النت بيفصل كتير وفيه تشويش بسمعوا لما برفع سماعة التليفون.... أرجوا الحل؟ :(

[Caspooor]

أول حاجة أنا مركب splitter عشان عارف ديه أول حاجة حتقلوها.

أنا مُشترك فى شركة تى داتا بقالى 3 سنين دلوقت والوصلات مركبها وكل حاجة زى الفل. من حوالى 3 أسابيع، النت بدأ يفصل كتير وحتى لما بييجى بتبقى السرعة بطيئة جداً ونادر لما بيرجع بسرعتوا كلها (1MB).

لكن أنا لما باجى أرفع سماعة التليفون وأتصل بحد، بسمع تشويش بسيط فى السماعة. فهل التشويش البسيط ده ممكن يكون هو اللى بيعمل كدا؟ ولا حاجة تانية؟ ولو التشويش، يبقى ايه الحل؟ ومنين المشكلة؟

أرجوا المساعدة ضرورى.

تحياتى.

[MaHmOuD ZeRo]

حل المشكلة فى اختصار
اتصل بالسنترال وقول التليفون فيه عطل
هيجيلك فنى قوله التليفون شغال انا محتاج تنقلنى على فرعه تانى والسبب ان السرعه عاليه عندك والخط مش مستحمل السرعه
-----------------------
انا مشكلتى بقالى 4 شهور السرعه بتجيلى النص وبيفضل يرستر لحد ما السرعه تثبت على 192 كيلو من 1 ميجا
عملت اللى قولتلك عليه بس قولتله انقلنى على البوكس اللى قدامى
غيرت البوكس خالص عشان اتأكد انو نقل الخط على فرعه جديدة
والحمد لله يعمل تمام
-------------وبالنسبه للوش اللى فى الفون دا اكيد من الاسبليتر

[Caspooor]

حل المشكلة فى اختصار
اتصل بالسنترال وقول التليفون فيه عطل
هيجيلك فنى قوله التليفون شغال انا محتاج تنقلنى على فرعه تانى والسبب ان السرعه عاليه عندك والخط مش مستحمل السرعه
-----------------------
انا مشكلتى بقالى 4 شهور السرعه بتجيلى النص وبيفضل يرستر لحد ما السرعه تثبت على 192 كيلو من 1 ميجا
عملت اللى قولتلك عليه بس قولتله انقلنى على البوكس اللى قدامى
غيرت البوكس خالص عشان اتأكد انو نقل الخط على فرعه جديدة
والحمد لله يعمل تمام
-------------وبالنسبه للوش اللى فى الفون دا اكيد من الاسبليتر



شكراً ع الرد أخى الكريم.

أولاً زى ماذكرت فى الموضوع، أنا مشترك معاهم بقالى 3 سنين ومفيش أى مشاكل خالص والسرعة ثابتة على 120 كيلوبايت ومش بيفصل ولا أى حاجة. والمشكلة اللى ظهرت ديه، ظهرت من يوم 10/6. يعنى بقالها شهر تقريباً. اللى أقصدوا، إن أنا عاوز أرجع زى الأول من غير الفصل الكتير ده. وكمان لو السلك مش مستحمل، فإزاى كان شغال طول الفترة ديه كويس؟

ثانياً أنا جبت سبليتر جديد وركبتوا وكان فيه تشويش بردوا. وكمان وصلت التليفون بالسلك الرئيسى مباشرةً وكان فيه تشويش بردوا!

تحياتى.

[ayoub_bob]

كلم فنى السنترال
لتظيف السلك من البوكس الذى تحت المنزل و والتنظيف لانة الوصل للبوكس احتمال تكون ملحت
وايضا تنظيف من البوكس الكبير الخاص بالسنترال الذى على ناصية الشارع ولازم لا يكون فى السلك اى قطع قديم
او اى توصيل لتليفون اخر قبل الاسبليتر
لانها حصلت معى واحضرت فنى قام بقص السلك وعمل ارج جديد لان السلك الذى شابك فى البوكس كان مملح
واذا ظلت المشكلة كما هى وعندك تليفون راكب فبل الاسبليتر عليك يشراء اسبليتر اخر وضعة على التليفون
سوف يمنع التشويش خالص انا عندى فى المنزل 4 تليفونات كل تليفون راكب على اسبليتر

[MaHmOuD ZeRo]

شكراً ع الرد أخى الكريم.

أولاً زى ماذكرت فى الموضوع، أنا مشترك معاهم بقالى 3 سنين ومفيش أى مشاكل خالص والسرعة ثابتة على 120 كيلوبايت ومش بيفصل ولا أى حاجة. والمشكلة اللى ظهرت ديه، ظهرت من يوم 10/6. يعنى بقالها شهر تقريباً. اللى أقصدوا، إن أنا عاوز أرجع زى الأول من غير الفصل الكتير ده. وكمان لو السلك مش مستحمل، فإزاى كان شغال طول الفترة ديه كويس؟

ثانياً أنا جبت سبليتر جديد وركبتوا وكان فيه تشويش بردوا. وكمان وصلت التليفون بالسلك الرئيسى مباشرةً وكان فيه تشويش بردوا!

تحياتى.


اخى الفاضل اللى بيحصل كالاتى
واحد بيبلغ عن عطل فى التليفون الارضى
بيجى الفنى بيشوف العطل منين لو مثلآ العطل تشويش فى الخط
بيروح الكبينه الرئيسيه بينقل الخط على فرعه اخرى
الفرعه الاخرى دى احيانآ بتبقى فى احتياطى واحيانآ لا
بيطر يبدل الخط مع اى خط فى الكبينه
ودا اللى حصل معايا وانا مكنتش اعرف بكدا
ومشاكل النت بتظهر بالطريقه دى
انا مشترك بقالى اكتر من 5 سنين فى الشركة
وخطى كان تمام ومفهوش اى مشاكل لغايه ما نقلت على بوكس اخر

[هشام الكنج]

بص يا اخي الكريم انا يمكن اكثر واحد عاش تجارب مشاكل السلك الارضي والسنترال :

اول حاجة هتعملها عشان تقضي على التشويش هتروح على السنترال وتقولهم فى تشويش جامد تعالو شوفو المشكله هيروح الفني على البوكسه وهيعمل حلين :

الاول هينقلك على خط تاني ويتصل بالسنترال هينقولك على بورت تاني من السنترال

الثاني هيكون فى رطوبة فى السلك إما عندك بالبيت او بالبوكسه ممكن يقص حتة من السلك ويركبه تاني ويشوف

هتقولي هو كان شغال تمام وفجأه حصل كدا هقولك دا عادي جدا وحصلت معايا

ومرات ممكن يكون الغبار فى السنترال نفسه هيروح الفني يفك البورت اللي فيه خطك بالسنترال وينضفه ويركبه تاني

ثاني حاجة عشان تقضي على التشويش وعلى انه لما ترفع سماعة التليفون ممكن تلاقي الراوتر بيعد اخطاء وممكن النت يفصل ويشتغل تاني اليك الحل الامثل والمجرب مني شخصيآ

هتروح على سلك التلفيون الارضي اللى جاي من البوكسه وهتشوفه داخل البيت من اي حتة وليكن من السطح مثلا هتروح ماسك السلك من قبل دخوله البيت وهتقصه

وهتركب فيه فيشة النت وهتركبها فى سبلتر وهتروح جايب سلك وليكن 20 متر وهتركب فيه فيش من الناحيتين وتركبه فى السبلتر وهتجيب فيشة تانية تركبها فى السلك اللى داخل على البيت وتركبها بالسبلتر

هبسطلك بصوره عشان ممكن تكون ما فهمتش الحوار دا

https://dc20.arabsh.com/uploads/image/2015/07/08/0c3e404e64f305.png

الخط الاصفر هو اللى جاي من الكبينة الرئيسية بعد ما تقصه وتركب فيه فيشة هتركبها بالسبلتر

الخط الاحمر اللى هتشتريه جديد وهتركب فيه فيشتين واحده تركب بالسبلتر والتاني هتركب فى الراوتر

الخط الاخضر اللى طالع من البيت هتركب فيه فيشة وتركبه بالسبلتر

[Caspooor]

هو التشويش ساعات ييجى وساعات يروح وحاجات غريبة بتحصل. مش عارف حقول ايه اللى بايظ للفنى أصلاً. مش عارف العيب منين بالظبط.. حاجة تشل

[هشام الكنج]

تقدر تقوله كدا بكل سهولة :

قوله ان الحرارة عندي شغالة بس النت فيه تشويش وعايز تنقلني على خط تاني يكون مفيهوش تشويش

وانصحك تعمل الطريقة اللى قولتلك عليها لان انا كان عندي نفس المشكلة وكنت كمان لما حد بيرفع السماعة النت بيفصل وحكاية انما الطريقة اللى شرحتهالك معناها :

انك تعمل فلتر للخط وتعمله تصفية من التشويش قبل وصوله للراوتر

لان فى ناس كتير بتركب السبلتر جمب التليفون الارضي وتاخد منه سلك للرواتر وسلك للتليفون وهنا تبدآ المشكلة بحيث انه الحرارة بتوصل للتليفون قبل الراوتر وبيحصل التشويش

واغلب الناس اللى بتكون وزعت سلك التليفون على فيش البيت على كذا نقطة للكهرباء بتكون عامله 5 فروع من السلك الرئيسي عشان كدا بيكون فيه تشويش

لكن فكرة السبلتر انه السلك الرئيسي يركب فى السبلتر ثم يطلع منه فرعين واحد للتليفون وواحد للراوتر ساعتها ما بيحصلش تشويش الا اذا كان فى مشاكل فى البوكسه

لكن لما يكون السلك الرئيسي متفرع ونروح ناخد من فرع للسبلتر بيكون فى فرع تاني بتوصله الحرارة قبل ساعتها السبلتر ما بيقدرش يفلتر الخط