kahled15486
08-03-2015, 03:12
بسم الله الرحمن الرحيم
انا من مصر وحالياً بدون عمل والحمدلله :) (قطاع خاص) - بس معاية رأس مال فى حدود 30 الف جنية
فكرت استثمرهم فى أى مشروع لان كدة كدة بعد فترة من الزمن قيمتهم هتقل مع ارتفاع الدولار ويمكن الرقم دة ميبقاش ليه لازمة اصلا فى المستقبل - فكرت فى البداية فى مشروع سيبر وخدمات زى الكتابة والطباعة والتصوير وعملت دراسة تكاليف لكن لسة بدور على المحل واختيارى للمشروع دة كان بسبب ان لية صديق فتح سيبر من 3 سنين وانا تقريباً شبه يومياً ببقى عندة وبقعد معاة واوقات كتير كنت بدير المحل وكنت بشوف ربح كويس لكن فى احيان اخرى بيكون الربح ضعيف لدرجة اقل من قيمة التكاليف المدفوعة فى الشهر - وطبعاً الارزاق بتاعة ربنا - بس بنصائح ناس كتير اشتغلو فى المجال دة اكتر من مرة نصحونى بان السيبرات فى انهيار فى كل يوم بسبب ان الانترنت اصبح سهل الوصول الية فى البيوت وعلى الهواتف الذكية وحتى موضوع الالعاب اصبح عادى لان مواصفات اجهزة السيبر بتكون عادية بسبب ان رأس المال المخصصة لتكلفة كل جهاز بتكون صغيرة - ومشكلة تانية لاحظتها وهى سياسة الحد الاقصى اللى بتعملها شركات النت - يعنى 300 جيجا حد اقصى فى الشهر حتى لو الخط غير محدود - وطبعاًَ استخدامات النت حالياً فى السيبر غالباً بتبقى يوتيوب وفيس بوك وكل دة بيعمل ترافيك عالى جداً بسبب ان الفيديوهات بقى اغلبها HD على يوتيوب ودة هيخلص ال 300 جيجا قبل نهاية الشهر وتبقى مشكلة لما النت يقطع فترة من المحل - برضو موضوع الكهرباء وخاصة اننا داخلين على الصيف انقطاع الكهرباء بشكل شبه يومى هيأثر على الربح بشكل كبير وممكن يتسبب فى الخسارة كمان
مشروع تانى ذكرة واحد من اصحابى انى اعملة وهو محل البلاى ستيشن - ناس كتير قالتلى انة ربحة اعلى بكتير من السيبر وتكلفتة اقل من السيبر لان مفيش حد عندة بلاى ستيشن - لكن لقيت ان التكلفة هتبقى نفس تكلفة السيبر مع عدد اجهزة اقل لان البلاى ستشين مش ارخص من الكمبيوتر بالاضافة لانى لازم اشترى تليفزيونات بمساحة على الاقل 32 بوصة ودى تكلفة عالية عن شاشات السيبر اللى غالباً بتبقى 19 ومش تلفزيون - بالاضافة للمشاكل اللى ممكن تحصل بسبب الالعاب بين الناس وخاصة لعبة الكورة ودة هيخلينى غالباً انزل لمستوى فكر اطفال وشباب مراهقين جداً - واصبح الموضوع دة مجرد خيار بديل للسيبر ومحتاج فية استشارة
المشروع الاخير وهو مشروع محل بيع اكسسوارت كمبيوتر وصيانة - وهو افضل مشروع كنت بفكر اعملة من زمان - لكن مع الكساد الاقتصادى الموجود فى مصر بقى عندى خوف من انى افتحة خاصة وان موضوع الصيانة غالبة مش صيانة ولكن فى الاغلب تثبيت الوندوز - اما صيانة الهاردوير بيبقى فيها صعوبة فى الحصول على قطع الغيار لان مش هشترى اى حاجة تقطيع بالاضافة لان خبرتى ليست كافية للهاردوير - كنت اشتغلت فيها زمان بس على مبدأ الاعطال الظاهرية يعنى بغير المكثفات - ترانزستورات او غيرها من المكونات اللى ظاهر عليها الدمار ودة طبعاً ميعتبرش صيانة - ومش عارف هل موضوع الوندوز والصيانة الظاهرة اصبح فى انخفاض ولا لا - وكنت بفكرة لو عندى تكاليف شهرية مطلوب دفعها فى حدود 1500 جنية هل استطيع استعواضهم مع ربح مجدى فى هذا المجال ولا لا
انا مشكلتى الاساسية هو خوفى من الفشل واللى مزود مخاوفى الحالة الاقتصادية فى مصر وضعف الدخل العام فى مصر اللى بيخلى اى حد يخاف يدفع فلوس فى حاجة والغاية من الموضوع دة هو استشارتكم فى ما هو انسب من المشاريع التلاتة اللى انا ذكرتها وبالاخص المشروع الاخير - انا عارف ان الارزاق بتاعة ربنا - بس خايف اكون بتصرف غلط - عامة انا خريج دبلوم صنايع الكترونيات وحاسب الى واتدربت كتير على مجالات مختلفة فى تكنولوجيا المعلومات والالكترونيات - لكن عمرى مكنت مدير لمشروع خاص بي قبل كدة
اتمنى الافادة من حضراتكم بالمعلومات اللى ممكن تساعدنى - علشان اتكل على الله وافتح حاجة تبقى رزق صالح باذن الله
انا من مصر وحالياً بدون عمل والحمدلله :) (قطاع خاص) - بس معاية رأس مال فى حدود 30 الف جنية
فكرت استثمرهم فى أى مشروع لان كدة كدة بعد فترة من الزمن قيمتهم هتقل مع ارتفاع الدولار ويمكن الرقم دة ميبقاش ليه لازمة اصلا فى المستقبل - فكرت فى البداية فى مشروع سيبر وخدمات زى الكتابة والطباعة والتصوير وعملت دراسة تكاليف لكن لسة بدور على المحل واختيارى للمشروع دة كان بسبب ان لية صديق فتح سيبر من 3 سنين وانا تقريباً شبه يومياً ببقى عندة وبقعد معاة واوقات كتير كنت بدير المحل وكنت بشوف ربح كويس لكن فى احيان اخرى بيكون الربح ضعيف لدرجة اقل من قيمة التكاليف المدفوعة فى الشهر - وطبعاً الارزاق بتاعة ربنا - بس بنصائح ناس كتير اشتغلو فى المجال دة اكتر من مرة نصحونى بان السيبرات فى انهيار فى كل يوم بسبب ان الانترنت اصبح سهل الوصول الية فى البيوت وعلى الهواتف الذكية وحتى موضوع الالعاب اصبح عادى لان مواصفات اجهزة السيبر بتكون عادية بسبب ان رأس المال المخصصة لتكلفة كل جهاز بتكون صغيرة - ومشكلة تانية لاحظتها وهى سياسة الحد الاقصى اللى بتعملها شركات النت - يعنى 300 جيجا حد اقصى فى الشهر حتى لو الخط غير محدود - وطبعاًَ استخدامات النت حالياً فى السيبر غالباً بتبقى يوتيوب وفيس بوك وكل دة بيعمل ترافيك عالى جداً بسبب ان الفيديوهات بقى اغلبها HD على يوتيوب ودة هيخلص ال 300 جيجا قبل نهاية الشهر وتبقى مشكلة لما النت يقطع فترة من المحل - برضو موضوع الكهرباء وخاصة اننا داخلين على الصيف انقطاع الكهرباء بشكل شبه يومى هيأثر على الربح بشكل كبير وممكن يتسبب فى الخسارة كمان
مشروع تانى ذكرة واحد من اصحابى انى اعملة وهو محل البلاى ستيشن - ناس كتير قالتلى انة ربحة اعلى بكتير من السيبر وتكلفتة اقل من السيبر لان مفيش حد عندة بلاى ستيشن - لكن لقيت ان التكلفة هتبقى نفس تكلفة السيبر مع عدد اجهزة اقل لان البلاى ستشين مش ارخص من الكمبيوتر بالاضافة لانى لازم اشترى تليفزيونات بمساحة على الاقل 32 بوصة ودى تكلفة عالية عن شاشات السيبر اللى غالباً بتبقى 19 ومش تلفزيون - بالاضافة للمشاكل اللى ممكن تحصل بسبب الالعاب بين الناس وخاصة لعبة الكورة ودة هيخلينى غالباً انزل لمستوى فكر اطفال وشباب مراهقين جداً - واصبح الموضوع دة مجرد خيار بديل للسيبر ومحتاج فية استشارة
المشروع الاخير وهو مشروع محل بيع اكسسوارت كمبيوتر وصيانة - وهو افضل مشروع كنت بفكر اعملة من زمان - لكن مع الكساد الاقتصادى الموجود فى مصر بقى عندى خوف من انى افتحة خاصة وان موضوع الصيانة غالبة مش صيانة ولكن فى الاغلب تثبيت الوندوز - اما صيانة الهاردوير بيبقى فيها صعوبة فى الحصول على قطع الغيار لان مش هشترى اى حاجة تقطيع بالاضافة لان خبرتى ليست كافية للهاردوير - كنت اشتغلت فيها زمان بس على مبدأ الاعطال الظاهرية يعنى بغير المكثفات - ترانزستورات او غيرها من المكونات اللى ظاهر عليها الدمار ودة طبعاً ميعتبرش صيانة - ومش عارف هل موضوع الوندوز والصيانة الظاهرة اصبح فى انخفاض ولا لا - وكنت بفكرة لو عندى تكاليف شهرية مطلوب دفعها فى حدود 1500 جنية هل استطيع استعواضهم مع ربح مجدى فى هذا المجال ولا لا
انا مشكلتى الاساسية هو خوفى من الفشل واللى مزود مخاوفى الحالة الاقتصادية فى مصر وضعف الدخل العام فى مصر اللى بيخلى اى حد يخاف يدفع فلوس فى حاجة والغاية من الموضوع دة هو استشارتكم فى ما هو انسب من المشاريع التلاتة اللى انا ذكرتها وبالاخص المشروع الاخير - انا عارف ان الارزاق بتاعة ربنا - بس خايف اكون بتصرف غلط - عامة انا خريج دبلوم صنايع الكترونيات وحاسب الى واتدربت كتير على مجالات مختلفة فى تكنولوجيا المعلومات والالكترونيات - لكن عمرى مكنت مدير لمشروع خاص بي قبل كدة
اتمنى الافادة من حضراتكم بالمعلومات اللى ممكن تساعدنى - علشان اتكل على الله وافتح حاجة تبقى رزق صالح باذن الله