سوف انتقل من الايفون 5 الى النوت 4 وعندى كام استفسار

[omar9084]

سوف انتقل من الايفون 5 الى النوت 4 وعندى كام استفسار
طبعا ios مفيش اسهل منة + الخفة والسرعة وكل حاجة بس انا زهقت من سياسة ابل بصراحة
وعايز اجيب النوت 4 وفى نسختين منة اية هى افضل نسخة مع انى هجيبة من الامارات
ولية الاندرويد وسامسنوج بالذات بعد فترة الموبايل بيبقى بطئ ويهنج !
وما هى الرومات والكلام دة (زى الجليبريك فى ios )

[DoRo]

النوت 4 فيه منه 3 اصدارات
نسخه 4 جي ونسخه عاديه ونسخه شريحه مزدوجه
جميع النسخ ذاكره داخليه 32 جيجا .. ماعدا الشريحتين نازل 16 جيجا
حسب كلام موقع GSM ان اصدار ال4 جي هيتحدث للآخر نسخه (لولي بوب)
باقي المواصفات كلها واحده


ليه الاندرويد بعد فتره وخاصه السامسونج بيهنج :

دي بصراحه بعتبرها عيب استخدام
مع الوقت المستخدم بينزل تطبيقات كتير والعاب
واغلبها مش بيستخدمه الا قليل جدا
وده طبعا بيسحب من الرامات ومن الذاكره الداخليه .. ف طبيعي ان الجهاز مش هيشتغل بكفاءه زي الاول
وطبعا بيكون فيه ملفات الكاش واخده برضه مساحه من الذاكره وبتاثر على قدره تشغيل الموبيل
لازم ع الاقل عمل اعاده تشغيل للموبيل مره كل 3 او 4 ايام .. عشان لو فيه اي مشكله تتحل بعد اعاده التشغيل
كارت ميموري من النوع السيئ .. اكيد برضه هيأثر على الموبيل

الرومات :
فيه منها نوعين ..
روم رسمي وده بينزل من الشركه نفسها
بيكون اما سوفت وير تحديث لنسخه الاندرويد نفسها
او تحديث للكرينال (العامل الاساسي للربط بين السوفت وير والهارد وير) .. سواء كان تحسين قدره البطاريه او جوده الصوت او تحسين الجرافيك او مشكله سخونيه الجهاز ... الخ

النوع التاني بيكون اسمه روم مطبوخ .. او روم معدل
ده بينزل عامتا للاجهزه اللي مالهاش تحديث جديد
او جهاز ليه تحديث بس مع اضافه مميزات معينه او الغاءها
بس طبعا بيكون ليه مشاكل كتير
وبرضه بيلغي ضمان الجهاز

[omar9084]

معنى ذلك انى استخدم برنامج Samsung Kies لكى احدث الاندرويد ؟ بطريقة رسمية

[DoRo]

بالظبط كده .. او برنامج الاودين مع تنزيل روم رسمي (اذا كان الهاتف سامسونج)

[omar9084]

تمام شكرا ليك