اداء الالعاب اصبح للاسوأ بعد تغيير الماذربورد

[Number One]

السلام عليكم ورحمه الله وبركاته
يا رجالة ظهرت مشكلة غريبة اوى
انا كان عندى الماذر بورد G41mt-es2l و اتحرقت من مدة
و جبت الاصدار الاحدث منها الى هو g41mt-s2pt
و نزلت ويندوز جديد كمان وعرفت كارت الشاشة وكل حاجة تمام
لكن لما بشغل اى لعبة لقيت ان اللعبة دى بقت بطئية و على البوردة القديمة المحروقة كان الاداء احسن بكتير و اسرع
ايه السبب ؟ هل فى برامج انا نسيت انزلها ؟ ولا مثلا التواصيلات كانت غلط ؟؟
ياريت اى حلول لان الموضوع دا بقى صعب جدا
و شكرا ليكم جدا و رمضان كريم

[masterhelper]

السلام عليكم ورحمه الله وبركاته
يا رجالة ظهرت مشكلة غريبة اوى
انا كان عندى الماذر بورد G41mt-es2l و اتحرقت من مدة
و جبت الاصدار الاحدث منها الى هو g41mt-s2pt
و نزلت ويندوز جديد كمان وعرفت كارت الشاشة وكل حاجة تمام
لكن لما بشغل اى لعبة لقيت ان اللعبة دى بقت بطئية و على البوردة القديمة المحروقة كان الاداء احسن بكتير و اسرع
ايه السبب ؟ هل فى برامج انا نسيت انزلها ؟ ولا مثلا التواصيلات كانت غلط ؟؟
ياريت اى حلول لان الموضوع دا بقى صعب جدا
و شكرا ليكم جدا و رمضان كريم

اخي تاكد من من ان قرائات قطع الهارد وير صحيحة وانه لا يوجد هنالك عنق زجاجة بين القطع وانك قمت بتنزيل اخر تعريف لكرت الشاشة واخر تعاريف للقطع الاحرى و directx بناء على كرت الشاشة الخاص بك بالتوفيق :)

[masterhelper]

استخدم برامج البحث عن اخر التعريفات سيفيدك وهنا قائمة بافضلها
https://driver-update-software-review.toptenreviews.com/
وهذا افضلها ولكنه ليس مجاني https://www.drivershq.com/

DLL-files Fixer
هذا البرنامج مهم للتاكد ان الريجستري تعمل يشكل سليم وتحسين الاداء وان ملفات dll المهمة للالعاب والبرامج متوفرة ولا يوجد مشاكل
موقع البرنامج
https://www.dll-files.com/fixer/

[Number One]

اولا شكرا ليك جدا على ردك
ثانيا علشان ابقى صريح معاك انا جهازى intel core 2 duo e7500 و كارت amd 6670 1gb ddr5
و رام 6 جيجا
انا قبل ما البوردة تتحرق كان راماتى 4 جيجا و الالعاب كانت شغالة كويس اوى ولما بنزل ويندوز مكنتش بعرف اى حاجة غير كارت الشاشة فقط
و دلوقتى لما غيرت البوردة عملت نفس الموضوع كدا عرفت كارت الشاشة فقط لكن للاسف المشكلة دى موجودة
و تعريف الكارت رقمة 15.4 بيتا و التعريف دا بستخدمة قبل البوردة متتحرق و بعد مجبت البوردة الجديدة

[Number One]

و سؤال تانى هل البوردات بتفرق فى الاداء ؟

[Black_Spy]

إتأكد انك منزل تعريفات البوردة مظبوط وياريت لو تستخدم الاسطوانة اللى مع البوردة .

واتاكد انك مركب الجهاز كويس وشوف البروسيسور انت حاطط له معجون حراري ماركة كويسه وكميه مناسبه ولا لاء واتاكد من تركيب الفانة او المشتت بطريقة صحيحة

[mina zidan]

نزل برنامج Speccy وراقب درجات حرارة الجهاز ونزل احدث التعريفات وانشاء الله المشكلة تتحل

[Number One]

انا عملت الى قولتولي عليه نزلت برنامج اسمه Auslogics-Driver-Updater
وهو حدث لى كل القطع
و نزلت برنامج DLL-files Fixer و حدثت الريجسترى و عملت كل حاجة
و للاسف مفيش اى فرق
ونزلت برضو احدث تعريف للكارت و الى هو 15.6 بيتا
وانا مش حاطط معجون على البروسيسور و حتى قبل البوردة متتحرق برضو مكنتش حاطط
هجرب اتاكد من التوصيلات و اشوف المشتت كمان متركب ازاى
بس ياريت يا جماعة اى حلول تانية و قوليولى برضو المشكلة جايز تبقى من الماذربورد ادائها مش كويس ؟ ولا المشكلة من ايه ؟
وهجرب دلوقتى اقيس درجة الحرارة الجهاز اثناء الخمول و اثناء اللعب

[Number One]

انا نزلت البرنامج بتاع قياس حرارة الجهاز الصورة الاولى دى
وانا مش فاتح اى حاجة خالص و قافل كل البرامج كمان

https://arabhardware.net/forum/attachment.php?attachmentid=28785&stc=1

والصورة دى وانا مشغل لعبة
https://arabhardware.net/forum/attachment.php?attachmentid=28786&stc=1

و الغريب انا فاتح الفايرفوكس بس و كاتب لى المعالج حرارته 96 و البوردة 88 و الكارت 42
فاتح الفايرفوكس فقط
ياريت اى حلول قبل المعالج ميتحرق و اعتقد مشكلة بطئ الالعاب بسبب درجة حرارة الجهاز العالية ؟

[هشام الكنج]

اخي الكريم عندك الحرارة مش مظبوطة وانصحك ما تشغلش الكمبيوتر فترة اكثر من نص ساعة متواصله لحد ما تحل المشكلة

والمعجون يا اخي ضروري ينحط لانه هو اللى بيساعد على امتصاص الحرارة من المعالج واللوحة الام كمان درجة حراراتها مرتفعه بس انا اعتقد انها بتسخن مع المعالج وبرضه تأكد من وصلة الباور اللى راكبه فى اللوحة فكها ونضفها

بس اول حاجه تعملها تفك مروحة المعالج وتركب المعجون وتقدر تشوف فيديوهات ع اليوتيوب كيفية وضع المعجون وتركيب البرسسيور واكيد طالما المعالج فيه مشكلة وبيوصل لهذه الدرجة يبقى ليها علاقة ببطء الاداء

وبعد ما تركب المعجون وتنضف الجهاز صورلنا درجة الحرارة وجرب اكثر من برنامج لمراقبة درجة الحرارة كـبرنامج Core Temp و SpeedFan

[Number One]

شكرا ليكم جدا يا جماعة على مساعدتكم
انا غيرت المروحة كلها جبت مروحة تانية المشتت بتاعها نحاس و حطيت المادة على البرسسيور و المروحة
ودى درجة الحرارة : اثناء تشغيل الالعاب :
https://arabhardware.net/forum/attachment.php?attachmentid=28837&stc=1
اثناء الخمول
https://arabhardware.net/forum/attachment.php?attachmentid=28838&stc=1
وساعات بتبقى 38 البرسسيور - 33 الماذربورد - 41 الكارت

لكن برضو الالعاب تقيلة مش عارف ايه سببها مع العلم ان الماذربورد القديمة
الى اتحرقت مكنش فيها اى تقل فى الالعاب
انا حاسس ان الموضوع له علاقة فى برامج كنت بنزلها قبل البوردة متتحرق زى الديرتكس و الفيجول سى و هكذا
بس الغريب ان منزل البرامج دى و برضو الالعاب تقيلة فهل فى برامج المفروض انزلها علشان تحسن الفريمات و الاداء ؟
وهل درجة الحرارة كدا سيئة ؟ ولا كدا كويس ؟؟
و برضو هل سبب تقل الالعاب دا بسبب الماذربورد ؟ مثلا g41mt-es2l افضل من g41mt-s2pt ??

[MMS-AMMMK]

درجات الحرارة الان اصبحت ممتازة
اذكر الالعاب والاعدادات التى تلعب عليها
كذلك اذكر نوع الباور سبلاى المستخدم

[Number One]

لا تمام خلاص الجهاز بقى تمام وكل حاجة بقت زى الفل
بس الى انا مستغرب له ان الرامات بتاعتى 6 جيجا 1333
بس مش عارف ليه قاريها على انها 533
ايه السبب ؟
وشكرا ليكم جدا على مساعدتكم ليا والله لولاكم لكان الجهاز كله ولع
شكرا ليكم و كل سنة وانتم طيبين

[phenomenon]

الرامات تقرا تردد 533MHz لان ده نظام عمل الرام اخى - بما انها DDR او Double Data Rate يبقى اضرب 533X2 والنتيجه 1066MHz تردد حقيقى
والسبب فى عدم وصولها الى 1333MHz هو متحكم المعالج اقصى تدعيم له هو 1066MHz