اريد شراء كارت شاشة في حدود 2000

[XRayRooster]

السلام عليكم يا شباب

انا عايز اعرف احسن كارت شاشة ممكن اشتريه و يكون في حدود 1800-2000 و دي الميزانية المتاحة :/

دقة العرض 1080 و الشاشة 23inch و البرسيسور هو core i5 4430

بالنسبة للباور فهو 500 وات الي مع كيسة thermaltake v3 اعتقد مش متذكر اسمها بالظبط

و هل سيكون الاداء في الالعاب جيد مع الشاشة ؟

سؤال جانبي , هل الماوس A4tech bloody v5m كويس ام لا ؟ و لو مش حلو هل يوجد ماوس بنفس السعر و يتغلب عليه ؟

[mostafa_googo]

افضل كارت شاشة فى الحدود ده هو
gtx 960 2 gb
ولو زودت شوية بسيط هات النسخة ال4 gb

ونصيحة منى استنى لحد ما ينزل كارت AMD R9 380 لانه هيكون ارخص منه وافضل منه فى الاداء

[هشام الكنج]

عليكم السلام

بالنسبة للاداء فى الالعاب لا تقلق اخي انا عندي نفس الشاشة وعندي معالج اقل من اللى عندك وعندي كارت شاشة gtx 750 ti 2gb والالعاب شغالة على الhigh مرتاحه مع رامات 8 جيجا

يعني انتا عندك معالج كويس مع كارت شاشة 2 جيجا هيشغلك احدث الالعاب مرتاحه باعلى دقة للشاشة ان شاء الله

ولو قدرت تزود شوية زي ما قال الاخ مصطفى وجبت النسخة ال4 جيجا هيكون احسن لانه فى العاب زي gta v لو حبيت تلعبها على اعلى اعدادادتها بتطلب كارت اكتر من 2 جيجا

[dash-mohamed]

للاسف كروت الشاشة اسعارها عالية والفروق بينها كبيرة فى السعر ومفيش بدايل كتير متاحة , فى حدود السعر دة ميجبش حاجة للأسف لان مفيش حاجة بالسعر دة

لازم تزود وادامك حل من اتنين يا اما تحط 150 او 200 جنية مثلا وتجيب gtx 960 2gb كارت قوى جدا بس خلى بالك مازال اسمه فى الفئة المتوسطة مع memory 128 bit او تزود 400 جنية وتجيب r9 280x tri-x ودة كارت فئة عليا مع memory 384 bit

او بال 2000 جنية تجيب كارت شاشة مستعمل زى معظم الناس ما بتعمل وادامك هنا بقى خيارات كتييير اوى

[XRayRooster]

طيب للتأكيد بس هو الباور ال500 الي مع الكيسة كافي لتشغيل مكونات الجهاز و الكارت بدون ضرر
علشان كان عندي كارت 650 ti boost من 6 شهور و حصله عطل و مشتغلش تاني بس ده كان وقت لما النور كان بيقطع متكرر فأنا اعتقد انه كان السبب هو قطع النور و ليس الباور
رأيكم ايه يا شباب ؟

[هشام الكنج]

اخي الكريم الباور مسؤل عن الطاقة الكهربائية للجهاز يعني لو عندك باور ماركة وليس تجاري ( الباور اللى بيجي مع الكيسة تجاري ولا يصلح ابدآ لكروت الشاشة القوية ) مكانش الكارت اتحرق ولكن هذا قدر الله ولا اعتراض على ذلك

بالنسبة لسؤالك للاسف الباور التجاري لا يمكنه تشغيل الكارت اصلآ ولا انصحك بالتجربة لانه ممكن يحرق الكارت فور تركيبه وتشغيله

انت محتاج تشتري باور اخي اقل شي 400 وات ولو ناوي بعد فترة مثلا 3 سنين تعلي كارت الشاشة يبقى اشتري من دلوقتي باور لا يقل عن 500 - 600 وات

وهنا صفحة الباور من متجر عرب هارد وير بالاسعار وبحجم الوات الخاص بها وتوجد ماركات محترمة كـ COOLER MASTER او EVGA او CORSAIR

https://store.arabhardware.net/hardware/power-supplies/