ما هى الوحدة الافضل لارشفة الملفات لسنوات طويلة؟

[kahled15486]

بسم الله الرحمن الرحيم

السؤال كما هو فى العنوان اى وحدة ممكن تكون افضل فى الحفاظ على المعلومات او الملفات لفترات زمنية طويلة قد تصل لسنوات - هل الهارديسك ام الاسطوانات اياً كان نوعها ؟


المشكلة :
انا بستخدم كاميرات كتير وبحب التصوير وتصوير الاسرة والاصدقاء وكمان بحتاج لتسجيل صور من مستندات بشكل شهرى على الكمبيوتر بالاضافة للفيديوهات اللى بصورها - وكنت دايماً بخزن المعلومات باستمرار على الجهاز ولما بحتاج مساحة اكبر كنت بغير الهارد للمساحة الاكبر وبعد فترة بدأت استخدم الهارد الخارجى غالباً 500 جيجا - لكن اتصدمت بسبب ان الهارد الخارجى وقع على الارض وباظ - وكانت الكارثة ان اكتر من 200 جيجا صور وفيديوهات وصور اوراق رسمية ضاع فى ثانية - ومع محاولات صرفت عليها اكتر من تمن الهارد علشان ارجع الملفات لكن دون جدوى

بدأت افكر فى انى اخزن المعلومات بشكل دورى على الاسطواناتDVD لانها مرنة اكتر ومساحتها التخزينية بتخلى الملفات مجزئة على عدد كبير من الاسطوانات ودة بيخلى الموضوع اكتر امان بمعنى لو اسطوانة باظط مش هخسر الملفات كلها وهخسر اللى فى اسطوانة واحدة بس يعنى ضرر اقل

وبعد ما جبت اسطوانات قريت موضوع بيتكلم عن الاسطوانات ان الاسطوانات بتبوظ تلقائى مع مرور الزمن وكمان الاسطوانات اللى فى الاسواق المصرية جودتها رديئة

انا عايز اعرف اكتر عن الموضوع دة واية افضل وحدة تخززين ممكن استخدمها كارشيف -- وهل الاسطوانات افضل ولا لا ؟

[phenomenon]

مرحبا بك اخى الفاضل ...قدر الله وماشاء كان وماشاء ليكون
بالتاكيد الهارد ديسك هو افضل وسيله لحمايه الملفات ولكن اذا نظرت جيدا لمشكلتك
فلا يوجد اى شىء من الالكترونيات وبالاخص ( الهارد تحديدا ) من الممكن ان يكون لديك حظ جيد معه بعد وقوعه
اذا قرات عليه ستجد بعض الرموز التحزيريه واهمها واكبرها كلمه Fragile وعلامه كاس مشروخ
اذا وجدت تلك العلامه على اى شىء فتعنى قابل للكسر اى يحتوى على اشياء مصنوعه من الزجاج بداخله ( اعتقد اقراص الميديا )
فمن المفترض عدم خروج الهارد ديسك لاى سبب من الاسباب خارج الكيس ولكن يمكنك شراء هارد خارجى او USB للتعامل عليه خارج المنزل
يوجد بعض الاقراص غاليه الثمن ايضا وتعيش فترات طويله مثل الاقراص التى تاتى بتعريفات اللوحات الام ولكنى لا اعلم جيدا ماهو نسب صناعتها
ويجب ان تعلم ايضا ان الاقراص الضوئيه نفسها احيانا تتسبب فى تلف الاقراص نفسها بالاضافه للكميه اللى ممكن تشتريها عشان توفرلك مساحه كبيره
دائما اجعل من الاشياء الهامه لديك نسخ احتياطيه ( اكثر من نسخه ايضا مفيد )

[kahled15486]

مرحبا بك اخى الفاضل ...قدر الله وماشاء كان وماشاء ليكون
بالتاكيد الهارد ديسك هو افضل وسيله لحمايه الملفات ولكن اذا نظرت جيدا لمشكلتك
فلا يوجد اى شىء من الالكترونيات وبالاخص ( الهارد تحديدا ) من الممكن ان يكون لديك حظ جيد معه بعد وقوعه
اذا قرات عليه ستجد بعض الرموز التحزيريه واهمها واكبرها كلمه Fragile وعلامه كاس مشروخ
اذا وجدت تلك العلامه على اى شىء فتعنى قابل للكسر اى يحتوى على اشياء مصنوعه من الزجاج بداخله ( اعتقد اقراص الميديا )
فمن المفترض عدم خروج الهارد ديسك لاى سبب من الاسباب خارج الكيس ولكن يمكنك شراء هارد خارجى او USB للتعامل عليه خارج المنزل
يوجد بعض الاقراص غاليه الثمن ايضا وتعيش فترات طويله مثل الاقراص التى تاتى بتعريفات اللوحات الام ولكنى لا اعلم جيدا ماهو نسب صناعتها
ويجب ان تعلم ايضا ان الاقراص الضوئيه نفسها احيانا تتسبب فى تلف الاقراص نفسها بالاضافه للكميه اللى ممكن تشتريها عشان توفرلك مساحه كبيره
دائما اجعل من الاشياء الهامه لديك نسخ احتياطيه ( اكثر من نسخه ايضا مفيد )

الهارد اللى وقع هو اكستيرنال والحادثة حصلت فى البيت :) انا بسأل فى الموضوع عن الامان - انا فية هاردات باظت منى كتير بس مكنتش مهتم اوى لان الحاجات اللى كانت علية مش مهمة - لكن لما الحاجة اللى تبقى على الهارد نادر وساعات مستحيل ترجعها زى صور متصورة بكاميرا ديجتال او اوراق رسمية صعب الوصول ليها تانى ومفيش ليها اى نسخة تانية هتفرق :) -

بالنسبة للتكلفة اعتقد ان الوحدة الآمنة هى وحدات SSD بس دى غالية جداً جداً جداً لو عايز مساحة كبيرة - اما بالنسبة للاسطوانات فلو ال 50 اسطوانة ب 50 جنية ومتوسط مساحتها 4 جيجا = 200 جيجا هتبقى موفرة اكتر

انا خوفى بس من موضوع الصلاحية - انا عندى اسطوانات من سنين بس عايز دليل موثوق فية عن العمر الافتراضى للاسطوانة بيبقى اد اية وبيعتمد على عوامل خارجية ولا الشركة المنتجة

[phenomenon]

يا اخى الفاضل : مفيش فرق بين هارد ال SSD وهارد ال HDD فى صلاحيه تحزين البيانات
الفرق بين الهاردين هى الاستخدامات فقط لاغير
يمكن هارد WD Passport يحميلك ملفاتك حتى بعد تلف الهارد وتقدر تستخرجها لكن اتاكد بخصوص الموضوع ده

[kahled15486]

يا اخى الفاضل : مفيش فرق بين هارد ال SSD وهارد ال HDD فى صلاحيه تحزين البيانات
الفرق بين الهاردين هى الاستخدامات فقط لاغير
يمكن هارد WD Passport يحميلك ملفاتك حتى بعد تلف الهارد وتقدر تستخرجها لكن اتاكد بخصوص الموضوع ده
انا بسأل عن صلاحية وعمر الاسطوانات الافتراضى مش الهاردات

[tarekforall]

لا يوجد وسط تخزيني واحد يحقق ما تطلبه! فكل وسائط التخزين تتلف، وهي غير صالحة للحفاظ على البيانات.
الحل الوحيد للحفاظ على البيانات هي التخزين الاحتياطي، بحيث تكون البيانات مخزنة على أكثر من وسط تخزيني في نفس الوقت، فاذا تلف أحدها نستطيع استعادتها من المصدر الآخر وهكذا.



انا بسأل عن صلاحية وعمر الاسطوانات الافتراضى مش الهاردات

هذا يعتمد على عوامل كثيرة مثل جودة الاسطوانات وطريقة النسخ وطريقة حفظ الاسطوانات وغيرها. نظرياً من الممكن أن تعيش سنوات طويلة جداً حسب العوامل التي ذكرتها لك.

[kahled15486]

لا يوجد وسط تخزيني واحد يحقق ما تطلبه! فكل وسائط التخزين تتلف، وهي غير صالحة للحفاظ على البيانات.
الحل الوحيد للحفاظ على البيانات هي التخزين الاحتياطي، بحيث تكون البيانات مخزنة على أكثر من وسط تخزيني في نفس الوقت، فاذا تلف أحدها نستطيع استعادتها من المصدر الآخر وهكذا.


هذا يعتمد على عوامل كثيرة مثل جودة الاسطوانات وطريقة النسخ وطريقة حفظ الاسطوانات وغيرها. نظرياً من الممكن أن تعيش سنوات طويلة جداً حسب العوامل التي ذكرتها لك.

شكرا - انا ان شاء الله هشترى 2 هارد اكسترينال بالاضافة لل dvd

***-*-*- هل ترجح ماركة معينة لاسطوانات ال dvd
انا حاليا بستخدم benq صناعة تيوانى - هل هى كويسة ولا لا (التخزين فى علبة ورقية سوداء محجوبة تماما عن الضوء )

وما رأيك فى الاعتماد على كروت الميمورى SD الفئة 4 لانها الارخص مش هحتاج السرعة فى حاجة لاستخدامة كأرشيف - زى النوع دة (https://radioshack.com.eg/ar/kingston-32gb-sdhc-class-4-flash-card-sd4-32gb-25-8615) مثلا - هل ممكن الاعتماد عليها لان مفهاش مكونات ميكانيكة وكمان غير قابلة للكسر ؟؟؟ومتوسط عمرها الافتراضى على اقل تقدير مع اسوء الظروف ممكن يبقى اد اية

[AHMED ELNESR]

من رأيي افضل طريقة ان حضرتك تخزن الملفات علي هارد داخلي وهارد خارجي او اتنين هارد خارجي

ومنصحش بال SSD او كروت الميموري لانها لو حصلها حاجة بتحصل مرة واحدة مش بيكون ليها مقدمات زي الهاردات العادية ومش هتقدر ترجع منها ملفات

[ayma4d]

افضل التفنيات هى تقنية RAID هى بوضع هاردين لهما نفس المساحة ونفس الموديل وعمل RAID1 وهو يقوم بالكتابة على الهاردين بنفس الوقت ويشترط ان تكون هذه الميزة باللوحة الام
محتفظ ببايانات بهذه التقنية منذ 15 سنه مع اختيار نوعية جيدة من الهارد ديسك
الموضوع غير مكلف
يمكنك شراء جهاز وارد الخارج مثل ديل DELL مع هاردات Raptor او هاردات عادية

وان كانت الميزة موجودة بجهازك فيكفيك شراء هاردين متماثلين وعمل المصفوفة

[phenomenon]

اخى الفاضل الوضع مختلف تماما عن خصائص RAID ومشكله الموضوع الاساسيه
خصائص الـــــ RAID تفيدك فى حاله تم تلف او عطب او توقف احد الهاردات عن العمل ( بشرط اتصال الاقراص التخزينيه بالنظام )
فى الحاله دى تقدر تشترى هارد جديد وتاخد ملفات الهارد بدون اى تلف فى البيانات من الهارد المعمول عليه Recovery
لكن الامر مختلف تماما ( دا هارد خرج من الكيسه بتاعته ووقع على الارض يعنى لم يعد اى شىء على وجهه الرض قابل لاسترجاع ملفاته ) ولا M.2 Support

[sokree]

السلام عليكم ورحمة الله وبركاته

بصراحة ياأخى الكريم موضوع التخزين والارشفة هذا أخذ منى سابقا وقتا طويلا ومجهودا ومالا وهو فى النهاية يحتاج إلى بعض الارتجال , عن نفسى أنا أعتمد حاليا على المزج بين الهاردات والاسطوانات المدمجة وعمل نسختين من كل شيى واحدة على الهارد والاخرى على الاسطوانات ,

أنا أخزن بيانات على إسطوانات مدمجة من فئة 4.7 جيجا و8.4 جيجا وبعض الاسطوانات عمرها أكثر من 10 سنوات الان وتعمل معى بكفاءة ممتازة
يعنى لا تقلق من عمر الاسطوانات المدمجة شرط المحافظة عليها وتنظيم عملية حفظها وتخزينها

بخصوص الهاردات أنصحك بالهاردات المخصصة للسيرفرات مثل هارد ويسترن ديجيتال الاحمر WD NAS ويوجد منه حجم 6 تيرا , فقط أربطه داخل الكيسة وقم بالتخزين عليه
حتى يتملىء ومن ثم فكه من الجهاز وضعه فى علبة حافظ للهارد ولا تشغل بالك

الهارد الخارجى أنا جربته كثيرا وبصراحة لا أفضله ولقد تسبب أحدهم فى ضياع ملفات هامة جدا مثلما حدث لك , الفارق معى إن الهارد الخارجى لم يقع ولم يهتز ولم يحدث له أى حادث عارض , فقط فى يوم ما وصلته بالجهاز ووجدت به مشكلة لم يتم حلها سوى بالفورمات , لكن لو أنت مضطر لاستعمال هذا الهارد فأنصحك بهارد من نوع توشيبا كانفيو حيث نستعمله فى الشغل عندنا وهو ممتاز ولم يحدث له أى فقد للبيانات حتى الان , وهنناك علب محمولة لكى تضع فيها الهارد الخارجى وتتنقل به ولا تخاف من سقوطه على الارض مثلا


أخيرا لو أنت مهتم جدا بالحفظ والارشفة وميزانيتك جيدة , عليك بالتفكير بسيرفر صغير أو وحدة تخزين ملحقة بالشبكة مثل منتجات شركة IOmega

https://www.********.com/en/search/?&q=iomega&page=4

وبالتوفيق إن شاء الله

[ay.cobra]

تقريبا الاخوة هنا جاوبو عليك بكل التفاصيل
بس احب الخصلك الكلام كله فى كبسولة
* نوع وسيط التخزين الجيد (هارد او اسطوانات) يعتمد على نوع وطريقة حفظه ..مقدرش اقول الهارد احسن او العكس
* فى رايي احسن هارد للتخزين هو الويستيرن ديجيتال جرين او ريد
* انضف اسطوانات ممكن تستعملها للتخزين هى الTDK وغالية على فكرة ممكن الاسطوانة تعمل 5 جنيه
* يوجد نظام اسمه RAID1 وهو باختصار بيربط هاردين ببعض بس واحد منهم بيكون مراية للتانى
بمعنى لو ركبت هاردين مساحة كل واحد تيرا .. الجهاز مش هيشوف غير هى 1 تيرا .. لان الهارد التانى عبارة عن مخزن للاول
والوسيلة دى مستخدمة فى السيرفرات على فكرة لضمان عدم ضياع البيانات
* افضل مكان للتخزين هو الاماكن جيدة التهوية والبعد تماما عن اشعة الشمس المباشرة وعدم وجود رطوبة .. بالنسبة للاسطوانات عدم وضعها فى علبة خشنة لعدم تجريح السطح بتاعها
* لو هتستخدم هارد فى التخزين لازم متركنوش فترة اكتر من 3 شهور بدون تشغيل .. الاسطوانات عادى

اتمنى اكون فدتك

[phenomenon]

اضافه لكلامك اخى
RAID 1 بيقدر يحميلك البيانات للقرص التخيزنى الاساسى Master Disk
داخل مسارات الـــــ RAID Array على الهارد التانى اللى بيتم ضبطه على Recovery Disk من RST ROm
بشرط .... اتصال الاقراص التخزينيه بالنظام
تقدر تسترجع البيانات لو احد الاقراص حصل فيه مشكله او تم تلفه اثناء الشغل . مازلت تقدر تشوف بياناتك على الهارد التانى وعشان تقدر تسترجعهاا
لابد من ... شراء هارد جديد وتركيبه بالنظام واسترجاع البيانات عليه بشكل سليم

افضل نظام لاحهزه الـــــ WorKstation والاجهزه المكتبيه هى RAID 0 لانها بتقدر توفر كفائه وامكانيه تركيب 6 اقراص تخزينيه
النظام الافضل اللى ممكن يوفرلك حمايه للملفات وكفائه جيده لمجموع الاقراص التخزينيه هى RAID 10

افضل نظام لتحصيل افضل كفائه فى عمليات نقل البيانات والقرائه والكتابه لمحموغ الاقراص التحزينيه هى عمليه التهجين
باستخدام واجهه Matrix Storage عشان تقدر تضبط منها مستويين من انظمه الــــ RAID باختيار RAID 0 + Raid 5 لنفس الاقراص


بالاضافه ان عمر الهارد الافتراضى 3 سنوات زى ماوضحت Western Digital من فتره سواء لهاردات الــ SDD + HDD + Hyper
يعنى لازم تحصن نفسك بتوفير نسخ وشراء قرص جديد كل فتره ....
انما دا هارد ووقع على الارض :) مستنى منه ايه ... دا تقريبا نصف كيلو زجاج

[الواد ميشو]

شكرااااااااا لكل عضو افاد واخذ من وقته في الرد على الموضوع وشكرااا لصاحب الموضوع .. لان الموضوع دا شاغلني وموضوع مهم..
ارشح انه يتثبت ... وشكرااا

[mmasry]

موضوع مهم و رائع ....... شكرا للردود