المساعد الشخصي الرقمي

مشاهدة النسخة كاملة : رأيكم بــــــ Thermaltake Smart Series 530 W


khaled.wama
03-05-2015, 20:56
السلام عليكم
اريد معرفة رأي الخبراء بهذا الباور
Thermaltake Smart Series 530 W
وهل هو جيد وماركة جيدة والخامات المصنعة منه
وهل يستحق الاقتناء ام لا
والعمر الافتراضي
Black_Spy
03-05-2015, 22:07
لا انصح باى باور Thermaltake, Zalman

الافضل يا غالى انك تجيب باور زى دا

SeaSonic S12II Bronze 520W 80 PLUS Certified PSU ... 525 LE
khaled.wama
03-05-2015, 22:23
ممكن اعرف الاسباب ؟؟ مع العلم ان ده مش باور تجاري ؟؟ وماركة معروفة وليها مراجعات عالمية
Black_Spy
03-05-2015, 22:33
باورات الثيرمال تيك والزالمان بنسبة كبيرة بتحصل فيهم مشاكل وفى اعضاء كتيرة حصلهم مشاكل بسبب الانواع دى خصوصا اللى بتيجى مع الكيسة وانا واحد منهم

انا معاك ان فى موديلات منهم المفروض انها كويسه بس الموضوع بالنسبة ليا شخصيا اصبح انعدام ثقة فى منتجات الباور للشركتين دول

جايز حد تانى يختلف معايا بس انا مش بتكلم بردو من فراغ وبصرف النظر عن اى مشاكل فى الشركتين دول

انا شايف انك المفروض تشترى حاجه افضل وفى ماركات معروف انها الافضل فى السوق وعالميا زى منتجات SeaSonic, EVGA, XFX
khaled.wama
03-05-2015, 22:51
رأيك يحترم ... وانا اعتقد ان معظم الباورات اللي بتيجي مع الكيسات بتكون باورات شبه تجارية ....
انما انا بتكلم عن باور منفصل وليه سوقه وماركته المعروفة ...
Black_Spy
03-05-2015, 23:15
انا اقصد بالباورات اللى بتيجى مع الكيسه الكيسات الزالمان او الثيرمال تيك لان الكيسات الثيرمال تيك والزالمان فى موديلات بتيجى بالباور بتاعها معاها والباور بيكون ثيرمال تيك او زالمان ايضا

ومقصدش الباورات التجاريه اللى مع الكيسات التجاريه لانها اصلا بتكون مجهولة الهوية ومكوناتها رديئة جدا ولا يمكن الاعتماد عليها

وفعلا فى موديلات لباورات زالمان او ثيرمال تيك بيتم شرائها منفصله غير الموجوده فى الكيسات الخاصة بشركاتهم والمفروض انها افضل فعلا

بس بالفعل فى ماركات افضل من ماركة الثيرمال تيك او الزالمان زى ما ذكرت لك امثلة فى المشاركة السابقه SeaSonic, EVGA, XFX

واخر شىء حابب اوضحه ليك وانت حر ليك الاختيار طبعا الباور هو اكتر جزء مهم فى الكمبيوتر ولازم تهتم بيه لانه بيكون السبب فى تلف اى جزء فى جهازك لو كان منتج ردىء ولا يعتمد عليه

الباور اللى انت بتسأل عنه

Thermaltake Smart SE 530w PSU ... 450 LE

والباور اللي ان رشحته لك

SeaSonic S12II Bronze 520W 80 PLUS Certified PSU ... 525 LE

الفرق بينهم فى السعر مش كبير بس معروف ان ماركة السيسونيك افضل من الثيرمال وانا لو مكانك هشترى السيسونيك لان فرق السعر لا يذكر بجانب انى اكون مطمن واعتمد على الباور

والاختيار لك فى الاول والاخر
khaled.wama
03-05-2015, 23:49
بس انا للاسف اشتريت Thermaltake فعلشان كده بسأل علي كفاءته
مع اني جهازي مش هيستهلك اكتر من 400 وات
Black_Spy
04-05-2015, 00:20
مش مشكلة يا غالى الباور اللى انت جبته باور منفصل وافضل من الباور اللى بيجى فى الكيسات بتاعتهم وان شاء الله يكون تمام .

ربنا يباركلك فيه ان شاء الله .
khaled.wama
04-05-2015, 20:43
الف شكر علي ردك ده .... بس فعلا كلامك الاولاني كان محسسني بالذنب وكنت ندمان اني جبته
بس دلوقتي انا مبسوط من ردك ده وطمني اكتر وخلاني كمان افرح بالكارت الجديد بتاعي gtx 960
Black_Spy
05-05-2015, 03:55
يا عم ذنب ايه ولا تزعل ولا حاجه كل الحكاية اننا هنا فى المنتدى عاوزين او بنحاول نخلى كل الناس تختار افضل حاجه بقدر المستطاع

الباور اللى معاك كويس ان شاء الله متقلقش والعب وافرح براحتك يا عم وربنا يباركلك فى جهازك ان شاء الله .
cheetoslover
05-05-2015, 04:17
ممتقلقش انا معايا اخوه 550 وات و فوق الممتاز الباور Stable و ملهوش صوت
khaled.wama
05-05-2015, 18:36
الف شكر للردود المقنعة دي