محتار في احتيار كارت الشاشة

[agefox]

يا شباب جهاز بالمواصفات دي هل كارت gtx 960 مناسب ليه و لا لأ
corei3 sandy
8gb ram
h61m gigabyte mother
600w power

و لو مش مناسب هل فيه كارت تاني من نفس الفئة السعرية مناسب او كارت يديني very high او ultra على 1152×867 طبعا السؤال دا بالنسبة للالعاب الجاية زي اركام نابت و ويتشر

[ahmed_BF4]

الكارت مناسب اخى ... لكن انا كنت سمعت من فترة ان فى مشكلة فى ال VRam بتاعة الكارت ده فخد بالك من الموضوع ده قبل ما تشترى ... انا مش هقدر افيدك فيه كويس لانى مش متابع كروت النيفيدا اوى لكن اتتأكد وائل كذا حد

[agefox]

طيب تنصحني بكارت ايه يديني الاداء اللي بقول عليه و سعره مماثل او اقل

[Black_Spy]

المشكلة كانت فى الكارت GTX 970 بس معظم الناس بتقول ان البطاقة تمام وشغاله زى الفل وسعرها رائع

GTX 960 كويس مفيش مشكلة

[XEON ALI]

gtx 960هيشتغل معاك تمام

[MageDMaNSeveN]

الكارت مناسب جدا أخى الكريم مع المعالج والشاشة الحالية.
لكن فى المستقبل القريب لو حبيت تغير الشاشة من أجل اللعب على دقة 1080p فى تلك الحالة ممكن المعالج يسببلك عنق زجاجة مع اﻷلعاب الحديثة وبالتالى مش هتستفيد بكامل قوة الكارت.

الكارت مناسب اخى ... لكن انا كنت سمعت من فترة ان فى مشكلة فى ال VRam بتاعة الكارت ده فخذ بالك من الموضوع ده قبل ما تشترى ... انا مش هقدر افيدك فيه كويس لانى مش متابع كروت النيفيدا اوى لكن اتتأكد وائل كذا حد
كارت GTX 960 و GTX 980 يخلوان من أى مشاكل أخى الكريم. مشكلة ال VRam موجودة فى كارت GTX 970 فقط وهى ليست مشكلة بمعنى المشكلة انما هى مجرد حركة مقصودة من NVidia لعرقلة سرعة الكارت كى ﻻ يكون متقارب فى القوة مع GTX 980 وذلك بأن قامت بتقسيم ال VRam الى قسمين، قسم 3.5 جيجا عالى السرعة وقسم أخر 512 ميجا منخفض السرعة وتم عرض وبيع الكارت على أنه بذاكرة رام 4 جيجا وهو ما لم يتقبله البعض من حيث المبدأ واعتبروه كنوع من الغش.

[Midohani]

الميزانيه كام

[agefox]

الميزانية ما بين 1500 و 2000 بحد اقصى زيادة 100 او 200

[ahmed_BF4]

معلش على الخطأ ف المعلومة انا مش بتابع النيفيدا اوى علشان كده مخدتش بالى كانت ف ال GTX 970 مش ال GTX 960
انا من هواة ال AMD بصراحة ..
بكشر الاخوة الاعضاء على تصحيح المعلومة :)
وطالما مفيهوش مشكلة اخى يبقى توكل ع الله ومبروك مقدما

[MageDMaNSeveN]

توكل على الله وقم بشراء نسخة Gigabyte فهى ممتازة.
لكن يجب ان تعلم اخى انه ربما تجد صعوبة بعض الشىء فى تشغيل بعض ألعاب الجيل الحالى على Ultra مثل Far Cry 4, GTA V ﻷنها تحتاج على اﻷقل لمعالج i5 والحل اما انك تقلل جودة الرسوم أو التحديث لمعالج i5 لو أمكن.

[Midohani]

لو 2000 جيبقى r9 285 dual-x oc احسن عشان فى الbenchmarks هو احسن من gtx 960 لانه المنافس ليه و دى نتايج من كذه مراجة ان r9 285 افضل لكن gtx 960 بيسحب باور اقل هو ده الفرق بس انت عايز اداء مش بيسحب باور قد ايه
و لو ممكن تزود 400 جنيه يبقى هات ال r9 280x vapor-x tri-x احسن كتير بس قولى الباور بتاعك ايه ؟
تعديل : بعد ما شفت البروسيسور بتاعك خليك فى ال r9 285 عشان ال r9 280x البروسيسور بتاعك هيخنقه لانه عايز حاجة i5

[DeMody]

أولاً أرجوا من صاحب الموضوع ذكر نوع البور بالضبط و ماركته
ثانياً هيبقي في عنقق زجاجه بسيط مع كرت ذي 960 و إنشاء الله يختفي مع DX12
و الأكيد هيبقي في عنق أكبر شويه مع 285
نصيحتي :
لو ميزانيتك 2000جنيه و البور إلي عندك طلع محترم و مش هتجيب شاشه 1080p
أولاً بيع البروسيسور بتاعك أو دخله في Core i5 علشان معظم الألعاب بقت بتطلب بروسيسور رباعي النواه ( هتدفه بتاع 500 جنيه )
ثانياً هات R9 270x 2G هيديك أداء و معدل فريمات عالي علي دقه 720p و حتي لو حدثت ل 1080p