استفسار مهم جداااااااا قبل تغيير الكارت الشاشة

[RVD150]

انا معايا كارت الشاشة r9 290 saphire tri-x تمام دلوقتى انا شوفت ان فى فئة جديد نزلت اسمها r9 300 فا كنت عايز اعرف فى داعى للتغيير ولا لا داعى لشراء الفئة الجديدة دى

[mohamedmostaf]

انا معايا كارت الشاشة r9 290 saphire tri-x تمام دلوقتى انا شوفت ان فى فئة جديد نزلت اسمها r9 300 فا كنت عايز اعرف فى داعى للتغيير ولا لا داعى لشراء الفئة الجديدة دى
كروت الفئة الجديدة هى هى القديمة بس اتغير اسمها وتم اضافة اشياء جديدة بسيطة ليها زى انها بتستهلك كهربة اقل وسخونية اقل وكسر سرعة اكبر فمفيش داعى حضرتك تشترى

[roby2010]

بطاقات R9 3xx كلها معادة التسمية ولا داعي للتغيير لأي منها
البطاقات الجديدة كلياً هي فقط R9 Nano و R9 Fury و R9 Fury X
بطاقة R9 Fury ستصدر بسعر 550$
اما بطاقة R9 Fury X ستصدر بسعر 650$
بطاقة Nano لم يصدر لها سعر حتى الان
وقيل عنها في المؤتمر الخاص بـAMD انها افضل بشيء بسيط من R9 290X مع ذاكرة HBM و استهلاك طاقة اقل النصف تقريباً ولكنها لن تصدر الان

[RVD150]

شكرااااااااااا جداااااااااااا على الاهتمام يعنى حتى ال r9 fury و r9 nano مافيش فرق بينها و بين r9 290 صح يعنى لا داعى للتغيير

[mohamedmostaf]

شكرااااااااااا جداااااااااااا على الاهتمام يعنى حتى ال r9 fury و r9 nano مافيش فرق بينها و بين r9 290 صح يعنى لا داعى للتغيير
هيبقى فيه فرق كبير طبعا

[RVD150]

يا جماعة بعد اذنكم هايبقى فى فرق يستحق التغيير ولا لا

[Hassan M3]

يا جماعة بعد اذنكم هايبقى فى فرق يستحق التغيير ولا لا
هيبقى فيه فرق كبير بين fury x و r9 290 عشان fury x بتتنافس مع GTX 980ti و titan X

[mohamedmostaf]

يا جماعة بعد اذنكم هايبقى فى فرق يستحق التغيير ولا لا
حضرتك بتتكلم عن انهى كارت بالضبط لو بتتكلم عن اى كارت من ال r300 هيكون مفيش فرق ولكن لو ال fury او ال fury x فهيكون اكيد فيه فرق بس لأنه فيه فرق كبير فى السعر ال fury سعره بيتجاوز ال 4200 جنيه مصرى ده غير انه لسا منزلش مصر ولما ينزل هيكون مثلا سعره 4500 جنيه

[DeMody]

بص يا أخي الكريم لا داعي للتغير خلال تلك الفتره إلا لو كان التغير لكرت GTX 980 TI أو Fury X
بطاقتك الأن ممتازه مع جميع الألعاب علي دقه 1080p
نصيحتي تنظر حتي ثبات الأسعار أو الإتجاه ل GTX 980 TI

[RVD150]

الفرق بين ال fury-x و الفئة r9 290 كام فى المية تقريبا

[DeMody]

ما يزيد عن 35 %

[RVD150]

ما يزيد عن 35 % يعنى فرق كبير جداااا طيب هى ا لبطاقة دى هاتنزل امتى ؟؟؟؟

[roby2010]

الفارق على دقة 1080 لا يتعدى 22%
لذا في رأيي لا تقم بالتحديث ان كنت تمتلك شاشة بدقة عرض 1080
لكن مع دقة 4K يصل الفارق الى 35% تقريباً
هذه البطاقات موجهة للعب على دقة اكبر من 1080 لذا ان كنت تريد اللعب على دقة 1080 فبطاقتك مازالت ممتاز على هذه الدقة ولا داعي للتغير حالياً
ان كنت تنوي اللعب على دقة اعلى من 1080 فتوجه الى احدى هذه البطاقات
وللعلم البطاقة Fury X ادائها اقل بشيء بسيط من GTX980 Ti
لذا رأيي ان كنت ستقوم بالشراء فقم بشراء GTX980 Ti
بطاقة Fury X صدرت لدى ماكسيمم هاردوير بسعر 6000 جنيه

[الواد ميشو]

حضرتك بتتكلم عن انهى كارت بالضبط لو بتتكلم عن اى كارت من ال r300 هيكون مفيش فرق ولكن لو ال fury او ال fury x فهيكون اكيد فيه فرق بس لأنه فيه فرق كبير فى السعر ال fury سعره بيتجاوز ال 4200 جنيه مصرى ده غير انه لسا منزلش مصر ولما ينزل هيكون مثلا سعره 4500 جنيه

+1111 ..كلام وافي

[RVD150]

يا جماعة بعد اذنكم هو انا لو جبت gtx 980 النسخة العادية اللى هى مش ti هاحس بى فرق بينها و بين r9 290 ولا لا

[mohamedmostaf]

يا جماعة بعد اذنكم هو انا لو جبت gtx 980 النسخة العادية اللى هى مش ti هاحس بى فرق بينها و بين r9 290 ولا لا
اكيد جدا جدا طبعا اساسا ال r9 290 يقارن بال gtx 970 مش ال gtx 980
بس بالنسبة للمراجعات فال fury اقوى من ال gtx 980

[RVD150]

يعنى الفرق بين ال r9 290 و gtx 980 النسخة العادية كام فى ال % تقريبا

[roby2010]

الفارق بين GTX980 و R9 290 حوالي 22% تقريباً
انتظر صدور باقي بطاقات R9 Fury و R9 Nano وقرر وقتها
ممكن تنخفض الاسعار وقتها

[RVD150]

معليش يا جماعة انا عايز افهم حاجة يعنى الفرق بين ال fury x و كارت بتاعى اللى هو r9 290 حوالى 30% طيب الفرق دة يستاهل التغيير ولا لا

[desto]

انا معايا كارت الشاشة r9 290 saphire tri-x تمام دلوقتى انا شوفت ان فى فئة جديد نزلت اسمها r9 300 فا كنت عايز اعرف فى داعى للتغيير ولا لا داعى لشراء الفئة الجديدة دى
حاجة خارج الموضوع لو حضرتك هتبيع كارتك ابقي قولي ياا فندم

[roby2010]

معليش يا جماعة انا عايز افهم حاجة يعنى الفرق بين ال fury x و كارت بتاعى اللى هو r9 290 حوالى 30% طيب الفرق دة يستاهل التغيير ولا لا

الفارق في الاداء طبعاً يستحق التغيير
لكن الفارق في السعر ميستاهلش خالص
رأيي خليك في الكارت بتاعك وهو لحد دلوقتي مأدي وبيشغل كل حاجة تقريباً بأعلى اعدادات
لكن لو مصمم يبقى رأيي خليك في GTX980 Ti افضل على دقة 1080P + قابلية على كسر السرعة اكبر
وحتى الكسر المصنعي بيكون ممتاز واكثر من كافي

[RVD150]

كنت عايز اعرف 30% فرق دى يعى بتدى كام فريم زيادة يعنى لو الكارت بتاعى بيدى فى لعبة 30 فريم يبقى كارت gtx 980 ti يدى كام ؟؟؟؟؟؟؟

[roby2010]

كنت عايز اعرف 30% فرق دى يعى بتدى كام فريم زيادة يعنى لو الكارت بتاعى بيدى فى لعبة 30 فريم يبقى كارت gtx 980 ti يدى كام ؟؟؟؟؟؟؟

الموضوع مش بيتقاس كدة
لأن كل لعبة مختلفة عن التانية وفي العاب بتشتغل افضل على بطاقات انفيديا والعكس
لكن الفارق في الاداء العام هو دة اللي بيتحسب

[mohamedmostaf]

كنت عايز اعرف 30% فرق دى يعى بتدى كام فريم زيادة يعنى لو الكارت بتاعى بيدى فى لعبة 30 فريم يبقى كارت gtx 980 ti يدى كام ؟؟؟؟؟؟؟
المراد على الدقات المختلفة وفى العاب مختلفة يعنى ده هو الفرق العام لكن طبعا مش دايما هيبقى اعلى منه مثلا فى تشغيل الألعاب كلها ب 30 فى المية

[ابوعماد3]

لا داعى للتغيير

[RVD150]

معليش انا اسف عايز بس اعرف الفرق فى الفريم هايبقى حوالى + كام فريم لكارت gtx 980 ti

[phenomenon]

مبدايا الاخوه الكرام ردت الرد السليم والصحيح ... كل موقع مراجعات كموقع TPU بيعتمد على برامج لحساب الفوارق بدقه شديده لانه بيراجع الااف الكروت
اما للرد على سؤالك تحديدا فالامر بسيط ... لكنه ليس صحيح هكذا الا لو قولت السؤال بالشكل ده
الفرق بين معالج GTX XXX ومعالج AMD RX XXX فى لعبه GTX V النسبه هى تقريبا 30% ؟
كده اجابته بقت سهله
يعنى لو الكارت بتاعك بيدى 30 اطار فى لعبه GTA V اما كارت GTX 980 زياده 30%100 يبقى الفرق 9 اطار
اضرب 30 فى 30 على 100
او 30 على 100 فى 30

ولذلك هناك فرق بين النسبه الكليه والنسبه الفرديه
لما تقول معالج افضل من معالج بنسبه 30%100 يبقى مجموع مميزاته فى كل شىء وصلت 130 نقطه
لما نقول معالج افضل من معالج فى شىء معين ( لعبه ) بنسبه محدده يبقى تقدر تستخرج النسبه

لاثبات الامر الان بالحساب الاول الفرق اتضح انه 9 اطار
طيب لو كان الكارت بتاعك بيحقق 48 اطار والفرق بينك وبين GTX 980 تقريبا 30%100 يبقى النتيجه 14.5 اطار
اضرب 48 فى 30 على 100
او 48 على 100 فى 30

اذن النتائج غير صحيحه للحاسب بهذا الشكل
احنا بنقول مميزاته بكل شىء قد وصلت الى ( بمجموع المراجعات ) افضل بنسبه 30% ولا يجوز ان نعتبره افضل فى اى - شىء بنسبه 30%100

مواقع المراجعات تستخدم ادوات حساب وبرامج محدده لحساب النسب المؤيه كبرامج Percentage Claclculation
ووضع نموذج امامهم يتم دخول اقوى واقل كارت امامهم ثم وضع مراجعات سابقه واعتبارها نموذج متبع لهم فى بدا الحساب بكل شىء يتم احتساب كفائه الطاقه والحراره والسعر والتغليف واحيانا السوفتوير المقدم ( حسب اخر المعالجات الحديثه المتبعه )
اذا اخدت مثال على موقع ANANDTECH مش هتقدر تقارن بين كارت صناعه 2011 مع كارت 2015 ولا يعطى ليك الفرصه والامكانيه لعمل Bench بينهم
والسبب ان معاير المراجعات اختلفت بما فيها الالعاب المستخدمه فى المراجعات

فى الواقع لما نقول كارت GTX 980 بيحقق افضل من كارتك بنسبه 30%100 دا لا يشترط انه افضل منك فى لعبه GTA طالما محددناش
لان ممكن كارتك يكون بيتقدم فى لعبه GTA ولكن يخسر بجميع الالعاب الاخرى ولذلك هو اقل بنسبه 30%

انا مشعارف انت بتقارن بين ايه وايه بس عشان تسهل الامر على نفسك قول كده كاارتك ايه هل R9-290 وبتفكر تجيب GTX 980 صحيح كده ؟
انا هقولك الفرق كام فى صالحك بس هتاخد وقت بس هجيبهلك ملخص الامر ان شاء الله ونستخرج ما لم نريد احتسابه وهجيبهالك بالصور

[RVD150]

يا باشا شكراااااااا اوى على تعبك دة والله انا مش عارف اقولك اية

انا بقارن بين كارتى و كارت gtx 980 titin

[phenomenon]

شوف المراجعه بالشكل ده هتكون مفومه بالنسبالك ولا ايه


https://oi58.tinypic.com/23loci.jpg


https://oi60.tinypic.com/xc3ls8.jpg


https://oi62.tinypic.com/16lcnwx.jpg


https://oi62.tinypic.com/fbjhah.jpg


https://oi62.tinypic.com/14dzj2h.jpg


https://oi61.tinypic.com/vxhnvk.jpg


https://oi62.tinypic.com/w7n6on.jpg


Overall Score


https://oi62.tinypic.com/opxspc.jpg

[RVD150]

تمام اوى يا باشا و شكراااااااا على تعبك

بس اللى مستغربلو ان كارتى 512bit و كارت gtx 980ti 384bit مش فاهم اذاى يعنى كارتى اعلى فى ال bit و تقريبا على حد علمى ان ال bit دة حاجة مهمة فى الكارت