اسفسار بشان ايبي الجهاز

[الفواخيري]

السلام عليكم ورحمة الله عندي خطين تليفون عليهم خدمتين نت واحد 1 ميجا والتاني برده 1 ميجا عايز اعرف هل الايبي بتاع جهازي علي الخط الاول هو نفسه علي الخط التاني يعني لو شغلت الجهاز علي الخط الاول وشفت الايبي وبعد كدة شغلت الجهاز علي الخط التاني هيديني نفس الايبي ولا ايبي مختلف وشكرا لكم.

[westwind]

اذا كانت الخدمتين من مزودين مختلفين فالايبيهات تكون مختلفة. هنا بنتكلم عن الايبيهات البابلك public ip addresses مش البرايفت. البرايفت ماتتغيرش.

[westwind]

حضرتك انا مش فاهم يعني ايه public او private انا الايبي الخاص بي هو :41.233.00.000 وده انا عرفته عن طريق موقع https://whatismyipaddress.com/ (https://whatismyipaddress.com/)

تمام هو البابلك ايبي اللي بتطلع بيه على الانترنيت. انسى موضوع البرايفت ايبي.
كما قلتلك فوق "اذا كانت الخدمتين من مزودين مختلفين فالايبيهات تكون مختلفة"

تنبيه:
المرة الجاية ماتكتبش الايبي كامل في المنتدى ولا في اي مكان عام. بدل الرقم الاخير باصفار مثلا او نقاط و احنى بنفهم المقصود.
لأنك بكده كشفت ايبيهك و عرضت نفسك لهجمات الهكرز. انصحك ان تتأكد ان الفايروول شغال على جهازك.

[الفواخيري]

تمام هو البابلك ايبي اللي بتطلع بيه على الانترنيت. انسى موضوع البرايفت ايبي.
كما قلتلك فوق "اذا كانت الخدمتين من مزودين مختلفين فالايبيهات تكون مختلفة"

تنبيه:
المرة الجاية ماتكتبش الايبي كامل في المنتدى ولا في اي مكان عام. بدل الرقم الاخير باصفار مثلا او نقاط و احنى بنفهم المقصود.
لأنك بكده كشفت ايبيهك و عرضت نفسك لهجمات الهكرز. انصحك ان تتأكد ان الفايروول شغال على جهازك.

صح اخي الكريم انا مش عارف فاتتني دي ازاي انا غلطت جدا يارت حضرتك تحذف الاقتباس اللي فيه الايبي بس في حاجة انا دخلت علي ضبط الراوتر لقيت الايبي العام غير الرقم اللي انا كتبته فوق عايز اعرف السبب ولو في برامج تكشف ان انا اتعرضت لهاكر ولا لا ياريت تعرفهالي

[westwind]

هل جوابي اللي تحته خط مفهوم ؟ و وافي لسؤالك الاساسي ؟

[الفواخيري]

هل جوابي اللي تحته خط مفهوم ؟ و وافي لسؤالك الاساسي ؟ايوا مفهوم شكرا لك عايز برامج تكشف اذا جهازي اتعرض لهاكر ولا لا.

[westwind]

العفو يافندم... الظاهر انا خظيتك بحكاية الاختراق. انا غايتي كانت انبهك ما تكتبش الايبي العام كامل في مكان عام.
ولو قريت جوابي كويس انا كنت ذكرت لو انك مامعطلش الويندوز فايروول وتحديثاته فاحتمال الاختراق ضئيل الى معدوم. لأن الناس هنا على ادها مش حريفه اختراق.
ولو كنت لسه مش مستريح و عاوز برنامج يكشف الاختراق فمع الاسف مافيش. لأن الاختراق يكون من شخص وما يكشفوش غير شخص اخر مختص يجي عندك ويشبك على الايبي العام بتاعك و يفحص. دي حاجة مختلفة عن الفيروس. الفيروس برنامج واللي يكشفه كمان برنامج.

ولو لساتك قلقان و مكبر الموضوع او انك حاسس فعلا انو جهازك بيتصرف بشكل غريب الفترة الاخيرة او انك جبت خبير عندك و كشف و قال انك متهكر فالحل الوحيد هو انك تطلب من مزود الخدمة ان يغيرلك الايبي. من خبرتي و تجاربي في المجال ده دي اسلم و اسهل طريقة. زي مايقول المثل: الشباك اللي يجيك منه الريح سده و استريح. :ah27:

[الفواخيري]

شكرا ياباشا انا الجهاز تمام والفايروول شغال بس للعلم انا اعرف ان لما بطفي الجهاز الايبي بيتغير صح كدة ليه اتصل بالشركة واطلب تغيير الايبي.

[westwind]

الايبي العام لا يتغير بإطفاء الحاسوب.

[الفواخيري]

الايبي العام لا يتغير بإطفاء الحاسوب.

طيب ايه هو الايبي اللي بيتغير لما بطفي الجهاز.

[امون]

السلام عليكم الاخ المحترم تحية لك ولمحاورك الاخ الكريم وقد افى بالرد ولكن بخصوص كيف تعرف جهازك مخترق من قبل الهكر ودي طريقة بسيطه تروح لstartثمrunوتكتب cmdولما يطلعلك الوز تكتب فيه dir patchودوس انتر حتشوف سطرين او تلاته مكتوبين وفااخرهم مكتوب fil not foundلو السطره مكتوب فايل نوت فاوند .يعني اكهز بتاعك سليم ولو غيره يعني الكهاز مخترق وتحياتي ليك ولكل عب هارد وير وشكرا

[الفواخيري]

شكرا لك.

[westwind]

السلام عليكم الاخ المحترم تحية لك ولمحاورك الاخ الكريم وقد افى بالرد ولكن بخصوص كيف تعرف جهازك مخترق من قبل الهكر ودي طريقة بسيطه تروح لstartثمrunوتكتب cmdولما يطلعلك الوز تكتب فيه dir patchودوس انتر حتشوف سطرين او تلاته مكتوبين وفااخرهم مكتوب fil not foundلو السطره مكتوب فايل نوت فاوند .يعني اكهز بتاعك سليم ولو غيره يعني الكهاز مخترق وتحياتي ليك ولكل عب هارد وير وشكرا

رغم انها طريقة قديمة غير فعالة في الحاضر لكن لا مانع من ان يجربها الاخ السائل. لأن في الوقت الحالي اول مايقوم به الهكر هو مسح اثار الاختراق و تضليل جميع الدفاعات. يعني خذها بالمنطق كيف ممكن ان تفحص جهاز من الهكر وهو تحت سيكرة الهكر نفسه ؟! من خبرتي العملية تقوم الشركات بإستاجار خبراء مختصين للكشف عن الهكرز في شبكاتهم.
على العموم انا حاسس ان الموضوع توسع كثير وخرج عن السؤال الاصلي.
في الختام اقول للسائل اطمأن طالما الفايروول شغال و خدمتين انترنيت معناها ايبيهين بابلك مختلفين.
و للاخ اللي ذكر طريقة dir patch بأشكره جدا على مداخلته و اهتمامه بالموضوع.

[الفواخيري]

رغم انها طريقة قديمة غير فعالة في الحاضر لكن لا مانع من ان يجربها الاخ السائل. لأن في الوقت الحالي اول مايقوم به الهكر هو مسح اثار الاختراق و تضليل جميع الدفاعات. يعني خذها بالمنطق كيف ممكن ان تفحص جهاز من الهكر وهو تحت سيكرة الهكر نفسه ؟! من خبرتي العملية تقوم الشركات بإستاجار خبراء مختصين للكشف عن الهكرز في شبكاتهم.
على العموم انا حاسس ان الموضوع توسع كثير وخرج عن السؤال الاصلي.
في الختام اقول للسائل اطمأن طالما الفايروول شغال و خدمتين انترنيت معناها ايبيهين بابلك مختلفين.
و للاخ اللي ذكر طريقة dir patch بأشكره جدا على مداخلته و اهتمامه بالموضوع.

استاذ westwind انا اسف لو الموضوع كبر حاجة اخيرة طيب ايه هو الايبي اللي بيتغير لما بطفي الجهاز

[westwind]

اه صحيح انا شفت سؤالك في المشاركة اللي قبلها و نسيت ارد.
private ip address الايبي الخاص هو اللي بيتغير اذا كنت مشغل خاصية على الراوتر اسمها dhcp بتداور الايبيهات.

بإختصار الايبي الخاص هو بين الراوتر و الشبكة المنزلية اللي عندك (يعني اجهزة الكومبيوتر) و الايبي العام هو بين الراوتر و العالم الخارجي (الانترنيت) والراوتر هو اللي بيحول بينهم.
ليه النظام ده ؟ دي حاجة يطول شرحها. لو ما تعرفش الفرق بين الايبي العام و الخاص ابحث في المنتدى او على اليوتيوب فيه شرح جميل لأن ضروري تعرف.

[امون]

السلام عليكمو حمة الله وبركاته الاخwestwindالمحترماولا انا بشكر ابداعاتك في كتير من المواضيع وكلامك صح بس طالما في port فالكهاز مؤكد حيخترق لو اي حد من الهاكرية عاوز وبنفس الوقت ممكن من خلال البورتات نحميه وبخصوص مداخلتي فانا من باب الافاده والاستفاده واتعرف على خبرات راءعة زيك وعذرا وارجو ان لااكون ثقيل عليكم وتقبلوني زميل لكم .وفاءق احتراماتي لكم

[westwind]

العغو يا امون انت الاكثر احترام و ابن ناس. انا ارحب بأي مداخلة او تعليق لأن هذا يؤدي الى حوار و نقاش للوصول الى نتيجة.
بالنسبة لطريقة البحث عن الباتشات فهي لا تكشف البورتات وقد تسبب في حذف باتشات برامج او العاب مكركة متسطبة على الجهاز وهذه كما تعلم منتشرة في العالم العربي حتى ان الكثير من انظمة التشغيل مفعلة بباتش.
ماذكرته حظرتك عن البروتات المفتوحة اللي احتمال ان يستغلها الهكر فربما كنت تقصد طريقة netstat -ano اللي تظهرلك ال sessions المفتوحة ومن خبرة الشخص ممكن ان يميز بين الطيب و الخبيث من sessions .
احب ان اوضح ان الهكرز اليوم اصبحوا اكثر احترافية مما نتصور وقد فاجأوا شركات عالمية بعمليات الاختراق و هذه الطرق البسيطة و القديمة قد تجاوزوها من زمان.
و التروجان اليوم بيركب سفينة غير مشبوهة و يدخل من بورت غير مشبوه ويفرش نفوذه بصمت في جهاز الضحية.
يمكن مشاهدة هذه الطرق القديمة لكشف الهكر بكتابة "كيف اعرف الكومبيوتر مخترق او لا من قبل الهاكرز 8 طرق" على اليوتيوب

انا قفلتها و ظلمتها ؟ بصراحة العملية تحتاج الى معرفة مقبولة في اساسيات الاي تي وقدرة على التركيز و التحليل و الاستنتاج.
افضل الطرق اللي انصح بها هي مراقبة العمليات processes من خلال task manager و تعرف على كل بروسيس على جهازك. عندها سوف تنتبه الى البروسيس الجديدة او الغريبة و تعرف ان فيه شي غير طبيعي بيجري.

[westwind]

خذ هذا المثال.
واحد من الكومبيوترين تحت مخترق و تم كشف بداية الخيط عن طريق التاسك مانجر. و كان الهكر يستخدم عملية طبيعية و معروفة للويندوز لذلك تمكن من تجاوز جهاز فايروول حصين و فايروول الراوتر و فايروول الوندوز و الانتي فايروس.
و بعد تتبع الاثر تبين انه ضحية عملية phishing .
ربما ليس القسم و لا الموضوع المناسب لكن احب ان اقول ان الوقاية من الهكرز و المالويرز هي عن طريق التعامل بوعي و ادراك مع الانترنيت و تثقيف الذات بإستمرار حول انواع المخاطر و اسبابها و طرق تجنبها. لا يوجد برنامج سحري يقوم بالمهمة كاملة.

https://i58.tinypic.com/34r6r1k.jpg

[الفواخيري]

شكرا اخواني بارك الله فيكم ممكن تقفلوا الموضوع لو حبيتوا.