الرجاء المساعدة قبل ما انتحر :( ، برقبكم اذا انتحرت :P

[سليمان بوخاطر]

بسم الله الرحمن الرحيم
المشكلة باللابتوب ، مواصفاته كالتالي :
dell studio 1558 - core i7 - Graphic AMD 1G - RAM 8G
باقي المواصفات مو مهمة كتير

رح استعرض المشكلة بالبداية بعدين بقول رأيي :

المشكلة اول هي انو اللابتوب بيشتغل بعد مدة حوالي ساعة فجأة بتظهر الشاشة الزرقاء وبضطر اطفيه ، برجع بشغله بيشغل وبعد مدة اقصر من الاولى بتظهر الشاشة الزرقاء وبيطفي وهكذا

اسباب الشاشة الزرقاء كتيرة و99 منها سوفتوير ، لهيك اجيت وعملتله فورمات وقلت ريح بالي ، بس المشكلة ما راحت :(

الرامات عندي 8 غيغا كل رامة 4 ، يعني رامتين ، شلت وحدة وبقيت شغال على وحدة فقط ، وبقي اللابتب شغال 12 ساعة فصل مرة وحدة بس يعني اشتغل احسن بس ما راحت المشكلة

شلت الرامة ووضعت بدالها الرامة التانية بالسلوت الثاني كمان مثل يلي قبلها اشتغل مدة طويلة وبعدين فصل مرة واحدة

لاحظت انا ارتفاع حرارة اللابتوب بشكل ملحوظ ، واستنتجت انو سبب الشاشة الزرقاء هي ارتفاع الحرارة بشكل كبير ولهيك عم يفصل المعالج وبتظهر الشاشة الزرقاء

مشكلتي هلأ اعرف شو سبب ارتفاع الحرارة ، عند وضع الرامتين عم ترتفع حرارته بشكل اكبر لهيك عم يفصل بشكل اسرع

بعد ما عرفت ان المشكلة من الحرارة نزلت برامج مراقبة حرارة اللابتوب ، وطبعا شغال على رامة وحدة لاعطيه مدة اطول ، لقيت حرارة المعالج ترتفع بشكل مستمر طوال فترة تشغيلة ، وصل ل 90 درجة ، قلت اطفيه بشرف احسن ما يفصل لوحدة :P

لكن هنا في نقطة ( بلش الاكشن :P )

انو كل ما سبق كنت بعمله واللابتوب موصول عالشاحن ، اجيت هيك قلت احط اللابتوب بحضني لهيك شلت الشاحن منه ، ولاحظت ان حرارة المعالج بدأت تنخفض من 85 وصلت ل 65 وبقيت بانخفضا ، بس الشحن قرب يفضى ، رجعت وصلت الشاحن بلشت الحرارة ترتفع حتى وصلت 85 مرة ثانية ، شلت الشاحن رجعت درجة الحرارة تنخفض

نستنتج مما سبق ان المشكلة الاساسية هي الحرارة
وسبب الحرارة اله علاقة بالشحن بس ما بعرف شو هي

المطلوب : ايجاد حلللللللللل :(

[سليمان بوخاطر]

خلص رح انتحر :(

https://sfiles.d1g.com/photos/47/05/1100547_max.jpg

[MMS-AMMMK]

انصحك اخى الكريم بالذهاب الى متخصص ليقوم بتنظيف مروحة المعالج وكارت الشاشة
وقم بوضع معجون من نوع جيد
كذلك قم بشراء مروحة من نوع جيد لضتعها اسفل اللاب توب وراقب درجات الحرارة

[ahmed_BF4]

بالنسبة لموضوع ان الشاحن بيخلى البروسيسور حرارته ترتفع دى غريبة شوية لكن بالنسبة للشاشة الزرقاء ..1- الغى الريستارت الاتوماتيك علشان لما تحصل شاشاة زرقاء تانى ميعملش ريستارت من نفسه 2- قم بتنزيل هذه البرنامج ستجده من بحث جوجل WhoCrashed وقم بتثبيته 3- انتظهر حتى تحدث شاشة زرقاء مرة اخرى وانتظر حتى ينتهى النظام من اعداد ملفات الخطأ ثم قم بإغلاق الجهاز ومن ثم قم بتشغيله مرة اخرى 4- اذهب الى ايقونة البرنامج اللى سطبته وافتحه واغط على كلمة analyze وانتظر بضع ثوانى .. وسيعطيك البرنامج سبب الشاشة الزرقاء وإن لم تستطع ان تعرف السبب فقط انسخ التقرير اللذى سيظهر ف نافذة البرنامج اسف قليلا ... انسخه هنا وقد نستطيع مساعدتك ... وايضا ..تأكد من انك تضع اللاب دائما على سطح مستو ولا يفضل ان يكون شىء من القماش اسفله ( سرير مثلا او كرسى انتريه ) ضعه على طاولة لكى تسهل عملية التهوية عليه ... واحنا متابعين معاك

[سليمان بوخاطر]

انصحك اخى الكريم بالذهاب الى متخصص ليقوم بتنظيف مروحة المعالج وكارت الشاشة
وقم بوضع معجون من نوع جيد
كذلك قم بشراء مروحة من نوع جيد لضتعها اسفل اللاب توب وراقب درجات الحرارة

مشكور اخي ، بس من كتر ما عقدني اللابتوب خايف بعد ما اعمل هيك ما استفاد شي :\

[سليمان بوخاطر]

بالنسبة لموضوع ان الشاحن بيخلى البروسيسور حرارته ترتفع دى غريبة شوية لكن بالنسبة للشاشة الزرقاء ..1- الغى الريستارت الاتوماتيك علشان لما تحصل شاشاة زرقاء تانى ميعملش ريستارت من نفسه 2- قم بتنزيل هذه البرنامج ستجده من بحث جوجل WhoCrashed وقم بتثبيته 3- انتظهر حتى تحدث شاشة زرقاء مرة اخرى وانتظر حتى ينتهى النظام من اعداد ملفات الخطأ ثم قم بإغلاق الجهاز ومن ثم قم بتشغيله مرة اخرى 4- اذهب الى ايقونة البرنامج اللى سطبته وافتحه واغط على كلمة analyze وانتظر بضع ثوانى .. وسيعطيك البرنامج سبب الشاشة الزرقاء وإن لم تستطع ان تعرف السبب فقط انسخ التقرير اللذى سيظهر ف نافذة البرنامج اسف قليلا ... انسخه هنا وقد نستطيع مساعدتك ... وايضا ..تأكد من انك تضع اللاب دائما على سطح مستو ولا يفضل ان يكون شىء من القماش اسفله ( سرير مثلا او كرسى انتريه ) ضعه على طاولة لكى تسهل عملية التهوية عليه ... واحنا متابعين معاك

اخي بالنسبة لفكرة الشاحن ، جربت غير شاحن قلت يمكن امبير الشاحن عالي ، بس نفس النتيجة ، بس متل ما بتعرف اداء اللابتوب بوجود الشاحن بكون افضل من عدم وجود الشاحن ، يعني هي يمكن من اعدادات توفير الطاقة ، بقا يمكن لهاد السبب عم يأثر الشاحن عالحرارة لان عند وضعه عم يشتغل اللابتوب بكامل قدرته ، لهالسبب جربت اشتغل على ويندوز سفن ميني ، اقلاعي يعني بواسطة Hiren's BootCD درجة الحرارة بقيت مستقرة ما ارتفعت ولا كان في اي مشكلة ، مع العلم انو فرمتت اللابتب مرتين للتاكد ان مو سبب سوفتوير

[ahmed_BF4]

جربت اخى البرنامج الالى قولتلك عليه ام لأ ؟
نعرف سبب الشاشة الزرقاء الاول وبعدين نشوف الجزء التانى من المشكلة

[سليمان بوخاطر]

البرنامج ما اشتغل مافي غيره ؟ :(

[ahmed_BF4]

انا معرفش غيره للاسف لكن ممكن تتابع هنا ف الموضوع ده مخصص للشاشات الزرقاء
https://arabhardware.net/forum/showthread.php?t=256987

[سليمان بوخاطر]

اخذت الجهاز للصيانة بعد استسلام ، اخذته ثاني يوم منه ، حسب ما قال لي قال نظف المروحة ووضع معجون جديد للمعالج ، وثاني شي انو لاحظ ان التغذية الواصلة لكرت الشاشة مرتفعة ، لهيك خفضها ،
اخذت الجهاز وقلت اجربه ، الحرارة اختفت 100 بال100 ، يعني حرارته حرارة لابتوب عادي مو متل قبل كنت بقدر اقلي عليه بيض :P ، اشتغلت عليه عادي ما صارله شي لكن لما اجهده كتير رجعت تظهر الشاشة الزرقاء :(
السؤال : اول شي في هيك شي بالنسبة للعطل انو تغذية زايدة ولا مجرد كلام :\ .
وثاني شي كون الحرارة ذهبت يعني اكيد كان في مشكلة وراحت ، لكن صار تظهر الشاشة الزرقاء عند اجهاد اللابتوب ، بقا معقول المشكلة ما راحت ؟ ولا راحت المشكلة وفي سبب ثاني لظهور الشاشة
علما انو الخطأ الظاهر لما تظهر الشاشة الزرقاء متغير كل مرة شكل ، واحداهم كان kernel security check faliure