محتاج رأيكم قبل شراء شاشة...

[zoromeme]

السلام عليكم
انا ان شاء الله ناوي اشتري شاشة جديدة و ناس كتير بصراحة شكرولي في الشاشة دي S22D390H و انا ناوي اشتريها ان شاء الله خلال الأسبوع دة بس طبعا الطمع وحش :D و في ناس حاولو يقنعوني اني استنا شوية و اشتري شاشة اكبر و رشحولي الشاشتين دول
LS24D390HL و S24D360HL و بصراحة انا احترت و محتاج رأيكم هل اشتري الـ 22 على قد فلوسي :D ولا اسمع كلام الناس و استنة ؟؟؟ و ياريت ترشحولي شاشة لو سمحت ....

[TIMO1]

الفرق يستحق ان تنتظر لان الفروقات ليست فقط فى الحج بل فى تقنيه التنصيع لان الموديلين 24 بيملوا على تقنيه pls اى ببساطه عمق الوان اقوى وزوايا رؤيه 178-178 اى انك تستطيع رؤيه الشاشه من جميع الجهات على عكس الشاشه الاولى تعمل على تقنيه TN زوايا الرؤيه 170/160 معدل الرؤيه وعمق الوان اقل من الشاشه الاولى ... لذلك انصحك ان تصبر وانتقل ان شاء الله الى شاشه اكبر .

[zoromeme]

طيب ممكن ترشحلي واحدة من الشاشتين دول او شاشة افضل بس في نفس حدود السعر

[TIMO1]

الشاشتين يعتبروا زى بعض الفارق بينهم الشكل وان ال360 بيضاء وان ال390 سوداء واعتقد ان موديل ال LS24D390HL غير متوفر فى السوق فان كان يناسبك لون الاخرى ال360 فهى طبعا شكلها شيك للغاياه ولكن يوجد بعض الاشخاص لايفضلزن اللون الابيض اما فروقات اساسيه لايوجد فرق بين الاثنين .

[zoromeme]

الف شكر لحضرتك وعلى تعبك و زوقك
طيب في موديل معين حضرتك ترشحهولي ولا دا انسب موديل في الحدود دي

[TIMO1]

انسب اختيار هو S24D360HL

[zoromeme]

الف شكر لحضرتك انا ان شاء الله هنزل اسأل عنها في مول البستان و اشتريها
بس ليا استفسار اخير سامحني
كنت شوفت حضرتك في بوست تانية بتشكر في الوان s22d390h و قولت انك شايفها افضل شاشة ليد في الالوان هل هي افضل من اللي حضرتك رشحتهالي ولا لا? و اسف عى تعبك معايا

Sent from my HTC ChaCha A810e using Tapatalk 2

[zoromeme]

انا نزلت اليوم عشان اجيب الـ S24D360HL من مول البستان لا​كن للأسف مش متوفرة
بس لقيت S22D390H قولت جايز ربنا رايد اني اشتريها لاكن كانت اخر قطعة و معروضة كمان :mad:
المهم اشتريتها و بجربها دلوقتي بس حاسس ان الوان الشاشة باهتة نوعا ما !!!! و الكلام فيه سنة زغللة ...
هل ده شيء طبيعي ولا دي ممكن تكون مشكله في الشاشة؟؟؟
مع العلم اني شغال بكابل VGA و الشاشة مكانش معاها كابل فأشتريت واحد هل دة ممكن بسببه ؟؟؟
هل ارجعها ولا ايه العمل ؟؟؟

[TIMO1]

الف شكر لحضرتك انا ان شاء الله هنزل اسأل عنها في مول البستان و اشتريها
بس ليا استفسار اخير سامحني
كنت شوفت حضرتك في بوست تانية بتشكر في الوان s22d390h و قولت انك شايفها افضل شاشة ليد في الالوان هل هي افضل من اللي حضرتك رشحتهالي ولا لا? و اسف عى تعبك معايا

Sent from my HTC ChaCha A810e using Tapatalk 2
نعم الشاشه 22 جيده جدا ولكن لا تقارن PLS فهى جيده مقارنه بالشاشات ال22 التى فى فئتها اما عند وجود pls فالامر يختلف وايضا على حسب الامكانيه الموضحه للشراء

انا نزلت اليوم عشان اجيب الـ S24D360HL من مول البستان لا​كن للأسف مش متوفرة
بس لقيت S22D390H قولت جايز ربنا رايد اني اشتريها لاكن كانت اخر قطعة و معروضة كمان :mad:
المهم اشتريتها و بجربها دلوقتي بس حاسس ان الوان الشاشة باهتة نوعا ما !!!! و الكلام فيه سنة زغللة ...
هل ده شيء طبيعي ولا دي ممكن تكون مشكله في الشاشة؟؟؟
مع العلم اني شغال بكابل VGA و الشاشة مكانش معاها كابل فأشتريت واحد هل دة ممكن بسببه ؟؟؟
هل ارجعها ولا ايه العمل ؟؟؟
لو حضرتك كنت سالتنى قبل النزول كنت وجهتك للشراء من مول كمبيور سيتى فهى متوفره هناك باكتر من محل ويمكنك تجربتها فى محل ميكرولاب فهو موفر الشاشه والتجربه وايضا بيعطى شهر استبدال لو لاقدر الله يوجد هناك مشكله (S24D360HL)
اما بخصوص الشاشه التى قمت بشرائها فهى تاتى بكابل فيجا اصلى من المشتملات الاساسيه ولكن لاتاتى بكابل HDMI وموضوع الزغلله او الاهتزاز لم اراه بها فقد يكون السبب من الكابل الذى قمت بشراءه ولكن يوجد اوبشن فى الشاشه للتظبيط الاوتماتيكى ولكن من راى ان تقوم بارجعاها لان الشاشه فاقده ومنقوص منها كابل اساسى انظر الى هذا الفديو فى الدقيق 1.29 ثانيه ستجد ان من المشتملات الاساسيه كابل الفيجا
ولكن تاكد من قيامك باختيار دقه العمل على 1920x1080 وتاكد من قيامك بالضغط على زر الاوتو بجانب مفتاح الباور للظبط التلقائى .
https://www.youtube.com/watch?v=vAsj_Y3FVJI

[zoromeme]

انا فعلا ناوي ارجعها ان شاء الله المشكله بس اني مش من القاهرة و اني استعجلت كان بسبب فرصة مروري من طريق المول
للأسف الاستعجال وحش
بكرا ان شاء الله هكلم الراجل افهمة الوضع واني عايز ارجعها
بالنسبة لموضوع الرزوليوشن جربته و عملت اوتو لاكن الغريب ان الصورة مركزة في منتصف الشاشة، في جزء على اليمين و على الشمال غير مستخدم و مشكلة ان الالوان لم تحل بمعنى ان انا قفلت من الشاشة خالص :)
ياريت توضحلي عناوين الاماكن اللي حضرتك قولت عليها و ادعيلي ان الراجل يرضى يرجعها بدون مشاكل :):)
وبجد شكرا لحضرتك

Sent from my HTC ChaCha A810e using Tapatalk 2

[TIMO1]

اولا حضرتك واخد شاشه من حقك تقوم بارجعاها لانها تعتبر ليست جديده ومنقوصه من المكونات الاصليه وكانت فى العرض يعنى انت لم تقم بتخسيره شىء بل هو من قام بتخسيرك الوقت والمجهود واعطائك سلعه ناقصه مشتملات فده حقك وتمسك بيه طالما انك قمت بشراء سلعه واتضح انها ليست زيرو فقد تكون مستعمله فما ادارك المفترض ان الشاشه تاتى بكلمايوجد معها وايضا مشكله الدقه طالما 1920 المفترض ان تكون على جميع انحاء الشاشه الصوره مفروده وليست متكرزه على جانب واحد ولكن ايضا لم تذكر لى ماهى البطاقه المستخدمه ؟
ثانيا الاماكن كما اشرت اليك فى مول كمبيو سيتى فى المهندسين اعلى محل مترو مشهور جدا ستجد هناك اكتر من محل ويوجد محل ميكرو لاب بيقوم بالتجربه للشاشات قبل الشراء وبيعطى على حد على ضمان من المحل شهر كامل وليس 15 يوم للاسبتدال لو يوجد فى الشاشه .

[zoromeme]

والله ماعارف اقولك ايه على تعبك معايا و اهتمامك زمانك كرهتني وقربت تمسح الpost
حبيت بس اقولك اني اخدت الشاشة والكابل معايا الشغل قولت اجرب قبل ما اكلم الراجل عشان اكون واثق من كلامي
1- جربت الشاشة بالكابل بتاعي على جهاز الشغل النتيجة نفس العيب.
2- جربت الكابل بتاعي على شاشة الشغل التيجة نفس العيب (فتأكدت ان سبب الزغللة من الكابل)
3- جربت الكابل الاوريجنال بتاع شاشة الشغل على شاشتي النتيجة الصورة اتظبتت و الالوان نوعا ما لاكن حاسس ان اللون الأبيض مصفر مش ابيض زي شاشة الشغل

للعلم شاشة الشغل S20D300
مكدبش عليك انا افلت من الشاشة دي وقررت ارجعها لعدم امانة التاجر و مشكلة الالوان الباهتة
و بخصوص سؤالك عن كارت الشاشة الخاص بي انا مؤقتا بأستخدم الBuilt in للوحة انا عارف ان جودتة ضعيفة لاكن كنت واثق ان مش هو السبب
كنت حاسس اني مشغل الكمبيوتر على تلفزيون بأريل من بتوع زمان و الصورة مزغللة!!!

[TIMO1]

لا ولايهمك طالما حضرتك بتكلم فى مشكله معاك وانت بتحكى تفاصيلها لايوجد كلل ولا ملل بس احنا بردوا وصلنا لنقطه الا وهى انك ناقصك كابل الاصلى للشاشه وموضوع الالوان انا مش عارف هل هى على default بتاع المصنع ام ملعوب بها على العموم هو يمكنك التحكم فى الموضوع ده بوضع الشاشه على mode cool in color فى هذا الوضع بيكون الابيض اكثر نقائا وبالطبع يختلف من شاشه الى اخرى وبالمناسبه عن تجربه شخصيه من قريب جدا رايت شاشه موديل samsung syncmaster s22c300b وهى تصنيع مصرى ابيض وعمق الوان مبهر للغايه فلو تريد شاشه ابيضها ناصع انصحك بهذه الشاشه وتمت تجربتها لدى على جهازى والشاشه تحفه بمعنى الكلمه لايوجد تسريب اضائه بها والاسود جيد والابيض ناصع والوان مبهره بس للاسف كانت لصديق لى وكان يريد تجربه الديد بيكسل فلو تريد شاشه بمبلغ اقل من 900 جنيه 22 اختار هذه الشاشه اما ان كنت تريد دفع 1300 جنيه فتوجه مباشره الى pls 24 وطبعا فرق كبير فى كل شىء
نسيت انصحك لو هاتقوم بالشراء قم بالتجربه لاى شاشه للتاكد من خلوها من الديد بيكسل .

[zoromeme]

كنت عايز اخد رأي حضرتك في حاجة
الراجل دلوقتي عارض عليا اني استبدل الشاشة بشاشة أخرى و انا كنت ناويت ان شاء الله اشتري S24D360HL زي ما حضرتك نصحتني ولاكن للأسف هي مش متوفرة عنده
هو عارض عليا الموديل دة ls24d590pl
هل هي في نفس كفائة S24D360HL ام اتمسك بطلبي لإسترجاع الشاشة و اشتري S24D360HL من مكان اخر ؟؟

[zoromeme]

الموضوع انتهى بأن الراجل وفرلي كابل اوريجنال للشاشة S22D390 بعد معاناة و خناقات وقلت زوق من صاحب المحل
الواحد مش بيتعلم ببلاش نصحتي لأي حد بيشتري اي حاجة من اي تاجر مكونات كمبيوتر ميخدش الحاجة غير و هو واثق ومتأكد 100% انها جديدة و يجربها ويختبرها انها شغالة بكفائة ويفكر بتأني قبل ميدفع الفلوس وانسى انك بعد متطلع برا باب المحل انك هتقدر تاخد فلوسك تاني ( فكر مليون مرة قبل ما تدفع اي مبلغ ) و محدش يغلط غلطتي ويتسرع.

وبجد الف شكر للمشرف
TIMO1 (https://arabhardware.net/forum/member.php?u=104472) على زوقة وحبة لخدمة الناس ومساعدتهم و
( صبره )

[TIMO1]

قدر الله وماشاء فعل بالنسبه للشاشه الى معاك ممكن تعمل الاول اعدادت الشاشه على الديفولت علشان تتاكد ان كا حاجه رجعت لاصلها ... وبعد ذلك لو لاقيت ان الشاشه لسه الابيض بتاعه مصفر قليلا هاتدخل على color من اوبشن الشاشه وتضعه على وضع cool1-cool2 على حسب انه وضع هايبقى مريح اليك اكتر او لو تريد وضع يدوى لتظبيط الالوان قم بتقلليل الاحمر والاخضر الى 45 او 42 ولا تقلل فى الازرق .
ولو فى اى استفسار اخر قم بطرحه وتحت امرك .