المساعد الشخصي الرقمي

مشاهدة النسخة كاملة : مشكلة ارتفاع درجة حرارة البوردة و المعالج بعد فتح الأنوية المغلقة



Mohamed.Shams
07-02-2015, 00:52
السلام عليكم و رحمة الله و بركاته ..


أنا عندى مشكلة كبيرة فى ارتفاع درجات حرارة الجهاز ككل و خصوصاً المذربورد و البروسيسور و المشكلة دى حصلت معايا بعد م فتحت النواتين المغلقتين للمعالج اللى عندى اللى هو :

AMD Phenom II X2 555 - 3.2GH

وبعد فتح الأنوية المغلقة من البيوس اتغير اسمه ليصبح :

AMD Phenom II X4 B55

و طبعاً فرق الأداء بقى واضح جداً و الجهاز مستقر بدون مشاكل الحمد لله و معظم الألعاب تعمل بكفاءة بعد فتح الأنوية لكن درجة حرارة البروسيسور زادت جداً .. مع العلم ان درجة حرارة المعالج حالياً هى 38 فى وضع الخمول .. أما أثناء الضغط ( لما بلعب لعبة مثلاً زى NFS Rivals أو Battlefield 4 ) درجة الحرارة بتوصل لـ 72

أما بالنسبة لدرجة حرارة البوردة فبتكون من 46 الى 50 فى وضع الخمول أما فى وضع الضغط بتبقى 76 ودى بقى المصيبة !

أما باقى مكونات الجهاز هى :

MSI 880 (FX) Motherboard ( MS-7641 )
Kingston Hyper X 4 Gigabytes DDR3 RAM
Nvidia Quadro FX 1800 DDR3 768 Megabytes 192 bit GPU
Power Supply Jambo 500 Watt
Western Digital Blue 500 Gigabytes Hard Drive 16 Megabytes Cache

Windows 7 Ultimate 64 Bit Operating System

مع العلم ان الباور سبلاى الجامبو جاى مع الكيسة و هو تجارى طبعاً و ممكن أشترى واحد أصلى قريب

ملحوظة : بعد فتح الأنوية للبروسيسور كان الجهاز بيشتغل نص ساعة وبعدين تيجى شاشة الموت الزرقاء و تختفى بسرعة و الجهاز يعمل ريستارت .. لكن بعد ما ركبت كارت الشاشة الخارجى الكوادرو الجهاز معدش بيعمل ريستارت أبداً و مستقر و ما شاء الله عليه بخلاف ارتفاع درجات الحرارة .. و طبعاً أنا عارف انه كارت تصميم معفن و قديم و غير مخصص للألعاب لكنه شغال معايا زى الفل حتى على اعدادات ألترا فى باتلفيلد 4 بس ده ميمنعش انى مستعد أغيره لو سمحت الظروف بكارت من فئة GTX .

أرجو حل للمشكلة لأنى بقيت مش بلعب أى لعبة تقيلة خوفاً من درجات الحرارة العالية دى مع العلم أنى شغال على التردد الطبيعى للبروسيسور و مش عامل أى كسر للسرعة .

فى انتظار ردودكم الكريمة ..

Mohamed.Shams
07-02-2015, 14:57
97 مشاهدة و مفيش ولا رد !

المهم .. فى حاجة جديدة حصلت معايا .. أثناء لعب GTA IV لأول مرة اللعبة تقطع و الفريمات تقل حتى 9 فريمات .. وكنت عارف ان درجات الحرارة ارتفعت .. و فعلاً خرجت من اللعبة و لقيت ان درجات الحرارة ارتفعت بصورة جنونية حتى 76 درجة .. لكن فى مشكلة تانية محيرانى و عشانها مش بثق أوى فى قراءات درجات الحرارة لبرنامج HW Monitor و برنامج Speed Fan وهى ان بعد فتح أنوية المعالج أصبح أى برنامج يقرأ درجة حرارة الـ Core صفر و أحيانا 8 أو 12 و ده طبعاً غير منطقى .. انما أثناء تقطيع GTA IV لقيت درجة حرارة الكور أصبحت 255 درجة مئوية !! .. و كمان من أسباب عدم اقتناعى بقراءات درجات الحرارة للبرامج انى لما لمست مشتت البروسيسور و شباية البوردة و كارت الشاشة كانت الحرارة مش مؤذية للأيد .. يعنى مش عالية أوى زى القراءات ..

لو سمحتم أفيدونى .. هل فى خطورة على الجهاز ولا لأ ؟ .. و هل الجهاز طالما شغال وقت الضغط مستقر و مش بيقطع ولا بيعمل ريستارت يبقى مفيش خطورة و أكمل لعب عادى ؟!

مينا منتصر
07-02-2015, 15:21
غير الباور فورا!!!!!!!!!!! مينفعش تكسر بباور تجاري !!!!! هتحرق جهازك كله!

H_KIMO
07-02-2015, 22:50
أولا تحديث البايوس للوحة لأخر إصدار
ثانيا تغيير مزود الطاقة بأخر محترم
ثالثا مروحة تبريد محترمة مثل
Cooler Master Hyper 212 EVO
رابعا البرامج كثير بتبقى مش دقيقة

Mohamed.Shams
08-02-2015, 01:11
شكراً يا أستاذ مينا و يا أستاذ كريم على الردود :)

أولاً : البايوس مُحدّث لآخر اصدار

ثانياً : ان شاء الله بكره جايلى كيسة تبريدها ممتاز بس هتكون أوريجنال مش جديدة بالأضافة انى هركب مروحة اضافية حسب مرور تيار الهواء داخل الكيسة بس بعد ما اشوفها بكره بأذن الله هتكون عاملة ازاى ..

أما بالنسبة للباور فحاول أمشى نفسى باللى عندى لحد يوم الجمعة هجيب باور أوريجنال برده بس مش هيقل عن 430 وات و طبعاً الأوريجنال بيخرج الوات زى ماهو مكتوب عليه بعكس التجارى .. و ربنا يستر و الجهاز يكمل معايا لحد اليوم ده من غير ما يتحرق لأنى معنديش استطاعة أشتغل عالجهاز من غير الأنوية المفتوحة :D

و هغير معجون تبريد البروسيسور كمان .. انما مش هقدر فى الوقت الحالى أشترى أى مشتت احترافى ولا أى شىء من الكلام ده لأنى بلصم فى الجهاز كده بأقل التكاليف لأنى ممكن أروح شغل قريب مش هيخلينى أشوف الكمبيوتر أصلاً :D

ايه رأيكم فى الكام حاجة دول .. هل درجات الحرارة هتقل بعد ما أنقل الجهاز فى كيسة تبريدها كويس و أغير الباور و المعجون و أركب مروحة اضافية ؟

و هل درجة حرارة البوردة بالشكل ده ( 76 درجة ) فى وقت الضغط فيه خطورة على اللوحة ؟ و هل الدرجة دى هتتغير بعد الأجراءات اللى هعملها ؟

و شكراً ..

Mohamed.Shams
08-02-2015, 01:23
و بالنسبة للبايوس الخاص بالبوردة فهو مُحدّث لآخر اصدار من فترة

Mohamed.Shams
08-02-2015, 01:25
و كنت عايز أعرف ايه هى درجات الحرارة الطبيعية للبروسيسور و البوردة اللى عندى