معالج i5-3470 يصل الى 72 درجة عند لعب Far cry 4 هل هذا خطر؟

[whiteknights]

السلام عليكم ...عند لعب far cry 4 لمدة حوالى ساعتين درجة الحرارة بتصل الى 72 درجة ,, اما عند الخمول فالدرجة عادية 30 الى 34 درجة .. الكيسة Thermaltake بمروحة واحدة فى الخلف .. لم اجرب لعب باقى الألعاب منذ فترة طويلة و لكن الحرارة كانت لا تتعدى 65 ... المهم انى لا اريد تنظيف الكيسة الأن من الأتربة, كنت ناوى انظفها بعد حوالى شهرين مثلا فى عز الصيف ...تنصحونى اكمل لعب عادى بهذه الدرجة؟

[bisotiger]

ايوه اخى الكريم خطر عشان اقصى درجة حرارة للمعالج دا 67 درجه مئوية
فالبتالى بتوصل فى درجة الحرارة 72 الان امال بعد شهرين هتوصل 90
عليك بتنظيف الكيسة فورا من الاتربه وتنظيف مروحة البرسيسور جيدا

[محمد البرديسى]

تنظيف جهازك لايستعرق نصف ساعة الافضل السرعة فى تنظيف الكيسة وشوف الحرارة

[whiteknights]

متشكر ليكم ...حرارة البروسيسور دلوقتى بقت بتوصل الى 78 و احيانا 80 لما بفعل خاصية ال God Rays فى Far cry 4 .. اللعبة دى كل لما أعلى اعدادات الجرافيك فيها كل لما الاحظ الحرارة بتزيد

أعتقد ان حتى التنظيف مش هيساعد كتير فى تخفيض الحرارة ممكن 3 او 4 درجات عشان كده مش متحمس له الأن ...انما ممكن المعجون يفرق
بس هو فعلا درجة حد الأمان لمعالج ال i5 بتكون 67 ؟ ...اصل ياما قريت اقاويل مختلفة عن درجات الخطر للمعالجات ... ناس بتقول لحد 90 أمان و ناس تانية تقول لحد 70

[phenomenon]

هل درجه حراره 75C على المشتت الافتراضى اثناء الالعاب امان ؟ نعم اخى امان... هل جيده ؟ لا ليست جيده

مرحله الخطر جزئين ؟
الجزء الاول بتبدا عند حراره 90C وتبدا تلاحظ دخول شكل درجات الحراره للــــ danger Zone واصبح لونها يتغير الى الاحمر الفاتح
الجزء التانى يبدا النظام يعمل Shutdown لنفسه تلقائيا وبالتاكيد فى حاله دى الحراره بتكون وصلت 100 ولونها تحول للاحمر الداكن...
درجات الحراره العاليه ( danger Zone ) بتبدا تاثر على اداء المعالج فى التطبيقات وبالتاتى ممكن تاثر على عمره
انا مع الاخوه حراره 75C ليست جيده اثناء الشغل عشان حراره الصيف وبالتاكيد مع اى برامج ضغط تقيله الان هتعدى 85 بمجرد بدا الضغط
ولكنها امان طالما تعاملك على المشتت الافتراضى فقط

انسب حل للتخلص من الحراره شراء مشتت خارجى حتى لو سعره بسيط لكن هيفرق معاك فى درجات الحراره بشكل ملحوظ
طبيعى مع زياده الجرافيك درجه الحراره تزيد ... حاول ايضا تقفل الجرافيك المدمج مؤقتا ان كان معموله Enable من البيوس
لحين شرائك معجون واضافته او لو تمكنت من شراء مشتت خارجى

ايضا ماهى درجات حراره الخمول

[whiteknights]

هل درجه حراره 75C على المشتت الافتراضى اثناء الالعاب امان ؟ نعم اخى امان... هل جيده ؟ لا ليست جيده

مرحله الخطر جزئين ؟
الجزء الاول بتبدا عند حراره 90C وتبدا تلاحظ دخول شكل درجات الحراره للــــ danger Zone واصبح لونها يتغير الى الاحمر الفاتح
الجزء التانى يبدا النظام يعمل Shutdown لنفسه تلقائيا وبالتاكيد فى حاله دى الحراره بتكون وصلت 100 ولونها تحول للاحمر الداكن...
درجات الحراره العاليه ( danger Zone ) بتبدا تاثر على اداء المعالج فى التطبيقات وبالتاتى ممكن تاثر على عمره
انا مع الاخوه حراره 75C ليست جيده اثناء الشغل عشان حراره الصيف وبالتاكيد مع اى برامج ضغط تقيله الان هتعدى 85 بمجرد بدا الضغط
ولكنها امان طالما تعاملك على المشتت الافتراضى فقط

انسب حل للتخلص من الحراره شراء مشتت خارجى حتى لو سعره بسيط لكن هيفرق معاك فى درجات الحراره بشكل ملحوظ
طبيعى مع زياده الجرافيك درجه الحراره تزيد ... حاول ايضا تقفل الجرافيك المدمج مؤقتا ان كان معموله Enable من البيوس
لحين شرائك معجون واضافته او لو تمكنت من شراء مشتت خارجى

ايضا ماهى درجات حراره الخمول

شكرا ليك اخى على تعبك و على الأفادة .. درجات الخمول طبيعية تتراوح ما بين 36 الى 40 فى فصل الصيف
انا هاخد بنصيحتكم و ربنا يدينى صحة و انظف الكيسة اولا بعدين اشوف معجون ان شاء الله, مفيش معجون يكون كويس و فى نفس الوقت سعره يكون بين 50 الى 100 جنيه؟ و هل يجب ازالة بواقى المعجون القديم بالكحول او عموما قبل اضافة الجديد؟ .. متشكر مرة اخرى و اسف للأطالة

[ahmed_BF4]

السلام عليكم ...انا كان عندى مشكلة شبيه لمشكلتك والاخ
Phenomenon جزاه الله خيرا تابع معايا واتحلت وخلال المناقشات اقدر افيدك بالاتى
1 - فى انابيب معجون بيكون سرعها تقريبا 80 جنيه من ماركات زى cooler master / Zalman

2- لكن يفضل شراء مشتت علشان الصيف طالما انك بتحب تلعب لان المشتت ب 200 جنيه تقريبا وهيفضل معاك وبيجى معاه معجون انما الانبوبة هتشتريها ب 80 او 100 وهتخلص وهتشترى تانى

3- لا تبخل ف الوقت على تنظيف الكيسة انا بنضفها كل شهر من الاتربة لان خطروة الاتربة مع الحرارة ف الصيف لا يستهان بيها

[kingsetif]

يستحسن شراء مشتت حراري احترافي أنا معايا cooler master V8GTS مع معالج I7 4790K مكسور السرعة لغاية 4.7 GHZ الحرارة جيدة جدا

[whiteknights]

شكرا ليكم على المساعدة