مشكلة مع كارت شاشة GeForce 210 من Gigabyte

[MohamedYousri]

السلام عليكم جميعا

كان عندي كارت شاشة Gigabyte ATI 3650 و بعد استعمال 3 سنين او اكثر تعطل و لعدم حاجتي لكارت شاشة بمواصفات قوية استخدامي اصبح بسيط جدا ف قررت شراء ارخص كارت شاشة متوفر في السوق و قد كان Gigabyte GeForce 210

المشكلة مع الكارت هي عند وجود اي تغيير في الكهرباء في الشقه ,,, الصورة تفصل و ترجع تاني ,, لو مثلا في حجرة اخري تم فتح او قفل لمبة الصورة تفصل و ترجع ,, لو الموبايل جمب الكمبيوتر و في مكالمة واردة يحصل نفس الموقف

انا شاكك ان المشكلة ممكن تكون في الـPower Supply ,,, اللي عندي هو Cooler Master RS-400-PSAR-J3 400W Power Supply
ف هل هو غير كافي انه يشغل الكارت الجديد ؟؟!!

اللوحة الام GIGABYTE GA-EP35-DS3L

2 x 2GB OCZ DDR2 Gold Edition Bus 800



شكرا جزيلا لكم و جزاكم الله كل خير

[phenomenon]

وعليكم السلام ورحمه الله وبركاته ... كما ذكرت اخى انت محتاج باور سبلاى ماركه جيده عشان يعالج اخطاء الكهرباء
للاسف الشقه نفسها الكهرباء فيها غير جيده ولذلك انت فى حاجه باور
OVP = Over Voltage protection
OPP/UPP = Over/Under Power Protection
OCP/UCP = Over/Under Current Circuit Protection
SCP = Short Circuit Protection
كل الخصائص دى بتكون متوفره فى الباورات الماركات الجيده الحاصله على شهادات Bronze +80Plus
Seasonic S12II 520W
حتى لو الكهرباء فضلت ترقص طول الليل والنهار انت فى الامان وثابت فى شغلك

[MohamedYousri]

السلام عليكم

بالصدفه اكتشفت ان العيب في كابل الـHDMI ,,, كنت موصل الشاشه بالكابل علي Laptop و لقيت نفس المشكله بتحصل .

جربت اشغل الجهاز حاليا علي كابل VGA و شغال عادي مفيش اي مشكله خالص ف كده العيب يبقي في الكابل

انا كنت جايب كابل ب20 جنيه ف طبيعي انه يعمل حاجات من دي ,,, هجيب كابل محترم شويه و ان شاء الله يظبط

هل في اي نصايح بخصوص كابل HDMI معين اجيبه ؟؟ لقيت واحد علي سوق ماركة اسمها manhattan اجيبه ولا تنصحوا بحاجه معينه ؟!
(https://www.manhattan-products.com/)