عايز الرد النهائي للتجميعة دي لو سمحتم

[hamadataha]

عايز اعرف رايكم في التجميعة دي عشان هشتريها خلاص.. Processor.. i7 4790 3.6
Motherboard .. gigabyte z97 D3H
VGA.. Gigabyte Gtx 970G1gaming
Memory .. G.skill Ripjaws 2*4 1600 mgh cl9 1.35v
Seasonic mii 12 620w 80 plus bronze
Case .. Zalman z3plus
هل دي تجميعة مناسبة ولو فيه اقترحات بالنسبة للباور سبلاي اني اغيره بالباور xfx ts 650w plus bronze هيكون افضل ولا اثبت علي seasonic وعلي العلم انا شاشتي ١٩ بوصة رزوليوشن ١٤٠٠*٩٠٠ ده هيأثر علي حاجة ولا ايه رأيكم ومستني الردود وشكرا ليكم

[arrow92]

اولا برجاء الالتزام بالنموذج الاتى
نموذج العنوان يكون كالاتي:
- يجب الالتزام بهذا النموذج حرفيا، اي عنوان موضوع لا ينطبق عليه هذا النموذج سوف يتم حذف الموضوع تلقائيا!

[البلد] الطلب ( جهاز- كيسة - شاشة) الميزانية ( 1500- 7500) و أخيرا الإستخدام

امثلة:

[مصر] جهاز ب 5000 جنيه للالعاب
[سوريا] شاشة ب 15000 ليرة للتصميم
[فلسطين] تجميعة للألعاب و الجرافيكس بميزانية 3000 شيكل

محتوى الموضوع :

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

إدارة عرب هاردوير.


ثانيا.بخصوص المعالج .. المعالج غير قابل للكسر مع بورده كسر .. حرام فلوس على الفاضى
فالافضل اما تغير البروسيسور لواحد كسر يكون K
زى نفس الموديل
Intel® Core™ i7-4790K Processor
(8M Cache, up to 4.40 GHz)وبخصوص باقى التجميعه ممتازه لو مش عاوز معالج كسر فالافضل ان تجيب بورده بشريحه H97او B85
الاحدث طبعا H97
ده لو مش ناوى على الكسر
بخصوص الباور سبلاى فهو كويس ونادرا لمه حد يشتكى منه وبرده XFX شركه كويسه ومحدش بيشتكى منها
اما شاشتك حرام كل التجميعه دى على شاشه مش فل اتش دى 1080

فالافضل انك تجيب شاشه فل اتش دى1080
لو المزانيه مقصره معاك يبقا بلاش موضوع كسر وهات شاشه فل اتش دى افضل ليك
من من وجهه نظرى

[hamadataha]

انا مش ناوي علي الكسر خالص بس جايب البوردة للمستقبل ولو حبيت اجيب الاسوس برو جيمر اجيبها منين واسف لعدم الاتزام بالقواعد وهعدلها حاضر

[arrow92]

انا مش ناوي علي الكسر خالص بس جايب البوردة للمستقبل ولو حبيت اجيب الاسوس برو جيمر اجيبها منين واسف لعدم الاتزام بالقواعد وهعدلها حاضر

شوفها فى عرب هارد وير فى المتجر
او فى موقع ايجى برايز وشوفها متوفره فى انهى محل
واتصل بيهم قبل ما تروح

[hamdyelridy]

شوفها فى عرب هارد وير فى المتجر
او فى موقع ايجى برايز وشوفها متوفره فى انهى محل
واتصل بيهم قبل ما تروح

اولا السلام عليكم
واسف انى اتدخلت فى الموضوع وعدم عمل موضوع جديد
ولكن حضرتك ازاى اتصل بالشركات الموجوده فى مول سوق العصر ممكن حد يكتبلى اقام التليفونات او طرق الحصول عليها لانى من المنيا وكنت عايز استفسر عن اشياء قبل السفر وشراء جهاز جديد
وشكرا لحضرتك

[arrow92]

اولا السلام عليكم
واسف انى اتدخلت فى الموضوع وعدم عمل موضوع جديد
ولكن حضرتك ازاى اتصل بالشركات الموجوده فى مول سوق العصر ممكن حد يكتبلى اقام التليفونات او طرق الحصول عليها لانى من المنيا وكنت عايز استفسر عن اشياء قبل السفر وشراء جهاز جديد
وشكرا لحضرتك

فى الحاله دى يبقا تشترى من المتجر عرب هارد وير
هيوصلوا ليك لحد البيت مقابل الشحن لان مش معظم الشركات بتشحن وبتطلبه اون لاين وهما بياكدوا الطلب

لكن لو قصدك انك تسال على الحاجات قبل ما تروح فى باقى المحلات
فهتلاقى ارقام تليفونهم فى موقع ايجى برايز
فى خيار
Info & Branches
فى الموقع

[hamdyelridy]

شكرااا لرد حضرتك
ولكن القطع الغير متوفرة فى المتجر هل يتم توفيرها حسب الطلب ام يتم اختيار بديل ليها