اريد تجميع جهاز كمبيوتر للالعاب فى حدود5000الى7000

[Admz]

السلام عليكم رواد الموقع الكرام اريد شراء جهاز كمبيوتر للالعاب فى حدود 5000 الى 7000 جنيه

خبرتى بل الالعاب كويسه لحد ما وعارف انا كل سنه فيه ططوره كبير محتاج جهاز اشغال عليه العاب على مستوى الترا لمدد 5 سنين

المزر بورد من جيجا بيت وتتدعم كسر السرعه وسوكت يقبل التحديث للبريسيسور i7

البرسيسور i7 ومكنش بيدعم كسر السرع لن عند تشغيل للدرجه الكسو هيكون فى خطوره قويه جدا عليه

ملحوظه المزربورده تتدعم كسر السرعه لستخدام كامل المكنيات المحدوده لجميع القطع

كارت الشاشه جيجا بيت جى فورس gtx970 4g


كيسه تتدعم بور صبلير يدعم كارت الشاشه والبرسيسو والمزربورده (رمات موجوده عندى 8g و هرد دسك موجود عندى5tb )

وشكر وجزاكم الله كثير العطاء

[phenomenon]

نموذج العنوان يكون كالاتي:
- يجب الالتزام بهذا النموذج حرفيا، اي عنوان موضوع لا ينطبق عليه هذا النموذج سوف يتم حذف الموضوع تلقائيا!

[البلد] الطلب ( جهاز- كيسة - شاشة) الميزانية ( 1500- 7500) و أخيرا الإستخدام

امثلة:

[مصر] جهاز ب 5000 جنيه للالعاب
[سوريا] شاشة ب 15000 ليرة للتصميم
[فلسطين] تجميعة للألعاب و الجرافيكس بميزانية 3000 شيكل

محتوى الموضوع :

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

[Admz]

يعنى انا هعيد الطلب من اول وجديد ولا هكمل على كده

[Admz]

انا عملت الموضوع من جديد وضافة انى من الجيزه ليه طلب عايز مزربورده بتدعم كسر السرعه والسوكت يكون بيقبل التحديث للبروسيسور فيما بعد والبرسيسور يكون i7 6cor وكيسه تكون بى بور صبلير محتاجش اغيره فى المستقبل ويشغيل معايا اى كارت شاشه حتى لو كان تايتن هل انا فكرى صحيح او يلزم تعدلة وان كان صحيح ايه هى الانوع المفروض اجبها

[phenomenon]

فين هو الموضوع الجديد : اخى انا مشفاهم اى حاجه من طريقه طلبك والله
انت بس وضح طلباتك
التزم بالرد على النص دا بالتحديد وبعد كده ضيف تعقيبك تحته والتزم بموضوع واحد
- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:

[Admz]

اقصى ميزانيه 7000 جنيه

استخدام الجهاز للالعاب

حجم الشاشه والدقه 900*1600

القطع التى انوى اشترها مزاربورده وبرسيسور وكيسه تتدعم بوصبلير وكارت شاشه

القطع التى استعيد استخدمها الهارد والراما والشاشه

معاد الشراء بعد ما اقطنع بما اشتري وما ابحث عنها

مكان الشراء عرب هاردوير

ملحظه انا عارف انا عايز ايه بس محتاج الخبره من مهندس ودى طلباتى انا شايف انها واضحها مش صعبا


خبرتى بل الالعاب كويسه لحد ما وعارف انا كل سنه فيه تطوره كبير محتاج جهاز اشغال عليه العاب على مستوى الترا لمدد 5 سنين



المزر بورد من جيجا بيت وتتدعم كسر السرعه وسوكت يقبل التحديث للبريسيسور i7



البرسيسور i7 ومكنش بيدعم كسر السرع لن عند تشغيل للدرجه الكسو هيكون فى خطوره قويه جدا عليه



ملحوظه المزربورده تتدعم كسر السرعه لستخدام كامل المكنيات المحدوده لجميع القطع



وممكن رايك فى كارت الشاشه جيجا بيت جى فورس gtx970 4g




كيسه تتدعم بور صبلير يدعم كارت الشاشه والبرسيسو والمزربورده وتقبل تحديث كارت الشاشه الى تايتن



وشكر وجزاك الله كثير العطاء

[هشام الكنج]

اخي الكريم انت واضح انك ملكش فى موضوع التجميع بس اللى فهمته منك انه انت عايز لوحة ام تقبل كسر السرعة من جيجا بايت صح

بس انت بتقول عايز برسسيور i7 وما يكونش بيدعم كسر السرعة يبقى ليه هتشتري لوحة بتقبل كسر السرعه

لو عايز تكسر السرعه لازم يكون البرسسيور واللوحة بتقبل كسر السرعه

وبالنسبة لكارت الشاشة رائع بمعنى الكلمة

وبالنسبة للباور صبلاي لازم تشتري باور ماركه لا يقل عن 500 وات عشان تشغل كارت الشاشة والكيسة حسب اختيارك انتا اللى تعجبك اشتريها

وهنا المتجر الخاص بعرب هاردوير تقدر تدور على اللى فى دماغك وبعدين لما تستقر تقولنا انتا عايز ايه بالضبط واحنا هنقولك مناسبة ولا لاء وهنختارلك الافضل

https://store.arabhardware.net/

[phenomenon]

Motherboard : ASUS Z97-A LGA 1150 = 1300 LE
Processor : Intel I5-4690K LGA1150 = 1700 LE
Processor Cooler : Cooler Master 212 EVO = 250 LE
Graphic Card : Gigabyte-GTX 970 4GB Gaming = 3150 LE
Power Supply : XFX 650W pro series BRONZE = 700 LE
Case : NZXT Phantom 240 White = 600 LE

Total : 7400 LE

لوحه ام تقبل كسر السرعه وتقبل معالجات I7 الجيل الرابع والخامس وتقبل كسر السرعه لهم ان كانوا حرف K او C
اللوحه الام تمكنك من كسر السرعه اوتوماتيك فقط بضغطه زرار واحد ولكن قبل البدا بالامر خد فكره عن كسر السرعه
مشتت خاص لتبريد المعالج اذا فكرت بكسر السرعه او مع عدم التفكير فوجوده امر ضرورى ومستحب جدا لتبريد المعالج
باور سبلاى قوى جدا ومن افضل مزودات الطاقه العالميه لكسر السرعه و 650W مناسبين جدا اذا فكرت او لم تفكر بكسر السرعه
كارت الشاشه المطلوب باقتراحك
كيسه مناسبه جدا لكل متطلباتك وبها مايمكنك توقعه وما لم تتوقعه من مراوح اضافيه ومساحه كبيره لترتيب اسلاك الباور بداخلها
هل هذا مناسب لطلبك ؟
ان شاء الله التجميعه تعيش معاك فتره طويله تلعب عليها افضل واحدث الالعاب بافضل الاعدادات والجرافيك العالى بسلاسه واستمتاع
هل ينقصك شىء بالتجميعه ؟

[Admz]

اخي الكريم انت واضح انك ملكش فى موضوع التجميع بس اللى فهمته منك انه انت عايز لوحة ام تقبل كسر السرعة من جيجا بايت صح

بس انت بتقول عايز برسسيور i7 وما يكونش بيدعم كسر السرعة يبقى ليه هتشتري لوحة بتقبل كسر السرعه

لو عايز تكسر السرعه لازم يكون البرسسيور واللوحة بتقبل كسر السرعه

صح انت هنا كلامك صحيح كل اللى انا عيزو من المزر بورده ان بعد 5 سنين او اقل ان حبات احدث الجهاز مغيرش المزر بورده

البرسيسور عايز i7 6 cor لان عندى برسيسور i5 4 cor

وبنسبه للباور صبلاى عايز باور اقدر احدث عليه كارت الشاشه فيما بعد

كده انا محتاج منك مسعدا فى اسماء القطع اللى تناسب الكلام اللى انا بوضح هولك والسعر

ومعلومه انا بحب منتجات جيجا بيت وبحب استخدمه

[Admz]

شكرا على اختيارك بس ممكن تخالى المزربورده من جيجا بيت مخصصه للالعاب والبرسيسوريكون i7 6 cor ومش لازم كسر السرعه

الباورصبلاى ان شاء الله هشتري بس دا اقدر اشغال عليه فيما بعد كارت شاشه titan

[phenomenon]

جبيبى مفيش معالجات Core I7-6cores غير معالجات قئه Extreme وهى اعلى فئه ولن تستفيد بها اطلاقا اطلاقا
لن تحقق من معالج I7-Extreme اى نسبه زياده ملحوظه عن معالج I7-Enthusiast بالالعاب بل هى موجهه بالمقام الاول
1- منصه ( كومبيوتر ) يمتلك عدد كبير من كروت الشاشه المتعدده على اللوحه الام بسبب امتلاك هذه المعالجات خطوط PCI Lanes عديده
تساعد على الهروب من عنق الزجاجه التى تحدث بسبب خنق المعالج المركزى ( I Core ) حين وجود كروت شاشه كثيره على المنصه وكروت قويه جدا
2- يفضل شرائها جدا مع المنصات والاستخدامات الهندسيه المخصصه للاعمال المهنيه والاحترافيه فى اعمال تصميم ورندر الصور الثقيله جدا والمعقده جدا
للرسوميات ثلاثيه الابعاد والتى تتطلب تعدد بانويه المعالج ومساحه كبيره بحجم الكاش ميمورى

- اما بالعاب الجيل الحالى ومع افضل واحدث واقوى العاب الجيل الحالى لا يحقق معالج 6 Core افضل من معالج 4 Core اى نتيجه ملحوظه

الان اريد ان اضع لك صوره مهمه ماكنتش عاوز اقولها لان هيطول شرحها جدا
انت عندك معلومات لكنها قليله جدا ومحدوده ومنقوله ليك بصوره حاطئه
للاسف معلوماتك صحيحه نعم لكنها تحتاج الى فهم وشرح كبير جدا جدا طالما واضح جدا انك مش متابع الامور بشكل صحيح

اولا معالجات 6 Core الحاليه من الجيل الرابع لمعالجات انتل تسمى I7-Haswell Extreme
بالتاكيد توجد معالجات من الاجيال السابقه ايضا ولكن لن نعود للسابق والماضى لان اختيارها ليه معطيات كثيره هى اللى بتحدد عليا انى اعود للماضى

سؤال : ماهو السبب المقنع اللى يخلينى اشترى معالج I7-4960X Extreme ؟
الجواب : حينما امتلك منصه ( لوحه ام ) بشيبايه X79 وامتلك بها معالج I7-3820 وجائتنى فرصه لتبديله مع I7-4930K
او I7-4960K والفرق السعرى مناسب
اذن اذا وجدت الفرصه تسمح بالتغيير والبدل ساسارع على اغتنامها

سؤال : ماهى اسعار معالجات I7-Enthusiasts الحديثه 4 Cores ؟
الجواب : سعرها يتراوح مابين 2300 الى 2700 وهى معالجات الجيل الرابع احدث المعالجات الحاليه الموجوده فى السوق من انتل

سؤال ماهى اسعار معالجات I7-Extreme الحديثه 6 او 8 Cores ؟
الجواب : سعرها يتراوح مابين 3200 جنيه الى 5500 جنيه تقريبا وهم تلات معالجات فقط من الجيل الرابع الموجهه لاقصى الاستخدامات
والتى تحتاج الى شريحه X99 على الاقل وستجد ان اى لوحه ام بشريحه انتل X99 لا تقبل اى رامات الا ان كانت هذه الرامات معماريه DDR4
وهذه الانواع من الرامات موجوده باسعار مرتفعه جدا نظرا للميزانيه الحاليه اللى معاك


دلوقتى عشان اسهل عليك التوهان الكبير والتطويل

انا معنديش مانع تشترى تجميعه X99 Socket 2011 v3 ومعالج على الاقل ( اقل معالج يقبل العمل عليها ) هو Core I7-5820K
وهو اقل معالج 6 نواه وسعره هو 3200 جنيه واقل لوحه ام سعرها تقريبا 1400 جنيه واقل رامات DDR4 سعرها تقريبا 1200 جنيه
قولى دلوقتى هل فى امكانيه لزياده الميزانيه لتوفير معالج 6 نواه ؟

حتى ان كنت تبحث عن معالجات الجيل الثانى او الثالث 6 نواه ستجد ان اسعارها مرتفعه ايضا وبنفس الاسعار
بالرغم انه مع احتيارك معالج الجيل الرابع I7-4790 هو افضل وانجح اختيار

وبالرغم ان مبلغ 7000 جنيه غير كافى لمعالج I7 اربعه نواه وتجميعه تلم بها متطلباتك المفروضه بالموضوع
فازاى هتجيب معالج تمنه 3200 جنيه ورامات لواحدها 1200 جنيه تقريبا ؟

[Admz]

الف شكر يا بشمهندس فعلا افتنى وانا فعلا اعرف امور الهارد وير والسفت وير من بعيد واهتمام بلالعاب فقط لا غير وهو دا استخدامى لجهاز الكمبيوتر ومتعت الاوله وبردو الالعاب هى اللى خلتنى اكون عندى المعلملت السطحيه عن التجميعات

انا فعلا عامل مزانيه 7000 جنيه بس ممكن يضيعو عليه بعد سنه مع التطوير الملحوظه للالعاب انا ممكن ازود المزانيه 2000 جنيه وبعد سنه يكون جهازى مناسب للالعاب وبعد تلاته يكون محتاج تعديلات بسيطه يارت تسعدنى وبلاش فى اختيارتك يكون فى قطع لكسر السرعه

دلوقتى انا وحضرتك متفقين على كارت الشاشه اللى هو gtx970 4g وسعر بتروح 3000

كده ناقص عندى المزربورده والبرسيسور والباور صبلاى والكيسه

والارمات موجوده عندى ddr4 1600

انا فعلا محتاج مسعدتك لان انا عايز اقدر اعارف جهاز الكمبوتر انا فعلا هقدر اكمل معاه فى عمليات التطوير المستمره وله انا صعب عليه اوجب العصر اللى انا فيه بجهاز كمبوتر حديث

[هشام الكنج]

اخي الكريم مع التجميعة اللى قالك عنها اخونا المشرف ابراهيم تقدر تلعب اقل شي 3 سنين بدون ما تحتاج ترقية لاي قطعة واللوحة الام اللى اختارها لك تقدر بعد 3 سنين مثلا لو حسيت انه فى العاب هتحتاج اكتر من معالج i5 4690 وحبيت تجيب i7 هتقدر تجيبه وتركبه على اللوحة وتكسر السرعة كمان لو حبيت بكل سهولة

[Admz]

هو حضارتكم تقدرو تفهم انا عايز ايه وايه افضل بتلمح بسيط طبعا عشان خبرت السنين والختصاص بس ان كل اللى فهمتو من ا.ابراهيم ان البرسيسور i7 6 cors هيكون اغلا شويه من ال i7 4 cors وكمان هيحتاج مزبورده غير المزربورده وانا معنديش مانع بس ممكن هو يقول على القطع منفرده وكمان السعر وجزاكم الله كثير العطاء

[doctor-adam]

Intel Core I7-5820K Haswell-E 6-Core 3.3GHz LGA 2011-v3 140W Desktop Processor 3100


Asus X99-DELUXE Socket 2011 Motherboard 3700



G.skill Ripjaws 4 16GB (4 X 4GB) DDR4 2400 CL15 1.20V 2050


XFX Pro Series Black Edition 850W PSU 80 Plus (gold 1150

Noctua NH-U12S CPU Cooler 450


Gigabyte GeForce GTX 980 Ti G1 Gaming 6GB GDDR5 5600


يكون الاجمالى 16500 + انك تجيب كيسه احترافيه تعجبك

معاك فلوسها هاتها مش هتفكر فى تحديث الكمبيوتر لمده 5 سنين قدام

بس الافضل اسمع نصائح الناس اللى هنا

اللىى يشترى جهاز زى دا لازم يكون واحد بيكسب من وراه او يحطه فى سيرفر

او واحد مهووووووس بالكمبيوتر :D

وواضح جدا انك عندك لبس فى موضوع القطع والكمبيوتر

نصيحه خليك مع التجميعه اللى ذكره الاخوه هنا ولو هتزود فلوس هات i7 4790 اللى هو 4 كور هيكون كافى جداا وزياده كمان للالعاب

وزود فى الكارت وهات دا

Gigabyte GeForce GTX 980 Ti G1 Gaming 6GB GDDR5 5600


وبكده هتاخد اداء جبااااااااااار فى الالعاب وهتشغل كل حاجه الترا ولمده كبيره

ومفيش فرق فى برسيسور i7 سواء 4 كور او 6 كور فى الالعاب نهائى الان ولا لفتره كبيره قدام



وبكده يكون شكل التجميعه


Motherboard : ASUS Z97-A LGA 1150 (https://www.amazon.com/dp/B00K2MAU5Q) = 1300 LE

I7-4790K LGA1150 2650

Processor Cooler : Cooler Master 212 EVO = 250 LE

Gigabyte GeForce GTX 980 Ti G1 Gaming 6GB GDDR5 5600

Power Supply : XFX 650W pro series BRONZE = 700 LE


الاجمالى 10500 + اشترى كيسه تعجبك وبكده توفر 5000 هتدفعهم فى التجميعه الاخر واحد باستخداماتك مش يستفيد منهم حاجه

[Admz]

ا. احمد ولا تجميعه فى دول انا عيزهم انا عايز مزربورده جيجابيت وميكنش فى كسر سرعه وبريسيسور i7 6 cor وميكنش فى كسر السرعه ومنحيت انى لبست فى القطع فا انا فى رائس سوقين يعرفنى دائما بخلى اى حد يتحك على فى اي حاجه اشتريه وربنا يخلف عليه بلحلال ويخلف عليه بحرام ويزيد عمره

[doctor-adam]

ركز

برسيسور i7 فيه 6 كور هو مخصص للكسر لان موجه للمحترفين وهواة الكسر للحصول على افضل اداء

طلبك دا مش موجود غير انك تشتريه ومش تكسر سرعته وتسيبه على تردده الاصلى وبصراحه حرام ادفع مبلغ زى دا فى برسيسور زى دا ومش اكسر سرعته
كانك بترمى فلوس على الارض

والبرسيسور المذكور دا اقل سعر برسيسور حديث فى 6 كور اللى هو تمنه 3100

ولازم تشترى معاه مشتت مروحه يعنى اقل حاجه 300 علشان تشتغل معاه لان لانه بيجى هو لوحده فى علبته

واقل بورده كويسه تشتغل معاه سعرها 2400

واقل رامات تشتغل معاها رامات 16 جيجا 4 رامات كل رامه 4 جيجا رامات سعرها 2400
او انك تجيب انك تجيب 8 جيجا رامات رامتين كل رامه 4 جيجا اجمالى سعرههم 1200

يعنى علشان تحقق طلبك فى اقل برسيسور 6 كور هتدفع 8000 جنيه ميزانيك فى برسيسور + رامات+ بورده+ مشتت
بس من غير كارت شاشه ولاباور ولا كيسه

ادم مش احمد
a hundred percent reason to remember the name :D

[Admz]

السوال زايدت تاكيد مفيش برسيسور i7 6 cor مبدعمش كسر السرعه

وهذ اقل شكر مع احتفظى بتذكار اسمك:ah35: