سؤالين بخصوص المعالج وكارت الشاشة

[mostafa hawas]

السلام عليكم اخواني الكرام

اولا السؤال الاول بخصوص المعالج اولا معالجي هو core i5 4690k

ومروحة الباور هي ثيرمالتك مروحتين تبريد هوائي

اولا لما بشغل المعالج (بدون كسر سرعة ) بتبقا درجة حرارتة تقريبا 27 درجة

ولما بكسر سرعتة ل 4.0ghz بلاقي درجة الحارة تقريبا بقت 35او36 او اقل لو الاستخدام مجرد فتح اشياء خفيفة يعني مش جيم وكلام من دوت وتحت الضغط بلاقي درجة الحرارة 46:49 درجة مئوية

ولما بكسر ل 4.5ghz بلاقي درجة حرارتة بترفع فوق 50او55 بس مش دي المشكلة هي المشكلة ان بلاقي المروحة بدور بسرعة (مروحة البروسيسور)مع وجود صوت ضعيف بسبب سرعة الدوران فهل هناك خطر علي المروحة والمعالج ام لا؟


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
ثانيا السؤال الثاني بخصوص كارت الشاشة

انا املك geforce gtx 970 g1 gaming gigabyte 4gb ddr5

اولا هل يمكن اعملة كسر سرعة اكبر ؟

لو نعم يبقا ازاي اعمل؟

ولو لا يبقا ليه مينفعش؟

ثانيا هل تحديث البيوس الي موجود علي موقع جيجا بايت مهم ام لا ؟

ولو مهم ازاي اعملة ؟





البوردة : ga-z97x-gaming3

الباور: seasonic 620watt 80plus bronz

[phenomenon]

سرعات المروحه بتزيد مع تغزيه اللوحه الام (12vdc+) بالفولتيه الاعلى طالما المراوح تعمل على الوضع الافتراضى ( Auto )
تقدر تتحكم فى سرعاتها لو هى متوصله على اللوحه الام بمنافذ 3pin او لو كانت متوصله على كابلات الكيس وكان الكيس يمتلك متحكم سرعتين او تلاته
العيب فى الزنه هى نوع المروحه نفسها

بخصوص كسر سرعه كارت الشاشه .. هل ادائه ضعيف ؟
فى طريقه امنه لكسر سرعه الكارت وطريقه خطيره
الطريقه الاولى ( كسر السرعه-بسرعه )
مبدايا هتفتح برنامج MSI After Burner وهترفع اقصى MAX TDP واط الكارت وتقولو Apply تحت
ارفع الميمورى 100MHz+ حرك الـ Slider بالماوس وتحت Apply
افتح برنامج MSI Komposetr اضغط لمده دقيقتين تلاته
هل الامور كويسه ؟ 1- الحراره جيده ؟ مفيش ريستارت او فرييز - مفيش مربعات ظهرت او خطوط بعرض الشاشه - مفيش اى شوائب ؟
اقفل برنامج ضغط Kpmposter
زود 100MHz وافتح تانى الضغط وابدا الضغط
هل الامور سلميه ؟ لو الجواب لا توقف لو الجواب نعم لمده دقيقتين تلاته اقفل الضغط
زود 100
زود 100
لغايت ماتكتشف ظهور شىء غير طبيعى فى الصوره يدل على التردد الغير مناسب
هل وصلت اقصاك 500MHz زياده ؟ ولا حصلت مشاكل مع 400MHz ؟
حصلت مشاكل مع 400MHz ؟
يبقى ارجع تانى لاخر تردد استقرار كنت عليه
كان 300MHz ؟ ولا كان 350MHz ؟
كان 300MHz ؟
طيب ابدا الضغط لمده 5 دقائق هل الامور سلميه والحراره كويسه ؟ كمل ضغط لمده خمس دقائق كمان ؟ مفيش بردو اخطاء ؟ لمده خمس دقائق كمان
خلاص اصتقرينا ان تردد 300MHz زياده او 400MHz او 500MHz او ايا يكن حسب كفائه نسخه الكارت كان التردد كويس ومستقر
ارجع تانى للتردد المصنعى بتحريك الـ Slider لطبيعه التردد 0+ كانك مكسرتش اى تردد لكن سيب MAX TDP زى ماهو

انزل على الميمورى
توقع ايه مشاكل .. متقلقشى اطلاقا
زود 100 وابدا اضغط لمده تلات اربع دقايق
زود 100
هل الامور سليمه ؟ مفيش اخطاء ؟ ايه اقصى درجات حراره ؟
هل وصلت اقصاك 500MHz زياده ؟ ولا حصلت مشاكل مع 400MHz
حصلت مشاكل مع 400MHz ؟
يبقى ارجع تانى لاخر تردد استقرار كنت عليه
كان 300MHz ?
طيب ابدا الضغط لمده 5 دقائق هل الامور سلميه والحراره كويسه ؟ كمل ضغط لمده خمس دقائق كمان ؟ مفيش بردو اخطاء ؟ لمده خمس دقائق كمان

هل اتضح ان 400MHz هى اقصى استقرار ؟
واتضح ان 400MHz هى ايضا كانت افضل استقرار للنواه ؟
طيب جه الوقت لضبط الاتنين مع بعض
طالما كانوا الاتنين 400 زياده واقصاك فى تحقيق الاستقرار كان 400 يبقى بنسبه 99% مش هتحصل على استقرار مذدوج 400
ارجع للاتنين وخليهم 300MHz
افتح الضغط ابدا اضغط لمده ربع ساعه فقط
الالعاب اهم شىء
بلاش تستخدم برنامج Vally + UGINE BM دلوقتى فى اختبار الاستقرار
افتح 3DMARK Fire PRO
اختبر الكسر


نصيحه اخيره ( بلاش تعذب الكارت على الفاضى من اجل تحقيق 2 اطارين تلاته زياده )
استخدام كارت الشاشه باحتراف والعمل على راحته وافضليه حرارته الهاديه ليها عامل كبير فى فتره عمره ولكن للدقه اعمار الاشياء دى كلها بايد الله

الطريقه التانيه وهى الاخطر وهى زياده الفولتيه ولكن لابد تفتح خيار الفولتيه من الاوبشن ومابالك انا نصحتك بدون زياده الفولتيه
وقولتلك بلاش تعذب الكارت فمابالك انى بزيدها سوءا واكثر خطوره بكلمه زياده فولتيه
انسى امر زياده الفولتيه لكارت الشاشه

[mostafa hawas]

اولا المروحة مش عاملة زنة مش دوت الي اقصدة انا اقصد من سرعة اللف فقط بيصدر صوت ضعيف وبيكون احيانا غير ملحوظ ثانيا انا اقدر اتحكم بسرعة المروحة من عندي ببرنامح system information viewer المرفق مع البوردة فحتي بدون زيادة تردد المعالج اقدر ازود سرعة المروحة ده اول حاجة

ثاني حاجة انا الكارت الصراحة مش مقصر معايا انا عامل كل الاعدادات علي اعلي حاجة والكارت مبيطئش ولا مرة من يوم ماشتغل لكن انا اعتقدت انه ممكن يدي مثلا زيادات فوق 10او15فيرم لاكن لو مجرد 2او3 حتي فخلاص مش لازم
بس حضرتك مقولتليش ازاي احدث البايوس وهل تحديثة مهم؟

[mostafa hawas]

+سؤال غريب شوية لما بفتح اي جيم بلاقي شاشة البداية بتاعتها وحشة كاني مش مركب كارت شاشة اصلا لاكن لما بدخل الجيم والعب بلاقي اداء قوي جدا جدا ومفيش مشاكل تماما فايه السبب ؟

[ahmed_BF4]

اولا اخ لااعتقد ان كسر سرعة الكارت ستعطى هذا الكم من الزيادة ف الفريمات ... ممكن تتحصل على 5 فريمات ف المتوسط والكارت لا يحتاج الى كسر سرعة حتى مع كسر سرعة المعالج
ثنايا ماهى الالعاب اللتى تقصدها بموضوع شاشتها وحشة وهل هى نسخ اصلية ام مكركة ؟؟
وما هى نوع الشاشة لديك والكابل المستخدم ؟

[mostafa hawas]

نسخ مكركة +الكابل hdmi+كول اوف ديوتي

[mostafa hawas]

شباب فين الردود عن كيفية تحديث بيوس كارت الشاشة وهل هو مهم ام لا؟

[هشام الكنج]

انا عمري ما سمعت عن تحديث بويس لكارت الشاشة :D

اهم حاجه تحدث تعريف كارت الشاشة اول بأول وانا شايف انه عندك المعالج والكارت لا يحتاجون نهائي لكسر سرعه للالعاب

وبالنسبة لموضوع الشاشة فى بداية الالعاب هذه لا تقلق بتحصل معايا وعادي

[doctor-adam]

فى فعلا تحديث بيوس كارت الشاشه وفى كمان انك تعدل فى بيوس كارت الشاشه اللى عندك وتحتفظ بالاعدادات الجديده

لكن لابد ان تكون على درايه بماذا تفعل لان الخطا هيضيع لك الكارت
ونقطه تانيه لازم الكهربا مش تفصل اثناء التحديث لو فصلت برده الكارت هيضيع عليك

اول حاجه بالنسبه على التعديل البيوس الاصلى للكارت بدون اللجوء لنسخ بيوس معده حديثه

الخطوه الاول هتسخرج البيوس اللى عندك من خلال برنامج gpu z

وتحفظه فى اى مكان عندك وفىى برامج زى easy boost وغيرها بتعطيك القدره انك تلعب فى كل اعدادت الكارت من استخدام وات لفولت لسرعة مراوح لتردد كل شى عن الكارت

لكن ما نصحكش بيها لنك لازم تكون فاهم جدا بتعمل ايه

الطريقه التانيه انك تشوف نسخة بيوس حديثه جاهزه من على موقع الشركه المصنعه الكارت نفسه وتحدث بيها على طول

او تبحث على بيوس حديث للكارت بتاعك من خلال الموقع دا https://www.techpowerup.com/vgabios/

وبعد ما تحمل نسخه البيوس الحديثه ممكن تسخدم برنامج سهل زى vega @ bios وتحدث بيه وبعد التحديث الجهاز هيطلب من ريستارت وبعد ريستارت اتاكد من برنامج gpu z

من اسم فيرجين البيوس الجديد والتعديلات الجديده للكارت

ودا شرح من جيجا بايت ممكن يسعدك حمل ملفات pdf واقراها
https://www.gigabyte.com/WebPage/40/index.htm

ونصيحة لازم تكون انت فاهم انت بتعمل والموضوع بصراحه بسيط وسهل ومش بيستغرق دقيقتين او تلاته بس لازم تكون فاهم لان زى ماقلت لك الغلط غير وارد

وبالتوفيق

[mohamedmostaf]

السلام عليكم اخواني الكرام

اولا السؤال الاول بخصوص المعالج اولا معالجي هو core i5 4690k

ومروحة الباور هي ثيرمالتك مروحتين تبريد هوائي

اولا لما بشغل المعالج (بدون كسر سرعة ) بتبقا درجة حرارتة تقريبا 27 درجة

ولما بكسر سرعتة ل 4.0ghz بلاقي درجة الحارة تقريبا بقت 35او36 او اقل لو الاستخدام مجرد فتح اشياء خفيفة يعني مش جيم وكلام من دوت وتحت الضغط بلاقي درجة الحرارة 46:49 درجة مئوية

ولما بكسر ل 4.5ghz بلاقي درجة حرارتة بترفع فوق 50او55 بس مش دي المشكلة هي المشكلة ان بلاقي المروحة بدور بسرعة (مروحة البروسيسور)مع وجود صوت ضعيف بسبب سرعة الدوران فهل هناك خطر علي المروحة والمعالج ام لا؟


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
ثانيا السؤال الثاني بخصوص كارت الشاشة

انا املك geforce gtx 970 g1 gaming gigabyte 4gb ddr5

اولا هل يمكن اعملة كسر سرعة اكبر ؟

لو نعم يبقا ازاي اعمل؟

ولو لا يبقا ليه مينفعش؟

ثانيا هل تحديث البيوس الي موجود علي موقع جيجا بايت مهم ام لا ؟

ولو مهم ازاي اعملة ؟





البوردة : ga-z97x-gaming3

الباور: seasonic 620watt 80plus bronz
اولا : كسر السرعة بيأدى الى تقليل العمر الأفتراضى سواء للكارت او لبروسيسور وكمان بيخرجوا من الضمان
ثانيا : المروحة بتعمل كده لأنها معمولة على الوضع auto فلما تلاقى البروسيسور درجة حرارته عليت هتعلى سرعتها
ثالثا : لا عادى تقدر تكسر سرعة الكارت وفيه برامج كتير لكده من اشهرهم Msi afterburner
رابعا : اكيد طبعا تحديثه مهم
خامسا : تدخل على موقع الشركة وتختار البوردة بتاعت حضرتك

[roby2010]

اولا : كسر السرعة بيأدى الى تقليل العمر الأفتراضى سواء للكارت او لبروسيسور وكمان بيخرجوا من الضمان


للاسف الكلام غير صحيح اخي
كسر السرعة لا يؤدي الى تقليل العمر الافتراضي سواء للكارت او البروسيسور طالما الحرارة في حدود المعقول ولا تتعدى الحد المسموح بيه
+ انه مش بيخرج الكارت او المعالج برة الضمان
لو كان بيخرجه برة الضمان كانت الشركات نزلت كروت شاشة معمولها كسر مصنعي ؟ كانت عملت الكارت مفتوح انك تقدر تكسر براحتك ؟
كانت شركة AMD عملت AMD Overdrive داخل البرنامج الخاص بيها CCC ؟

[doctor-adam]

للاسف الكلام غير صحيح اخي
كسر السرعة لا يؤدي الى تقليل العمر الافتراضي سواء للكارت او البروسيسور طالما الحرارة في حدود المعقول ولا تتعدى الحد المسموح بيه
+ انه مش بيخرج الكارت او المعالج برة الضمان
لو كان بيخرجه برة الضمان كانت الشركات نزلت كروت شاشة معمولها كسر مصنعي ؟ كانت عملت الكارت مفتوح انك تقدر تكسر براحتك ؟
كانت شركة AMD عملت AMD Overdrive داخل البرنامج الخاص بيها CCC ؟

كلام مظبوط جداااا

البرسيسورات اللى بتقبل الكسر اللى هى k هى مصنوعه اصلا من اجل انك تكسر سرعتها

وحكايه انه هو بيقلل العمر الافتراضى الكلام دا خطا جدا
وطالما ان الكسر تم من بطريقه صحيحه من حد على درايه بالفولت والتردد ودرجات الحراره لا ضرر اطلااااااااقا

وحاجه كمان انت لو حرقت البرسيسور نتيجة الكسر محدش يقدر يعرف فى الضمان انه بسبب الكسر

ومضوع ان برسيسور يتحرق او يبوظ نتيجه الكسر مش بالسهوله دى تكنولوجيا صناعته اكثر تعقبدا من كده كتيير

[phenomenon]

كلام سليم 100%100 حتى لو المعالج اتفحم مفيش فرصه للشركه انها تعرف انه كان مكسور ( حسب مايتردد فى مواقع الهاردوير )
عموما صاحب الموضوع : لو حاولت تحدث البيوس - استعد لخراب عشك = ان فشلت بقى معاك صفيحه تمنها 3000 جنيه ارميها فى الزباله
متنتظرشى من الضمان Blend Flash لانه غير مسؤل عن فشل وسوء استخدام شخصى ( انا ماكنتش هرد بالموضوع بس اللهم بلغت اللم فاشهد )
احمد ربنا على اللى معاك واستمتع

[mostafa hawas]

انا الحمد الله حدثت البيوس سواء للكرت او للبوردة وتمت بخير :) بس هل المعالج لما يفضل شغال كسر سرعة 4ghz دايما بدون توقف مع ان درجة الحرارة ليست بالعاليه جدا فعند اللعب لفترات طويلة لا تتعدي 50او49 درجة فهل هذة درجة حرارة كويسة والمعالج في امان؟

[doctor-adam]

مبروك تحديث البيوس وزى ماذكرت الموضوع سهل ولكن لابد من معرفة ماذا تفعل

حاول اثناء اللعب والضغط على الجهاز درجات الحراره لاتزيد عن 80 او 85 لاى نواه من انويته

درجات الحراره عندك ممتازه وانت فى امان لاتقلق

البرسيسور مش بيوصل لتردد 4 جيجا هرتر اللى اثناء الضغط عليه

ولكن اثناء الخمول بيكون تردده 800 ميجا هرتز فقط والفولت قليل جدا

والبرسيسور المذكور تسطيع بيها الوصل لتردد فى الكسر4.5

[mostafa hawas]

هذه هي معلومات البيوس


https://im68.gulfup.com/whLlDV.png (https://www.gulfup.com/?rGl1De)

[mostafa hawas]

علي ماعرف انه ممكيون يوصل لاكتر من 4.5 بس لو تبريد مائي احترافي

[mostafa hawas]

شباب ممكن خدمة بس ياريت حد خبير يقولي افضل اعدادات للوحة تحكم انفيديا وياريت تكون بالصور ومشكور جدا للي هيساعدني

[mohamedmostaf]

للاسف الكلام غير صحيح اخي
كسر السرعة لا يؤدي الى تقليل العمر الافتراضي سواء للكارت او البروسيسور طالما الحرارة في حدود المعقول ولا تتعدى الحد المسموح بيه
+ انه مش بيخرج الكارت او المعالج برة الضمان
لو كان بيخرجه برة الضمان كانت الشركات نزلت كروت شاشة معمولها كسر مصنعي ؟ كانت عملت الكارت مفتوح انك تقدر تكسر براحتك ؟
كانت شركة AMD عملت AMD Overdrive داخل البرنامج الخاص بيها CCC ؟
انا بتكلم فى كسر السرعة المفرط ده بيخرجه من الضمان وبيزود درجة حرارته جدا لأن لازم خبراء هما الى يكسروا عشان حرارته وعمره الأفتراضى
وعشان مده الشركات بتبقى كسراه ولكن كسر مظبوط مش هيأثر على عمر الكارت
وصدقنى حضرتك لو فعلا الشركة عرفت ان الكارت كان مكسور سرعته فهتخرجوا من الضمان اسألنى انا جربت مع كارت ال gtx 650 بعد ما باظ رغم انى حلفتلهم ميت مرة انى عملت الكسر يوم ولا يومين بعد كده قللته :)

[mohamedmostaf]

شباب ممكن خدمة بس ياريت حد خبير يقولي افضل اعدادات للوحة تحكم انفيديا وياريت تكون بالصور ومشكور جدا للي هيساعدني
على حسب كارت حضرتك

[mostafa hawas]

على حسب كارت حضرتك

كارتي كما ذكرت geforce gtx 970 g1 gaming gigabyte 4gb ddr5

[mostafa hawas]

وياريت حد يقولي كيف استفيد من موارد الكرت استفادة كاملة بدون ما اضغط عليه بشدة

[mostafa hawas]

هذه هي معلومات البيوس


https://im68.gulfup.com/whLlDV.png (https://www.gulfup.com/?rGl1De)
شباب ياريت حد يقولي دوت احدث بايوس ولا فيه احدث ولو فيه ياريت حد يرفعهولي ان امكن

[mostafa hawas]

وديت ياشباب مكونات جهازي بالتفصيل فياريت حد يقولي اقدر اشغل العاب السنادي وانا مستريح بنسبة كام في المية كدا؟


CPU:CORE I5 4690K 3.5GHZ

GPU:GEFORCE GTX970 G1 GAMING GIGABYTE 4GB DDR5

M.P:GA-Z97X-GAMING3

PSU:SEASONIC 620WATT 80PLUS BRONZ

H.D.D:1-W.D CAVIER BLUE 1T 64MB CASHE
W.D BLUE 500GB

CASES:NZXT PHANTOM 410 MID TOWER

COOLING:AIR COOLING THERMALTK

HP DVD WRITER

O.S:WINDOWES 8.1 PRO 64BIT

MONITOR:SAMSUNG LCD 20 1600*900
AND SAMSUNG LED 32 1080P


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
بس كدا شباب جهازي بالتفصيل تقريبا

[doctor-adam]

انا بتكلم فى كسر السرعة المفرط ده بيخرجه من الضمان وبيزود درجة حرارته جدا لأن لازم خبراء هما الى يكسروا عشان حرارته وعمره الأفتراضى
وعشان مده الشركات بتبقى كسراه ولكن كسر مظبوط مش هيأثر على عمر الكارت
وصدقنى حضرتك لو فعلا الشركة عرفت ان الكارت كان مكسور سرعته فهتخرجوا من الضمان اسألنى انا جربت مع كارت ال gtx 650 بعد ما باظ رغم انى حلفتلهم ميت مرة انى عملت الكسر يوم ولا يومين بعد كده قللته :)

انا حرقت المعالج بتاعى نتيجة الكسر ورحت الضمان ايه الدليل انه باظ او اتحرق نتيجة الكسر ؟

هات لى اثبات او دليل علمى بكده ؟

[roby2010]

انا بتكلم فى كسر السرعة المفرط ده بيخرجه من الضمان وبيزود درجة حرارته جدا لأن لازم خبراء هما الى يكسروا عشان حرارته وعمره الأفتراضى
وعشان مده الشركات بتبقى كسراه ولكن كسر مظبوط مش هيأثر على عمر الكارت
وصدقنى حضرتك لو فعلا الشركة عرفت ان الكارت كان مكسور سرعته فهتخرجوا من الضمان اسألنى انا جربت مع كارت ال gtx 650 بعد ما باظ رغم انى حلفتلهم ميت مرة انى عملت الكسر يوم ولا يومين بعد كده قللته :)

حضرتك قلت الكسر عموماً ومحددتش كسر مفرط ولا مش مفرط :)
عموماً برضه الكسر المفرط مفيش فيه اي مشكلة طالما الحرارة تقدر تسيطر عليها
ومش معنى ان حضرتك معرفتش تكسر سرعة الكارت بتاعك وباظ منك وانك قلتلهم دة يبقى كل الكروت او المعالجات هيحصل فيها كدة
انا عندي المعالج بتاعي وصلت بيه لتردد 5.1GHz على حرارة 85 درجة وفولت 1.45 برغم ان دة كبير بس المعالج لا اتحرق ولا عمره الافتراضي قل وشغال عليه من ساعة ما جبته من اكثر من سنتين على تردد 4.7GHz ولا عمره قل ولا باظ ولا فصل ولا عمل اي حاجة والحرارة لا تتعدى 75 مع اي ضغط اي كان ايه هو

[roby2010]

شباب ياريت حد يقولي دوت احدث بايوس ولا فيه احدث ولو فيه ياريت حد يرفعهولي ان امكن

تحديث البيوس لا يفضل الا ان كانت هناك مشكلة في البطاقة
لذا لا تقم بتحديث البيوس


وديت ياشباب مكونات جهازي بالتفصيل فياريت حد يقولي اقدر اشغل العاب السنادي وانا مستريح بنسبة كام في المية كدا؟


CPU:CORE I5 4690K 3.5GHZ

GPU:GEFORCE GTX970 G1 GAMING GIGABYTE 4GB DDR5

M.P:GA-Z97X-GAMING3

PSU:SEASONIC 620WATT 80PLUS BRONZ

H.D.D:1-W.D CAVIER BLUE 1T 64MB CASHE
W.D BLUE 500GB

CASES:NZXT PHANTOM 410 MID TOWER

COOLING:AIR COOLING THERMALTK

HP DVD WRITER

O.S:WINDOWES 8.1 PRO 64BIT

MONITOR:SAMSUNG LCD 20 1600*900
AND SAMSUNG LED 32 1080P


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
بس كدا شباب جهازي بالتفصيل تقريبا

مواصفات جهازك ممتازة وهتشغل كل العاب السنة دي والسنة اللي جاية واللي بعدها كمان :)

[mohamedmostaf]

حضرتك قلت الكسر عموماً ومحددتش كسر مفرط ولا مش مفرط :)
عموماً برضه الكسر المفرط مفيش فيه اي مشكلة طالما الحرارة تقدر تسيطر عليها
ومش معنى ان حضرتك معرفتش تكسر سرعة الكارت بتاعك وباظ منك وانك قلتلهم دة يبقى كل الكروت او المعالجات هيحصل فيها كدة
انا عندي المعالج بتاعي وصلت بيه لتردد 5.1GHz على حرارة 85 درجة وفولت 1.45 برغم ان دة كبير بس المعالج لا اتحرق ولا عمره الافتراضي قل وشغال عليه من ساعة ما جبته من اكثر من سنتين على تردد 4.7GHz ولا عمره قل ولا باظ ولا فصل ولا عمل اي حاجة والحرارة لا تتعدى 75 مع اي ضغط اي كان ايه هو
مع عشان كده قولت لازم متخصصين هما الى يكسروا السرعة عشان ما تبقاش حرارته مبالغ فيها
حضرتك لو روحت الشركة وسألتهم عن الكسر المفرط وان درجة الحرارة توصل للدرجة ديت اكيد هيقولولك ان ده خطر جدا
واكيد حضرتك طبعا تفهم اكتر منى
وانا مش معرفتش اكسر سرعته ولا حاجة
انا اساسا يعتبر مكنتش كاسر سرعته
لكن للأسف هو ده الضمان المصرى وانا كنت غلطان انى قولتلهم ان انا حبيت اجرب الكسر فيه

[mohamedmostaf]

وديت ياشباب مكونات جهازي بالتفصيل فياريت حد يقولي اقدر اشغل العاب السنادي وانا مستريح بنسبة كام في المية كدا؟


CPU:CORE I5 4690K 3.5GHZ

GPU:GEFORCE GTX970 G1 GAMING GIGABYTE 4GB DDR5

M.P:GA-Z97X-GAMING3

PSU:SEASONIC 620WATT 80PLUS BRONZ

H.D.D:1-W.D CAVIER BLUE 1T 64MB CASHE
W.D BLUE 500GB

CASES:NZXT PHANTOM 410 MID TOWER

COOLING:AIR COOLING THERMALTK

HP DVD WRITER

O.S:WINDOWES 8.1 PRO 64BIT

MONITOR:SAMSUNG LCD 20 1600*900
AND SAMSUNG LED 32 1080P


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
بس كدا شباب جهازي بالتفصيل تقريبا
المكونات كويسة جدا طبعا وخصوصا ان ال resolution قليل
فعلى ال resolution ده هتشغل العاب السنة على اعلى اعدادات ويمكن السنة الجاية كمان بس طبعا انا مش هتنبئ اذا كانت العاب السنة الجاية او الى بعديها زى العاب السنة دى ولا لا
بس حضرتك ما تقلقش حتى لو الألعاب اتطورت جدا هتشتغل بأذن الله

[mostafa hawas]

كنت عايز بس اعرف لي الجرافيك بحس انه وحش بالذات في الاظاءة بحس اني جاي درجات الوان فوق بعض وجرب ايضا بانتل hd 4600 اتلقيت نفس المشكلة فايه السبب