كيفية تحديث البيوس ل gigabyte 880gm-usb3 rev.3.1

[kareka20]

لو سمحت كنت عايز اعرف ازاى احدث البيوس بطريقه سهله وامنه علشان اول مره احدث البيوس للجهاز ولو تكرمتم كنت عايز اعرف اهميه البيوس وليه تحديثه


وامكانيات جهازى


gigabyte 880gm-usb3 rev.3.1


AMD Phenom II X4 965 Black Edition


Kingston HyperX 4 GB Blue 1600 CL9 240 V1.65


Seagate Barracuda ST3000DM001 7200RPM 64MB hdd 3TB


والشاشه DELL P2210


الباور سبلاى خارج كيسه اورجينال HP 365W


كيسه عاديه

[phenomenon]

تحديث البيوس الغرض منه تدعيم موديلات احدث من المعالجات اذا كان يوجد لها موديلات حديثه وتتطلب تحديث
احيانا التحديث بيكون مطلوب للوحه الام بسبب مواجهه بعض المشاكل اثناء العمل على الكومبيوتر او شراء قطع جديده غير متوافقه
تحديث البيوس احيانا بيكون سببه هو ان البيوس نفسه اثناء التنقل بين صفحاته فيها اخطاء او نقصان او مشاكل فى حفظ الاعدادات او اى شىء من هذا القبيل
بوجهه عام الغرض منه تدعيم قطع هاردوير احدث زى المعالج بالمقام الاول ..
اى محاولات تحديث للبيوس دون هذه الاسباب غير مجديه ولا ينصح بالقيام بتحديث البيوس من اجل اى شىء اخر دون هذه الاسباب فقط بسبب انك معرض لمخاطر
اثناء عمليه التحديث وممكن تتسبب فى توقف اللوحه الام عن العمل تماما وتلتزم رجعوها للضمان او للمصنع ذاته احيانا ..
طرق تحديث البيوس عديده وتختلف من نوع شركه لاخر واحيانا من لوحه ام لغيرها
بعض اللوحات الام الان اصبحت تعتمد طريقه تحديث البيوس للوحه الام بوضع ملفات البيوس الحديث على الفلاش وتركيبها باللوحه الام حتى دون وجود معالج باللوحه الام
واول هذه اللوحات كانت لوحه Asus Rampage Hero اتذكر ..
من الممكن تحديث البيوس عن طريق وضع ملف البيوس الجديد على الفلاش ووضع اداه التحديث نفسها كاداه QFlash او EZ Flash على الفلاشه
ثم تحويل الفلاشه الى نظام fat32 بتحويلها لتتمكن من الاقلاع والتبويت عليها والدخول الى شاشه الدوس القديمه وعمل الفلاش
من الممكن تحديث الفلاش عن طريق وضع جميع الادوات والملفات الجديده على الفلاش ثم الدخول الى البيوس والتبويت على الفلاش من داخل البيوس وعمل التحديث
من الممكن تحديث الفلاش اونلاين
اسهل واامن طرق تحديث البيوس اذا اردت تدعيم معالج جديد للوحه الام فيجب اولا ان تعتمد على المعالج القديم قبل فكه وتركيب معالج احدث
ثم تنزيل الاداه المناسبه لعمل الفلاش من خلال صفحه اللوحه الام كمثال على جيجابايت كاداه Bios@ او اسيوس كاداه Live update
ثم تحميل البيوس المناسب للوحه الام بالظبط والمناسب لفيرجن اللوحه الام بالظبط
ثم وضعه على سطح المكتب
ثم تنصيب اداه التحديث BIOS@ ثم اختيار Update Bios From File ثم عمل ابديت وبعد الانتهاء سيطلب منك عمل ريستارت فتوافق على الامر
اصبح البيوس حديث بالفيرجن الجديد وتتمكن من فك المعالج وتركيب المعالج الاحدث ..
بعض الادوات تمكنك من عمل حفظ لنسخه البيوس القديمه احتياطيا حتى اذا واجهت مشكله بعد تحديث البيوس يمكنك الرجوع للبيوس الاصلى
مجرد تامين لا يلزم ولا ينفع ولا يشفع حينما تخطىء بعمل ابديت اليبوس لان الخطا فى عمل الابديت هيجعل من اللوحه الام قطعه صفيح لايمكنها الدخول والتبويت اساسا لرؤيه اى شىء او لتعديل وتصحيح وتحديث اى بيوس اخر
اما اذا تم تحديث البيوس بشكل صحيح واكتشفت ان هناك مشاكل بالبيوس الجديد فمن السهل جدا ان تقوم بتحميل البيسو الاساسى من صفحه اللوحه الام والعوده اليه
ولكن على النقيض هذا الامر ضرورى جدا جدا عند تحديث البيوس لكارت الشاشه واللى بيلزمك بعدم القيام به ابدا الا للضروره القصوى فقط والتى لا توجد الا بحالات نادره فقط

[kareka20]

اولا بشكرك على ردك الوافى والمبسط وانا شايف انى انت من احسن الناس فى الرد على اى مشكله وعندك حل ليه.

ثانيا بعد كلام حضرتك انا شايف مفيش داعى لتحديث البيوس والف شكر ليك

[kareka20]

ثالثا اللى خالنى افكر فى تحديث البيوس هو شرائى لهارد 3 تيرا ومش عارف انزل عليه نسخه خالص ومش راضى

ودى الرساله اللى بتيجنى

https://www14.0zz0.com/2015/06/07/15/819410754.jpg (https://www.0zz0.com/)

[phenomenon]

ايوه لان لازم البيوس يكون UIFI عشان تقدر تثبت .. هل البيوس بتاعك فيرجن FA ام FB ؟
اعرف الاصدار من خلال برنامج CPUz نافذه mainboard وارفعلنا صوره ..
ومشكور على ردك وتشجيعك اخى .. هنتظر منك صوره فيرجن البيوس اولا

[kareka20]

https://www5.0zz0.com/2015/06/07/17/365967793.jpg (https://www.0zz0.com)

[phenomenon]

تمام جدا البيوس بتاعك FE وهو تقريبا احدث شىء وتقدر تثبت الويندوز
سؤل الاخر ..
هل البيوس بتاعك UEFI or Legacy ولو كان Legacy حوله الى UEFI اولا من قائمه الــ Boot Menu وبعدين
احفظ الاعدادات واعمل ريستارت
اذا لم تجد القدره على التحويل الى UEFI BIOS من خلال قائمه التبويت ابحث عنها فى مانوال ( كاتالاوج اللوحه الام معك ) ازى تحول البيوس
فقط اذا كان البيوس قادم مع اللوحه الام Legacy اما اذا كان UIFI فابدا تثبيت الويندوز ولكن ملحوظه اوليه

انا مش معايا هارد 3TB+ لكن هذه هى الخطوات الاساسيه لتثبيت ويندوز على هارد 3TB+
1- عشان تثبت ويندوز على هارد 3TB+ لازم هتعمل فورمات للهارد يعنى لازم تحفظ الداتا اللى عليه فى هارد اخر اولا ..
ولازم يكون نظام الويندوز 64bit واحتمال تضطر تعمل ديليت للبارتيشنات السابقه كانه لسى جاى جديد والافضل انك
تفك هارداتك القديمه وتشتغل على الهارد ده فقط لان الويندوز بيحتاج يقرا مساحه الهارد اولا كامله ويتاكد منها حسب علمى للهارد 3TB+

2- ركب الــ DVD بتاع الويندوز فى الDVD بتاعك او لو فلاشه ركب الفلاشه فى الـــ USB
3- بمجرد عمل ريستارت ادخل على قائمه البوت السريع وطالما عندك جيجابايت اكيد هتكون F12 اغلب الظن لكن
ان لاحظت ان F12 لم يقم بدوره واستطاع دخولك على البوت السريع ابدا بابحث عن البوت السريع او لاحظ ظهوره فى شاشه الدوس الاولى ..
4- بمجرد ظهور قائمه الببوت ستكتشف ان DVD الويندوز يقرا طريقتين تثبيت اما UEFI او Legacy ايضا .. اختار UIFI
من الممكن ان تجد تحت كلاهما دلاله على ان الويندوز الاول مقصود به Legacy ودلاله على الويندوز التانى مقصود به UIFI اعرف بنفسك ( بسيطه )
5- بعد ماتختار UIFI Windows install اضغط Enter عشان يدخل على الويندوز
6- بعد ظهور صفحه Install Windows المعروفه لويندوز 7 ( Install Windows ) ابدا التثبيت الطبيعى عادى
7- الى ان تصل الى نافذه الاختيار اما Upgrade او Custome وطبعا بنختار Custome عشان نحدد المكان ونفرمت القديم كالعاده
8- هيظهر قدامك بارتيشنات الهارد بتاعتك جميعها عشان تختار مكان التثبيت
9- هتختار ( Drive Options ( Advanced طبيعى لتظهر جميع خيارات الثبيت وكانك هتفرمت الويندوز القديم على البارتيشن عادى
10- هتلاقى عندك كلمه New بنجمه صفراء بجانب كلمه Format اضغط عليها
11- هتلاقى ظهرلك حجم البارتيشن بجانب كلمه Size عشان يتاكد من مساحه الهارد كامله اولا وجمبها كلمه Apply - Cancel
12- ممكن يظهرلك رساله يقولك فيها ان الويندوز ممكن يعمل create new partitions وافق على الامر
13- هتلاقى ظهرلك عدد البارتيشنات كامله ومحتمل انه يكريت بارتيشنز جديده
14- اختار اكبر بارتيشن عندك واعمل ليه فورمات اولا 3TB+
15- هيظهرلك رساله تحزيريه يقولك فيها لازم فورمات للهارد والافضل لو تخزن بياناتك اولا بهارد اخر
16- بعد الانتهاء من الفورمات اختار اكبر بارتيشن وثبت الويندوز عليه
17- بمجرد الانتهاء من تثبيت الويندوز اتاكد من Disk Management ان الويندوز قرا مساحه الهارد كامله

وقولنا النتيجه

[kareka20]

مش عارف احاول البيوس UEFI BIOS ومش فاهم حاجه من الكتالوج او مش لاقى ازاى التحويل ولو ممكن طريقه التحويل والف شكر لك ولتعبك معاى

[kareka20]

اللى انا لقيت فى البيوس هو boot option يوجد اختيارات هى non efi or efi or auto

وجربت كل الاختيارات ومفيش فايده ارجو الحل

[phenomenon]

طيب الان ظهرلك Efi Bios والمفروض بمجرد اختياره وحفظ الاعدادات وعمل بووت تلاحظ البيوس الجديد ..
مش عارف هل الويندوز نفسه ممكن يكون مسؤل عن النقطه دى ولا لا يعنى هل لو النظام ويندوز 8 ممكن يساعد على تثبيت
البيوس بعد البووت خصوصا ان فى برامج 3rd party بتتلاعب فى الامر ده ايضا عشان خاطر نظام linux
لكن طالما البيوس قرا ليك efi bios وهو المقصود بيه UEFI الاصادر الاول يبقى فى امكانيه للبوت من عليه
حاول تضيف النسخه الاول واعمل بووت بعد اختيار UIFI وشوف هل النسخه تم قرائتها بنظامين ولا مازالت نظام واحد

[kareka20]

انا عندى ويندوز 8.1 ركبت النسخه فى dvd وغيرت النظام بس برده البيوس مش بيقرا الاسطوانه مش راض يبوت عليه

[phenomenon]

جرب تفرمته الاول وتخليه بارتيشن واحد

[kareka20]

طيب تمام هفرمته بس هخليه على نظام gpt او mbr و الويندوز وهو بيتعرف هيقسمه على نظامgpt ولا لا علشان امبارح فرمته وانا بعمل النسخه فرمته بس خله على نظام mbr و قراء الهارد 2 تيرا بس

[phenomenon]

لا اخى المفروض بعد ماتختار New اللى بتكون جمب كلمه format هيظهرلك Apply او cancel بمجرد ماتختار Apply هتلاقى الويندوز كريت بارتيشنات من نفسه او يطلب منك الموافقه على كرييت بارتيشنز من نفسه وبعدها بتختار اكبر مساحه من البارتيشنات وتثبت عليها الويندوز

[kareka20]

انا بعتذر عن تكمله حل المشكله بسبب انقطاع النت الفتره السابقه والمشكله مازالت قائمه والف شكر ل أ/ Phenomenon (https://arabhardware.net/forum/member.php?u=11301600)


لمحولاته لحل المشكله معى .

[kareka20]

انا عملت كل حاجه لحل المشكله بس مش نافع يريت لو فى طريقه لحل المشكله