح لواحد شرح الموضوع دة بالتفصيل

https://mrelhlawany.com/pr/2893

ودة الرابط برضو فيه الشرح والبرنامج اللى تنسخ فيها الويندوز على الفلاشة

https://mrelhlawany.com/pr/6573

وبرضو شرح منى بسيط لتسهيل الموضوع لما تنزل البرنامج حتختار اول خيار فى البرنامج حتلاقى اسمة xp وقصادة خانة تختار منها اذا ضغطت عليها حيقولك وين مكان النسخة بس اخى الكريم نسيت حاجة بالنسبة لويندوز xp بالتحديد لازم برضو تنزل برنامج اسمة Power ISO ودة الرابط بتاعة بالتفعيل

https://mrelhlawany.com/pr/8061

والطريقة بشرح سريع انك تفتح برنامج power iso وتعمل اسطوانة وهمية وتحط فيها نسخة xp وبعدين لما تضغط على برنامج WinSetupFromUSB 1.4 زى ما قولت ليك على الايقونة بتاعت xp حيديك خيار تخختار منة مكان الاسطوانة الوهمية وبعدين تضغط من تحت فى البرنامج على خيار go يعنى ابتدا اسنخ وبس حيبتدأ ينسخ معاك النسخة وبكدا تبقى نسخت الاسطوانة اما نصيحتى ليك انسى ويندوز xp وخليك فى ويندوز 7 حتى لو الكهرباء قطعت فى ويندوز xp النسخة فى الغالب بتبوظ وبتطر تعمل نسخة كل فترة قريبة لكن مع ويندوز 7 لو الكهرباء قطعت عادى النسخة ولا بيجرى فيها حاجة عموما بعرف ان الشرح بتاعى مش وضح ليك بالتفصيل لانى من عندى صور توضح كلامى للاسف بس الروابط اللى اديتها ليكى فيها شرح مفصل لاستاذ اسمة باسم الحلوانى وانا بنزل البرنامج من موقعة وبرضو استفدت كتير جدا من الشرح اللى شرحة علشان كدا شوف الشرح اللى شرحة وحتلاقى نفسك فهمت اكتر ما انا شرحت ليكى وشكرا اخى الكريم

سبحان الله وبحمده سبحان الله العظيم
اللهم صلى على سيدنا محمد وعلى آل سيدنا محمد كما صليت على سيدنا ابراهيم وعلى آل سيدنا ابراهيم اللهم بارك على سيدنا محمد وعلى آل سيدنا محمد كما باركت على سيدنا ابراهيم وعلى آل سيدنا ابراهيم فى العالمين انك حميد مجيد

[heroty]

اخ احمد جارى التجربه وهقولك النتيجه

[heroty]

احمد مغازى (https://arabhardware.net/forum/member.php?u=11322721) شكرااااا يا باشاااا الله ينووور

عملت اكس بى عن طريق الفلاشه اخيراااا

صاروووووووووووخ

شكراااااا يا بيه