الاختيار بين سونى وهواوى

[moneim67]

السلام عليكم
الاخوه الزملاء انا محتار بين تليفونين
الاول سونى z2 وهو بدون ضمان
https://www.gsmarena.com/sony_xperia_z2-6144.php
والثانى هواوى اونر 6 وهو بضمان
https://www.gsmarena.com/huawei_honor_6-6461.php

السعر والمواصفات متقاربه طبعا السونى اغلى
الفرق الضمان وجوده التصنيع
ياريت حد جرب الاثنين يفيدنا
ايه رايكم افادكم الله
تحياتى :)

[ibrahim.tohamy]

دا هيتوقف على بعض الحاجات منها الآتي:
* الهواوي اكسسواراته قليلة جدًا في السوق حتى في التوكيل بتاعه بس الدعم الفني ليه من الشركة الأم متواصل
* السوني اكسسواراته هتلاقيها بوفرة لكن الدعم الفني بتاعه من الشركة ضعيف جدًا
* الكاميرا الخاصة بالسوني أفضل من كاميرا هواوي
* السوني ضد المياه والغبار وممكن تصور بيه في تحت الماء لكن الهواوي لأ
* سعر الهواوي أرخص من السوني مع وجود ضمان للهواوي

* آخر حاجة بقى راحتك النفسية (إنت حابب تشيل إيه؟)
أما أنا لو كنت محتار زيك ما بين الاتنين دول فكنت هشتري السوني زد 2 (دا اختياري الشخصي إنت غير ملزم بيه)
وربنا يوفقك للي فيه الخير

[moneim67]

[QUOTE=ibrahim.tohamy;2932476]دا هيتوقف على بعض الحاجات منها الآتي:
* الهواوي اكسسواراته قليلة جدًا في السوق حتى في التوكيل بتاعه بس الدعم الفني ليه من الشركة الأم متواصل
* السوني اكسسواراته هتلاقيها بوفرة لكن الدعم الفني بتاعه من الشركة ضعيف جدًا
* الكاميرا الخاصة بالسوني أفضل من كاميرا هواوي
* السوني ضد المياه والغبار وممكن تصور بيه في تحت الماء لكن الهواوي لأ
* سعر الهواوي أرخص من السوني مع وجود ضمان للهواوي

* آخر حاجة بقى راحتك النفسية (إنت حابب تشيل إيه؟)
أما أنا لو كنت محتار زيك ما بين الاتنين دول فكنت هشتري السوني زد 2 (دا اختياري الشخصي إنت غير ملزم بيه)
وربنا يوفقك للي فيه الخير[/QU


السلام عليكم
شكرا اخى الكريم
بس فى نقطة غريبه شويه لكن الدعم الفني بتاعه من الشركة ضعيف جدًا
ازاى الدعم الفنى قليل للسونى برجاء التوضيح
انا مستريح للسونى زيك
بس فيه ناس بتقول ان معظم موديلاته صوتها ( السماعات منخفض)
ده فى الرنات ام صوت المكالمات
عشان ده مهم جدا
تحياتى

[ibrahim.tohamy]

بص يا سيدي بالنسبة لموضوع الدعم الفني (أعني بيه) متابعة الشركة للهاتف بالتحديثات الرسمية
وبالنسبة ليا أنا (أنت غير ملزم بيا) مش بيفرق معايا الموضوع ده خالص لأني أول ما بشتري الجهاز بعمل له روت على طول وبعد كده بنزل عليه رومات مطبوخة وساعات بعملها أنا بنفسي بفضل الله، ومش عاوزك تشغل بالك بالنقطة دي كتير لأن ما دمت مستقر على الروم اللي موجود على الجهاز ومش شايف فيه أي مشكلة يبقى عادي.
أما بالنسبة لموضوع الصوت فده نسبي ما بين شخص والتاني، وأنا عن نفسي شايف صوته معقول (صوت الرنة) أما صوت المكالمات فهو تحفة عن تجربة وصوت السماعات اللي بتيجي معاه تحفة برضه.
أتمنى إني أكون أفدتك، ولو محتاج أي حاجة تاني تحت أمرك

[moneim67]

[QUOTE=ibrahim.tohamy;2932788]بص يا سيدي بالنسبة لموضوع الدعم الفني (أعني بيه) متابعة الشركة للهاتف بالتحديثات الرسمية
وبالنسبة ليا أنا (أنت غير ملزم بيا) مش بيفرق معايا الموضوع ده خالص لأني أول ما بشتري الجهاز بعمل له روت على طول وبعد كده بنزل عليه رومات مطبوخة وساعات بعملها أنا بنفسي بفضل الله، ومش عاوزك تشغل بالك بالنقطة دي كتير لأن ما دمت مستقر على الروم اللي موجود على الجهاز ومش شايف فيه أي مشكلة يبقى عادي.
أما بالنسبة لموضوع الصوت فده نسبي ما بين شخص والتاني، وأنا عن نفسي شايف صوته معقول (صوت الرنة) أما صوت المكالمات فهو تحفة عن تجربة وصوت السماعات اللي بتيجي معاه تحفة برضه.
أتمنى إني أكون أفدتك، ولو محتاج أي حاجة تاني تحت أمرك[/QUOTE
السلام عليكم
شكرا اخى على التوضيح
كده اكون مطمن وانا بجيب السونى ان شاء الله
انا عندى فكره معقوله عن الروت ولكن بستنى شويه حتى انتهاء الضمان
تحياتى

[samrrooz]

سوني افضل

[moneim67]

سوني افضل

السلام عليكم
شكرا اخى على رايك وانا بالفعل قررت شرائه من الخليج
ومنتظر التجربه وسوف اقوم بعرض تجربتى فى موضوع منفصل
تحياتى وتقريرى :)

[atsky]

انا هشترى قريب Z2 و هو فعلا جهاز ممتاز و افضل من هواوى بمراحل

[ahmed601]

دا هيتوقف على بعض الحاجات منها الآتي:
* الهواوي اكسسواراته قليلة جدًا في السوق حتى في التوكيل بتاعه بس الدعم الفني ليه من الشركة الأم متواصل
* السوني اكسسواراته هتلاقيها بوفرة لكن الدعم الفني بتاعه من الشركة ضعيف جدًا
* الكاميرا الخاصة بالسوني أفضل من كاميرا هواوي
* السوني ضد المياه والغبار وممكن تصور بيه في تحت الماء لكن الهواوي لأ
* سعر الهواوي أرخص من السوني مع وجود ضمان للهواوي

* آخر حاجة بقى راحتك النفسية (إنت حابب تشيل إيه؟)
أما أنا لو كنت محتار زيك ما بين الاتنين دول فكنت هشتري السوني زد 2 (دا اختياري الشخصي إنت غير ملزم بيه)
وربنا يوفقك للي فيه الخير

كلام مش صحيح العكس هو الصحيح !
لدى هاتف سونى و هاتف هواوى السونى له دعم اكثر بكثير من الهواوى و الدليل سونى زد 1 و 2 و 3 مثلا نزل له اندرويد 4.4.2 و 4.4.4 و اندرويد 5 هينزل قريب هواوى لا لا يوجد اى تحديث للسوفت وير !
هواوى سوفت وير غير جيد السونى افضل منه و ال HTC في حتت الفنش بتاع السوفت وير يعنى واجهة التشغيل الية بتختلف من شركة للأخرى !

[ahmed601]

انا هشترى قريب Z2 و هو فعلا جهاز ممتاز و افضل من هواوى بمراحل
z2 فية عيوب صناعة اشترى z1 او z3 ابعد عن z2 نصيحة
المعالج الخاص بية فية مشاكل بيسخن

[ahmed601]

بص يا سيدي بالنسبة لموضوع الدعم الفني (أعني بيه) متابعة الشركة للهاتف بالتحديثات الرسمية
وبالنسبة ليا أنا (أنت غير ملزم بيا) مش بيفرق معايا الموضوع ده خالص لأني أول ما بشتري الجهاز بعمل له روت على طول وبعد كده بنزل عليه رومات مطبوخة وساعات بعملها أنا بنفسي بفضل الله، ومش عاوزك تشغل بالك بالنقطة دي كتير لأن ما دمت مستقر على الروم اللي موجود على الجهاز ومش شايف فيه أي مشكلة يبقى عادي.
أما بالنسبة لموضوع الصوت فده نسبي ما بين شخص والتاني، وأنا عن نفسي شايف صوته معقول (صوت الرنة) أما صوت المكالمات فهو تحفة عن تجربة وصوت السماعات اللي بتيجي معاه تحفة برضه.
أتمنى إني أكون أفدتك، ولو محتاج أي حاجة تاني تحت أمرك

مين قال ان السونى الدعم الفني بتاعة قليل ؟؟؟؟؟؟؟
السونى اول ما نزل z1 مثلا كان اصدار جيلى بين بعد كده بقى كت كات و بعد كده اندرويد لولى بوب اذاى الدعم قليل ؟
موضوع انك تحمل رومات مطبوخه ده سئ جدا جدا الية بيعمل السوفت وير ده ذي فريق كينوجيند مثلا كل شوية ينزل السوفت وير فية عيوب مثلا
تلاقى برامج مبتشتغلش ذي جوجل بلاى ستورى
تلاقى الكاميرا مبتشتغلش
و هتلاقى عيوب بالهبل و طبعا الجهاز يصبح خارج الضمان و كمان بيحذفم سعات بعض البرامج من السوفت وير ذي مثلا جوجل بلاى ستورج و برنامج مثلا الالة الحاسبة او اى برنامج ثانوى اخر علشان يوفر لك مساحه للسوفت وير لحجات تانية و يقلك سطبها بعدين بعد تحميل السوفت وير

[ahmed601]

Z1 او Z3 ابعد عن Z2 و ابعد عن هواوى لان السوفت وير له ملوش دعم و عندى منه هواوى هونرو 3 سى ليت و جى 630 مفيش اى
تحديثات للسوفت وير !
مشاكل خطيرة تواجه المستخدمين Z2

https://www.facebook.com/thinkandroid/posts/712135058843111

[atsky]

z2 فية عيوب صناعة اشترى z1 او z3 ابعد عن z2 نصيحة
المعالج الخاص بية فية مشاكل بيسخن

ممكن معلومات اكتر لان 90% من الاجهزه بتسخن مع الاستخدام و فى اجهزه بتسخن من غير استخدام ذى موبايلى القديم 4XHD :)

[ahmed601]

ممكن معلومات اكتر لان 90% من الاجهزه بتسخن مع الاستخدام و فى اجهزه بتسخن من غير استخدام ذى موبايلى القديم 4XHD :)

الجهاز بيسخن عند التسجيل بالكاميرا 4K و عند استخدامك للألعاب
و دى مشكلة في المعالج Qualcomm Snapdragon 801 ارتفاع درجة الحرارة
بس في Z3 محدش بيعانى من المشكلة دى
المعالج في Z2
Qualcomm MSM8974AB Snapdragon 801
في Z3
Qualcomm MSM8974AC Snapdragon 801
لاحظ الرمز
MSM8974AB في z2
و في z3 MSM8974AC
يوجد اختلاف
z2
https://www.gsmarena.com/sony_xperia_z2-6144.php (https://www.gsmarena.com/sony_xperia_z2-6144.php)
z3
https://www.gsmarena.com/sony_xperia_z3-6539.php (https://www.gsmarena.com/sony_xperia_z3-6539.php)
الأفضل تجيب Z3 ! انا معاية Z1 مفيهوش مشاكل انما Z2 سمعت ان فية مشاكل في ارتفاع درجة الحرارة اثناء التصوير بفيديو 4K و في ناس بتقول ممكن من السخونه تحس بلسعه اثناء لمسك للجهاز و شركة سونى حذرت الناس و قالت محدث يستخدم التصوير بدقة 4K اكتر من دقيقة و يفضل ثوانى معدوده حتى لا تتلف الجهاز و العيب كما ذكرة مش سوفت وير العيب هرد وير في المعالج و ربما البوردة للجهاز !
هات Z3 افضل و في منه بشريحتين وحده 4G و الأخرى 2G .


https://www.youtube.com/watch?v=fhERk1nyv78

[ahmed601]

كمان خد بالك فرق السعر بين Z1 و Z2 حوالى 300 جنية فقط !
مع ان Z2 رامات اعلى معالج اعلى بيسجل 4K شاشة IPS السمعتين اللود اسبيكر بدل ما كانم جنب بعض تحت في z1 اصبحم وحدة فوق ووحده تحت في Z2 و كل ده فرق 300 جنية فقط ؟
مع ان Z2 تقريبا هو هو Z3 شوف مثلا Z2 بيتباع على ما أتذكر بى 3980 و Z3 بى 5980 جنية يعنى فرق 1970 جنية انما Z1 عامل 3699 جنية يعنى فرق بينة و بين Z2 كام ؟ 281 جنية فقط !
مع ان إمكانيات Z2 هي هي تقريبا Z3 !
ده ميشككش في حاجة لية سعره منخفض ؟
و بعدين في الفيديو بيسجل 4K لمدة 10 ثوانى و الكاميرا تقفل يعنى بالعقل كده هتجيب موبيل علشان تسجل 10 ثوانى فيديو 4K ؟

[atsky]

انا كنت مستغرب فعلا من نزول سعر الجهاز تقريبا السعر 3200 من غير ضمان و بصراحه انا دورت على مميزات الجهاز بس عشان كده معرفتش العيب دا و الاختلاف بين Z2 و Z3 ان المعالج اعلى من 2.3 الى 2.5 و الشهاده من 58 الى 68 غير كده الجهازين واحد و شكرا انا عرفتنى النقطه دى

[ibrahim.tohamy]

كلام مش صحيح العكس هو الصحيح !
لدى هاتف سونى و هاتف هواوى السونى له دعم اكثر بكثير من الهواوى و الدليل سونى زد 1 و 2 و 3 مثلا نزل له اندرويد 4.4.2 و 4.4.4 و اندرويد 5 هينزل قريب هواوى لا لا يوجد اى تحديث للسوفت وير !
هواوى سوفت وير غير جيد السونى افضل منه و ال HTC في حتت الفنش بتاع السوفت وير يعنى واجهة التشغيل الية بتختلف من شركة للأخرى !

أستاذ أحمد حضرتك بتتكلم عن تجربة
أستأذنك تقول موديل السوني اللي معاك وموديل الهواوي اللي معاك
أنا لما اتكلمت اتكلمت عن تجربتي والأجهزة بفضل الله اللي أنا شايلها معايا (ابتداءً أنا من هواة اقتناء الأجهزة الجديدة في أي ماركة وتجربتها)
ثانيًا لما قولت إن الدعم الفني للأجهزة في سوني ضايع أما الهواوي فشغال معايا زي الفل في التحديثات الرسمية دا كان عن تجربة في الموديلين الاتنين اللي الأخ الكريم صاحب الموضوع كان بيسأل عنهم
ثالثًا موضوع السوفت غير جيد بالنسبة لهواوي (مش عارف معناها بصراحة) لأنه في الآخر أندرويد خام من الشركة فمش مستوعب معناها، بل على العكس دا أفضل نسخ الأندرويد على الإطلاق.
أما عن موضوع الرومات المطبوخة، فلو حضرتك مجربتش الرومات المطبوخة وتركيبها رجاءً لا تدلي برأيك، لأنها (من وجهة نظري) أفضل من الرومات الرسمية المحملة بالبرامج اللي مالهاش أي تلاتين لازمة بصراحة، والرومات المطبوخة فيها تظبيط لأداء الجهاز والبطارية بشكل عام.
وفي الأول والآخر دا كان رأيي من واقع تجربتي مش نقلًا عن قراءات في مواقع أو أخبار
وشاكر جدًا لك على طرحك الجميل للموضوع، وبارك الله فيك

[ibrahim.tohamy]

أما عن موضوع الحرارة فأتفق معك فيها والسبب هو تصوير الفيديو 4K وتظهر لك شاشة مفادها إن البروسيسور قد وصل لدرجة من السخونة تستوجب إغلاق التطبيق المفتوح (اللي هو الكاميرا)
وإضافة أخرى أن سعر سوني زد 3 اللي بشريحتين 4500 (الدولي)
وربنا يوفق صاحب الموضوع لما فيه الخير

[ahmed601]

أستاذ أحمد حضرتك بتتكلم عن تجربة
أستأذنك تقول موديل السوني اللي معاك وموديل الهواوي اللي معاك
أنا لما اتكلمت اتكلمت عن تجربتي والأجهزة بفضل الله اللي أنا شايلها معايا (ابتداءً أنا من هواة اقتناء الأجهزة الجديدة في أي ماركة وتجربتها)
ثانيًا لما قولت إن الدعم الفني للأجهزة في سوني ضايع أما الهواوي فشغال معايا زي الفل في التحديثات الرسمية دا كان عن تجربة في الموديلين الاتنين اللي الأخ الكريم صاحب الموضوع كان بيسأل عنهم
ثالثًا موضوع السوفت غير جيد بالنسبة لهواوي (مش عارف معناها بصراحة) لأنه في الآخر أندرويد خام من الشركة فمش مستوعب معناها، بل على العكس دا أفضل نسخ الأندرويد على الإطلاق.
أما عن موضوع الرومات المطبوخة، فلو حضرتك مجربتش الرومات المطبوخة وتركيبها رجاءً لا تدلي برأيك، لأنها (من وجهة نظري) أفضل من الرومات الرسمية المحملة بالبرامج اللي مالهاش أي تلاتين لازمة بصراحة، والرومات المطبوخة فيها تظبيط لأداء الجهاز والبطارية بشكل عام.
وفي الأول والآخر دا كان رأيي من واقع تجربتي مش نقلًا عن قراءات في مواقع أو أخبار
وشاكر جدًا لك على طرحك الجميل للموضوع، وبارك الله فيك
انا عندى 2 هاتف هواوى و هاتف واحد سونى زد 1
السونى له تحديثات كثيرة للألبوم الصور و مشغل الفيديو و مشغل الصوت و تحديث للسوفت وير
الهواوى G630 و honro 3 c lite الى الان لا يوجد اى تحديث للسوفت وير !
اقصد السوفت وير وحش في هواوى انه غير جيد في الشاشة الرئيسية المسماة home screen دى بتختلف من جهاز للاخر تجد مثلا HTC تستخدم HTC sence و سونى تستخدم xperia home screen الخ كل جهاز في الشاشة الرئيسية و الفنشينج يختلف عن الاخر !
فا شكل الشاشة الهووم اسكريين افضل في سونى افضل من هواوى
أيضا انا مجرب السوفت وير المطبوخ cyanogenmod على htc wildfire s سئ جدا جدا جدا
الكاميرا مبتشتغلش من غير الميمورى كارت ما يكون موجود فى الجهاز و احينا عيوب الروم المطبوخ و الرسالة ذى كده camera unfortunately
مثلا
فا ياريت متتكلمش بدون علم و تبرر أشياء و عيوب موجودة فعلا في السوفت وير المطبوخ !
https://forum.cyanogenmod.org/topic/74227-cm101-rc5-camera-problem/
العيوب دى في كل النسخ حتى النهائية من CM مش ال RC فقط !
و تقدر تقلى لية لما بتعمل رووت و تغير السوفت وير بيتلغى الضمان طالما انه افضل من الاصلى ؟

https://s20.postimg.org/gpveipfjh/Screenshot_2013_06_16_10_53_35.png

[ahmed601]

مثال على الهووم سكرين في كل موبيل مثلا HTC و Sony ده على الموبيلات القديمة نفس الشئ بالنسبة للجديد


https://www.youtube.com/watch?v=i2gsxJmJ0Ak

[ahmed601]

أما عن موضوع الحرارة فأتفق معك فيها والسبب هو تصوير الفيديو 4K وتظهر لك شاشة مفادها إن البروسيسور قد وصل لدرجة من السخونة تستوجب إغلاق التطبيق المفتوح (اللي هو الكاميرا)
وإضافة أخرى أن سعر سوني زد 3 اللي بشريحتين 4500 (الدولي)
وربنا يوفق صاحب الموضوع لما فيه الخير
هو لية الخيار الان هو الية هيحدد ربما يجيب حاجة أخرى غير سونى او هواوى

[ibrahim.tohamy]

انا عندى 2 هاتف هواوى و هاتف واحد سونى زد 1
السونى له تحديثات كثيرة للألبوم الصور و مشغل الفيديو و مشغل الصوت و تحديث للسوفت وير
الهواوى G630 و honro 3 c lite الى الان لا يوجد اى تحديث للسوفت وير !
اقصد السوفت وير وحش في هواوى انه غير جيد في الشاشة الرئيسية المسماة home screen دى بتختلف من جهاز للاخر تجد مثلا HTC تستخدم HTC sence و سونى تستخدم xperia home screen الخ كل جهاز في الشاشة الرئيسية و الفنشينج يختلف عن الاخر !
فا شكل الشاشة الهووم اسكريين افضل في سونى افضل من هواوى
أيضا انا مجرب السوفت وير المطبوخ cyanogenmod على htc wildfire s سئ جدا جدا جدا
الكاميرا مبتشتغلش من غير الميمورى كارت ما يكون موجود فى الجهاز و احينا عيوب الروم المطبوخ و الرسالة ذى كده camera unfortunately
مثلا
فا ياريت متتكلمش بدون علم و تبرر أشياء و عيوب موجودة فعلا في السوفت وير المطبوخ !
https://forum.cyanogenmod.org/topic/74227-cm101-rc5-camera-problem/
العيوب دى في كل النسخ حتى النهائية من CM مش ال RC فقط !
و تقدر تقلى لية لما بتعمل رووت و تغير السوفت وير بيتلغى الضمان طالما انه افضل من الاصلى ؟

https://s20.postimg.org/gpveipfjh/Screenshot_2013_06_16_10_53_35.png

لي تعليق بسيط على جملتك (فا ياريت متتكلمش بدون علم و تبرر أشياء و عيوب موجودة فعلا في السوفت وير المطبوخ) على ما يبدو أنك أنت الذي لا تدري ما هو الروم المطبوخ يا أستاذ أحمد(مع كامل الاحترام)، حضرتك رايح تجيب رومات سيانوجين مود النسخ الليلية وغير المستقرة مثالا على سوء الرومات المطبوخة، بالتأكيد هذه النوعية من الرومات سيئة وبها مشاكل.
أستأذنك لما تضرب مثال على سوء الرومات المطبوخة كلمني مثلا على موبايل زي النوت 3 (موجود معايا)، هواوي ميت 7 32 جيجا (موجود معايا)، سوني Z2 (موجود معايا)، HTC M8 و HTC 816 (موجودين معايا)، Lenovo S960 (موجود معايا)، هواوي أونر 6 (موجود معايا) ... وبفضل الله ما ذكرتهم لك كلهم عليهم رومات مطبوخة منها مما هو من تعديلي ومنها ما قمت بتنزيله من مواقع مثل XDA و KingDroid و HTC Mania وغيرها.
أما بالنسبة عن موضوع إلغاء الضمان لأنك بتكون أدمن على موبايلك والضمان مش مسئول عن الخلل اللي إنت عملته بإيدك.
أخيرًا لا يتجه لتجربة الرومات المطبوخة إلا من هم على دراية بذلك ومحدش بيضرب حد على إيده إنه يعمل روت لموبايله أو ينزل ليه روم مطبوخ
أخيرًا لصاحب الموضوع الحرية في اختيار ما شاء من الموبايلات فهو صاحب القرار الأول والأخير ولست وصيًا على أحد (لا أنا ولا أنت)
وبارك الله فيك على المناقشة الجميلة والمعلومات المفيدة

[moneim67]

السلام عليكم
شكرا لكم كل زميل له رأيه وله الشكر و الاحترام والتقدير
تم وصول الموبايل z2 من السعوديه 2950 بضمان سنتين موديل d6503
أقل الف جنيه تقريبا عن السوق المصري3890 تقريبا
بصراحه التجار في مصر( هامش الربح عالى جدا )في السعر
تحياتي لكل من أدلى برأيه
اهم حاجه الصوت روعه
ملاحظات اوليه
الشاحن ثلاثى محتاج كونفرتر
الجهاز سريع جدا
بإذن الله بعد التجربه بأسبوع
سوف انقل تجربتي كامله
تحياتي:)

[ahmed601]

السلام عليكم
شكرا لكم كل زميل له رأيه وله الشكر و الاحترام والتقدير
تم وصول الموبايل z2 من السعوديه 2950 بضمان سنتين موديل d6503
أقل الف جنيه تقريبا عن السوق المصري3890 تقريبا
بصراحه التجار في مصر بيبلغوا ( هامش الربح عالى جدا )في السعر
تحياتي لكل من أدلى برأيه
اهم حاجه الصوت روعه
ملاحظات اوليه
الشاحن ثلاثى محتاج كونفرتر
الجهاز سريع جدا
بإذن الله بعد التجربه بأسبوع
سوف انقل تجربتي كامله
تحياتي:)
الف مبرووك جرب الكاميرا في وضع ال 4K فيديو و اخبرنا بالنتيجة :)
و يارب ميكنش فية مشاكل :)

[moneim67]

الف مبرووك جرب الكاميرا في وضع ال 4K فيديو و اخبرنا بالنتيجة :)
و يارب ميكنش فية مشاكل :)
السلام عليكم
لم اعرف طريقه الضبط 4k
للجهاز انا لم اغير سامسونج قط إلا مره جربت ال جي
اول مره اتعامل مع السوني
شكرا وتحياتي

[ahmed601]

انا كنت مستغرب فعلا من نزول سعر الجهاز تقريبا السعر 3200 من غير ضمان و بصراحه انا دورت على مميزات الجهاز بس عشان كده معرفتش العيب دا و الاختلاف بين Z2 و Z3 ان المعالج اعلى من 2.3 الى 2.5 و الشهاده من 58 الى 68 غير كده الجهازين واحد و شكرا انا عرفتنى النقطه دى
بالظبط كده
المفروض سعر هاتف Z2 على الأقل يبقى مثلا 4700 جنية و سعر Z3 اصلا 5900 جنية يعنى فرق 1000 او 1200 جنية معقول لكن فرق 200 او 300 جنية بينة و بين Z1 ده الية بيشكك الواحد لا امه سعر Z3 مبالغ فية بشكل كبير يا امه Z2 فية مشاكل لذلك سعره رخيص و هو فعلا فية مشاكل في الكاميرا و ارتفاع درجة الحرارة اثناء التسجيل بالفيديو 4K و يقال اثناء تشغيل الألعاب ايضا

[ahmed601]

السلام عليكم
لم اعرف طريقه الضبط 4k
للجهاز انا لم اغير سامسونج قط إلا مره جربت ال جي
اول مره اتعامل مع السوني
شكرا وتحياتي
بتخش على اعدادات الكاميرا manual و تختار دقة الفيديو 4K و خد بالك 10 دقائق تسجيل تقريبا تساوى 4 جيجا مساحة

[moneim67]

بتخش على اعدادات الكاميرا manual و تختار دقة الفيديو 4K و خد بالك 10 دقائق تسجيل تقريبا تساوى 4 جيجا مساحة

السلام عليكم
تم التجربه اخى الكريم
وشكرا على المساعده
الصوره جميله جدا روعة
ولكن مع طول التصوير الجهاز يسخن قليلا
لن اصور 4k
لا احتاج الى هذه الخاصة لعدم وجود جهاز للعرض به
سوف استمتع بباقى خواص الجهاز
واتمنى الترقيه للنظام الجديد لولى بوب 5.0.2
ولكنه لم يصل حتى الان لجهازى
تحياتى

[Dr.a7med]

مبروك علي الجهاز
يا ريت تقوللي اخبار الحرارة ايه مع استخدام الأنترنت و الألعاب هل بيسخن ولا لأ ؟

[moneim67]

مبروك علي الجهاز
يا ريت تقوللي اخبار الحرارة ايه مع استخدام الأنترنت و الألعاب هل بيسخن ولا لأ ؟

السلام عليكم
جربت الانترنت فقط الحراره عاديه زى باقى الاجهزه
لكن فى حاجة ظهرت مش عارف من الجهاز او من الضبط وهى


وانا بتكلم صوت الطرف الثانى بيكون واضح للمجاورين لى مش عارف ليه مع انى مش مشغل الاسبيكر
ياريت حد يساعدنى
فى الموضوع ده
تحياتى