استفسار بخصوص كارت التصميم ATI Firepro V8800

[Mohamed.Shams]

السلام عليكم و رحمة الله و بركاته ..

كنت عايز أعرف هل الكارت ده ATI Firepro V8800
و المعروف انه كارت تصميم من انتاج 2010 مبنى على كارت الألعاب HD Radeon 5870
هل أداؤه كويس فى الألعاب التقيلة ؟

مع العلم انه معروض عليا للبيع بسعر 1000 جنيه مستعمل

و من مواصفاته انه :

2 جيجا

GDDR 5

DirectX 11

Pixel Shader 5.0

Open gl 4.2

1600 Stream Processors

256 Bit

و استهلاكه للباور 225 وات

أنا عارف انه كارت جبار فى مجاله و هو تصميم الجرافيكس و برامج الريندر و غيرها لأنه كارت احترافى .. لكن أداؤه فى الألعاب هيكون ايه ؟ و هل سعره كده يبقى غالى ؟

فى انتظار ردود الخبراء لأنى محتار جداً

[H_KIMO]

الكارت أداؤه جيد وسعره معقول مش وحش
بس إنت ممكن تشترى كارت ألعاب ب 1000 أفضل
مالم تكن بتشتغل برامج تصميم برده

[Mohamed.Shams]

أولاً شكراً يا أستاذ كريم ..

أنا مش بشتغل على برامج تصميم و كنت عايز أشتريه عشان الألعاب , لكن حضرتك بتقول ان بالـ 1000 جنيه دول أقدر أشترى كارت ( ألعاب ) أفضل .. و هنا السؤال .. هل الكارت ده أداؤه يوازى أداء كروت الألعاب من الفئة بتاعته .. ولا التفوق لكروت الألعاب عشان ده مجالها ؟

و بالمناسبة .. أنا قدامى كارت 5870 مستعمل بـ 850 جنيه و طبعاً هو نفس مواصفات الفاير برو V8800 لكن بذاكرة واحد جيجا بدل اتنين و اختلاف شوية فى الكلوكات و طبعاً انتاج 2009 .. لو قارنا الكارتين .. ياترى التفوق هيكون لمين فى الألعاب التقيلة ؟

[phenomenon]

انا رايى من رايى الاخ كريم لكن هى متوقفه على حاجه واحده بما انك مش محتاجه عشان برامج التصميم
اذا كان الريزلوشن بتاعك اقصاه 1080 اذن لا داعلى لكروت الفايروبرو
واكتفى بكارت 5870 بالاضافه لنقطه هامه ان درايفرات GTX or HD Radeon بتكون افضل من حيث تدعيم الالعاب وتحقيق نتيجه افضل
او ممكن تفكر فى GTX 570 or GTX 580 اذا كان المعالج معقول والباور بتاعك كافى لانهم فى رنج 900 الى 1100 بردو على حسب علمى

[Mohamed.Shams]

انا رايى من رايى الاخ كريم لكن هى متوقفه على حاجه واحده بما انك مش محتاجه عشان برامج التصميم
اذا كان الريزلوشن بتاعك اقصاه 1080 اذن لا داعلى لكروت الفايروبرو
واكتفى بكارت 5870 بالاضافه لنقطه هامه ان درايفرات GTX or HD Radeon بتكون افضل من حيث تدعيم الالعاب وتحقيق نتيجه افضل
او ممكن تفكر فى GTX 570 or GTX 580 اذا كان المعالج معقول والباور بتاعك كافى لانهم فى رنج 900 الى 1100 بردو على حسب علمى

أنا بستخدم شاشة ديل 19 بوصة يعنى الريزوليوشن هتكون 1440 فى 900 أما بالنسبة لأمكانيات الجهاز فهى :

Phenom II X4 B55 3.2 gh 7m cacheو هو فى الأساس اكس 2 لكن أنا فاتح أنويته

و البوردة MSI 880 AM3 FX

و الرامات 4 جيجا كنجستون DDR3 1333

و الهارد 500 ويسترن بلو 16 ميجا كاش بالأضافة لهارد 160 ماكستور

و الكيسة تبريدها ممتاز لأانى مركب مراوح اضافية

أما الباور هغيره ان شاء الله بواحد أصلى لأن اللى عندى جامبو صينى 500 وات

ده بالنسبة للأمكانيات .. أما عن نصيحتك فأنا مقتنع بيها جداً لأن فعلاً الدرايفرات ليها دور مهم جداً .. لكن طالما هصرف نظر عن الفايربرو يبقى مش هجيب الـ 5870 ولا أى كارت ATI و هتجه للأنفيديا لأنها بتتفوق على الأى تى آى خصوصاً فى الدرايفرات .. لكن المشكلة ان مفيش كروت قدامى غيرهم :(

حضرتك بتقول الـ GTX 570 ده سعره جديد ولا مستعمل ؟

و ايه رأيك فى GTX 460 ؟

[phenomenon]

تمام امكانياتك جيده لاى كارت اتذكر فى الموضوع وانت هتجيب الباور يبقى تمام
بخصوص الاسعار : انا اقصد مستعمل هيكون فى الرنج ده
بخصوص الريزيلوشن بتاعك ممتاز وهيكون اداء اى كارت بزياده على الاقل 20 الى 30 اطار عن ريزلوشن 1920 المعتمد عليه فى المراجعات
بخصوص تفكيرك فى Nvidia انا افضل انفيديا عشان الدرايفرات بالرغم انى اشتغلت على AMD سنوات بدون مشاكل والحمد لله كان ادائه كويس جدا معايا
اما عن GTX 460 الكارت جيد ويعتبر منافس ل 5850
لكن من راي انتظر وجيب GTX 570 عشان BF4+Shadow Mordor وللمستقبل عشان GTA V قربت لو منتظرها تعرف تلعبها على اعدادت معقوله

[H_KIMO]

أنا مش معاك خالص فى موضوع النفيديا وال AMD وخصيصا التعريفات فالأخيرة تتفوق الان ودعم المانتل ميزة رائعة وبرأىى 5870 كارت ممتاز بالسعر ده

[Mohamed.Shams]

المشكلة ان اللى معروض قدامى قليل و فى نفس الوقت الميزانية محدودة و كمان انا مش هستعمل الجهاز الا شهرين أو تلاتة عشان هدخل فى الشغل و مش هشوف الجهاز تانى أصلاً :D

اللى معروض قدامى التالى :

GTS 450 1G GDDR5

HD 6750 1G GDDR3

HD 5870 1G GDDR5

و على فكره سعره طلع 1000 مش 850 زى ماكنت فاكر

و آخر كارت هو : V8800

طبعاً أقوى كارت فيهم بلا شك الـ 5870 لكن مش سعره غالى شوية بـ 1000 ؟

و تقنية المانتل نزلت خلاص فى كروت ATI ولا لسه ؟

أنا سمعت انها هتزود أداء الألعاب على الكروت بنسبة أكتر من 45% هلى الكلام ده فعلاً صح ؟ و هل ينطبق على الكروت القديمة زى الـ 5870 ؟

[Mohamed.Shams]

محدش جاوب عليا بخصوص المانتل ؟
أأنا احتمال كبير أشترى GTX 460 1 GDDR5
لكن لو المانتل جامد للدرجادى ممكن اتجه لـ ATI فوراً

[Mohamed.Shams]

يا جماعة أنا ممكن أشترى كارت الـ Firepro V8800 للألعاب .. كنت عايز أعرف أقصى سعر أدفعه فيه كام ؟

و أنا جبت باور أصلى Huntkey V-Power LW-6450HG 450 Watt

هل هيكون كافى لتشغيل الكارت ده بكفاءه ؟ مع العلم ان الكارت استهلاكه للباور 225 وات .. أرجو الأفادة

[phenomenon]

اخى كارت 5870 غالى على 1000 جنيه امال كارت 7850 حاليا بكام ؟
امامك كارت GTX 560 TI وسعره فى رنج 800 جنيه
الباور لا يصلح اخى ( يصلح على ضمانتك الشخصيه )
تقنيه Mantle تى الان لمعماريه GCN او Graphic Core Next وهى محدوده على كروت فئه R9-2xx او HD 7000 او HD 8000
وبالفعل تحقق افضليه بفرق 45% فى لعبه BF4 عند تفعيلها كما اشارت بعض المصادر والعاب معينه هى التى تستفيد منها

[Mohamed.Shams]

أنا بتكلم على كارت Fire Pro V8800 اللى مواصفاته فى المشاركة الأولى ..

أما بالنسبة للباور مش هينفع فى كارت معين ولا مش كويس و مش هينفع مع أى كارت ؟!

[Mohamed.Shams]

شوف المقارنة دى .. GTX 560 ti Vs Radeon HD 5870

https://www.hwcompare.com/8915/geforce-gtx-560-ti-vs-radeon-hd-5870/

طبعاً الموقع مش حاطط كروت تصميم فى المقارنة عشان كده حطيت الـ 5870 لأنه الأقرب لـ V8800 رغم ان الأخير بيتفوق فى مساحة الرام 2 بدل 1 وفى كل شىء ماعدا الكور سبيد أقل 25 ميجا و الرام سبيد 50 عن الـ 5870 .. و رغم كده كارت 5870 الأضعف من V8800 تفوق على الـ GTX 560 ti فما بالك لو تمت المقارنة بوجود الـ V8800 !!

[phenomenon]

انا مقولتش اخى ان 560TI ينافس 5870 ولكن المنافس لكارت GTX 560TI كارت 5850
لكن انا بحاول اقربلك المسافه لرنج الميزانيه وللاداء الجيد
بالاضافه اخى موقع HWCompare ميعتمدشى عليه لانى اقدر اعرف مواصفات الكارت من موقع الشركه
الخصائص فى مقارنه انواع مختلفه ليس لها معنى اخى ويجب مقارنه الاداء الفعلى فى التطبيقات الحقيقيه
انظر لتلك المراجعه وتعلم الفوارق بالتحديد
https://www.anandtech.com/bench/product/511?vs=547
ايضا تقدر من نفس الصفحه اختيار اى كارتين وروؤيه النتائج ليهم
ولكن نصل للاتى ماتستطيع حصوله على كارت GTX 560 تستطيع حصوله على HD 5870 وما لاتستطيع تحقيقيه على اى منهم لن تستطيع الحصول عليه على الاخر
يعنى اذا وجدت لعبه تعمل بسلاسه على HD 5870 ستعمل بسلاسه ايضا على GTX 560TI على نفس الاعدادات ونفس ابعاد الشاشه خاصه وان كان كلاهم نفس الميمورى

[Mohamed.Shams]

طيب ده بالنسبة للـ 5870 .. بالنسبة بقى للفاير برو V8800 اللى نظرياً أعلى منه .. رأيك ايه فيه مع الألعاب .. و ايه أقصى سعر يتدفع فيه ؟

[H_KIMO]

هيبقى أداؤه مع الألعاب أقل قليلا من 5870 وأعتقد برده 850 جنيه سعر جيد

[phenomenon]

انا رايى انه كارت تصميم مش للالعاب وفى الحاله دى 5850 او 5870 او 560 او 570 خيارى الافضل
نصيحه شخصيه اشترى كارت Radeon or Geforce ولكن لك كامل الحريه فى اختيارك الاخير

[Mohamed.Shams]

شكراً على الأفادة .. بس ايه أقصى سعر يتدفع فيه ؟

المشكلة انه أقوى كارت متاح قدامى و مش هضطر أسافر عشان أشتريه

[phenomenon]

انت مصمم بردو ومش عايز تاخد بالنصيحه
اول ماتلاقى مراجعه ليه بتوضح ادائه بالالعاب وقتها ممكن نخمن هو يستاهل كام :)
اما فى حال ملقتش مراجعات ليه يبقى بتشترى سمك فى مياه وهذا اقرب تحليل بمعنى
هل انت واثق انه بيشغل
Crysis 3 + Tomb raider + Hitman + FIFA + Dishonored + Far cry + Shadow of Mordor + BF + Batman + Metro
اذا كنت واثق فى تشغيل الالعاب دى بسلاسه فحاول تعرف هو بيحقق كام اطار وعلى اعدادات ايه ( هذى هى طريقه المقارنه اخى ( اسرع وانسب طريقه فى حالتك ) لتخمين سعره )
لكن معروف ان كروت التصميم تحقق اقل من كروت الالعاب الموازيه لها فى الخصائص ورنج سعر المصنع
مش هيفيدك الا اى شخص معاه الكارت ومجربه او حاول تبحث عن فيديوهات على اليويتوب للالعاب على نفس الكارت وشوف نتائج الفيديوهات ايه

[zoro00]

للنصيحه الكارت 5870 سعره غالى جدا جدا ومبالغ فيه ومتشترهوش بالمبلغ دا خساره جدا
وحتى لو على 850 غالى جدا

انا لسه بايع كارتى من شهر 6870 اعلى منه طبعا ب 500 جنيه مستعمل والمحل اللى اشتراه منى باعه على 700 انا طبعا بعته بالسعر دا لانى كنت مستعجل ودخلته فى بدل بكارت اعلى كان سعره ممتاز برضه

الكارت 5870 اخره 600 جنيه مستعمل ميزدش عن كدا

انا ممكن ادلك على شخص بيبيع مستعمل وحجات كويسه جدا واسعاره جيده لو مهتم راسلنى على الخاص

[Mohamed.Shams]

أولاً شكراً لردودكم و أنا بستفيد منكم أكيد .. و مش مصمم ولا حاجة .. هو بس المشكلة انه أفضل المتاح حالياً قدامى فى بلدنا بس احنا لو هنقارن كارت زى ده مع الكروت الأخرى المستعملة حتى لو كانت كروت مخصصة للألعاب بتكون من اللى بتنزل السوق عندنا هنا فى مصر و أنا بصراحة مش بثق فى صناعتها ولا عمرها الأفتراضى بعكس كارت زى ده V8800 خارج من جهاز أوريجنال أكيد صناعته غير اللى بينزل هنا خالص .. بالأضافة ان شركة ATI بتصنع الكروت الفايربرو من خامات أعلى و بأتقان أكبر للعمل الشاق وكمان الكارت High End لأنها بتستهدف بالفئة دى من الكروت فئة المحترفين زى مصممين الجرافيكس و حتى الشركات و المؤسسات الحكومية و حتى الطبية و الهندسية لأن الكروت دى ليها استخدامات أكبر بكتير من الألعاب و ده بيفسر سعره المبالغ فيه جداً واللى الشريحة المُستهدفة من بيع الكارت ده مستعدة تدفعه .. أنا قرأت عنه لقيته أول ما كان نازل فى أبريل 2010 كان بـ 1500 دولار !

و أظن أنه كان واخد لقب أسرع معالج رسوميات فى العالم وقتها ..

الفكرة بقى من كل ده ان الكارت ده خامته عالية .. و بالنسبة للسعر أنا كنت هدفع فيه من 700 الى 750 و أقصى شىء 800 و لو مرضيش مش هدفع أكتر من كده

[Mohamed.Shams]

و بالنسبة لأداء كروت التصميم مع الألعاب أظن انه مش بالصورة المزعجة دى اللى الناس بتحذر منها .. ممكن بس موضوع السعر الغالى بتاعها و اللى ممكن نشترى بيه كارت ألعاب ( بس هو فين ؟ ) فى حالتى لأن أنا معنديش استعداد أسافر بلد تانية عشان أشترى كارت و معرفش ايه اللى هكتشفه بعد كده فيه ( تجربة واحدة على كام لعبة لا تكفى ) .

يعنى مثلاً أنا عندى كارت ضعيف جداً برضه كارت تصميم اسمه Nvidia Quadro FX 1800 768 mb DDR3 192 Bit

و مشغل عندى معظم الألعاب على ألترا زى باتلفيلد 3 و 4 و فار كراى 3 و The Run و Rivals و GTA IV بمود ENB و Tomb Raider على أعلى اعدادات ماعدا خيارات تنعيم الحواف زى MSAA فى باتلفيلد 3 و 4 و فار كراى 3 بس و الكلام ده فى معظم الألعاب و على دقة 1440 * 900 والأطارات حوالى 25 فى المتوسط .. فما بالكم بكارت زى V8800 بكلوكات أعلى و ذاكرة 2 جيجا و دايركت اكس 11 و GDDR5 ؟!! ده اللى أنا مستغربله !!

[Mohamed.Shams]

أنا محتاج توضيح فى نقطتين :

1- الباور اللى عندى الـ Huntkey V-Power 450 Watt ليه وحش ؟ و هل يقدر يشغل كارت الـ V8800 ؟

2- و الكارت ده بـ 800 يبقى سعره حلو ؟

[phenomenon]

جواب رقم واحد : مش وحش اخى ولكن لايعتمد عليه لانه وهمى او غير حقيقى فى تقديم الوات المكتوب على الملصق بتاعه
هذا الامر معروف عن الباورات التجاريه المصنعه من شركات مجهوله وتقليب فى اللى ملهاش فيه
الباورات المعروفه :
Seasonic + Corsiar + Evga + Be Quite + Enermax + Antec + XFX +
Roswell + NZXT + SuperFlower + Silverstone + Fractail + Lepa + FSP + KingWin
Thermaltake + CoolerMaster + Zalman
حتى الباورات اللى فاتت لما بنيجى نشتريها بالرغم انها لشركات محترمه بنبدا نتاكد من مراجعاتها الاول من مصادر موثوقه فى مراجعات الباور
هل فعلا الباور كفائته عاليه هل من الفئه البرونزيه او الذهبيه او خلافهم هل هقدر اكسر سرعه المعالج او الكارت عليه هل هل هل كل الاسئله اجوبتها بتكون فى المراجعات
لان حتى الباورات التى تاتى من ماركات مشهوره ايحانا بتقلب بردو عشان تقدم سعر ممتاز للمستهلك وخدمات افضل وتكون على حساب الخامه والجوده
لكن عموما دى المراكات اللى صناعتها حديثه وخامتها معروفه وتقدر تعتمد عليها بالرغم ان فى بعض الانواع الاخرى التى تستخدم مصانع مخصصه لصناعات الطاقه القويه
ولكن تضع اسمها على المنتج كمثال لباور Corsair HX 750W مثلا يستخدم شركه Seasonic لصناعه اغلب مكوناته الداخليه بنسبه 99% ولكن يضع اسم Corsair على علبته وللاسف
لن تجد باور Huntkey مصنف ضمن قوائم الباورات اللى بتقدم وات حقيقى وثبات فى الفولتيات وكفائه فى العمل وقدره على التحمل ولكن اختيار الباور امره بسيط بالنسبالك

انا شايف ان احد الاخوه بيقولك الكارت مش يستاهل اكتر من 600 جنيه انت محتاج حد يريحك فقط لاغير عشان تشتريه وطالما ليك خبره فى كروت الاعمال بتشغيل الالعاب اشتريه
وانا مش فاهم بما انك عايش فى مصر يعنى ايه خايف تسافر : انت بتتكلم عن 800 جنيه مش 80 ولا 8 جنيه وممكن يتعوضوا فى يوم وليله
انا بلاحظ الناس فى المنتديات الاجنبيه بيدققوا جدا على فرق 10$ ,وممكن يخدوا الارخص او الاغلى لكن كل شىء بقيمته وصحيح الجنيه مش بقيمه الدولار لكن بسبب مسؤليات الحياه
لازم يكون ليه قيمه اما لو عايز تستسهل اكتر تابع مواضيع البيع فى قسم البيع بين الاعضاء وفى ناس كتير محترمه وسمعتها كويسه وانا بتعامل مع اغلبهم بدون خوف وبيعطولك مهله
تجرب الكارت اسبوع لو مش معاه ضمان لكن عموما مع الباور بتاعك انت ممكن تخسر اى كارت وهذا رايى الشخصى بالموضوع )

[Mohamed.Shams]

شكراً لحضرتك على التوضيح و الأفادة .. يعنى لا كارت نافع ولا باور .. أنا فى مأساه :D

أنا كنت بحثت فترة عن الباور ده على النت و لقيت انه فعلاً مش بيخرج الـ 450 وات كلهم .. لكن بيخرج 386 كحد أقصى على ما افتكر .. و المواقع الأجنبية بتقول عنه انه بور جيد لكنه من ماركة غير مشهورة و رخيص السعر .. مع العلم انه كان فى كيسة أوريجنال و بالنسبة لوزنه فهو تقيل جداً و خامته تحس انها محترمة .. و اللى لفت انتباهى كمان جودة وصلاته .. و خارج منه وصلة 6 بن و وصلة 4 للكروت ..

و كمان أنا كاسر سرعة البروسيسور لغاية 3.7 جيجا هرتز بدل 3.2 و فاتح الأنوية المقفولة و هو من نوع Phenom II X2 555 Black Edition كاش 7 ميجا

و بعد فتح الأنوية بقى Phenom II X4 B55 و استهلاكه للطاقة زاد من 80 الى 159 وات والنظام ثابت و مستقر بدون أى مشاكل الحمد لله .. و كمان كنت كاسر سرعة كارت الشاشة و درجات الحرارة مقبولة ( لكن رجعت للتردد الطبيعى للبروسيسور بعد ارتفاع درجات الحرارة خاصةً للشباية فى البورده و كانت بتعدى الـ 60 درجة فخفت على اللوحة و رجعت للأمان ) .

الخلاصة : حضرتك شايف انى أغير الباور؟ و حضرتك لا تنصحنى بالكارت V8800 ؟

[Mohamed.Shams]

أنا لقيت فيديو للعبة متجربة على Firepro V8800 بس لعبة ضعيفة نسبياً .. هى Call Of Duty Black Ops II و لو لاحظت فى وصف الفيديو الراجل بيلعب على معدل اطارات 130 الى 145 اطار فى الثانية .. و بيوضح ان معدل الاطارات اللى ظاهر فى الفيديو ده عداد خاص باللعبة و مش دقيق لأنه ظاهر 9 فريمات و حاجات زى كده لكن بيقول ليكم حرية التصديق ان اللعبة بالشكل ده بتعطى 9 فريم :D

ده رابط الفيديو :

https://www.youtube.com/watch?v=ptvsKwGafP4

[phenomenon]

كلامك عن الباور كويس لكن انا منصحكشى بالكارت اخى طالما الاستخدام العاب فقط وانا شايف ان اراى الناس من نفس رايى ولا انت شايف ايه

[Mohamed.Shams]

يعنى كده الباور تمام .. طيب ايه أقوى كارت ينفع يشتغل عليه ؟

و بالنسبة لآرائكم فى الكارت الـ V8800 أنا أكيد هاخد بيها .. لكن فى أخ محترم فى الردود قال ان الكارت ده أداؤه فى الألعاب أقل بقليل من الـ 5870 يعنى لو كده يبقى مش وحش أوى خصوصاً لو عرفت أشتريه بسعر معقول ..

أثناء بحثى فى بعض المنتديات الأجنبية عن أداء الكارت فى الألعاب .. لقيت حد بيسأل ( ياترى كارت الـ V8800 هيكون ايه فى الألعاب ؟ ) فرد عليه حد و قاله العبارة دى (
Using a Firepro V8800 for gaming is like using a 980X to play Pac-Man ) يعنى استخدام الكارت ده للألعاب كأنك بتستخدم بروسيسور Core i7 980X عشان تلعب لعبة ( باك مان ) .. و لما بحثت عن اللعبة دى لقيتها لعبة من التمانينيات يعنى لعبة ماريو أحدث منها :D

معنى كلام الراجل ان الكارت خارق فى الألعاب !

تفتكر الوضع بالشكل ده ؟

[zoro00]

لا انتا فهمت التعليق دا غلط
المقصود بالتعليق دا انه كروت المصممه مع الاجهزه الاورجنال الخاصه بالتصميم والجرافك بتبقى عاليه فى التكلفه جدا عن الكروت اللى خاصه بالالعاب
بمعنى ممكن تجيب كارت خاص بالالعاب بسعر ارخص كتير جدا من المخصص للجرافك بالتصميمات وبيعطى نفس الاداء مع الالعاب
فبيديله مثال بيقله كانك جايب بروسيسور عالى جدا ودافع فيه مبلغ كبير جدا علشان تشغل عليه لعبه تعبانه مش مستاهله كل اللى دفعته

يعنى خلاصه النصيحه بيقله ابعد عنه واشترى كارت خاص بالالعاب اوفر لك وهيعطى نفس الاداء

[Mohamed.Shams]

جميل .. طيب بخصوص الباور .. هيقدر يشغل كارت استهلاكه للطاقة 225 وات و الكلام ده ؟ و لو الأجابة بـ لا .. ايه أقوى كارت يشغله الباور بتاعى ؟

للتذكير : الباور من نوع : Huntkey V-Power
LW-6450HG 450 Watt