استفسار عن PROLITE T2452MTS-B1

[amr_ismaiel]

انا قصادى الشاشه دى استعمال خارج ب 800 جنيه بس مش لاقى معلومات او بمعنى ادق مراجعات ليها تقريبا ,,, استخدامى هيكون برامج تصميم ثلاثى الابعاد والعاب وطبعا الافلام والاستخدام العادى هى "فل اتش دى" بس انا يهمنى لو حد عنده معلومه عنها يا ريت يفيدنى بيها بالنسبه للاداء

[amr_ismaiel]

ايه يا جماعه هى مجهوله اوى كده https://www.iiyama.com/gb_en/products/prolite-t2452mts-1/
\ده لينك موقع الشركه

[amr_ismaiel]

لا اله الا الله ,,, طيب مواصفاتها كويسه بالنسبه للسعر ولا ممكن الاقى حاجه احسن بالسعر ده ؟؟؟

[amr_ismaiel]

طيب هل فى شاشات استعمال ممكن تيجى بالسعر والامكانيات دى معدل استجابه 2 مللى ثانيه وفل اتش دى والبرايتنس 300 يعنى هل سعرها مقابل الاداء كويس ولا ايه يا ريت خبراء المنتدى اللى عارفين الشركه دى يفيدونا وعلى فكره الشاشه تاتش بس بتدعم نقطتين لمس فقط بتقنيه اوبتكال

[TIMO1]

هو كل الموضوع انت حضرتك مقلتش السعر كام علشان نقدر نحكم السعر مقابل الاداء :D
اما موضوع الشاشه فهو زى مانت عارف الموديل غير معروف بالنسبه لينا هنا وبخلاف كده الشاشات بتكون ازواق واهم حاجه انها تكون عاجباك وانت الى هاتقدر تحكم من القطعه الى قدامك حالتها كويسه الخارجيه والداخليه ميكونشى فى ديد بيكسل او ستوك بيكسل تكون الوانها كويسه وابيضها نقى مش اصفر معكر والاسود يكون تقيل وفى الخلفيات السوده ميكونشى فى تسريب اضائه يعنى على خلفيه سوده متلاقيش الشاشه منوره من الاطراف وفيها زى بقع منوره ... واهم حاجه تاخد ضمان كويس من التاجر الى هايبعهالك والشاشه نفسها كويسه مش وحشه ودى مراجعها ليها اتفرج عليها وخالى بالك من تاريخ انتاجها بس فى الغالب شاشه زى دى هاتبقى انتاج 2011 وما فوق
https://www.expertreviews.co.uk/accessories/pc-monitors/52549/iiyama-prolite-t2452mts-review

[amr_ismaiel]

هو كل الموضوع انت حضرتك مقلتش السعر كام علشان نقدر نحكم السعر مقابل الاداء :D
اما موضوع الشاشه فهو زى مانت عارف الموديل غير معروف بالنسبه لينا هنا وبخلاف كده الشاشات بتكون ازواق واهم حاجه انها تكون عاجباك وانت الى هاتقدر تحكم من القطعه الى قدامك حالتها كويسه الخارجيه والداخليه ميكونشى فى ديد بيكسل او ستوك بيكسل تكون الوانها كويسه وابيضها نقى مش اصفر معكر والاسود يكون تقيل وفى الخلفيات السوده ميكونشى فى تسريب اضائه يعنى على خلفيه سوده متلاقيش الشاشه منوره من الاطراف وفيها زى بقع منوره ... واهم حاجه تاخد ضمان كويس من التاجر الى هايبعهالك والشاشه نفسها كويسه مش وحشه ودى مراجعها ليها اتفرج عليها وخالى بالك من تاريخ انتاجها بس فى الغالب شاشه زى دى هاتبقى انتاج 2011 وما فوق
https://www.expertreviews.co.uk/accessories/pc-monitors/52549/iiyama-prolite-t2452mts-review


اشكرك على اهتمامك ,,, بس انا ذكرت ان سعرها 800 جنيه وهى وارد الخارج ,,, ولان اضائتها من الخلف اعتقد اضائه الاطراف هتبقى امر مستبعد واعتقد من الشكل العام ان حالتها كويسه جدا لكن لحد دلوقتى مش عارف ازاى اكتشف الديد بيكسل خصوصا لو صغيره ,,, هى فعلا الشاشه اعتقد 2011 وانا لقيت بوست عنها هنا بتاريخ 2012 بس مفيهوش اى ردود او افاده كان عن خبر صدورها فقط

[TIMO1]

800 جنيه مبلغ كويس للغايه طبعا وموضوع الديد بيكسل هاتستخدم برنامج اسمه UD pixel كل وظيبفته بتجيب الوان كامله على الشاشه وانت لازم تقوم بتنظيف الشاشه جيد جدا من اى اتربه علشان تقدر تقوم بالنظر على كل انحاء الشاشه وتقرب وشك منها ولازم تكون قاعد امامها مباشر ويفضل لو تكون فى مكان مظلم علشان تقدر تركز اوى فى الشاشه ... واهم حاجه خالى بالك من الضمان الى هاتخده من البائع علشان ميجيش لاقدر الله لو فيها حاجه ولايقولك ده عيب استخدام ولا الضمان سوفت وير زى اغلبيه البائعين