ارجو الرد ضروري

[beshoy reda]

السلام عليكم
دلوقتي قابلتني مشكلة فجاة كدا
الكهربا قطعت وجت علي الكمبيوتر بشغلة بعدها لاقيت اول حاجة الشاشة شغالة بس جايبة لاتوجد اشارة غيرت الكابل ونفس المشكلة
ثانيا الهارد مش راضي يقرا
وكل ما احط فلاشة علي الجهاز بعد ما بيجيب logo بتاع البوردة بيفضل واقف علي كدا ميعملش حاجة خالص
فاية حل المشكلة دي ارجوكم سعدوني لاني تاية مش عارف المشكلة من اية واول مرة مشكلة زي دي تقابلني ومشاء اللة كلوا كدا يضرب مرة واحدة
فهل هية مشكلة بوردة وبيوس ولا اية
مع العلم ان البوردة بتاعتي جيجا بايت p61 يعني دوال بيوس
وشكرا جزيلا واسف علي الاطالة

[phenomenon]

وعليكم السلام ورحمه الله وبركاته .. للاسف كل شىء وارد مع المشكله دى لكن ممكن بسيطه غالبا
الباور ممكن يكون حصله حاجه ( حتى لو بيقدر يشغل كل جهازك عادى لكن مشقادر يقوم تحت الضغط )
ممكن اى شىء اخر .. عموما حاول مبدايا تفك كل اسلاك الجهاز تماما وتركبها من جديد
حاول تشيل حجر البطاريه بتاع اللوحه الام ثوانى وتركبه تانى ولو مفيش امل جرب تشتغل بدونه
لو مفيش حل جرب الرامات بتاعتك تشتغل على واحده بس


ملحوظه مهمه اخى : احيانا الفلاشه تغيب جدا على ماتقرا الويندوز فى حاله دى .. استنى عليها ربع ساعه واحيانا تصل الى 30 دقيقه على متستوعب الويندوز
لكن انا رايى بعد ماتجيب اللوجو بعتاع اللوحه ومنتظر ان تظهر شاشه خيارت اوبشن تنصيب الويندوز اصبر عليها ربع ساعه

[beshoy reda]

انا حضرتك عملت اللي قولتلي علية فوق ولسة بردوا المشكلة موجودة بس انا الباور بتاعي كولار ماستر يعني المفروض كويس فهل ممكن يكون باظ زي محضرتك بتقول ولا اية

[beshoy reda]

انا بردوا جربت الشاشة علي جهاز تاني جايب no signal فهل ممكن يكون بورت الفيجا باظ ولا اية
ثانيا جربت الهارد بردوا علي جهاز تاني غير مقري
مع العلم اني شغلت الجهاز بتاعي علي شاشة تانية غير شاشتي وشغالة كويس بس طبعا مازال الهارد غير مقري
وزي مقلت لحضرتك ان الحاجات دي حصلت فجاة فمش عارف
وشكرا علي رد حضرتك

[phenomenon]

جربت الشاشه على جهاز تانى وجاب No Signal ؟ ممكن الشك اصبح وارد لكن مش دائما ياريت تجرب الشاشه على جهاز شغال بكارت فيجا مدمج مش خارجى عشان الشاشه تلقط فورا
طبعا لازم تتاكد من البيوس ان الكارت المدمج سواء باللوحه الام او المعالج مش معمول ليه Disable وفى الوقت دا لازم الشاشه تنقل اشاره فورا وكدا هتتاكد من الشاشه

الهارد على جهاز تانى غير مقرى لان لازم تثبت ويندوز على الهارد بمجرد توصيله لجهاز اخر طالما هتشتغل عليه Master او تشتغل عليه Slave فقط لكن مش هتقدر تبوت عليه
الجهاز بتاعك شغال على جهاز تانى عادى لكن الويندوز واقف بردو عند دخول تثبيت الويندوز على الهارد
اذن المفروض تتاكد من الهارد فقط او تجرب تجيب هارد تانى وتحاول تثبت عليه ويندوز جداد وتشوف ايه الاخبار

لكن من خلال كلامك المشكله متعلقه بالهارد فقط بالرغم ان الهارد لو اتحرقت ميديته او جاب باور اعتقد انه مش هيوصل للوجو الويندوز
بردو انتظر رد الاخ الكريم MMS-AMMMK

[MMS-AMMMK]

وضح مواصفات جهازك بالتفصيل اخى الكريم

[beshoy reda]

جربت الشاشه على جهاز تانى وجاب No Signal ؟ ممكن الشك اصبح وارد لكن مش دائما ياريت تجرب الشاشه على جهاز شغال بكارت فيجا مدمج مش خارجى عشان الشاشه تلقط فورا
طبعا لازم تتاكد من البيوس ان الكارت المدمج سواء باللوحه الام او المعالج مش معمول ليه Disable وفى الوقت دا لازم الشاشه تنقل اشاره فورا وكدا هتتاكد من الشاشه

الهارد على جهاز تانى غير مقرى لان لازم تثبت ويندوز على الهارد بمجرد توصيله لجهاز اخر طالما هتشتغل عليه Master او تشتغل عليه Slave فقط لكن مش هتقدر تبوت عليه
الجهاز بتاعك شغال على جهاز تانى عادى لكن الويندوز واقف بردو عند دخول تثبيت الويندوز على الهارد
اذن المفروض تتاكد من الهارد فقط او تجرب تجيب هارد تانى وتحاول تثبت عليه ويندوز جداد وتشوف ايه الاخبار

لكن من خلال كلامك المشكله متعلقه بالهارد فقط بالرغم ان الهارد لو اتحرقت ميديته او جاب باور اعتقد انه مش هيوصل للوجو الويندوز
بردو انتظر رد الاخ الكريم MMS-AMMMK



حضرتك انا جربت الشاشة علي جهاز فية كارت داخلي مش خارجي وجايبة لاتوجد اشارة
ثانيا بالنسبة للهارد انا فعلا كنت وصلتة لوحدة علي جهاز تاني فهبقي اجربة تاني
اما بقي ان الجهاز بتاعي وصلتة علي شاشة تانية اشتغل بس بردوا مش بيقرا الهارد بيجبلي no boot able device ومش مقري اصلا ف البيوس
وشكرا لرد حضرتك

[beshoy reda]

وضح مواصفات جهازك بالتفصيل اخى الكريم

Motherboard : gigabyte p61 A3 بدون كارت شاشة مدمج
Processor:core i3
Vega: ati HD 5450
Power supply: cooler master 500watt
Ram :4gb Kingston
Hard disk : green 750 GB western digital

وشكرا علي اهتمام حضرتك

[beshoy reda]

انا دلوقتى قدرت احل مشكلة الشاشة بانى اعمل Firmware Upgrade والحمد للة اشتغلت الشاشة
اما بقى مشكلة الهارد مش عارف احلها فهل اودية لحد بتاع صيانة ولا اعمل اية مع العلم انوا مش بيقرا اصلا على الجهاز يعنى مش بيجيب الوندوز اساسا وبحس انوا مش بيتحرك وانا ماسكة وهوة فى الجهاز فهل كدا ممكن يكون باظ ولا اية
وهل لو صلحتة ممكن الداتا اللى علية تتمسح ولا لا لان علية حاجات مهمة جدا
وشكرا ياجماعة على تعبكم معايا

[MMS-AMMMK]

انا دلوقتى قدرت احل مشكلة الشاشة بانى اعمل Firmware Upgrade والحمد للة اشتغلت الشاشة
اما بقى مشكلة الهارد مش عارف احلها فهل اودية لحد بتاع صيانة ولا اعمل اية مع العلم انوا مش بيقرا اصلا على الجهاز يعنى مش بيجيب الوندوز اساسا وبحس انوا مش بيتحرك وانا ماسكة وهوة فى الجهاز فهل كدا ممكن يكون باظ ولا اية
وهل لو صلحتة ممكن الداتا اللى علية تتمسح ولا لا لان علية حاجات مهمة جدا
وشكرا ياجماعة على تعبكم معايا
الحمد لله على حل مشكلة الشاشة
بالنسبة لمشكلة الهارد اعتقد ان العيب فى بوردة الهارد ديسك
وعليك بالذهاب الى فنى صيانة لتغيير او اصلاح بوردة الهارد
ولا تقلق من الداتا ستجدها بإذن الله موجودة بدون مشاكل