حرارة البروسيسور والبوردة مرتفيعن دون سبب [الأرشيف]

مشاهدة النسخة كاملة : حرارة البروسيسور والبوردة مرتفيعن دون سبب

الصفحات : [1] 2

ahmed_BF4

21-04-2015, 13:09

السلام عليكم
الاول كان موضوعى ف المشكلات لما مكنتش عارف المشكلة منين علشان جهازى كان بيقفل لوحده ... دلوقتى انا عرفت لكن المشكلةا انى معرفش السبب
المشكلة بدات لما الجهاز قفل لوحده وانا شغال افتركت الكهربة خطفت فتحته تانى مكملتش نصف ساعة برده قفل ... لما اكتشف ان الحرارة عالية طبعا فكيت الفانة بتاع المعالج لقيت المعجون نشف ضفتلها معوجن بعد ما نضفت بواقى القديم ولكن دون تحسين ... انا بخش على صفحة البايوس والجهاز بيفتح بلاقى درجة حرارة البروسيسور 94 مئوية ... ولما بوصل للنسخة بيكون درجة الحرارة كما بالصورة هو البوردة سخنين بدون سبب ... الجهاز لسة ف الضمان ..هل دى مشكلة تصنيع معينة ولا فين المشكلة ... مواصفات الجهاز مذكورة ف التوقيع ودى صورة الحرارة بعض اضافة المعجون ( مفيش تحسين خالص )
لو لينك الصورة فى مشكلة ممكن ارفعها مباشر
https://store2.up-00.com/2015-04/1429614394481.jpg

phenomenon

21-04-2015, 13:43

وعليكم السلام ورحمه الله وبركاته ... استخدم برنامج اخر لقرائه الولتيات والحراره
هل متاكد ان المشكله ظهرت لواحدها ؟ يعنى ماحاولتش تفك او تركب شىء فى الجهاز قبل ظهور المشكله مباشره ؟
عموما احتمال عندك مشكله فى تركيب المشتت والمروحه او طريقه اضافه المعجون بشكل صحيح
اذا تم التاكد من تركيب كل شىء واضافه المعجون ربما اللوحه الام محتاجه تروح الضمان

ahmed_BF4

21-04-2015, 13:50

phenomenon

21-04-2015, 14:15

المشكلة ظرهت من تلقاء نفسها وقبلها الجهاز كان مستقر وتمام والحرارة لا تتعدى ال 57 اثناء اللعب استخدمت برامج تانية نفس القراءات برده ....المشكلة حصلت لوحدها فجأة ..انا كت شغال ع الجهاز الصبح عادى ولعبت بالساعات بعدين خرجت من البيت ورجعت بالليل وفتحت الجهاز وكنت بلعب برده مكملش ساعة لقيته فص اول مرة اتفكرت الكهرباء خطفت مثلا روحت مشغله تانى ومكملش نص ساعة وفصل ومن هنا عرفت موضوع الحرارة ..والمروحة شغالة عادى ولفاتها طبيعية
الملحوظة الوحيدة اللى نسيت اذكرها ان المعجون اللى حطيته من ابو نص جنيه ( معجون تجارى ) حطيت كيسين واحد ع البروسيسور والتانى ع المروحة
هل تعتقد ناى اخد البوردة بس للضمان والبروسيسور مفيهوش مشكلة ؟

شوف اخى ... اول شىء فى عمليه الشات داون اللى بيحصل ده لازم يبدا الشك بحاجتين ( الباور/الحراره) دا فى حاله انه كان يعمل بصوره Normal زى حالتك بالظبط
للاسف الصوره اللى انت رافعها من برنامج HWMonitor مش موضحه اشياء كثيره لكن دا شىء طبيعى احيانا مع برنامج HWMonitor احيانا مع باورات Multi +12v Rails
ياريت تستخدم برنامج بيوضح الفولتيات بصوره صحيحه ( حمل برنامج HWiNFO ( افتح البرنامج واختار فقط مربع Sensors وابدا بالبحث عن فولتيات المعالج واللوحه الام
وارفعلنا صوره

https://arabhardware.net/forum/attachment.php?attachmentid=27655&stc=1
( ياريت متحاولشى تشغيل اى برامج اخرى اطلاقا وافتح باب الكيس وحاول توفير جو بارد فى الغرفه حتى انتهاء العمليه وغلقه مره تانيه وتواصل معانا باى وسيله اخرى ...

المشكله الاساسيه هى الحراره معاك وانت بتقول بمجرد فتح الجهاز ( البيوس 94 )
اما المشكله باللوحه الام او المعالج والحل الوحيد الضمان ...
او طريقه وضع المعجون خاطىء تماما وفى تلامس بين قاعده المشتت النحاسيه وسطح المعالج
او مروحه المعالج فى حاجه للتغير .

ahmed_BF4

21-04-2015, 14:38

لو المشكلة من لاباور سبلاى معتقدش ان الحرارة كانت هتبقى عاملة كده ...هتكون لحرارة طبيعية ...بالنسبة لطريقة وضع المعجون انا معتقدش انها فيها غلط لانى مش اول مرة احط معحون لمعالجات ...هوضحها لحضرتك برده ... انا فكيت المعالج من الكيسة ونضفت اثر المعجون القديم وبعيدن حطيت المعجون الجديد فى المنتصف ووزعته ببطاقة كريتد ( credit card ) بحث انه خطى سطح المعالج وبعدين حطيت شوية ع قاعدة المروحة وركبتها ....
انا جربت مروحة تانى ونفس المشكلة ناهيك ان المروحة اللى عندى شغالة اصلا ...
للتوضيح انا مقصدش انى عندى مشكلة ف البايوس انا اللى اقصده انى لما بخش ع البايوس فى صفحة بتعرض درجة حرارة المعالج بلاقى الحرارة 94 ...
انا بتواصل مع حضرتك من اللاب توب وحالا هفتح الجهاز وهعمل التبست اللى حضرتك طلبته

ahmed_BF4

21-04-2015, 14:58

انا رفعت لحضرتك ال3 صور لانى معرفش ايهم اهم
بشكر حضرتك على متابعتك واهتمامك .. جزاك الله خيرا
1-
https://store1.up-00.com/2015-04/1429620924091.jpg

2-
https://store1.up-00.com/2015-04/1429620924382.jpg

3-
https://store1.up-00.com/2015-04/1429620924613.jpg

ahmed_BF4

21-04-2015, 17:39

السلام عليكم أخى
خبر عاجل انا كمحاولة اخيرة وبائسة لانى كنت مسافر بكرة خلاص اودى الحاجة الضمان ... اخدت المروحة بتاعتى جربتها عند واحد صاحبى لقيتها شغالة تمام فلما رجعت البيت وجيت ارجعها ف الكيسة حسيت ان المعجون اللى ع البروسيسور كتير ... قولت طب مش ممكن يكون كتره عامل طبقة عازلة او سميك جدا فمش موصل التبريد للبروسيسور المهم مسحت شوية من عليه ومسحت شوية من اللى على قعدة المروحة وشغلت الجهاز والمفاجأة درجات الحرارة اللى ف الصورة دى .... هل كده يعتبر رجعنا للوضع الطبيعى ومفيش اى خطورة ... فى انتظار رايك بفراغ الصبر :D
https://store2.up-00.com/2015-04/1429630570911.jpg

phenomenon

21-04-2015, 17:39

من خلال الصور : كل شىء يعمل بشكل سليم وحراره اللوحه الام جيده جدا ولكن لدى تعقيب واحد .... فى امر المعالج
ايه السبب فى وضعيه المعالج فى حاله الضغط ( Turbo Mode ) بالرغم ان الامر لا يستدعى ؟
المعالج واخد فولت عالى ويعمل باقصى جهد ( بالرغم ان التصوير امر بسيط جدا لا يحتاج وضعه فى حاله الضغط القصوى )
عموما ربما انت صورت بمجرد فتح النوافذ للبرامج ولذلك هطلب منك فقط تتاكد ان مفيش حاجه ( غير طبيعيه ) من الــــ Task Manager
بتستهلك من المعالج اى جهد ( كفيروسات او برامج او خلافه غير مهمه )
وايضا مهم جدا لو فى اى برامج خاصه باللوحه الام بتنظيم الباور او تنظيم الاستهلاك الغيها تماما من كونترول بانل ....

حراره اللوحه الام جيده حسب رؤيتى اما بخصوص استهلاك/حراره المعالج غير طبيعيه ابدا
اول مابتفتح الجهاز وتدخل على البيوس الحراره عاليه
لان بعض اللوحات الام مش بتستجيب لطرق تنظيم استهلاك المعالج الا بعد الانتقال الى النظام ( ويندوز ) ( faulty BIOS ) خطا بالبايوس
ويتوقف الامر على ابديت للبيوس عشان تعرف تشتغل على البيوس وقت طويل ...

لكن دى مش فى حالتك طالما المشكله ظهرت من تلقاء نفسها حسب شرحك ليها
طالما انت متاكد من طريقه وضعك للمعجون ( بالرغم انى معرفشى الطريقه اللى انت شرحتها بالتحديد )
لان بمجرد وضعك للمعجون على المعالج واضافه المشتت فوقه وتركيب الاربع كلبسات الخاصه بيه بشكل صحيح
اصبح قادر على عمليه تمديد المعجون بشكل ( مثالى ) على سطح المعالج دون الحاجه لضغط ...

عموما واضح انك متاكد من كل شىء
اذن اتاكد فقط من اللى قولتهولك فى بدايه مشاركتى
وبعد ذلك لم يتبقى امامك سوى الذهاب الى اى فنى متخصص وسيبه يكشف على الحراره
اما لو قالك محتاجه صيانه او اكتشف ان فى عطل او خطا فى اللوحه الام او المعالج
يبقى اطلع بيها على الشركه الاول مش الضمان واتصل عليهم قبل ماتروح عشان توفر كل اللى هيطلبوه منك

ahmed_BF4

21-04-2015, 17:59

phenomenon

21-04-2015, 19:14

انا بالفعل اخدت الاسكرين شوت اول ما الجهاز فتح علاطول .... اما بالنسبة لموضوع وضع المعالج ع التربو مود انا لما اضعه على ذلك .... وبالنسبة للحرارتة انه فى 34 فنا مع احترامى لحضرتك شايف انها حرارة مثالية للجو اللى الكيسة فيه ( الكيس مفتوحة ملحقتش اقفلها ... الاوضة بدون تكيف ... انا مش مشغل المروحة بتاعة الاوضة .. الصعيد عندنا حر شوية )
اما الحرارة ف البايوس انا نسيت ابص عليها هبص عليها وابلغ حضرتك بالنتائج
وبالنسبة لاستهلاك المعالج ف التاسك مانجر كان عادى جدا طول ما الماوس ثابت ومفيش حاجة مفتوحة كان صفر حتى والحرارة عالية قبل ما المشكلة تتحل ف الصور المؤخوذة ببرنامج ال HWinfo انا كنت قاصد اصورلك التاسك مانيجر معاهم ...
اما اخر نقطة ان المعالج واخد فولت عالى الموضوع ده بصراحة انا مفهمش فيه فلو امكن تشرحلى ايه القيم اللى قصدك عليها ف الصورة والمفروض الطبيعى انها تكون كام ؟
شكرا

انا مش فاهم معنى جملتك اللى باللون الاحمر اخى ... تقصد ايه بحراره 34 ؟ وهى لو الحراره 34C هل انا قولت انها سيئه ؟؟ بس هى فين ؟ :)
انت حراره المعالج عندك 100C-90C مش 34 خالص

بخصوص امر الفولتيه : اغلب المنصات الحديثه دلوقتى بتلاقى اللوحه الام هى اللى بتنظيم فولتيه المعالجات ( Auto )
كل معالجات انتل حاليا فى وضع الخمول بتكون الفلوتيه اقل من 1.000v يعنى خانه الـــ Vcore او الــ Core Voltage من الممكن ان تكون فى رنج 0.7xx
اما لو الامر بسيط هيبدا يزيد تدريجيا Vcore : 0.8xx ( حسب التطبيق اللى شغال ويبدا يزيد تصاعديا وقت الضغط او الجهد ( امر طبيعى )
ممكن يوصل على ثبيل المثال الى Vcore : 1..1xxV او 1.200v وهكذا حسب المعالج وتنظيم اللوحه الام للفولتيه بتاعته والشيبايه وهكذا
مفيش فولت افتراضى لاى معالج من انتل الان الامر كله ( Auto ) الا فى حاله ضبطك يدويا ليه ( OC )

بالاضافه ان المعالج بتاعك سرعته 3.1GHz اما فى التربو موود بيوصل لـــــ 3.3GHz ونظام التربو موود ايضا يتوقف على ضبطيه البايوس
للمعالج وحسب التطبيق ( غالبا اى تطبيقات محتاجه جهد من المعالج فيبدا المعالج يستجيب تلقائيا ليها ويرفع من سرعته لــــ 3.3GHz ( طبيعى
لكن انا لما شوفت الصوره بتاعاتك استغربت ان المعالج واخد فولت عالى معروف دائما ان اى فولت اعلى من 1.000 بيكون وقت الشغل
مش مجرد وقوف على سطح المكتب وتاخد سكرين شوت ولقيته بيعمل باقصى تردد ليه تربوو موود بالرغم ان الامر لا يستدعى

لكن انت بتقول انك اخدت السكرين شوت وقت فتح نوافذ البامج مباشره وايضا ضبط البايوس للتربو موود بيكون عامل رئيسى
وطالما بتلاحظ هبوط التردد تدريجيا واستهلاك/جهد المعالج يبقى طبيعى الفولت بيقل تدريجيا... ( مفيش مشكله )
دى صوره لبرنامج CPUz لتردد وفولت المعالج اثناء الخمول واثناء الضغط ....

https://arabhardware.net/forum/attachment.php?attachmentid=27659&stc=1

ahmed_BF4

21-04-2015, 21:56

تمام ... انا عندى برنامج ال CPU-Z وهشوف موضع الفولتية واقولك انا الى حد ما فهمتها ...
نرجع لمرجوعنا موضوع الحرارة حضرتك بتتكلم ع حرارة المعالج فى الصور ال 3 اللى رفعتهم لكن لو رجعت صورة ال HW monitor اللى رفعتها بعد تعديل كمية المعجون هتلاقى حرارة البروسيسور 34 وانا بيقول لحضرتك انه 34 فى وضع الخمول بالنسبة للجو عندى ( الجملة اللى بالاحمر )( انتى قاعد يعنى فى اوضة مفيهاش تكيف والمروحة مش شغالة وان من الصعيد ف الجو عندنا طبيعى حر ) فطبيعى ان الحرارة تبقى 34 ف وضع الخمول ... والصورة تانى اهى ...
https://store2.up-00.com/2015-04/1429630570911.jpg
اما النسبة لضبط البروسيسور كتربو او لأ انا من ساعة ما جبت الكيسة مغيرتش حاجة ف اعدادات ال bios لكنى هدخل واشوف لو فى حاجة متغيرة عن ال auto هبلغك بإذن الله

phenomenon

21-04-2015, 22:12

ياراجل حرام عليك مش تقول
انا ماشوفتش ردك التانى وركزت على الرد الاول والصور فيه فقط واعزرنى على عدم التركيز ...
كده الحمدلله جدا الخمول ممتاز واكيد معتشى هيكون فى ريستارت
عرفت بقى ان طريقه اضافه المعجون كانت مش تمام :)

السبب فى المعجون مش التبريد فقط ولكن صناعه حاجز ( فراغ ) لا تراه العين لعدم تلامس المشتت بالمعالج
وفى نفس الوقت لو محطوط بكميه زياده بردو بيكون مش مناسب للمعالج ...

عموما مبروك على حل المشكله اخى وقولنا الحراره بتوصل فى الالعاب بعد نص ساعه وارفع الصور بالطريقه دى :)

https://store2.up-00.com/2015-04/1429630570911.jpg

ahmed_BF4

21-04-2015, 22:18

هههههههههههههه لا تماما اخى ده انا اللى اشكرك على متابعتك واهتمامك معايا وجزاك الله خيرا على كل شىء ... والحمدلله وفعلا معاك حق انا بس من الخضة لما الجهاز قفل و فكيت الفانة لقيت المعجون ناشف مركزتش انى بحط كتير او زى ما تقول كنت فاكر انى بكده بتلاشى المشكلة ف المستقبل لكن فعلا اللى يزيد عن حده يتقلب لضده :D
وهيتم تجربة الجهاز انهارده بالليل إن شاء الله على باتلفيلد انا بس مستنى اخواتى يناموا علشان البينج يظبط واعرف ادخل السيرفرات ...
للاسف انا مش بعرف ارفع الصور بالطريقة دى قولى ازاى وانا ارفع الصورة بتاعة الاختبار مع الالعاب كده :)

phenomenon

21-04-2015, 23:14

تمام اخى والحمدلله على كل شىء ...
اذا حبيت ترفع صوره هتلاقى ايكونه صغيره تقف عليها مكتوب ادراج صوره وبتضيف فيها رابط الصوره بدل من اختيار ايكونه ادراج رابط

ahmed_BF4

22-04-2015, 08:23

السلام علبكم أخى ..أسف ع التأخير بس النت كان وحش عندى انا عملت تيست للحرارةوانا بلعب زى ما طلبت لكن الاول انا دخلت ع البايوس ابص ع البروسيسور وحبيت اشارك معاك المعلومة علشان تقدر تحكم بدقة اكثر ... انا دلخت على ال cpu configration ولقيت الاتى
1- كل حاجة معمولة على خيار ال auto
2- اعتقد ان اللى يهمنا اكثر علشان موضوع التربو الاتى وانا مغيرتهمش ولقيتهم على هذا الوضع
- multi core enchancment >>>> Disabled
- intel speedsteps technology >>>> Enabled
- turbo Boost technology >>>> Enabled
دى خيارات ضبط البروسيسور من صفحة البايوس ....
اما الصور فتم الاختبار على لعبة باتلفيلد 4 على اعدادات High لمدة نصف ساعة بدقة 1080
والصورة اهى ( مع ملاحظة ان انا فاتح باب الكيس الجانبى - البرنامج المستخدم ف القياس اثناء اللعب برنامج CAM )

https://arabhardware.net/forum/attachment.php?attachmentid=27671&stc=1

phenomenon

22-04-2015, 11:09

تمام دع البيوس وشانه تماما ... فين الحراره فى الصور اخى عموما لو انت شايفها قولنا بتوصل كام فقط عشان نطمان

ahmed_BF4

22-04-2015, 11:23

الحرارة ف الصورة ع اليمين من فوق باللون الاصفر ... لو مكنتش الصورة واضحة فدا اللى مكتوب
درجة حرارة البروسيسور لحظة التقاط الصورة كانت 54 وكان عدد لفات المروحة يتراوح مابين 14XX الى 17XX لفة / دقيقة ... طبعا حسب تغير الحرارة
درجة حرارة الكارت كانت 56 وعدد لفات المروحة 2366 لفة/ دقيقة
..... ما رأيك فى هذه الحرارة ؟
سؤال اخير للاستعداد لما إن شاء الله أشترى مشتت احترافى حاجة cooler master او zalman مثلا
هل هحتاج لتغير الباور سبلاى ولا المشتات الاحترافية مش بستحب طاقة كبيرة ؟
وشكرا :)

phenomenon

22-04-2015, 12:22

درجات الحراره ممتازه اخى ... وتقدر تركب اى مشتت على نفس الباور ( شوف المشتت اللى هتشتريه بيستهلك كام وات )

ahmed_BF4

22-04-2015, 12:32

تمام تم إتمام المهمة بنجاح :D ... جزاك الله خيرا ...والف شكر على تعبك معايا واهتمامك
كده الواحد يبقى مطمن ...
أرجو غلق الموضوع ..
شكرا لادراة المنتدى

phenomenon

22-04-2015, 15:51

تم فتح الموضوع اخى بناءا على طلبك على خالص ....
كده الواضح ان المشكله الاساسيه ( ريستارت الجهاز ) ممكن سببها يكون الباور سبلاى
ياريت لو تقدر تفيدنا باللى بيظهر فى Event Viewer لرساله الخطا فى نفس الوقت الزمنى اللى اتسببت فى ريستارت الجهاز
هنقدر نركز اكتر عن سبب المشكله دى تحديدا وغالبا لو المشكله من الباور سبلاى هنقدر نعرفها من خلال kernal ID اللى بيظهرلك
وغالبا kernal ID : 41 سببه مشاكل فى الباور سبلاى لكن ممكن يكون فى اسباب تانيه للريستارت بردو

ahmed_BF4

22-04-2015, 17:56

تمام اخى جزاك الله خيرا ...الموضوع تم فتحه ثانيا ...
بالنسبة بالمعلومات اللى حضرتك طلبتها انا مش عارف اوصلها ازاى ..يعنى انا مش بيجيلى رسايل خطأ الجهاز بيرستر فجاة كانى ضغط على زر اعادة التشغيل ويفضل فى دوامة الريستارت علاطول ....
وانا فكرت لو الباور سبلاى فيه مشكلة اجرب اخفف عليه الحمل واشوف علشان كده شلت الكارت ورامة (انا عندى رامتين 4 ) وجربت اشتغل الجهاز وفتح ودخل ع الويندوز عادى ..بعدين قفلت الجهاز ورجعت الكارت والرامة برده اشتغل ودخل ع الويندوز فنا دلوقتى مش متأكد هل هو الباور ام لأ؟

phenomenon

22-04-2015, 19:21

شوف اخى احمد عشان نوصل للحل بسرعه قدر الامكان وبصوره افضل من انتظارنا لحدوث المشكله ام عد حدوثها ...

يوجد امر بنظام الويندوز اسمه السجلات ( Logs ) بيوضح كل اللى بيحصل على الحاسب
اذا حصل اى مشكله فجاه فى الجهاز بتروح وتشوف المشكله اللى ظهرت هناك وسط الاحداث اللى بتتم على الكومبيوتر
وتشوف ايه نوع العطل ودليله ايه وبيعطيلك ID للعطل فى رساله
سواء كان العطل critical or Error or Warning
يعنى ممكن تلاقى امامه علامه X باللون الاحمر داخل دائره او علامه مثلث التعجب باللون الاصفر وبجانبها زمن حدوث المشكله

طريقه البحث كالاتى ... بعد عمل الريستارت او باى وقت عادى لكن تذكر ماهو زمن حدوث المشكله بالتحديد ( او تقريبا )

تذهب الى قائمه Control Panel ثم اعلى القائمه اكتب بمربع البحث هذا الامر view event logs
ستجد الامر اصبح امامك مباشره اضغط عليه كليك شمال مرتين لفتحه
ستجد نافذه جديده امامك ظهرت على الشاشه
قم بالضغط على الامر Windows Logs كليك شمال مرتين ...
سجد بالاسفل تم ظهور ( 5 ) خياريات تبدا بــ Application
مثال ....

https://arabhardware.net/forum/attachment.php?attachmentid=27680&stc=1

وكبر النافذه عشان تتمكن من رؤيه كل شىء بصوره افضل ( مثل الصوره )
لو مشبتعرف تكبر النافذه كل مافى الامر اقف بالماوس على حواف النافذه من اى مكان
هتلاقى سهم الماوس شكله اتغير قم بالضغط كليك شمال واعمال ليها امتداد بتكبير الصوره

اختار الامر Applications وابدا بالبحث بها على شكل اى خطا او عطل او تحزير وان وجدته توقف امامه
مثال ولكن الصوره هنا مفيش اخطاء او اعطال بسبب التطبيقات

https://arabhardware.net/forum/attachment.php?attachmentid=27681&stc=1

اذا لم تجد مفيش مشكله اذن اختار الامر الاهم Security ,وابدا بالحث الى اسفل النافذه عن اى عطل او خطا او انزار
ثم اختار الامر SYSTEM وابدا البحث عن اى اعطال وخلافه حتى تصل الى رموز الخطا او التحزير وتوقف عندها ...
وهنا مثال

https://arabhardware.net/forum/attachment.php?attachmentid=27683&stc=1

بعد الوصول للاخطاء تابع المعلومات اللى هتكون موجوده فى المربعات اللى باللون الاحمر وتابع نفس الامر للامور السابقه اللى قولتلك عليها فى بدايه مشاركتى
عشان نوصل لرقم الــــ ID اللى بيظهرلك وبيدل على وجود مشكله وطريقه معرفه سبب المشكله من خلاله ( ناجحه بنسبه 50% ) ممكن اكتر
لان الامر ده هو مشابهه تماما لو اللوحه الام فيها شاشه رقميه بتوضح Post codes
وقولنا وصلت لايه او نص الرسائل ايه وارقام التعاريف بتاعتها ؟؟

ثم هيبدا الجزء التانى من الاختبار وهى برامج الضغط عشان نعرف العيب منين تحديدا
هتشيل رامه وتشتغل على رامه واحده وتبدا تتضغط على المعالج باكتر من برنامج ضغط وتفتح برامج الحراره امامك اثناء الضغط وتشوف
الى ان تواجهه المشكله ثم تجربه الرام الاخر بنفس السوكيت ثم التبديل على السوكيت التانى
الى ان تصل لسبب المشكله وفى برامج اخرى بتوضح زى SISANDRA,AIDA 64 Extereme وبرامج لاختبار الرام memtest86
ولكن طرق شرحها يطول ودى هتكون كافيه ان شاء الله للتوصل بسبب المشكله ان شاء الله وفى الغالب يا رام ياباور او فى سوفت وير غلط

ahmed_BF4

22-04-2015, 19:31

تمام اخى انا هعمل كل اللى قولتيلى عليه وهيبلك الارقام والمشاكل لو فيه ...بس يارب الجهاز يفتح وميعقدش يعلق وهرفعلك كل حاجة هنا...
جزاك الله خيرا

ahmed_BF4

22-04-2015, 20:04

انا رفعت لحضرتك الصور واسف انى عملتهم روابط بس علشان اضمن جودتهم علشان تقدر تشوف الكلام وفعلا الخطأين اللى ف السيستم لوج الكريتكال مكتوب kernal power
اما تبويب ال security مفيهوش اخطأ بحثت لتاريخ 3 ايام مضت
وهذه الصور
اما بالنسبة لاختبارات الضغط اللى حضرتك طالبها .. مش لو المشكلة ف الباور وانا عملت اختبارات ضغط عل البورسيسور او البوردة او الرام يبقى انا كده بجازف ان ممكن قطعة تتحرق من الجهاز ولا حاجة ؟؟
وشكرا
https://store2.up-00.com/2015-04/1429725650461.jpg

https://store2.up-00.com/2015-04/1429725651162.jpg

https://store2.up-00.com/2015-04/1429725651433.jpg

https://store2.up-00.com/2015-04/1429725651724.jpg

https://store2.up-00.com/2015-04/1429725651985.jpg (https://store2.up-00.com/2015-04/1429725651985.jpg)

https://store2.up-00.com/2015-04/1429725652236.jpg (https://store2.up-00.com/2015-04/1429725652236.jpg)

phenomenon

22-04-2015, 22:24

من وجهه نظرى : دى مش مشكله باور ... مشكله الباور يبقى Kernal ID : 41 والجهاز يفصل
لكن انت عندك اكتر من مشكله والواضح جدا انها فيروسات او مشاكل فى التعاريف والتوافق بشكل سليم ...
هل الجهاز بيعمل فرييز الاول والنظام بيتجمد قبل الريستارت ؟ ام ريستارت مفاجىء ؟

الحل ... خد فكره عن الخطوات الاول وبعدين براحتك فى الاختبار اعتباره انها مشكله سوفت وير

1- اتاكد اولا بردو ان كل شىء راكب بشكل سليم ( المعالج امره انتهى باذن الله ) اشتغل على رام واحده وفك الرامه بالسوكيت التانى
اتاكد من كابل الباور او كابل الكارت وغير كابل الساتا لو مفيش غيره مفيش مشكله
الاهم لو كنت غيرت اى قيم بالبايوس ارجع للضبط المصنعى Load Defualts
هل عندك كروت صوت او للان خارجيه ؟ فكها مؤقتا لو موجوده

2- حمل برنامج انتى فيرس قوى للاسف معنديش خلفيه بس اعتقد قسم السوفت وير فيه برامج جيده مثبته
3- حمل اخر تعريفات للوحه الام ولكارت الشاشه ومتحملشى اى سوفتوير او ادوات .. فقط التعريفات ( drivers ) اللازمه
يعنى الصوت واللان والشيب غالبا هما اول خمس تعريفات هم اللازمين وهتقابلهم على صفحه الداونلود للوحه الام بتاعتك
فقط تاكد من التوافق بين التعريفات ونظام الويندوز تماما اذا كان 7.64 او 8.64 او 8.1.64 ( تاكد )

4- حمل ويندوز جديد وياريت لو تستخدم ويندوز 8 اما لو معاك ويندوز 7 مضمون على DVD سطب منه
لو عندك على الفلاشه فرمتها واحرق النسخه عليها من جديد وسطب نسخه جديده ..
5- بعد تنصيب الويندوز مباشره ابدا فك الضغط عن تعريفات البورده والكارت وسطبهم
6- ابدا بفك الضغط عن برنامج الانتى اللى حملته وابدا بعمل سكان للجهاز كله
بعد عمل سكان واكتشاف ان النظام خالى من الفيروسات او تنضيف الجهاز تماما من اى فيروسات

7- متسطبشى اى برامج تانيه وافتح الـــ Logs
وشوف هل الاخطاء السابقه ماذالت تاتى بالسجلات ام ان السجلات نظيفه من اى Critical or Errors
وعرفنا النتيجه

الضغط فى وجود باور غير كافى ربما يعمل نفس اللى بيعمله او يتجمد لفتره ويحتاج لريستارت او فصل الباور من الكهرباء
او لو محترم ممكن هو يتحرق اما لو سىء لابعد الحدود ربما ياثر على قطع اخرى
الضغط هو مرحله الاختبار القادمه ...واتمنى عدم الاحتياج ليها لكن سؤال ايضا هل الباور بتاعك جديد ولا بقاله سنين كتيره معاك ؟

ahmed_BF4

22-04-2015, 22:33

هبدأ من إخر سؤال اخى
1- الباور والكيسة كلها جديدة اشتريتها من مول البستان شهر سبيتمبر الماضى يعنى بقالها بتاع 8 شهور تقريبا بكل مكوناتها ...
2- الجهاز مش بيعمل فريز ولا اى حاجة بيقفل فجاة كانك شلت فيشة الكهرباء مثلا او دوست يدوى على زر اعادة التشغيل اللى ف الكيسة
3- حضرتك بتقول لو باور هيبقى Kernal ID : 41 وده موجد ف الصورة دى
https://store2.up-00.com/2015-04/1429725651985.jpg (https://store2.up-00.com/2015-04/1429725651985.jpg)

وده تقريبا الوقت اللى الجهاز قفل فيه والخطأ الوحيد اللى مكتوب قدامه critical
فممكن حضرتك تأكدلى تانى النقطة دى

Black_Spy

22-04-2015, 22:46

انا مع اخونا الغالى Phenomenon (https://arabhardware.net/forum/member.php?u=11301600) فى كل اللى قاله

بس ياريت تغير الويندوز اللى عندك الاول وقبل اى حاجه وتنزل ويندوز 8.1 ويكون 64 بت عشان نقلل اخطاء السوفتوير بقدر الامكان

وبصفه عامه اى باور بيجى مع اى كيسة سواء Zalman او Thermaltake مش كويسين ولا يعتمد عليهم والافضل اى حد يشترى الكيسة بدون باور ويشترى باور احترافى

حاجه بردو مهمه ممكن تكون هيا السبب واحنا مش واخدين بالنا

جرب تغير كابل الباور المتوصل فى الكيسه عندك بواحد تانى يمكن يكون بيعلق ولا حاجه وغير مكان الفيشة اللى بتوصل الكهربا منها ولو كان مشترك يبقى غيره بواحد تانى

جايز يكون المشكلة فى حاجه من دول واحنا مش عارفين

ahmed_BF4

22-04-2015, 22:55

تمام هغير الكابل واخد بتاع الشاشة لسة جديدة والكابل بتاعها جاى معاها ونضيف مكملتش شهر
وانا بالفعل غيرت مكان الفيش لكن نفس المشترك مع انه نضيف لكن هغيره حاضر
وربنا يستر ولما افتح الجهاز البباور ميحرقش حاجة من القطع :(

phenomenon

23-04-2015, 14:13

بخصوص Kernal ID : 41 غالبا هى مشكله بالباور وبتظهر فى السجلات اول اما الجهاز يعمل ريستارت او شات داون تلقائى من نفسه ...
لكن انت الواضح ان عندك اخطاء ( ربما تكون مهمه وربما لا ) احيانا مجرد مايفصل النت تبدا تلاقى اخطاء لكن فى حالتك مختلفه

عموما جرب الحلول اللى قولتلك عليها وقالك عليها الاخ Black Spy واتاكد من نظافه الجهاز واعمل سكان وانت اوفلاين
متشغلشى النت اطلاقا وشوف رسائل الاخطاء بتظهر ام لا ... واتاكد من كابلاتك كلها وياريت لو تشترى كابل باور جديد ( رخيص جدا )
بس زى ماقولتلك بالظبط عشان نتاكد العطل سوفت ولا هاردوير خلى الجهاز خالى تماما من التعريفات والبرامج الىى مممكن تتسبب فى الخطا
وسطب تعريفات اللوحه الام فقط على النظام وتعريف الكارت ( المتوافقين تماما )
بلاش تسطيب اسطوانه اللوحه الام لو معاك لانها هتضيف كل الادوات اللى مش محتاجنها دلوقتى
تجنب Express Install وماشابهه اللى بيكون على الاسطوانه بتاعت التعاريف

ahmed_BF4

23-04-2015, 15:24

تمام أخى انا كنت منتظر رأيك بفارغ الصبر من امبارح :) ....
1- انا عندى كابلات باور كتير ف البيت مش هتفرق عادى
2- انا ف العموم اصلا مش بسطب غير التعريفات المهمة فقط علشان مساحة الهارد مش كبيرة فبتجنب اى استغلال مساحة غير ضرورى
3- هسطب ويندوز 7 جديد هو هو اللى شغال بيه ع اللاب وبقاله فى حدود سنة بدون اى مشاكل معايا
4- الانتى فيرس اللى بستخدمه هو الافيرا اعتقد انه كويس لانى برده بستخدمه ع اللاب والحمدلله معنديش فيروسات والوضع مستقر تماما
5- انا للاسف هسافر من بكرة الفجر القاهرة علشان عندى مقابلة شغل وهرجع الحد إن شاء الله و هعمل كل ده وهبلغك النتائج علاطول ...... لذلك ارجو المعذرة ان الرد هيأخر يعنى لحد ما ارجع لانى برتب للسفر من دلوقتى
وشكرا دائما على حسن اهتمامك ومتابعتك اخى