محتاج رايكم

[hemahem]

السلام عليكم ورحمه الله وبركاته

انا جديد فى المنتدى معاكم ومحتاج كارت شاشة يكون كويس ويشغل العاب عالية ومحتار فى ناس بتقول nvidia وناس بتقول amd فياريت اعرف منكم انهو الاحسن بالظبط وميزانيتى فى حدود 2500 وفى كارت r9 280 ياترى كويس ولا لا

وشكرا ليكم

[phenomenon]

وعليكم السلام ورحمه الله وبركاته ... اهلا ومرحبا بك معنا ... يارتيت تذكر باقى مواصفات جهازك ... حتى نتاكد من قوه المعالج وجوده الباور سبلاى

[hemahem]

شكرا لحضرتك على ردك واهتمام وعلى ذوقك

والله البروسيسور انتل كور3 2120 3.30gh

رامات 4 وهزودها كمان 4 يبقا 8

هارد 1 تيرابايت

البورده جيجا بايت h61m s2p

الباورmiracle lga 650 w

[phenomenon]

تحت امرك يا اخى الفاضل ...

بخصوص الباور ماركته للاسف غير جيده ولا يعتمد عليه اطلاقا بالاضافه انه من الممكن ان يكون مفتقد لكابلات ال 6 + 8 pin المسؤله عن باور الكروت ولذلك اول نصيحه شراء باور احترافى من ماركه محترمه
البروسيسور جيد ولديه اربع خطوط معالجه ونواتان ويعتمد عليه ولكن الافضل محاوله ترقيته لمعالج رباعى زى I5-2500 لضمان الحصول على افضل اداء واستنفاذ كامل طاقه الكارت

Seasonic SS-600BT Eco Series / 600W = 525 le (https://store.arabhardware.net/hardware/power-supplies/seasonic-ss-600bt-eco-series-600w.html)
MSI Radeon R9 280 GAMING / 3GB = 1900 le (https://store.arabhardware.net/hardware/video-cards/msi-radeon-r9-280-gaming-3gb.html)


القطع السابقة متوفرة بمتجر عرب هاردوير .. يمكن الشحن الى مكانك .. لمعرفة كيفية الطلب من المتجر من
هنــا

(https://arabhardware.net/forum/showthread.php?t=397787)

[hemahem]

طيب معلشى ممكن تجميعه جهاز كدا كور اى 7 بكارت شاشة عالى ببروسيسور عالى برضه

[phenomenon]

طيب معلشى ممكن تجميعه جهاز كدا كور اى 7 بكارت شاشة عالى ببروسيسور عالى برضه

كل شىء مبنى على الميزانيه المقترحه ولكن انت لست بحاجه الى ضغط نفسك الى معالج I7 ان كانت الميزانيه لا تسمح واللوحه الام لديك جيده والمعالج من جيد الى جيد جدا حتى الان وراماتك جيده نسبيا الان مع زيادتها 4 جيجا فى القريب اذن انت فى الامان
ولكن ان كنت مصر التزم بالنموذج ده فى مشاركتك الاولى عن طريق تعديل المشاركه

محتوى الموضوع :

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )
ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

[hemahem]

والله متشكر على ردك وعلى اهتمامك وانا كنت بفكر اشترى كيسة بس عشان عندى شاشة led 19
فكنت محتاج اعرف يعنى جهاز كويس كور اى 7 وكارت شاشة عالى زى اللى انا كتبته ورامات اد ايه وتقولى مثلا فى حدود من 8000 الى 9000
ولو هتقل على حضرتك معلشى ممكن تقولى بس لو على الجهاز اللى قولتلك عليه فى اول الموضوع اجيب كارت شاشة ايه يمشى معاه دلوقتى وفى نفس الوقت يكون كويس ويشغل العاب بصورة كويسة ويكون حديث اجيب ايه

[hemahem]

محتوى الموضوع :


نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!


- أقصى ميزانية محددة: من 8000 الى 9000
- استخدامك للجهاز:للالعاب
- حجم الشاشة و الدقة (Resolution) التي تستخدمها:​شاشة led 19
- القطع التي تنوي شراءها:كارت شاشة بروسيسور باور سبلاى
- القطع التي ستعيد استخدامها من الجهاز القديم: الرامات والهارد
- ميعاد شراء الجهاز: مافيش وقت محدد
- مكان الشراء:المنصورة
- محل سكنك:المنصورة

[phenomenon]

يا راجل يا طيب .. انت تايهه ليه بس ؟
خلى موضوع تجميع جهاز جديد وقت ماتتوفر معاك كامل الميزانيه ( متظلمشى نفسك ) وربما يكون فى اشياء اخرى احدث نزلت ويكون فى موضوع جديد مع الاهتمام ببنود التجميع حتى لا تعرض نفسك للمخالفه
بخصوص كارت شاشه يمشى التجميعه بتاعتك : الكارت اللى انا ذكرتهولك ممتاز ويمشى بدون اى مشاكل لفتره جيده مع الالعاب على اعدادت جيده جدا ومن الممكن R9-270X ايضا يمشى
بخصوص الباور : الباور بتاعك لا يصلح لاى كارت شاشه عالى ولذلك اهتم بالباور سبلاى يكون من ماركه معروفه مخصصه لصناعه مزودات الطاقه
ثانيا انا واثق ان مفيهوش كابلات 6 او 8 pin المسؤلين عن باور كارت الشاشه نفسه يعنى اى كارت شاشه عالى للالعاب بيحتاج باور سبلاى اصلى عشان بيحتاج كابلات 6+8

https://i01.i.aliimg.com/wsphoto/v0/521876667/free-shiping-from-factory-6-pin-to-8-pin-adapter-power-cable-PCI-E-graphic-card.jpg

https://www.techpowerup.com/reviews/MSI/R9_280X_Gaming/images/power.jpg

مينفعشى انصحك بكارت قوى وبعد ماتشتريه ماتقدرشى تشغله !!

[hemahem]

طيب معلشى واخر حاجة اجيب كارت شاشة ايه مع باور سبلاى ايه وهشترى الباور مع الكارت ومعلشى طولت عليك

[gasan12412]

الله يعطيكم العافية

[sherif_ahmed]

طيب معلشى واخر حاجة اجيب كارت شاشة ايه مع باور سبلاى ايه وهشترى الباور مع الكارت ومعلشى طولت عليك

https://store.arabhardware.net/gigabyte-geforce-gtx-760-2gb-gv-n760oc-2gd-ddr5.html
https://store.arabhardware.net/hardware/power-supplies/xfx-ts-series-ts-550w-12v-2-91-80-plus-bronze.html

ممكن أيضاً المذكورين في الأعلي
يفضل إستبدال المعالج بآخر رباعي النواة