استفسار لشراء هارد لجهاز سيرفر حسابات لاحدي الشركات

[Eltier_el_shady]

السلام عليكم اخوتي في الله

انا بإذن الله مقبل علي شراء جهاز سيرفر لاحدي الشركات
هيكون عليه حسابات الشركه كلها وملفهات مهمه
هيكون شغال 24 ساعه

محتار في نوع الهارد ديسك اللي يتحمل الشغل ده ويتحمل الشغل المتواصل
بعد البحث وجدت ان افضل انواع هي هاردات البلاك من ويسترن
وهاردات ال ssd
وهارادات جديده من ويسترن اسمها red قرأت انها مخصصه لشغل النتورك والعمل باستمرار

فما رايكم علما باذن السعر لا يهم ام شئ الامان التام لانه سيحتوي علي بيانات هامه واي فقدان لها خساره كبيره ..........
شكرا لكم

[الـــســـيـــف]

معظم الاجهزة اللى بتشتغل بالخارج وبتجلنا مستعملة يعني
بيكون متركب عليها هاردات ساس

[Eltier_el_shady]

معظم الاجهزة اللى بتشتغل بالخارج وبتجلنا مستعملة يعني
بيكون متركب عليها هاردات ساس
يعني الهارد الساس افضل في الموضوع ده ولو السيرفر مش فيه هارد ساس يباه الحل ؟

[ahmad2006771]

افضل هاردات هي samsung sata3 ssd

[phenomenon]

Western Digital RED + NAS
سرعتهم مطلوبه فى توصصيل مجموعه حواسب على السيرفر

[Eltier_el_shady]

يا جماعه ميهمنيش يباه سريع وكده الاهم ان يتحمل ظروف العمل الشاق يعني هيفضل 24 ساعه شغال مفيش راحه والامان التااااااااام لان الباينات اللي هتتحفظ عليه هامه وهيخدم جميع الموظفين في الشركه

[Eltier_el_shady]

Western Digital RED + NAS
سرعتهم مطلوبه فى توصصيل مجموعه حواسب على السيرفر
من فضلك اخي يا ريت تفاصيل اكتر في موضوع Western Digital RED + NAS لان مش فاهمه مش هو هارد كباقي الهاردات بيركب فاي كيسه عادي ولا لازم نظام معين؟؟؟؟

[الـــســـيـــف]

هو الهارد الاحمر ليه مواصفات خاصة انه يشتغل في الــ NAS
اعمل سيرش وشوف ايه المناسب ليك

[phenomenon]

بيركب فى اى كيسه عادى جدا مهما كانت ولكن من اهم اسباب وجود هارد RED هى خصائصه
المناسبه لانظمه NAS او Network Attached Storage
توصيل مجموعه هاردات لحاسب / عده حواسب على سيرفر واحد ( سيستم اتصالات واحد )
- جميع الاجهزه المتصله على السيرفر تقدر تتشارك ملفات وبيانات السيرفر
كانه مجرد هارد احتياطى خارجى داخل السيرفر لكل كومبيوتر متصل على السيرفر يقدر يسترجع / يتشارك بياناته من عليه ولذلك نظام NAS موجود
طبعا الموضوع ليه خصائص تانيه كتير لان الملفات متنوعه ومش بس هتقدر تستلف البيانات والملفات من عليه لكن انت هتقدر تستلف مساحات تخزينيه
ولكن بوجهه عام انا خبرتى بوسائل الاتصالات محدوده واكيد قسم الاتصالات يفيدك اكتر او انتظر من ليهم تجارب
ولكن بوجهه عام المعروف ان نسبه مميزاته لا تعد ولا تحصى لكن بسبب نسبه الضغط على الهارد فى نظام NAS بيستبب فى تقليل
العمر الافتراضى للهاردات الموصوله على السيستم وبسبب شغله المتواصل 24/7 باستمرار
ولذلك هارد RED مصمم لتوفير الطاقه والاستخدام المتواصل 24/7 وفتره عمر اطول ( Long Life Span ) وللامر دا تحديدا

[الـــســـيـــف]

الهارد الاحمر يفضل في ال NAS اللي هي وحدة تخزين على الشبكة
وبيمتاز انه بيشتغل 24*7 يعني شغال على طول

[Eltier_el_shady]

يعني يا جماعه مميزاته اللي الهارد ال red مصنوع عشانها مش هقدر استفاد منها الا اذا استخدمت نظام ال nas ولا يمكن الاستفاده منها وهو شغال كهارد عادي وهل وهو الافضل ام الssd بالنسبه لنقطة تحمل الشغل المتواصل 24 ساعه /7 ايام

[الواد ميشو]

طب حضرتك فيه WD purble هو صحيح للمراقبة اكتر بس من مميزاته انه يتحمل 24/7 ودا من الشكرة نفسها فيبدو انه اكثر افادة ليك ..و اكيد حضرتك هتعمل نظام ال RAID لتامين البيانات اكتر .. بس هارد واحد لكل ملفات الشركة ممكن يعاد التفكير فيها .. وربنا يوفقك للأصلح

[Eltier_el_shady]

يعني يا جماعة ايهما افضل في الموضوع ده ال ssd ولا ال red ???????????

[Eltier_el_shady]

يعني يا جماعة ايهما افضل في الموضوع ده ال ssd (https://www.amazon.com/gp/search/ref=nb_sb_noss?url=search-alias%3Daps&field-keywords=ssd&rh=i%3Aaps%2Ck%3Assd&ajr=0)
ولا ال red ??????

[AHMED ELNESR]

ال ssd هيكون مكلف وعمره الافتراضي مش مضمون
الافضل ال Red

[zeka005]

ال ssd هيكون مكلف وعمره الافتراضي مش مضمون
الافضل ال Red

الssdهو اطول عمر افتراضي بين الهاردت علي حد علمي بيوصل لمليون ساعة عمل و كمان سامسونج بتعطي ضمان عشر سنين علي الهارد الssd كمان مالوش اي اصوت او حرارة و داي امر مهم جدا غير سرعة نقل البينات القوية جدا جدا

[ahmadrashad]

السلام عليكم ورحمه الله وبركاته

الامان التام مع السرعه و العمر الافتراضي هيكون انك تجيب هاردين ssdوتعملهم علي منظومه رايد 0-1 المنظومه دة بتعمل نسخه باك اب من كل الداتا المحطوطه بشكل دوري "مرايه" لو حصل اي مشكله في هارد من الاتنين السستم بيفضل ذي ما هو وبيدخل علي الهارد التاني وبينبهك ان في هارد محتاج يتغير بمجرد ما بتغيرة بنفس المواصفات و المساحه بيعمل باك اب علي الهارد الجديد وبكدة بتضمن عدم فقدان الداتا بتاعتك ولذلك دة اعلي امان لان في احتمال عيوب صناعه وارد لكن مش هيحصل ما بين هاردين في نفس الوقت بس طبعا ssd دة اصلا نقله لاي جهاز فهو هيخليك تستفيد بامكانيات وسرعه السرفر ولذلك هو مرتفع الثمن وكل ما هتجيب مساحه اكبر هيكون الثمن اعلي علي ما اعتقد الهارد 1 تيرا ssd ثمنه ممكن يوصل 4000 جنيه لو انت مش محتاج مساحات كبيره بس محتاج امان عالي ممكن تجيب هاردين ssd 250 جيجا هيوفي معاك النظام كويس وتضيف هارد ويسترن ديجتل red مع المنظومه"منفصل عنها " دة مش هتفرق لو محتاج مساحات كبيرة بس المهم تحفظ النظام بتاعك والبيانات المهمه علي منظومه الرايد وشكرا

[AHMED ELNESR]

الssdهو اطول عمر افتراضي بين الهاردت علي حد علمي بيوصل لمليون ساعة عمل و كمان سامسونج بتعطي ضمان عشر سنين علي الهارد الssd كمان مالوش اي اصوت او حرارة و داي امر مهم جدا غير سرعة نقل البينات القوية جدا جدا

كلامك صح لكن العمر الافتراضي مش مضمون ممكن الهارد يعيش سنة او يعيش 10 سنين ممكن يحصل فيه مشكلة ومش هينفع يسترجع منه اي بيانات بعكس الهاردات العادية