مشكله مع intel core i5 2400

[G max]

السلام عليكم انا جبت بروسيسور من كيسه استيراد core i5 2400@ 3.1 3.9 ودفعت فرق كان عندى core i3 2100 @ 3.1 المهم البروسيسور شغال تمام بس فى الالعاب مش تمام خالص اللعبه بتقطع على ال medium settings مع انى كنت معاليها على الاخر بالبروسيسور القديم بس كنت قافل super simpling اللعبه ryse son of rome وقلت مش مشكله جيت اشغل call of duty advanced wafare قالى fatal error : yor cpu dosn't meet minimum system req كنت هعيط دى مكنتش بتعمل معايا كده على البروسيسور القديم وامكانيات جهازى mother : gigabyte p61 ram : 6 @ 13333 gpu gtx 660 2g المهم احب اعرف رأى الخبرا هل الصفقه كويسه يعنى البروسيسور كويس ولا كلام فاضى ثانيا ايه المشكله عندى انا قولت انا كان عندى عنق زجاجه وبتاع وقولت هلعب على الماكس مرتاح هل ال bios عندى عاوز update ولا البروسيسور مش ماشى مع الجهاز واجيب حاجه زى core i5 4590 علشان احس بفرق ولا مغيرش البروسيسور واجيب كارت اقوى من اللى عندى واسف على الاطاله مع العلم انى دخلت على موقع game dept وحطيت امكانيات الجهاز قالى انت تلعب على الماكس مرتاح بس غير الرمات وهات 8 بدل 6 هو مابيجبش سيرت الماكس حنى لو حطتلو تجميعه ب 40 الف جنيه

[phenomenon]

وعليكم السلام ورحمه الله وبركاته ....
صفقه رائعه وهى المطلوبه ... نريد اختبار النتائج على لعبه Crysis3 على اعدادات High فقط ل Textures + Advanced Graphics

هل التقطيع ملحوظ جدا طول وقت اللعبه ؟

اولا يجب الاطمئنان على الاتى .. اقصى تردد + حراره
افتح برنامج CPUz وقولنا ايه اقصى تردد بيوصل للمعالج اثناء الضغط ( عاوزين ضغط بسيط ) زى نقل لعبه او ملف 500 ميجا من بارتيشن للاخر او فك ضغط ملف كبير
قولنا اقصى تردد بيوصل كام قدامك من برنامج CPUz او ارفعلنا صوره اثناء الوصول لاقصى التردد اللى تم ملاحظته انه ثابت عنده ..

افتح بجانب المعالج برنامج HWTempreture وارفعلنا صوره من الحراره وقت فك الضغط لملف اى لعبه عندك او حتى اعمل على تضغطيها من جديد

سؤال .. هل حاولت تغير باعدادات البيوس سابقا او مع اتيان المعالج ؟ ... هل ضيفت معجون جديد للمعالج وقت التركيب ؟
سؤال اخر ماهى نسبه استخدام المعالج من Task Manager وقت الالعاب اللى انت قولت عليها

[G max]

الف شكر على الرد والاهتمام هو حاليا للاسف مش عندى لعبة crysis اللى عندى دلوقتى ryse son of rome ودى بتقطع على ال medium ولما بلعبها cpu usage بتكون معديه ال 80% وبعدين البرنامج cpuz مبسجلش اعلى تردد تقريبا وبالنسبه للحراره هشوفها ببرنامج hwinfo فى حاجه كمان اجيب اللعبه على ,max setting ولا ايه وبالنسبه للمعجون محطتش حاجه ومعدلتش فى البيوس ودخلت على الموقع بتاع الشركه علشان التحديثات كله support for 22 nm processor وانا 32 nm مش عارف بقى انزل واحد واسطبه وخلا ص ولا ايه ياريت حضرتك تكون موجود دلوقتى وانا اقولك الاخبار

[G max]

بص حضرتك انا معرفتش ارفع صور للاسف بس اعلى تردد وانا بنقل لعبه 23 جيجا 3093 والحراره معديتش ال 65 او قولى ازاى اخد صوره وال cpu ussage 15% , وانا بنقل اللعبه وبنقل بسرعه 29 ميجا فى الثانيه هى كانت اكتر من كده بكتير بس بتقل بقى فى حاجه الراجل اللى كان بيركبلى البيروسيسور وصل كبل 4 pin فى البورده جى من من البور كنت انا فصله والجهاز كان شغال زى الفل عاوز اعرف بتاع ايه ده والبور عندى 600

[phenomenon]

طريقه رفع الصوره ( انت بتضغط على زرار print اولا فى الكيبورد وممكن تلاقى مكتوب عليه prtSc SysRq وبعدين بتفتح برنامج paint الرسام وتحط الصوره paste
وتحفظها على الديسك توب وبعدين ترفعها على الموقع بالضغط على الامر ( ادراج صوره ) فى الاوامر اللى فوق مشاركتك وانت بتكتب
مرر الماوس عليها هتلاقى ظهرلك كلمه ادراج صوره او فيديو او خلافه فقط اعمل ادراج صوره


شوف اخى .. مينفعشى نقول انا حاسس ان فى تقطيع ( لان الامر متفاوت ) احيانا بيحصل lag بسيط وقت تحميل او تسيف المراحل وتحميلها بيت بعضها ( عادى )
احيانا اللعبه تبدا فى تفعيل خواص زى ِAntiallising وتنعيمات و Vsync وهى تؤثر سلبا على اداء اللعبه
عاوزين نعرف انت بتلعب على كام اطار وايه هى الاعدادات للالعاب وذكرك لتردد المعالج 3093 اى ان المعالج يعمل طبيعى جدا على سرعته الافتراضيه 3.1GHz
واكيد داخل الالعاب سرعته القصوى تصل الى 3.4GHz حين الحاجه

كابل 4pin اللى بجانب المعالج اما تقصد كابل باور المعالج او تقصد كابل مروحه المعالج وكلاهما ضرورى لاداره المعالج والاخر لمروحه المعالج
والحراره65 جيده جدا واكيد اللى ثبت المعالج ضافلك معجون

انت لست فى حاجه لعمل ابديت بيوس اطلاقا طالما الجهاز يعمل بشكل صحيح

عاوزين حقائق اخى .. جرب تفتح اى لعبه على الميديم بس تكون بسيطه فى الجرافيك وشوف الاداء
اتاكد جيدا ايه نسبه الذواكر المستهلكه اثناء اللعبه وهل الهارد خالى من الفيروسات

هل ثبت ويندوز جديد بعد شراء المعالج ام لا ؟
كام عدد الاطارات على الالعاب المشهوره زى باتمان او باتل فيلد وايه هى الاعدادات اللى شغلتهم عليها ؟

[G max]

ياباشا انا عارف يعنى ايه اللعبه بتقطع والكلام بتاع الاعدادت ده لكن دى عندى مش بتقطع بس انت عارف حضرتك يعنى ايه العب على ال medium setting and low setting واجيب 7:15 فريم و 1:5 فريم على extrem setting المشكله اللى هتجننى ان البروسيسور القديم مكنش بيعمل كده خالص ده انا لو جيب بروسيسور celeron مش هيعمل كده بالنسبه للويندوز مغيرتوش والكابل اللى انا قصدى عليه بيركب فى السوكت الكبيره اللى فى الماذر بتاعت البور ومعنديش فيروسات والحمدلله انا جربت لعبه برضه nfs most wanted 2 high setting 30 frame / low setting 45 : 60 / medium setting 50:45 للاسف معرفتش ارفع الصور هنا مش فاهم اوزاى بيقولى url ومش مدينى اختيارات تانيه انا اسف والله تاعبتك معايا

[DeMody]

لازم تغير النسخه الأول يا أخي الأكريم بعد تغير أي قطعه من قطه الجهاز
جرب و قولنا النتيجه :) و إن شاء الله هتشوف الفرق و مبروك

[phenomenon]

ياباشا انا عارف يعنى ايه اللعبه بتقطع والكلام بتاع الاعدادت ده لكن دى عندى مش بتقطع بس انت عارف حضرتك يعنى ايه العب على ال medium setting and low setting واجيب 7:15 فريم و 1:5 فريم على extrem setting المشكله اللى هتجننى ان البروسيسور القديم مكنش بيعمل كده خالص ده انا لو جيب بروسيسور celeron مش هيعمل كده بالنسبه للويندوز مغيرتوش والكابل اللى انا قصدى عليه بيركب فى السوكت الكبيره اللى فى الماذر بتاعت البور ومعنديش فيروسات والحمدلله انا جربت لعبه برضه nfs most wanted 2 high setting 30 frame / low setting 45 : 60 / medium setting 50:45 للاسف معرفتش ارفع الصور هنا مش فاهم اوزاى بيقولى url ومش مدينى اختيارات تانيه انا اسف والله تاعبتك معايا



كويس جدا .. انت تقصد كابل EPS CPU 12v ومن خلال كلامك هو عندك 4pin واكيد واصل بشكل صحيح ( متقلقش من الامر )

بخصوص الاطارات ... انت جيبت فى العاب على الميديم 50 فريم ولما قللتها وصلت 60 فريم وفى لعبه NFS وصلت 30 اطار
لان اللعبه بالفعل المحرك فيها مقفول على 30 اطار فقط ومتقدرشى تزيد فيها عن كده ...
كدا الامر طبيعى جدا لكن الافضل لو قولتلنا ايه هى الالعاب دى

اما بخصوص لعبه بتجيب فيها 7 اطار لا اخى دى مشكله احتمال كبير انها بالنظام او بالتعريفات .. امسح التعريفات وثبتها من جديد
او زى الاخ الكريم ماقال ثبت ويندوز جديد وثبت تعريفاتك بعدها وشوف ايه الاخبار

مش لازم صور اخى طالما مشقادر ترفعها

[G max]

الله يبارك فى حضرتك ياستاذ مودى ان شالله هغير النسخه واقولكم النتيجه ومتشكر ليكم كلكم والله بس فى فاجعه اكتشفتها لما شيلت مروحت البروسيسور وجيت بشوف البروسيسور لاقيت الpin بتاع الماذر 11 سن معوج او 9 مش عارف قولت اوديه لواحد يعدلهم جايز تكون هى دى المشكله المهم قالى انا عدلتهم وفيه 2 pin مكسورين وانا مشوفتش حاجه يعنى اذا كان عدلهم ولا لا بس شكله محترم وانا عرفه وواثق فيه المهم بعد التجرؤبه شغلت الجهاز الصراحه فيه فرق كبير يجى5 :7 فريم على extrem setting فى لعبه ryse son of rome ونفس الموضوع على ال medium w low فتقريبا كده انا محتاج اغير البورده ولا ايه احب اسمع رائيكم ولو زودت الرامات من 6 ل 8 هيفرق معايا ولا ايه

[phenomenon]

اها كده الامور اتضحت جدا .. شوف اخى بن واحد طار او معووج = مشاكل لاحصر لها .. مش شرط اداء المعالج نفسه اطلاقا
بل اداء كل شىء متصل باللوحه الام - كل شىء وبمعنى الكلمه = كل شىء من اول منافذ USB وادائها ومنافذ SATA وتشغيلها الى كارت الشاشه والرامات
عموما طول مفى نقصان فى الاعداد دى وخاصه ان اللوحات الام السابقه مش فيها بن اضافى للحمايه ومش موجود الا بفئه معينه من اللوحات
فهنصحك انك تغيرها فورا عشان مش يقابلك فيها كل يوم والتانى مشكله .. طبعا ممكن تعدل البن ايوه بطرق كثيره لكن خرج من مكانه طيب راح فين ؟
انت شاريها مستعمله ولا ده حصل وانت بتركب المعالج ؟

[G max]

ههههههه والله انا كنت عارف وكنت عاوز اقولك كده من الاول بس مكنتش عاوزك تقول كده بضحك على نفسى يعنى هو صحيح كان معوج لما غيرت البرسيسور القديم الراجل قالى ال pin المعوج ده هيعمل مشاكل هما كانو 4 3 مش اكتر بس لما جيت فكيت المروحه لقيت 9 نايمين و2 طايرين المهم خلاص كده لازم اغير البورده مفيش كلام بس الاداء هيختلف ولا ادفعلى 600 جنيه والاقى الحاجه زى ماهيه وانا جايبها جديده

[phenomenon]

ماهو اكيد السبب فى كده انك حاولت تركب المعالج بطريقه معكوسه .. خدبالك من السهم الصغير الذهبى المرسوم على المعالج
فى اكتر من Notch او حز مفتوح فى جوانب المعالج عشان يقابلهم مكان نوتش تانى ( حزوز ) هتركب فيها فى سوكيت المعالج
لو حاولت تعكس المعالج ورتكب غلط وتقفل الباب بالشكل ده انت عكست طريقه وضعه الصحيحه وممكن يتسبب فيها وفى اسباب كتيره تتسبب فى تلف البن ايضا
انك تحط ايدك عليه او تحاول تمسحه وكل الامور دى

بخصوص الاداء .. اكيد لما يكون الهاردوير شغال بشكل صحيح ومتركب صح تحصل على افضل اداء ليه الا لو كان فى بن لقواعد المعالج طايره كمان :)
خليك فى H61 كافيه اوى وسعرها فى حدود 450 تقريبا

[G max]

اخر حاجه بقى اجيب asus ولا gigabyte الاتنين سعرهم واحد او gigabyte تزيد عن asus 50 جنيه

[H_KIMO]

أخى العزيز ياريت رقمك للأهمية
أو تكلكمنى أسرع 01110637184