المساعد الشخصي الرقمي

مشاهدة النسخة كاملة : سؤال بخصوص compucity mall بالمهندسين


Lt.Price
12-02-2015, 03:25
اولا اسف لو القسم مش مناسب للموضوع بس انا مش عارف أسأل فين
انا عندي مشكلة ريستارت كبيرة جدا في جهازي ملهاش علاقة بالحرارة وشاكك أن المشكلة في ال power supply أو ال motherboard بس طبعا معنديش قطع بديلة من دول اجربها على الجهاز للتأكد... ف كنت عايز اعرف لو فيه محل صيانة أو ايا كان في المول ده لانه أقرب حاجة ليا. عايز أودى الجهاز هناك عشان اجرب عليه motherboard / power supply تانيين واعرف المشكلة فين بالظبط. شكرا مقدما على أي إفادة :)
phenomenon
12-02-2015, 07:25
هو القسم المناسب فى قسم الشكاوى + اكتب مواصفات جهازك بالتحديد + هل الباور تجارى وكام وات وهل فى كارت شاشه خارجى وامتى المشكله ظهرت تحديدا هل فكيت الجهاز وركبته هل اشتريت حاجه زياده فى الكيسه رامات مثلا او هارد
هل حاولت تحدث بيوس البورده يعنى ليه شاكك فى البورده او الباور ولا هل غيرت نسخه الويندوز لنسخه اخرى هل حاولت تشوف ال Event Log من قائمه كونترول بانل لاخر مهمام الكومبيوتر ورساله الخطا اللى سببها الجهاز عمل ريستارت
Lt.Price
12-02-2015, 07:38
لا يا باشا انا بس عايز اعرف اي محل صيانة في المول عشان اخليه يجرب على الجهاز قطع مختلفة ونشوف العيب في ايه. صدقني مفيش اي نوع من ال troubleshooting انا معملتهوش
الجهاز كان شغال تمام لمدة شهور بس بدأ يعمل ريستارت فجأة من غير ما اغير اي قطع ومش بعرف افتحه اكتر من 3 دقايق من غير ما يعمل ريستارت. ف بطلت افتحه اصلا عشان احافظ على كارت الشاشة وهكذا. :)
المشكلة غالبا في الباور. هو مش ضعيف أو تجاري رديء بس هو بقاله كتير جدا معايا.
phenomenon
12-02-2015, 09:10
اها احتمال كبير تكون مشكله باور اما بخصوص التاكيد شيل الباور فى ايدك وانزل اى شركه بتتعامل معاها يكون فيها قسم للصيانه او للتجميع او مش بتتعامل معاها وقولهم انا بتعامل معاكوا ( كدبه بيضه بس عشان يتحملوك ) وقولهم عايز اعرف الباور ده شغال كويس ولا لا لانه الجهاز بيفصل عندى كل خمس دقايق
Lt.Price
13-02-2015, 19:54
اها. مفيش حد عنده اي حل تاني؟ :/
اصل الباور OCZ يعتبر ماركة مبقتش تتباع ف مصر دلوقتي :D
phenomenon
14-02-2015, 04:58
OCZ ماركه محترمه جدا لكن الوكلاء فى مصر مشبيتعاملوا فيه زيه زى Be Quite, Super Flower ,Enermax , Roswill بس عموما عندنا ماركات محترمه بردو
بس ممكن لو باورك بقاله 7 ولا 10 سنين شغال يكون بيبطلع فى الروح خلاص
Lt.Price
14-02-2015, 05:07
ههههههه اه. من 2010 أو 2009. 99% ده اللي بيحصل بس اكيد انا مش هحلها ب اني اخمن واجيب واحد جديد :D
عموما شكرا يا باشا انا هبقى اروح أسأل هناك ان شاء الله.
phenomenon
14-02-2015, 06:04
قدر الله وما شاء كان ... بالتوفيق