بطاقة GTX 960 هل ظهر بها أية عيوب؟!

[MageDMaNSeveN]

السلام عليكم

مقبل على شراء بطاقة رسوم جديدة بميزانية 2500 جنيه كحد أقصى لتشغيل الألعاب بجودة 1080p وأريد معرفة رأيكم فى بطاقة الجيل الجديد من إنفيديا GTX 960 قبل الشراء من ناحية الآداء، وهل يوجد بها أى عيوب أو مشكلات مشابهة كالموجودة فى GTX 970 بما أن كلتا البطاقتين من المعمارية نفسها؟

منتظر آرائكم وشكرا مقدما

[phenomenon]

لا يوجد مشاكل بالكارت

[H_KIMO]

إلى الأن لا تظهر مشاكل الكرت كويس
لكن كرت AMD Radeon R285 صفقة أفضل مفيش كلام
أداء أعلى وسعر أقل

[Grenade Launcher]

ممكن حضرتك كمان تزود شوية و تجيب SAPPHIRE TRI-X R9 290 4GB GDDR5 OC بسعر 2750 جنية
هيكون اقوي من gtx 960 بكثير غير ان R9 290 يحتوي علي ذاكرة 4 جيجا عكس GTX 960 يحتوي علي 1 جيجا او 2 بالكثير

[mohamed alfqhe]

كرت gtx960 اقوى فى الاداء و حتى اقوى من سابقته gtx 760 و gtx660
و لكن لحد الان لم يظهر له عيوب و بنسبة بيشغل الالعاب المتوسطة على دقة 1080p
ولكن الالعاب الكبيرة ذات الجرافيكس العالى راح يصيرلك معها (لاج ) و هو اصلا موجه
لفئة اللعبين المتوسطة و الدنيا الى ما يهتموش با الاداء و التافصيل الدقية داخل اللعبة مثل الاضاء
و الظل و التابين و تنعيم الحواف

[tareg7]

الكرت ممتاز وصدرت منه نسخة 4 جيجا في اليومين اللي فاتو ميزة الكرت اداء ممتاز مع دقة 1080p ومعدل صرف طاقة قليل جدا بحكم انه من جيل ال maxwell
بالتوفيق

[Grenade Launcher]

كرت gtx960 اقوى فى الاداء و حتى اقوى من سابقته gtx 760 و gtx660
و لكن لحد الان لم يظهر له عيوب و بنسبة بيشغل الالعاب المتوسطة على دقة 1080p
ولكن الالعاب الكبيرة ذات الجرافيكس العالى راح يصيرلك معها (لاج ) و هو اصلا موجه
لفئة اللعبين المتوسطة و الدنيا الى ما يهتموش با الاداء و التافصيل الدقية داخل اللعبة مثل الاضاء
و الظل و التابين و تنعيم الحواف

معلوماتك غلط يا اخي
انظر لنتائج الاختبار و ستري ان كرت GTX 960 اضعف من GTX 770
ومن R9 285 و أيضاً اضعف من R9 280X ومن R9 290 ....
لكن الصفقة الرابحة بكل تأكيد هو كرت R9 290 بدون منازع
لانة اقوي من GTX 960 + GTX 770 + R9 280X + R9 285 + GTX 760
و بسعر ممتاز جدا جدا يزود فقط 250 جنية علي الـ 2500 جنية !!
و بالنسبة لمزود الطاقة "650"واط الخاص بصاحب الموضوع فهو اكثر من كافي لكرت R9 290
و يستطيع أيضاً تشغيل كرت R9 290X المكسور السرعة بدون مشاكل

https://www.tomshardware.com (https://www.tomshardware.com/reviews/nvidia-geforce-gtx-960,4038-4.html)
https://www.videocardbenchmark.net (https://www.videocardbenchmark.net/compare.php?cmp[]=2719&cmp[]=3114)

[MageDMaNSeveN]

إلى الأن لا تظهر مشاكل الكرت كويس
لكن كرت AMD Radeon R285 صفقة أفضل مفيش كلام
أداء أعلى وسعر أقل
ممكن حضرتك كمان تزود شوية و تجيب SAPPHIRE TRI-X R9 290 4GB GDDR5 OC بسعر 2750 جنية
هيكون اقوي من gtx 960 بكثير غير ان R9 290 يحتوي علي ذاكرة 4 جيجا عكس GTX 960 يحتوي علي 1 جيجا او 2 بالكثير
بالنسبة لبطاقة R9 290 بالفعل أداءها أعلى من GTX 960 بفارق عدد فريمات كبير على عكس R9 285 المتقاربة جدا فى الأداء والسعر وفقا لعدد من ال Benchmarks.

لكن فى الحقيقة أنا متخوف من بطاقات AMD وأشعر بأنها أكثر عرضه للمشاكل المفاجأة وعدم الإستقرار بعد فترة من الإستخدام، بالإضافة إنى فى غنى عن مشاكل التعريفات ودرجات الحرارة وإستهلاك الطاقة المرتفعين والتى تشتهر بهما AMD فقررت التوجه لبطاقة من NVidia ولكن للأسف مشكلة GTX 970 جعلتنى أقلق من بطاقات المعمارية الجديدة بأكملها !

[MageDMaNSeveN]

كرت gtx960 اقوى فى الاداء و حتى اقوى من سابقته gtx 760 و gtx660
كلام سليم أخى الكريم، ووفقا لعدد من ال Benchmarks فإن أداءه مقارب جدا لأداء GTX 770.


ولكن الالعاب الكبيرة ذات الجرافيكس العالى راح يصيرلك معها (لاج ) و هو اصلا موجه
لفئة اللعبين المتوسطة و الدنيا الى ما يهتموش با الاداء و التافصيل الدقية داخل اللعبة مثل الاضاء
و الظل و التابين و تنعيم الحواف
معظم اﻷلعاب اﻷن ذات مساحة كبيرة وجرافيكس عالى بالفعل، أعتقد مشكلة اللاج تلك قد تحدث فى حالة اللعب على جودة أعلى من 1080p عدا ذلك فالكارت استطاع تشغيل أشهر اﻷلعاب وأحدثها على جودة Ultra و Very High بعدد فريمات جيد جدا، ما عدا لعبة AC: Unity فهى متطلبة للغاية ومليئة بالمشاكل، على سبيل المثال كارت من الفئة العليا ك GTX 780 استطاع تشغيلها بمعدل FPS 28 فقط وعلى جودة 1080p!!
https://www.techpowerup.com/mobile/reviews/MSI/GTX_960_Gaming/8.html

[phenomenon]

AsssaSzzSssszzssn`s CReed Unity Requirement
3Way SLI GTX 780 TI
والله حال الشركه دى غريبه جدا : وحال اى شركه تعمل نفس العمله : انا مش فاهم ايه الغرض من تنزيل اللعبه مليانه مشاكل
لعبه GTA V مثلا حصل 3 تاجيلات عشانها وعشان التعديل فيها يناسب كل كروت الشاشه وكما هو متوقع فى تاجيل رابع ثم كنسل المشروع
وبالنهايه Console Port and Glitches بس على الاقل اقنعونا انهم بيحاولوا يعدلوا:)
انا مشفاهم ازاى كمان لعبه تمنها 60 دولار ويكون عمرها سنه فاتت لا سنتين
فى حد لسى متظرها يا اخوانا ؟

[zoro00]

حبيت اشاركك تجربه واقتراحاتى يمكن تفيدك

بخصوص اقتراحى فممكن تتجه للمستعمل هتوفر مبلغ كبير جدا وهتحصل على كارت ممتاز وقوى جدا بالنسبه للميزانيه اللى انتا حاطتها
انا لسه من يومن شارى كارت مستعمل وكنت زيك كدا مبفكرش فى المستعمل وعامل حسابى على الجديد ولما لقيت فرق السعر الكبير فى المستعمل وقوه الاداء فقررت انى اشترى مستعمل وليس جديد
لسه من يومين جايب كارت ZOTAC GeForce GTX 780 3GB 384-Bit GDDR5 AMP! SUPERCLOCKED كان مستعمل 7 شهور ومعاه ضمان متبقى سنه ونص ومعه فاتورته

وجربت عليه كل الالعاب القويه اللى كانت معقدانى فى الجرافك على الكارت السابق كان ATI HD 6870 1 GB
جربت الالعاب دى
Assassins Creed Unity
Call of Duty Advanced Warfare
Far Cry 4
Dying Light
Middle Earth Shadow of Mordor
Ryse Son of Rome

عملت الاعدادات كستم واخترت اعلى اعدادات فى جميع الخواص الموجود من رزليوشن وخواص نفديا وكل الاشياء
جميع اللعاب اشتغلت بدون اى لاج اطلاقا ومنها Assassins Creed Unity مكنتش مصدق اداءه الاكثر من ممتاز فيها ... كل لعبه فضلت العبها اكثر من ساعه
عدا لعبه واحده فقط وهى Call of Duty Advanced Warfare
وجدت اعدادات كثيره جدا وتفاصيل كثيره جدا فى اعدادات الجرافك بتعتها وفتحت كل شىء فيها برضه على اعلى امكانيات الحد الاقصى
كانت بتعمل لاج بسيط فى الاماكن المرتفعه وانتا ماشى بالطياره مثلا وبعض التنتيش فى الاماكن الواسعه لما تيجى تتحرك بالموس بسرعه اما فى الاماكن الضيقه كانت بتشتغل عادى

الخلاصه حاول كدا تبص على المستعمل الحجات العاليه والاهم يكون شخص موثوق فيه فصدقنى هتجيب بميزانيتك دى كارت جبار بالنسبه لو فكرت فى كارت جديد