درجة حرارة عالية

[abdallahadel]

السلام عليكم


انا عندى مشكلة ان درجة حرارة البروسيسور بتعلى وانا بلعب جميع اجزاء BF بالذات لعبة BF Hard line
ودى صورة لدرجة الحرارة مع العلم ان درجة الحرارة القسوة للبروسيسور 72 C دة الى مكتوب فى موقع Intel ودة نوع البروسيسور : I5 4440

https://arabhardware.net/forum/attachment.php?attachmentid=27416&stc=1

[محمد البرديسى]

ممكن تحدد نوع الكيسة وعدد المروح الموجدة وهل الفانة الخاصة بمعالج متركبة كويس

[abdallahadel]

Zalman Z9
مش عارف بصراحة كام مروحة بالظبط معاها
اة الفانة شغالة عادى

[Black_Spy]

إتأكد ان الفانة بتاع البروسيسور متركبة كويس ولو مركب الفانة اللى جايه مع البروسيسور يستحسن تشيلها وتجيبلك مشتت أفضل خصوصا وان الصيف جاى

ممكن تشترى المشتت دا Cooler Master Hyper T4 CPU Cooler ... 250 LE

[abdallahadel]

طب انا حاليا ممكن افتح العاب واكمل لعب عادى ولا مينفعش اعمل اى حاجة غير لما اشترى المشتت
انا سمعت انى ممكن استخدم البروسيسور عادى مادام اقل من 80 C

[phenomenon]

درجه الحراره طبيعيه مع المشتت الافتراضى
القلق يبدا من 90C فيما اعلى فى الضغط
كام درجه الحراره فى الخمول ؟
موقع انتل بيوضح حراره الـــ Tcase مش CPU Core

[Black_Spy]

الافضل انك تركب المشتت الاول عشان تكون فى امان

ومتنساش تحط المعجون الحرارى اللى جاى مع المشتت

واشترى لك انبوبة معجون حرارى من نوع كويس وخليها معاك عشان لو جيت تنضف الجهاز فى يوم

[abdallahadel]

حرام تبقى اللعبة عندى واتفرج عليها كدة مفيش اى حل تانى يعنى البروسيسور هيتحرق لو لعبت ؟ :D

[مينا منتصر]

لا الكلام ده مش صح. الحد الاقصي 110 درجه سيليزي... للبروسيسورات الintel. .....انتا طالما اقل من 90 انتا فالامان.... مش محتاج تقلق خالص.. العب براحتك.....

[abdallahadel]

درجه الحراره طبيعيه مع المشتت الافتراضى
القلق يبدا من 90C فيما اعلى فى الضغط
كام درجه الحراره فى الخمول ؟
موقع انتل بيوضح حراره الـــ Tcase مش CPU Core

دى صورة لدرجة الحرارة فى الخمول بس الجو انهاردة حر فالجو الطبيعى بتبقى فى حدود 39 34 كدة ياعنى
معلش ممكن اعرف اية ال Tcase بالظبط واية الفرق مبينها ومبين ال Core
https://arabhardware.net/forum/attachment.php?attachmentid=27417&stc=1

[phenomenon]

Tcase :(
اخى Tcase مش حراره المعالج المعروفه لينا بـــــ Cpu Temp او Core Temp
انتل بتقولك ان دى اقصى حراره لـــــ Integrated Heat Spreader داخل المعالج نفسه
بمعنى ان دى اقصى حراره وصلت ليها IHS اثناء اختبارات المعالج طبقا لــــ Heat Spreader Sensors داخل المعالج وايوه ممكن تختلف من شخص لاخر
لكن دى مش رمز لحراره المعالج نفسه او حراره الانويه نفسها والحراره دى بناءا على ( Intel integrated Thermal ) داخل المعالح
الخلاصه منها ان مستحيل Tcase المعالج يرتفع ابدا عن 72C مهما كانت درجه حراره المعالج
لو تذكرت سابقا كان فى بعض الناس بتحاول تفتح المعالج وتغير طبقه داخليه للــ HS من فوق الــــ PCB بمعجون غالى نضيف
ودا كان بيساعد على تقليل حراره Tcase نفسه اللى انت مش بتقدر تعرفها ولا تشوفها او تتاكد انها مرتفعه ولا قليله
وبالتالى Sensors او مجسات ( حساسات ) الـــــ Tcase بالتاكيد تقل معاها بالمعجون الجديد
,وبالتالى دمار المعالج بعد فتره او دماره فى الحال لو غلطت

Cpu Package Temp دى اقصى حراره لانويه المعالج اثناء زروه عملها ( طبقا لـــــ التطبيق المستخدم او حتى وضع الخمول )
وهى دى اللى تهمك فى برنامج HW Monitor فقط او اى برنامج اخر

TJ Max هى اقصى حراره مسموح بيها للمعالج ان يصل لها فى وقت التحميل والجهد التقيل وتقدر تشوفها من خلال برنامج Real temp
اذا وصل ليها المعالج بيعمل Shutdown لنفسه تلقائيا ومع ذلك تقدر تغيرها بنفسك لو حبيت ومع ذلك ممكن وارد ملاحظه تغيرها
تلقائيا حال تحديث البيوس ولكن تغيرها يدويا اكبر خطر ايضا

النهايه : اى حراره بتقراها من اى برنامج حراره دى مش حراره المعالج نفسه او حراره الانويه نفسها ولكن حراره Sensors نفسها
مضبوطه على قرائه حراره المعالج بشكل تلقائى وبالتالى احنا بنعتبرها حراره المعالج ....
ايوه فى فرق بين الحراره والمجسات طالما اتكلمنا على الفروقات
بمعنى ستجد هناك العديد من اخطاء قرائه برامج الحراره لمجسات ( Sensors ) لبعض المعالجات
والسبب بيكون استخدام مشتتات احترافيه او مشاكل بالبيوس نفسه انه مش قادر يقرا مجسات المعالج نفسه المضبوط اليا مع المعالج
ولكن مش دى المشكله ان لم تواجهه مشكله بالحراره

بخصوص مشكلتك : لا يوجد قلق من الحراره والحراره طبيعيه نظرا لحراره الجو ولكن ربما اتى ميعاد تغير المعجون بمعجون اخر
ملحوظه : متفكش المعالج ابدا ولا تحاول تغير او تحرك المروحه من مكانها الا حال شرائك معجون جديد عشان متاثرشى على المعجون
الموجود حاليا
حراره 45-50 فى الخمول ايوه عاليه - حاول تفتح باب الكيس الجانبى لكن مش بتدل على اخطاء فى تركيب المروحه
او هلاك المعجون بشكل كامل ... قبل دخول الحر تماما اشترى معجون جيد اقرب فرصه واتبع الطرق الصحيحه والامنه لزوال
المعجون القديم واضافه غيره وان شاء الله الامر يتحسن لكن متقلقشى نفسك اطلاقا حاليا بالحراره طالما لم تصل الى الخطر
75 عاديه لكن حفاظا على حاله المعالج حاول تشترى معجون اخر

[abdallahadel]

Tcase :(
اخى Tcase مش حراره المعالج المعروفه لينا بـــــ Cpu Temp او Core Temp
انتل بتقولك ان دى اقصى حراره لـــــ Integrated Heat Spreader داخل المعالج نفسه
بمعنى ان دى اقصى حراره وصلت ليها IHS اثناء اختبارات المعالج طبقا لــــ Heat Spreader Sensors داخل المعالج وايوه ممكن تختلف من شخص لاخر
لكن دى مش رمز لحراره المعالج نفسه او حراره الانويه نفسها والحراره دى بناءا على ( Intel integrated Thermal ) داخل المعالح
الخلاصه منها ان مستحيل Tcase المعالج يرتفع ابدا عن 72C مهما كانت درجه حراره المعالج
لو تذكرت سابقا كان فى بعض الناس بتحاول تفتح المعالج وتغير طبقه داخليه للــ HS من فوق الــــ PCB بمعجون غالى نضيف
ودا كان بيساعد على تقليل حراره Tcase نفسه اللى انت مش بتقدر تعرفها ولا تشوفها او تتاكد انها مرتفعه ولا قليله
وبالتالى Sensors او مجسات ( حساسات ) الـــــ Tcase بالتاكيد تقل معاها بالمعجون الجديد
,وبالتالى دمار المعالج بعد فتره او دماره فى الحال لو غلطت

Cpu Package Temp دى اقصى حراره لانويه المعالج اثناء زروه عملها ( طبقا لـــــ التطبيق المستخدم او حتى وضع الخمول )
وهى دى اللى تهمك فى برنامج HW Monitor فقط او اى برنامج اخر

TJ Max هى اقصى حراره مسموح بيها للمعالج ان يصل لها فى وقت التحميل والجهد التقيل وتقدر تشوفها من خلال برنامج Real temp
اذا وصل ليها المعالج بيعمل Shutdown لنفسه تلقائيا ومع ذلك تقدر تغيرها بنفسك لو حبيت ومع ذلك ممكن وارد ملاحظه تغيرها
تلقائيا حال تحديث البيوس ولكن تغيرها يدويا اكبر خطر ايضا

النهايه : اى حراره بتقراها من اى برنامج حراره دى مش حراره المعالج نفسه او حراره الانويه نفسها ولكن حراره Sensors نفسها
مضبوطه على قرائه حراره المعالج بشكل تلقائى وبالتالى احنا بنعتبرها حراره المعالج ....
ايوه فى فرق بين الحراره والمجسات طالما اتكلمنا على الفروقات
بمعنى ستجد هناك العديد من اخطاء قرائه برامج الحراره لمجسات ( Sensors ) لبعض المعالجات
والسبب بيكون استخدام مشتتات احترافيه او مشاكل بالبيوس نفسه انه مش قادر يقرا مجسات المعالج نفسه المضبوط اليا مع المعالج
ولكن مش دى المشكله ان لم تواجهه مشكله بالحراره

بخصوص مشكلتك : لا يوجد قلق من الحراره والحراره طبيعيه نظرا لحراره الجو ولكن ربما اتى ميعاد تغير المعجون بمعجون اخر
ملحوظه : متفكش المعالج ابدا ولا تحاول تغير او تحرك المروحه من مكانها الا حال شرائك معجون جديد عشان متاثرشى على المعجون
الموجود حاليا
حراره 45-50 فى الخمول ايوه عاليه - حاول تفتح باب الكيس الجانبى لكن مش بتدل على اخطاء فى تركيب المروحه
او هلاك المعجون بشكل كامل ... قبل دخول الحر تماما اشترى معجون جيد اقرب فرصه واتبع الطرق الصحيحه والامنه لزوال
المعجون القديم واضافه غيره وان شاء الله الامر يتحسن لكن متقلقشى نفسك اطلاقا حاليا بالحراره طالما لم تصل الى الخطر
75 عاديه لكن حفاظا على حاله المعالج حاول تشترى معجون اخر










شكرا جداا لو سمحت كنت عايز اعرف بس المعجون دة كويس ولا

Zalman ZM-STG2 Thermal Grease

[phenomenon]

كويس جدا اخى من خلال مراجعات اللى اشتروه

[TIMO1]

قم بشراء مشتت hyper 212 evo حتى ترتاح نهائى من الانزعاج والتفكير فى درجات الحراره وسعرها لن يتعدى ال 280 جنيه والحراره ستقل معك الى 60-65 فى اقصى ضغط ممكن حتى فى اسواء ظروف الحراره وهو ياتى ومعه المعجون الاحترافى الخاص به .