رايكو ايه فى اللاب ده ؟؟

[HossamLiverpool]

السلام عليكم

لو سمحتو عايز رايكو فى سعر ومواصفات اللاب ده

الموديل: DELL inspiron n5010

برسيسور : core i5
رمات : 6 جيجا DDR3
هارد : 750 ساتا
دي في دي رايتر ,, كاميره
وايرلس,, بلوتوث
كارت الشاشه : ATi 4 giga
شاشه : 15:6 بوصه LED
كيبورد كامله
بطاريه : اصلي ساعتين
والشاحن الاصلي
السعر : 2700 جنيه

رايكو ايه ؟ السعر مناسب ولا غالى ؟
وامكانياته تشغل الالعاب الحديثه على هاى زى فيفا 15 ؟
وبرامج الجرافيك والفوتو شوب ؟

واللاب ده الجيل الكام بالزبط ؟

[Green Wolf]

نوع الكارت ايه بالكامل والبروسيسور الجيل الكام انتا يعتبر مش كاتب اى مواصفات كاتب نبذات :D

[Green Wolf]

بص شكلك مش فاتح انا كت عايز اساعدك فهقولك ع حجات حطها ف دماغك كارت الشاشة مش بيتقاس ب 4 جيجا ولا 8 جيجا يعنى لو قارنت كارت شاشة 8 جيجا من الفئة GT هيتفوق عليه الكارت 1 جيجا GTX فمش بيتقاس بكده خالص بيتقاس بقوة الكارت نفسو مش بحجم ذاكرتو
بالنسبة للبروسيسور i5 فى منو انواع كتيير اوى بتختلف ف سرعتة كام جيجا هرتز والكاش بتاعه غالبا كل ميعلى ف الفيرجن يبقى كاش اعلى مثلا كاش 2 كاش 3 كاش 4 وبالتالى اداءه اعلى واحسن
بالنسبة للعبة fifa 2015 مش بتحتاج مواصفات خرافية زى منتا فاكر لأن فى العاب بتحتاج 4 اضعاف اللى بتحتاجو الفيفا عشان تشغلها ع الهاى زى ac unity وغيرها
الحاجة الاخيرة لما تجيب لابتوب بص لحاجتين ملهومش تالت 1- البروسيسور 2- كارت الشاشة
وباقى القطع سيبك منها كلها قابلة للتعديل زى الهارد لو كان 320 جيجا ممكن تبدلو بواحد 2 تيرا مفيش اى مشكلة والرامات تعليها فمش بتفرق اهم حاجة البروسيسور والكارت والباقى فشنك
اتمنى تكون استفدت

[ahmadrashad]

السلام عليكم

ارجو توضيح الجهاز دة استعمال ولا بالكارتونه لانك بتذكر ان حاجات في الاب اصلي هو امكانيته متواضعه لحد ما تذكر الفيجا اي بالظبط مواصافتها وشكرا

[HossamLiverpool]

الجهاز
البروسيسور
core i5 : 2.53 / 3
الفيجا ati radeon hd 5470
اللاب من الجيل الاول

المواصفات دى كويسة وعاليه ؟ وتعيش معايا فترة قدام ؟
وتشغل الالعب العاليه على هاى ومتقطعش زى فيفا 15 - ولا هيبقى فى مشاكل ؟

والسعر ده مناسب ولا غالى ؟