طلب نصيحة في شراء رام زيادة مطابقة للي موجودة

[|_POSEIDO_|]

السلام عليكم يا شباب,
انا عندي رام 4 جيجا ده الموديل بتاعها
Kingston HyperX Blu 4GB DDR3 1600MHz CL9 KHX1600C9D3B1/4G
ودي صور من جوا الجهاز بال CPU-Z ليها

https://arabhardware.net/forum/attachment.php?attachmentid=27616&stc=1

https://arabhardware.net/forum/attachment.php?attachmentid=27617&stc=1

دلوقتي ايه انسب رام 4 جيجا موجودة في السوق تكون متطابقة معاها في المواصفات اقدر اجيبها واحطها معاها على الماذربورد بحيث يشتغلوا مع بعض من غير ما يحصل مشاكل في الاداء علماً ان الماذربورد بتشيل slots 2 بس؟
وهل هيبقى في حاجات لازم ازبطها في BIOS ولا بمجرد اني احطها واشغل الجهاز هتتعرف لوحدها؟
وهل هيبقى في مشاكل لو من موديل تاني بس نفس المواصفات بتاعت اللي موجودة دي؟
وشكراً مقدماً.

[|_POSEIDO_|]

أرجو الرد ^^

[fate/zero]

Kingston HyperX Blu 4GB DDR3 1600MHz CL9 1.65v 300 L.E
اخى الفاضل لازم تكون الرامتين بنفس الفولت ويفضل نفس النوع
Kingston/1.65v

[TIMO1]

كما قال لك الاخ الفاضل الحل هو ان تاتى برامه اخرى مثيله للرام لديك
ولكن نعم يمكنك ان تاتى برامه اخرى ولكن الرامه التى تمتلكه تعمل بفولت 1.65 واغلب الرامات الموجوده الان من ماركات اخرى تعمل على فولت 1.5 فقط ده بخلاف التوافقيه والعمل بين الرامتين
افضل الحلول قم ببيع الرامه وقم بشراء كيت ديوال شانل للحصول على افضل النتائج بدون اخطاء او مشاكل .او ان تبحث عن رامه مطابقه لنفس ماتمتلكها .

[|_POSEIDO_|]

شكراً جداً ليكم على الرد :)
انا بالفعل لقيت واحدة زيها بالزبط بالعافية بس عندي استفسار بسيط, دلوقتي لو جبتها و ركبتها,
هل هيشتغلوا بدون اي مشاكل مع بعض من غير ما يبقى في تهنيج او رستارت مفاجئ؟؟؟؟
هل في اعدادات معينة لازم اعملها ولا مجرد تركيب والجهاز بيعرف لوحده؟؟

[|_POSEIDO_|]

تم شراء رام بالموديل التالي:
kingston hyper x beast 4gb 2400 CL 11 1.65 V
علماً ان الماذربورد مش بتقرا الا لغاية MHZ 1600
ركبتها مع اللي موجودة, اول مرة جيت اشغل الجهاز اشتغل 3 ثواني وطفا لوحده, وبعدها شغلته تاني راح عامل صوت "بيب" كتير مبتقفش خالص ف طفيت الجهاز وبدلت اماكن الرامتين مع بعضهم وشغلت تاني و اشتغل الحمدلله ^^ واتاكدت من الBIOS ان الجهاز قاري 8 جيجا وفتحت الوندوز اتاكدت ومزبوط والرامتين سراعة القراءة بتاعتهم اتوحدت بقت 1600 و 1600 بدل 1600 و 2400 (طبيعي لانه بيقرا الاقل فيهم حسب امكانية البوردة)
فتحت كذا لعبة وشغلتهم الصراحة كان في فرق في الاداء من حيث الframe rate, اتحسن شوية لان كان في حاجات كانت بتتلعب بالعافية :'D وعملت تيست متواصل على كذا لعبة قوية لمدة ساعة الا ربع والحمدلله مواجهتنيش اي مشكلة.. شكراً لحضراتكم على المساعدة واتمنى لو في اقتراحات او نصائح تقولوها لاخوكم اكون شاكر جداً :)
سؤال اخير لو حد مهتم انه يرد, هل في مشكلة لو رامة ال cl بتاعها 11 (الجديدة) والتانية الcl بتاعها 9 (القديمة), يعني هل ده هيعمل مشاكل في الاداء ولا الحاجات دي عادي الهاردوير بيزبطها بينه وبين نفسه xDxD؟ علماً ان الفولت بتاعهم هما الاتنين 1.65 v وسرعتهم 1600 و 2400

[phenomenon]

الهاردوير بيظبطها بينه وبين نفسه غالبا :)
مفيش مشكله من اختلاف التواقيت او ( Cashe latency )
كان الافضل سماع نصيحه الاخوه بتطابق الرام ( النوع+التردد+التواقيت+الفولت) عشان تفعيل Dual Channel
اذا كنت تبحث عن فرق كل %1 للاداء ولكن خلاص طالما مش متوفر غير دى قدامك مفيش فرق كبير لتفعيلها
اذا واجهتك مشكله مره تانيه اضبط تردد الرام يدوى من البايوس Dram Frequency على 1600MHz بدلا من Auto وخلاص