عندى مشكلة مع شركة انترنت im و ارجو من حضرتكم الافادة

[peter magdy mon]

مساء الخير على احلى شباب فى المنتدى
دلوقتى انا عندى مشكلة مع الشركة النصابة اللى اسمها im دى
انا كنت مشترك مع TE DATA و بعدين حبيت الغى التعاقد معاهم فى سرعة 2 ميجا و اشترك مع شركة IM علشان كانو عامليين 2 ميجا ب 115 جنية لمدة 10 شهور
المهم جالى مندوب و اخد 130 جنية ( 115 جنية الاشتراك + 15 جنية مندوب تحصيل ) علشان الحق العرض عقبال ما افقل من TE DATA
الكلام دة يوم 3/30 - و روحت 4/1 اللى فات الغى التعاقد من TE DATA
لقيت شركة TE DATA يوم 4/3 فدمتلى عرضين - فاخترت طلقة 100 جيجا ب 150 جنية لمدة 9 شهور - لانى مشترك انا و جارة لينا بس على السرعة دى فقلت تمام و هكمل معاهم
جيت الغى التعاقد من IM قالولى 15 الجنية المندوب راحت قلتلهم ماشى
و فى رسوم ادارية 75 جنية من 115 جنية --- فزعقت معاهم و كدة و حصل حوار موصلتش لحاجة
بس انا كلمتهم كذا مرة فى واحد فيهم بس قالى لو عدى 38 يوم و مدخلناش الخدمة هتسترد فلوسك كاملة 115 جنية لكن الباقى انكر الكلام دة
المهم
انا كلمت رقم 115 الجهاز القومى للاتصالات
و حكيتلة القصة قالى IM دة وكيل و مافيش شركة اسمها كدة مافيش غير
LINK - TE DATA - NOOR - فودافون اتصالات - يالا مصر
الشركة المذكورة وكيل - كلمتهم تانى و برضو اكدو انهم شركة و ليس وكيل
انا عايز اعرف دلوقتى هما وكيل لشركة اية -- لان الجهاز ميعرفش شركة بالاسم دة و هما بيأكدو انهم شركة
و انا كدة وقعت مع شركة نصابة لان المصاريف الادارية 10او 15% مش 70% دا كدة نصب
و دا لينك ليهم على الفيس
https://www.facebook.com/IM.DSL?fref=ts
ممكن حد بقى يفيدنى فى الحوار دة
شكرا

[peter magdy mon]

مافيش اى حد معلومة عن الشركة دى

[محمد عمر 2015]

المفروض ان الجهاز القومي لتنظيم الاتصالات كان يقولك انت تبع ايه .....

بس عموما انا كنت معاهم شهر واحد بس ولغيت بعد مشكلة برضو وكلمت جهاز تنظيم الاتصالات قالولي ساعتها اني تبع شركة link عن طريق im وفي خلال اسبوع كلمني جهاز تنظيم الاتصالات واخدت منهم ال cancellation number اللي مكانوش عايزين يدهوني وانا دلوقتي مع Te data
ابعت كذا شكوى للجهاز وهما اكيد هيتصرفو .... وان شاء الله خير

[peter magdy mon]

المفروض ان الجهاز القومي لتنظيم الاتصالات كان يقولك انت تبع ايه .....

بس عموما انا كنت معاهم شهر واحد بس ولغيت بعد مشكلة برضو وكلمت جهاز تنظيم الاتصالات قالولي ساعتها اني تبع شركة link عن طريق im وفي خلال اسبوع كلمني جهاز تنظيم الاتصالات واخدت منهم ال cancellation number اللي مكانوش عايزين يدهوني وانا دلوقتي مع Te data
ابعت كذا شكوى للجهاز وهما اكيد هيتصرفو .... وان شاء الله خير
انا متشكر ليك جدا يا استاذ عمر
انا لسة مشترك معاهم من 5 ايام فقط و عايز اقولك ان انا لسة شايف رد حضرتك انهاردة فقط
و للاسف انا منصحش اى حد يشترك معاهم
النت من الفجر لغاية الساعة 5 اخر النهار على سرعة 4 ميجا
الداون لود 525 ك بت لكن بعد كدة بيبقى 170 او 180 ولا يتعدى 200 ك بت
و للاسف انا فى حوارات معاهم و مكالمات و برضو نفس شركة te data اصل عندك مشكلة او السلك كماشى جنب حاجة -ههههههههه دى جديدة - ماهو السلك بالسرعة العالية مش بيتحرك من مكانة والله
و كلام حضرتك سليم انهم طلعة تبع لينك لان الروتر لينك و السيرفر برضو لينك
شركة te data كانت بسرعة 460 ك بت ثابت طول اليوم
للاسف شوفت رسالتك متأخر و مع اخر شركة كنت ممكن اشترك معاها و هيا شركة لينك
الف شكر ليك