انا اشتريت كارت gtx 980ti ارجو المساعدة بسرعة عشان لاقيت مشكلة قبل تركيب الكارت

[RVD150]

نا لاقيت الكارتونة بتاعت الكارت فى البيت بطريقة دى ياريت تقولولى اجرب الكارت ولا ارجعو ولا اعمل اية

https://im60.gulfup.com/nQ7BrJ.jpg (https://www.gulfup.com/?Nx8kwk)

https://im60.gulfup.com/ui4YeL.jpg (https://www.gulfup.com/?2rAsiW)


شايفين الكرتونة تحس انها مخبوطة ولا مش عارف اية تنصحونى بى اية

[doctor-adam]

الاول اشتريته من مين وبكم وايه نظام الضمان؟

موضوع الخبط دا عادى المهم تلاقى الكرتونه مقفول ومتبرشمه ماحدش فاتحها

ورقة السريالات اللى عليها مفيهاش اى خدش

وبصراحه انا لو معايا الكارت دا ولقيت الكرتونه متقطعه هشغله هاشغله مش هانتظر اغيره :D

[RVD150]

انا اشتريتة من compu data center
تانى حاجة الكرتونة بتبرشمة ازاى مش فاهم انا لما اشتريتة من هناك الكارتونة اتفتحت على طول من غير برشمة قالى ان العلبة دى مش بتبقى بتبرشمة اصلا
تنصحونى بى اية اجرب الكارت ولا لا

[محمد فاروق غازي]

لو المحل قريب منك روحله قوله غيرهولي
لو بعيد جربه وهو كده كده في الضمان لو في اي حاجة بتستبدله

[RVD150]

طيب اعمل اية انا دلوقتى عشان اعمل تيست على الكارت ؟؟؟؟؟؟؟؟؟؟؟؟؟

[doctor-adam]

طيب اعمل اية انا دلوقتى عشان اعمل تيست على الكارت ؟؟؟؟؟؟؟؟؟؟؟؟؟

العب كل الالعاب اللى عندك على اعلى ريزليوشن وباعلى اعداداااات:D

اشتريته بكم وضمانه كم سنه واى شركه ؟

[RVD150]

جبتو بى 6200 جنية و معة لعبتين هدية

[doctor-adam]

ضمانه كم سنه 3 ولا 5 وضمان مين مترا ؟

[RVD150]

3 جاما

[RVD150]

انا نزلت اخر تحديث لكارت الشاشة بتاعى و ركبت البطاقة و جربت لعبة gta v على اعلى اعدادات ماكس كل حاجة على الاخر النتيجة

كل المنطق 59 فريم و ساعات بتنزل لى 55 و ترجع على طول تانى 59 فى منطقة واحدة و اتنين بيجيب فيها 48 فريم مش عارف لية

درجة الحرارة اعلى حاجة جبتها 50 درجة مع الضغط

اخر حاجة الكارت و انا مش مشغل لعبة مش ضاغط علية يعنى بيكتب على الكارت silent و المراوح بتوقف مش بتشتغل الا لما بشغل لعبة او اى حاجة

[doctor-adam]

زى الفل مبروووووووووووك

[mahmoud adg]

ازاي زي الفل يعني الواحد يشتري كرت ب6200 وفي الاخر ميقدرش يشغلها علي 60 ثابته والله حاجه تغيييييييييظ دي شركات بتستهبل

[RVD150]

اعمل اية عشان اطمن على الكارت ؟؟؟؟؟؟؟؟ظ

[محمد فاروق غازي]

عندك ألعاب أيه تاني ثقيلة؟
لو عندك Call of Duty Advanced Warfare شغلها
لأن GTA V متطلبات تشغيلها مش عالية أوي

[mahmoud adg]

بص يا صحبي في اعدادات كتيره ملهاش اي تاثير ملحوظ وبتقل اللعبه علي الفاضي فانت لو قللتها العبه هتجيبب معاك فوق فوق ال90 فريم واكتر كمان وكمان جربه علي وتشر3 واساسن كريد يونتي وفار كري 4

[bisotiger]

الف مبروك اخى الكريم ع الكارت الرائع ومتقلقش ادائة رائع مع العلم انك عامل كل حاجه على الماكس
تتهنى بيه وتسعد اخى الكريم رمضان كريم :D

[RVD150]

دلوقتى انا مش فاهم دة من اية و انا بلعب gta v الفريم بيبقى على 59 و ساعات بينزل لى 45 و يرجع تانى 59 دة عيب اية بقى عشان ابقى فاهم

عايز اعرف حاجة كمان النور بتاع الكارت فى الجنب انا شوفت على اليوتيوب انو بينور كذا لون بس انا عندى يا اما لما اكون مش مشغل حاجة يكون طافى و كاتب selint او لما اكون بلعب و بينور اخضر بس بقيت الالوان مش فاهم بتعمل اية ياريت حد يقولى

[bisotiger]

بص انت واضح انك مخايل نفسك وانا مقدر ا نظرا لارتفاع سعرالكارت مع ان الكارت بتاعك شغال بشكل طييعى ومشكلة 60 فريم و45 فريم دى بتيقى حسب المنظقه اللى انت فيها فى اللعبة

افرح بالكارت واعزمنى ع كوباية شاى عشان العب معاك :D

happy nice games

[RVD150]

مش المفروض يشغل على 60 فريم مينقصشى

[hussan20]

انتا غلط مفيش حاجه اسمها مش متبرشم كنت مشينت واشتريت من حد تاني

أرسلت من Lenovo A536 بإستخدام تاباتلك

[RVD150]

هو كدا نسخة الجيجا بيت بتبقى مشبتبرشما

[george youssef]

ال Silent و stop خاصة بالمرواح لما بتكون شغال ووقافه فى وضع الخمول والضغط

[bisotiger]

ياجماعه متقعودوش تبكتوا فى الراجل عشان العلبه مش متبرشمة اللى حصل حصل
بص ياسيدى الكارت بتاعك اثناء هبوط الفريم من 60 الى 45 فريم استهلاك الكارت بيكون كام فى اللحظه ديه اثناء هبوط الفريم
وياسلام لو تصوربموبايلك وترفعلنا فيديو صغيربيوضح المشكله وانت مشغلبرنامج msi afterburner

[RVD150]

و بكتو فيا لية اصلا كل علب من شركة جيجا بيت مش بتبقى بتبرشما

انا عايز اعرف حاجة دلوقتى الكارت لما بكون مش مشغل لعبة بينور كدا و يكتب silent and stop و المراوح بتبقى واقفة و لما بشغل لعبة بيتشتغل على طول طيب مش المفروض ان الكارت لما بكون مش مشغل لعبة الكارت بيسخن برضو يعنى المفروض محتاج برضو تبريد

[doctor-adam]

و بكتو فيا لية اصلا كل علب من شركة جيجا بيت مش بتبقى بتبرشما

انا عايز اعرف حاجة دلوقتى الكارت لما بكون مش مشغل لعبة بينور كدا و يكتب silent and stop و المراوح بتبقى واقفة و لما بشغل لعبة بيتشتغل على طول طيب مش المفروض ان الكارت لما بكون مش مشغل لعبة الكارت بيسخن برضو يعنى المفروض محتاج برضو تبريد

انت واجع دماغك ليه :D الناس اللى صنعوا الكارت شاييفين ان الكارت يستحمل لحده درجه حراره 65 من غير تبيريد

روح اسالهم ليه بقى :D دا حتى ميزه جامده جدا ان الممراوح مش تشتغل علشان صوت والازعاج

ومن الاخر انت جايب كارت شاشه يعنى سلعه للترفيه مش مستهله كل الكل الشكوك والوساوس اللى انت فيها دى:D

play and enjoy only

[Eng:Aezz]

عموما فعلا اداء مخيب لأن تمن الكارت مبالغ بيه بالنسبه لأداءه بصراحه المفترض انه اما يعمل كل اعدادات على ماكس يبقى 60 من 60 يو ماتنزل تبقى 55 من 60
طيب ايه الفرق ما هو انا معايا كارت الجيل السادس من نيفيديا وبيشغل لعبه very high ومعظم لعبه بين 50 ل 55 وبتنزل دروب ل 45 يبقى ايه الفرق بقا وعالفكره على شاشه fhd
بصراحه الواحد بقى يقلك من نفيديا وخداعها زي gtx 970 واللي جابو منه كرتين علشان sli لبسه في الحيط علشان موضوع 3.5 جيجا وكمان حكايه ان ال gtx 980 وال 970 مش مدعمه ال DX12 كامل وكان السؤال ده اتسأل لشركه مايكروسوفت بالنسبه لويندوز 10 ودعم dx 12
عموما الف مبروك على كارت بس هي حاجه تضايق جدا وانا فعلا كنت ناوي اشتريه بس بعد التجربه ماعتقدش هشتري من نفيديا حاجه
انا اشتري 390 بربع تمن 980ti واداده هيبقا مقارب غير 8 جيجا vram

[doctor-adam]

عموما فعلا اداء مخيب لأن تمن الكارت مبالغ بيه بالنسبه لأداءه بصراحه المفترض انه اما يعمل كل اعدادات على ماكس يبقى 60 من 60 يو ماتنزل تبقى 55 من 60
طيب ايه الفرق ما هو انا معايا كارت الجيل السادس من نيفيديا وبيشغل لعبه very high ومعظم لعبه بين 50 ل 55 وبتنزل دروب ل 45 يبقى ايه الفرق بقا وعالفكره على شاشه fhd
بصراحه الواحد بقى يقلك من نفيديا وخداعها زي gtx 970 واللي جابو منه كرتين علشان sli لبسه في الحيط علشان موضوع 3.5 جيجا وكمان حكايه ان ال gtx 980 وال 970 مش مدعمه ال DX12 كامل وكان السؤال ده اتسأل لشركه مايكروسوفت بالنسبه لويندوز 10 ودعم dx 12
عموما الف مبروك على كارت بس هي حاجه تضايق جدا وانا فعلا كنت ناوي اشتريه بس بعد التجربه ماعتقدش هشتري من نفيديا حاجه
انا اشتري 390 بربع تمن 980ti واداده هيبقا مقارب غير 8 جيجا vram

يعنى هو لما يعمل كل اعدادات اللعبه ماكس من reflection 8xو msaa 8x

ويجيب 55 فريم يبقى مخيب للامال!!!!!!!

بالنسبه ل 390 ابو 8 جيجا رامات فى كل البنش مارك gtx 970 متفوق عليه متخطيه

[phenomenon]

يعنى هو لما يعمل كل اعدادات اللعبه ماكس من reflection 8xو msaa 8x

ويجيب 55 فريم يبقى مخيب للامال!!!!!!!

بالنسبه ل 390 ابو 8 جيجا رامات فى كل البنش مارك gtx 970 متفوق عليه متخطيه

" انت تستحق جائزه والله على ردودك " جزاك الله كل خير

[phenomenon]

الاخ صاحب الكارت : معاك سوفت وير خاص بالكارت اكيد بيخليك تشغل المراوح طول الوقت او يخليك تشغل مروحه واحده سواء الاولى او التانيه او التالته طول الوقت على بروفايل سرعات معينه لو تحب
عشان تساعد الكارت على هدوء حرارته فى الخمول واعتقد انك تقدر تنفز العمليه على اى مروحه وقت ماتحب بس اتاكد الاول من الامر فى صفحه الكارت نفسه

[Eng:Aezz]

يعنى هو لما يعمل كل اعدادات اللعبه ماكس من reflection 8xو msaa 8x

ويجيب 55 فريم يبقى مخيب للامال!!!!!!!

بالنسبه ل 390 ابو 8 جيجا رامات فى كل البنش مارك gtx 970 متفوق عليه متخطيه

ده قصدك العادي مش ال oc عموما احنا مجربينه في جهاز واحد صاحبي جايبه واداءه ممتاز بالنسبه لسعره الgtx 980 ti افضل منه بس اداء 390 كويس جدا وعلى 4k اداء 390 عالي واداءه محترم ده اللي جربناه
المفترض ان كارت 980ti يشغل كله على max من غير فريم دروب بالنسبه لسعره وامكانياته سعر 980 ti مبالغ فيه جداا
انا عن نفسي كنت هجب 980ti علشان ارفع كله على ماكس والفريم عندي 60 من 60 مش برده يعملي دروب