استفسار حول امكانيات الجهاز

[medomag15]

- أقصى ميزانية محددة:
- استخدامك للجهاز: العاب وتصفح عادى
- حجم الشاشة و الدقة (Resolution) التي تستخدمها: 1024*768
- القطع التي تنوي شراءها: amd r7 250 1gb ddr5 - باور سبلاى
- القطع التي ستعيد استخدامها من الجهاز القديم: المازر والبروسيسور والرام
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )
ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

عندى سؤال هل كارت الشاشة الذى تم ذكره هيشتغل بدون مشاكل مع البروسيسور i5 3450 والمازرد gigabayte h61m ام لا
ثانيا ما افضل نوع باور سبلاى استخدمه مع هذه التجميعة وكام واط احتاج وشكراااا

[DeMody]

إشمعنا حصرت نفسك في الكرت دا ؟
يا ريت تزكر أقصي ميزانيه علشان البروسيسور بتاعك بيشغل لحد 970 مستريح

[ahmed_BF4]

اخى امكانيات جهازك جيدة جدا فإذا كنت تنوى شراء كارت شاشة جديد فأنصحك بشراء شىء قوى للاستفادة القصوى من امكانيات الجهاز مجتمعة لذلك اذكر ميزنايتك كما اخبرك الاخ مودى واذكر حجم الرام لديك ووضح هل المزانية المذكورة شاملة الباورسبلاى ام انه خارج الميزانية ؟

[medomag15]

للاسف ميزانيتى ضعيفة جدا اقصى حاجة 1400 بالباور + كارت :(

[ahmed_BF4]

طيب اخى اعتقد ان ميزانيتك تكفى لشراء كارت R7 260X هتلاقيه ف حدود 1000/1100 زائد باور سبلاى 400/450 وات فى حدود 300 جنيه
وممكن تشترى من نفيديا كارت GTX 750 مع باور 400 وات برده هتلاقى الاماكن والاسعار على egypt prices
هتلاقى اختيارات كتير افضل من R7 250 ولو تقدر تزود 100 جنيه كمان ممكن تجيب ال R7 265 كارت اداءه حترم وكويس مع الالعاب الجديدة خصوصا ان دقة الشاشة بتاعتك مش كبيرة

[fate/zero]

SAPPHIRE R7 260X 2GB GDDR5 OC 1,020 L.E
ZALMAN ZM500-LE 500W PSU 350 L.E

[medomag15]

اسف نسيت اقول انى محتاج شاشة كمان عشان الشاشات المربعة القديمة دى مش هتركب مع الباورات الحديثة يعنى 1400 شامله الكارت والباور والشاشة :/

[ahmed_BF4]

مش فاهم يه علاقة الشاشة بالباور ؟؟

[medomag15]

https://arabhardware.net/forum/attachment.php?attachmentid=28360&stc=1 شايف دة الباورات القديمة والشاشات القديمة زى بتاعتى كدة بيبقى ليها وصله المعمول عليها دايرة تركب عليها فى الباور صبلاى

https://arabhardware.net/forum/attachment.php?attachmentid=28361&stc=1انما بص على الباورات الحديثة مفيهاش المكان دة وبالتالى شاشتى مش هتشتغل :/

[ahmed_BF4]

برده مش فاهم :D يعنى انت كابل الباور بتاع شاشتك القديمة بتوصله ف الباور سبلاى بدل الكهربة مباشرة ...
اللى اعرفه اى باور سبلاى قديم او جديد بيكون فيه وصلة باور فقط للكيسة .... وانا كان عندى جهاز قديم وشاشة قديمة عمرى ما وصلت شاشة بباور .. بيبقوا وصلتين واحدة لكارت الشاشة والتانية فيشة كهربة زى بتاع الكيسة بتتوصل ف المشترك علاطول

[ahmed_BF4]

ولو 1400 اصلا على التلات حاجات دول ( شاشة وباور وكارت ) مش هيكفوا ...الا لو اشتريت كله مستعمل ..لان حتى لو جبت الكارت اللى انت كاتيه .. ده لوحده ب 700/800 جنيه تقريبا

[fate/zero]

BenQ VL2040AZ 19.5 Inch LED Monitor 530 L.E
SAPPHIRE R7 250 1GB GDDR5 WITH BOOST 635 L.E
ZALMAN ZM500-LE 500W PSU 350 L.E


1,515 L.E