بورده asus g41

[Ell0l]

انا عاوز اعرف بعض المعلومات عن البورده asus g41
انا اعرف انه يركب عليها 8 جيجا رام ddr3
ومعالج core 2 quad
لكن المشكله في كرت الشاشه
ينفع اركب كرت شاشه زي amd 7750 مثلا...
وهل في فرق كبير ما بين core 2 duo E8400 و core 2 quad

[phenomenon]

فى فرق كبير بين المعالجين اكيد لان الاول 2 نواه والاخر 4 نواه باستثناء فرق حجم الكاش .. تقدر تركب عليها كارت شاشه 7750 بسهوله

[Ell0l]

طب انت من وجهه نظرك اجيب ايه بالظبط سواء كرت شاشه ومعالج مع البورده ديه بس ميعملش عنق زجاجه اهم حاجه...
معلش هتعبك معايا :)
انا عاوز حاجه تشغل الالعاب مرتاح وان شاء الله هعلي الرام ل 8 لما اجيبها...

[Ell0l]

انا عاوز افضل حاجه تركب علي البورده ديه عشان تشغل الالعاب كويس من غير لاج وعلي اعدادت كويسه يعني متكونش low....والرزليوشن هيبقي 720p

[phenomenon]

طيب لميزانيه اللى معاك متوفره فى حدود كام وايه هى القطع اللى فى جهازك حاليا ؟

[Ell0l]

بص الجهاز هيجي فيه هارد 500 جيجا +رام 4 +بورده asus g41 وانا هحيب المعالج وكرت الشاشه...

[kaprita]

ياريت ذكر الميزانية لان ممكن تشتري منصة احدث و تبيع كل دا او لو اشتريت البوردة خلاص يبقي تجيب بروسيور Core 2 Quad افضل من Core 2 Due مع كارت شاشة زي Radeon HD 7770 مستعمل هيبقي كويس اوي في الالعاب و تقدر تشغلها علي الهاي كويسة

[Ell0l]

بص يا كبير الجهاز جي مستعمل لان لو فكرت اشتري جديد مش هقدر وهجيب جهاز تعبان جدا...فا الجهاز مواصفاته زي ما قولتلك فوق وعاوز ازود حوالي الف عليه...ولو هجيب core 2 quad ايه احسن نوع فيه عاوز اسم كامل و amd 7770 احسن كرت شاشه يمشي مع المعالج ده....معلش تعبتكو معايا...

[هشام الكنج]

اخي لم تذكر الميزانية مع ان اتنين من الاخوة طلبو منك

لانه اهم شي عشان نقدر نساعدك لازم نعرف انتا معاك ميزانية كام للتجميع

[Ell0l]

يا حبي انا كاتب الكيسه هتجيلي خلاص رام 4 + هارد 500 + بورده asus g41 والسعر هيبقا ما بين 500 ل 600 ج وكاتب فوق محتاج ازود معالج وكرت شاشه بحوالي الف او قول 1400 ج عشان لو هجيب باور ولا حاجه واخ كاتب هات core 2 quad مع amd 7770 فا عجبني الاتنين وحبيت اعرف اسم ال core 2 quad كامل الي هو قصده عليه ...
ومستني اراء من حضراتكو برده لاي تغير في كرت الشاشه ده او المعالج وياريت الاسعار لو يسمح..

[phenomenon]

اخى الكريم ... الامر بسيط جدا ... هات معالج C2Q 9550 وكارت 7770
ولكن طالما معاك فلوس فى ايدك لسى ليه ترجع وتشترى منصه بقالها 6 سنين على الاقل شغاله ؟
احنا لو اتكلمنا فى التقييم العمرى للهاردوير نظريا - المفروض نكون بنجهز اكفان منصات 775 وتوديعها تماما
الاعمار دائما مالهاش مقياس ايوه الا بناءا على الاستخدامات وكم المشاكل اللى بتقابلها اثناء استخداماك

لكن قريب جدا انا شايف منصه Core I5-2500 ولوحه ام H61 بسعر 1000 جنيه ...

طيب دلوقتى لو لقيت معالج Q9550 مستعمل طبعا فقط مش هيكون اقل من 500-600 جنيه
طيب من خلال الموضوع اللى شوفته بالشكل ده سعره مساوى لسعر I5-2500 مستعمل بس الاداء فرق السماء عن الارض واكيد انت عارف

لو لسى هتشترى يبقى فكر الاول وان صممت على منصه 775 خلاص الامر بسيط اشتريها لكن تذكر ان فى فرصه ليك على المنصات الاحدث بمواكبه الجديد بصوره افضل
خصوصا منصات الالعاب - منصات الالعاب بتعانى فى الغالب من توافق القطع الحديثه معاها زى كروت الشاشه وقطع ومكونات مالهاش عدد

فقط افهم الفكره ومش تتعجل بالشراء وان لقيت ان منصه 775 افضل حل ليك والحل الوحيد خلاص توكل على الله فيها وهات معالج Q9550
ولكن هتحتاج تبحث عنه او تنتظر وجوده من فتره للتانيه فى قسم المستعمل فقط
كارت الشاشه - ابحث عن كارت GTX 750 جديد او مستعمل ومش هتحتاج باور عالى ولا حاجه سواء مع الكارت الاول او التانى
الكروت دى مس بتسحب 80 او 90 وات اقصاها يعنى المنصه كلها ممكن متعديش 150 او 200 وات حقيقى
يعنى باور Dell او Hp يكون 450 او 500 وات هيكون كافى جدا واسعارهم بسيطه جدا وباورات HEC اكثر من كافيه ايضا

[Ell0l]

انا لسه مجبتش حاجه يعتبر بس انا بقول علي الامكنيات ديه لان تقريبا مش هقدر اجيب اعلي من كده...طب لو هجيب i5-2500+لوحه ام h61 هتكلف كام وكرت الشاشه هيكون مفضل معهم ايه ...وخلي في علمك يا اخي ان ميزانيتي مش معديه ال 2000 وهي اقل منها دلوقتي...
ولو معرفتش اجيب غير core 2 duo + amd 7770 دلوقتي هيبقا كدا يعتبر بضيع فلوسي...
انا طبعا مش فارقه معايا الحاجه جديده ولا مستعمله...

[phenomenon]

لا اخى الحاجه تفرق من جديده لمستعمله .. تفرق لما تكون جديده ومعاها ضمان ترجع ليه اى وقت وتتبدل او تتصين بدون تكلفه وتفرق لو كانت مستعمله استعمال نضيف ومتحافظ عليها فى الاستخدامات ومدحتشى صيانه قبل كده

انا شايف ان 2000 جنيه تقدر تجيب اللى قولتلك عليه : افتراضا ان اللوحه الام ومعالج رباعى حديث 1000 جنيه ومعاهم رامه 4 جيجا يمكن توصل 1100-1200 حسب حالتهم وحسب اسعارهم مشعارف يمكن اقل من كده وشوف كارت مستعمل هيكون اقصاه 550-600 جنيه ( وخليك فى الكروت المتوسطه زى GTX 750 لان ادائها جيد واستهلاكها قليل فى الواط وهتحاول تدخل هارد فى التجميعه

2000 جنيه فى منصه 775 يبقى فعلا بترمى فلوسك

[ahmad2006771]

لا اخى الحاجه تفرق من جديده لمستعمله .. تفرق لما تكون جديده ومعاها ضمان ترجع ليه اى وقت وتتبدل او تتصين بدون تكلفه وتفرق لو كانت مستعمله استعمال نضيف ومتحافظ عليها فى الاستخدامات ومدحتشى صيانه قبل كده

انا شايف ان 2000 جنيه تقدر تجيب اللى قولتلك عليه : افتراضا ان اللوحه الام ومعالج رباعى حديث 1000 جنيه ومعاهم رامه 4 جيجا يمكن توصل 1100-1200 حسب حالتهم وحسب اسعارهم مشعارف يمكن اقل من كده وشوف كارت مستعمل هيكون اقصاه 550-600 جنيه ( وخليك فى الكروت المتوسطه زى GTX 750 لان ادائها جيد واستهلاكها قليل فى الواط وهتحاول تدخل هارد فى التجميعه

2000 جنيه فى منصه 775 يبقى فعلا بترمى فلوسك
أنا فعلا كان عندي بوردة asrock g41 ddr3 ومحافظ عليها ورامه 4 جيجا كنجستون وكان عندي كارت متوسط هو nvidia 450 gts ddr3 1giga
وروحت اشتريت q9550 بسعر جيد جدا حوالي 450 جنيه بالفانة الاصليه بتاعته والعلبه والكتالوج
وطبعا البروسيسور فرق جدا مع الجهاز وعمل تحسين جيد جدا في السرعة والالعاب بس لما اشغل العاب تقيله الاقي البورده طالع منها صوت زي الصفارة ومبيسكتش غير لما اقفل الجهاز فحسيت ان البورده فعلا تقيله و قديمة ولا تستحمل الضغط الشديد عليها في الالعاب التقيلة فبعت الجهاز كلة ماعدا كرت الشاشة واشتريت كيسه وركشتيشن وهي dell t3500 البروسيسور بتاعها يكافئ كور i7 والحمد لله الكيسه جيده جدا وبستحمل الضغط والالعاب التقيله وتمنها رخيص حوالي 1200 جنيه وفيها هارد 160 جيجا سريع ورامات 6جيجا وكارت شاشة خارجي 256 وباور سبلاي 525 وات يشغل كروت شاشة عالية وفية كابل 6 بن لكروت الشاشة وسوكت البروسيسور هو 1366 والبورة اسمها intel x58 والبروسيسور رقمه xeon w3550 كاش 8 ميجا وكنت شاريها من واحد هنا في المنتدى فاتح محل في حدائق حلوان وده رقمه 01225053555 - 01012255777
وده الاعلان بتاعه
https://arabhardware.net/forum/showthread.php?t=423080
وانا على فكره من الزقازيق وسافرتله مخصزص وشيلت الكيسه لحد هنا بس هي تستاهل بصراحة
فأنا انصحك متشتريش البورده دي ولا اي بورده السوكت بتاعها 775 ولا 771 لان دي انتهى العمر الافتراضي ليها خلاص واشتري بوردة سوكت 1155 او 1366
ولو عايز توفر اشتري كيسه وركستيشن هتفرق معاك قوي في السعر والاداء

[Ell0l]

انا ساكن في حلوان اساسا وسعرها كويس جدا بس انا اسمع ان معالجات
xeon وحشه في الالعاب..وبالنسبه لسوكت1366 ايه المعالجات الي بتعتمد علي السوكت ده...وممكن تقولي انت شغال بنفس كرت الشاشه ولا لا...وايه رأي بقيه الاعضاء في الكيسه ديه....
وطبعا يا احمد فرق كتير عن core 2 quad والكلام ده صح ؟ّ!! وانا ان شاء الله لو كده احتمال اجيب عليها كرت gtx 750 ti...
واعلي كرت شاشه يركب عليها ايه برده للمعرفه...

[ahmad2006771]

انا شغال بنفس كارت الشاشة والxeon مش وحش ولا حاجة في الالعاب والدليل على كده انا نزلت لعبة mortal kombat x مخصوص علشان اشوف قوة الجهاز وشغاله على high طلقه وسريعه جدا بدون اي تقل او تهنيج وكمان البروسيسور ال xeon ارخص من البروسيسورات التانيه لان الموضوع عرض وطلب - والبروسيسور اللي عندي ده بيتباع مستعمل ب 150 جنيه مستعمل ويعتبر اقوي من بعض بروسيسورات i7 وضعف قوة الكور تو كواد وعن تجربه عن طريق برنامج اسمه CINEBENCH r15 بيختبر قوة كارت الشاشة والبروسيسور ويديك رقم كلما زاد هذا الرقم تكون قوة البروسيسور اكبر واختبرت بيه البروسيسور ال كور تو كواد 9550 كاش 12 ميجا اللي هو اعلى بروسيسور في الquad اداني رقم 310 وعمل جدول ترتيب تصاعدي للبروسيسورات وكان البوسيسورة ده في الاخر من تحت ويجي بعده core i5 وبعد مجبش الوركستيشن جربت البرنامج على الxeon كتبلي قوته 490 يعني ضعف قوة ال q9550 وترتيبه كان سابق كل البروسيسورات ال core i5 وبعض ال core i7