سؤال بخصوص الفرق بين هارد سيجيت والوسترن من حيث الاداء والسعر

[ay.cobra]

سلامو عليكم

دلوقتى انا عايز اشترى هارد 2 تيرا للجهاز بتاعى
الهارد هيكون ماستر .. يعنى الهارد الاساسى اللى عليه الويندوز وكل اعمالى .. مش مجرد هارد تخزين

لما بصيت على الهاردات المتوفرة فى السوق لقيت الاتى
Seagate Barracuda ST2000DM001 2TB حوالى 620 جنيه
Western Digital Purple WD20PURX 2TB حوالى 660 جنيه
Western Digital Caviar Black WD2002FAEX 2TB حوالى 1050 جنيه

دلوقتى سؤالى هنا
- انهو افضل السيجيت ولا الويسترن بصفة عامة ؟
- اول مرة اسمع عن الويسترن بيربل ده (اعرف البلو والجرين والبلاك) ايه الخواص بتاعته
وبالمرة ايه الفروق بين ال4 انواع اذا امكن يعنى ؟؟
علشان عايز اعرف انهو افضل .. البلو ولا البيربيل
- ليه فرق السعر الرهيب بين السيجيت والبيربل .. وبين البلاك
مع العلم انهم نفس الامكانيات من حيث الrpm والكاش ونوع الساتا

ياريت الاجابة فى اسرع وقت لانى عايز انزل اشترى الهارد قريب

وشكرا مقدما

[AHMED ELNESR]

عليكم السلام

السيجيت او الويستيرن الاتنين ممتازين

WD Purple ده مخصص لكاميرات المراقبة ومواصفاته شبيهة بال RED وده بيكون 5400 RPM

ودي الاختلافات بينهم
https://arabhardware.net/2014/11/03/%D8%A7%D9%84%D8%A5%D8%AE%D8%AA%D9%84%D8%A7%D9%81%D 8%A7%D8%AA-%D8%A7%D9%84%D8%A3%D8%B3%D8%A7%D8%B3%D9%8A%D8%A9-%D8%A8%D9%8A%D9%86-%D8%A3%D9%82%D8%B1%D8%A7%D8%B5-western-digital/

والبلاك اغلي لانه اسرع واحد فيهم

[ay.cobra]

الف شكر يا كبير
طيب اخر سؤال

تنصحنى اجيب الهارد الويستيرن البلو ولا السيجيت ؟؟

[Dragons Lord]

هات السيجات لان الهارد البلو مفيش منه 2 تيرا

[Green Wolf]

لو فلوس البلاك متوفرة هاتو افضلك لأنه سريع

[sokree]

وعليكم السلام ورحمة الله وبركاته

شوف أخى هارد الــ Purple هو هارد مخصص لتخزين ملفات الفيديو الملتقطة من كاميرات المراقبة وهارد الـــ Red هو الهارد المخصص للعمل فى السيرفرات

ونظرا لان كلا النوعين مخصصان للعمل لمدد طويلة متواصلة 24/7 (24 ساعة فى اليوم لمدة 7 أيام فى الاسبوع) لذا تجد أن السرعة غير مهمة بعكس الاعتمادية

لذا إبتعد عن فكرة شراء هارد Purple أو Red إذا كنت تريد هارد ليكون عليه الـــ System

هارد ال Green هو مخصص للتخزين وعلى فكرة إذا أردت فى يوم ما تشترى هارد للتخزين فهارد الـــ Red أفضل من Green بكثير وعن تجربة شخصية


يتبقى لديك هارد Blue وهو متوفر بمساحة 1 تيرا وهارد Black وهو متوافر فى حجم من 1 تيرا إلى 4 تيرا

إذا كنت مصمم على مساحة هارد 2 تيرا فلا يوجد أمامك سوى ال Black

بخصوص السيجيت فهو أيضا ممتاز وإن كانت هنناك شكاوى من نسبة إنهيار للداتا أعلى من مثيلتها فى الويسترن , فى المقابل هارد السيجيت هادىء جدا بعكس الويسترن البلاك

المشهور بمزيج من الصوت العالى والتكتكة المتواصلة


الخلاصة : هارد ال WD Black فعليا أسرع وعمره طويل وأكثر إعتمادية من الSeagate العيوب صوته عالى , سعره أغلى بنسبه كبيرة عن Seagate

لو تريد رأيى , إشترى Seagate 2T

أرجو أن اكون قد أفدتك وبالتوفيق إن شاء الله

[limo2007]

افضل هارد فى اللى تم ذكره الويسترن بلاك
ولكن ده لو ميزانيتك مفتوحة

نيجى بقى للويسترن والسيجات

الويسترن الاخضر هو المقارب سعره للسيجات
برغم ان اداء السيجات مقارب لاداء الويسترن البلاك بشهادة الجميع

انا من ضمن الناس اللى يهمهم الهارد يكون معايا اطول عمرا بمعنى يحافظ على بياناتى بدون ضرر
ولو فى ضرر يهمنى الهارد المتوفر له برامج لحل مشاكله
ويهمنى توفر بردة للهارد سواء كانت جديدة او من هارد مستعمل نتيجة كثر ة انتشاره وده بقى هنلاقيه فى الويسترن الاخضر
هارد هادىء يكاد صوته غير مسموع وللعلم هو ابطىء الانواع لكنه غير ملحوظ فبالتالى لا ينتج عنه صوت اثناء الدوران ده غير طريقة تغليفه من داخل القرص
لانه خاص بحفظ البيانات

انا عندى هارد 1 تيرا الاخضر له 7 سنين بستخدمة بلا اى مشاكلوبلا وجود لاى بادات بسم الله ما شاء الله ومن سنة كمان جبت عليه هارد 2 تيرا الاخضر وامبارح كذلك اضفت هارد 2 تيرا الاخضر لتخزين ملفاتى
شغلى على اى هارد فيهم بيتراوح احيانا ل 48 ساعه ويمكن تزيد عليهم 5 ساعات
طبعا مش بشيل هاردى من الجهاز وكل هارد فوق منه مروحة والباور اللى فى الجهاز اوريجنال ومش بحب اكون مشغل الهاردين مع بعض تحسبا لمشاكل التيار

دى تجربتى الحاليه اللى بيتوقف عليها سمعت الهارد
وفى حوار مع صديق لى مهندس هاردوير فى مجال الهاردات والمازربورد اكد لى ان السيجات رائع لكنه طرحت عليه استفساراتى كالتالى
هل لو فى مشكله فى الهارد السيجات تقدر تلاقى له برامج او بردة وتصلحهولى ذى ما بجيبلك الويسترن جاوبنى للاسف ده العيب

للعلم انا بجيبله شغل من الشركة عندى للويسترن ودايما بيحلها من تغيير بردة او علاج بادات او تحديث الفريموير وبالتحديد ال 1 تيرا الويسترن الاخضر
للعلم الهاردات دى تالفه من اجهزة اولياء امور بسبب الاطفال وارتفاع الحرارة فى الاجهزة mini اللى بيكون فيها الهارد اسفل الباور مباشرة وانتم عارفين الصيف اذاى فى مصر او فى او بسبب مشاكل التيار او بسبب نقل الهارد دائما كالفلاشات


واتمنى لك التوفيق فيما ستختار

[mmasry]

الويستر البلاك أداء و سرعة أفضل بلاشك لكن سعره غالى

[Coolermaster]

انا عندى ويسترى 2 تيرا بلاك صوته عالى جدااااا وكمان حرارته اعلى من اى هارد تانى يتعبر صفقه فاشله بمعنى الكلمه السيجيت لدى أيضا بسم الله ماشاء الله سرعه بدون صوت نهائي