المساعد الشخصي الرقمي

مشاهدة النسخة كاملة : سؤال بخصوص GTX 980 Ti


Ahmed 3zzat
12-07-2015, 22:12
السلام عليكم
لقد رأيت الخبر على متجركم أن كرت الشاشة GTx 980 Ti هينزل عندكم بتمن 5600 جنية من جيجا بايت
كنت عايز أعرف هل الفرق بينة و بين 980 يستحق أن أدفعة ؟
خصوصاً أنى جيمر و أن شاء الله هلعب الجيمز على أعدادات FULL HD يعنى مش ناوي أجيب كذا شاشة و الشغل دا
و أية أفضل power supply تنصحوني بية للكرت
هينزل امتى متجركم أن شاء الله
و أية أفضل كيسة لحجم الكرت
يعنى انا مش عاوز أصرف كتير على الكيسة و الباور سبلاى لأني اللى هصرفة على الكرت هيبقى كتير انتو فاهمين :D يعنى متتوقعوش انى مليونير و تدونى نصايح تودينى فى داهية :D :D
كمان أنا عندي بروسيسور i5 - 4690
أظن انة كافى و مش هيعمل عنق زجاجة و لا أية رأيكم ؟
george youssef
12-07-2015, 22:21
لو مش ناوى تلعب على 4k يبقى gtx 980 كافى
الباور ممكن تجيب SeaSonic M12II Bronze 750W
اى كيس mid tower حديثة تشيل الكارت..
ارشحلك ديه..NZXT Phantom 240
doctor-adam
12-07-2015, 23:42
السلام عليكم
لقد رأيت الخبر على متجركم أن كرت الشاشة GTx 980 Ti هينزل عندكم بتمن 5600 جنية من جيجا بايت
كنت عايز أعرف هل الفرق بينة و بين 980 يستحق أن أدفعة ؟

اها يستحق فرق الاداء تقريبا 15 %
خصوصاً أنى جيمر و أن شاء الله هلعب الجيمز على أعدادات FULL HD يعنى مش ناوي أجيب كذا شاشة و الشغل دا
و أية أفضل power supply تنصحوني بية للكرت

اى باور فوق 600 وات هيكون تمام وانا ارشح لك دا



EVGA SuperNOVA 750 B2 Bronze PSU 800






هينزل امتى متجركم أن شاء الله
و أية أفضل كيسة لحجم الكرت
يعنى انا مش عاوز أصرف كتير على الكيسة و الباور سبلاى لأني اللى هصرفة على الكرت هيبقى كتير انتو فاهمين :D يعنى متتوقعوش انى مليونير و تدونى نصايح تودينى فى داهية :D :D

اشترى اى كيسه تشيل حجم الكارت ومن وجهة نظرى اشترى ارخص واحده او ماتشتريش خالص وحط البوره جنب الشاشه ووصل بكابل hdmi :D


كمان أنا عندي بروسيسور i5 - 4690
أظن انة كافى و مش هيعمل عنق زجاجة و لا أية رأيكم ؟

كافى ومش هيحصل عنق زجاجه ان شاء الله


مبروك مقدما

وبالتوفيق وكل سنه وانت طيب
eagle012
14-07-2015, 08:54
أولا السلام عليكم و ثانيا أنا لا أتفق مع الدوكتور أدم في أن فرق الأداء مبين الGTX 980 و ال GTX980 Ti هوا 15 % فقط و ده لينك مقرنه بسيط https://www.game-debate.com/gpu/index.php?gid=3047&gid2=2462&compare=geforce-gtx-980-ti-gigabyte-6gb-edition-vs-geforce-gtx-980-gigabyte-g1-gaming-4gb-edition
قتلاقي أن الفرق بيبان أكتر كل لما تقرب الريزلوشن بتاع ال4k و بغض النظر عن الفروق في الهاردوير في ميزه أضافيه للGTX980 Ti و هي أنه بيدعم ال DirectX 12.1 الي هينزل مع ويندوز 10 أما GTX980 بيدعم ال DIRECTX 12 Api و ده كان أصدار أولي شركة ميكروسوفت قدمته لشركة نيفديا لما كانوا بيعملوا تصميم للكرت و أعتقد دي ميزه هتفرق معاك قدام. بس السؤال الي لازم يتسئل أنت محتاج تلعب الألعاب على جودة 4K و عندك شاشه بتدعمها أو هتلعب على 1080p لو ملكش في ال4k خليك في ال GTX 980 أحسن و نصيحه أخيره أستنى شويه لحد أما ويندوز 10 ينزل و كروتجديده في الفئه السعريه بتاعت GTX970 OR GTX980 تنزل تبقى سعتها عرفت أذا كان الdirectX 12.1 ليه لازمه ولا لأ و هيفرق جامد و تكون جبت كارت شاشه بيدعمه و سعره أقل حبه من GTX 980 Ti و أسف جدا أن كنت طولت عليكم و شكرا.
Ahmed 3zzat
15-07-2015, 03:51
طيب اية رأيكم يا شباب
لو جبت Gtx 970 أتنين منة و أدمجهم هيبقى الأداء افضل ؟
doctor-adam
15-07-2015, 04:03
طيب اية رأيكم يا شباب
لو جبت Gtx 970 أتنين منة و أدمجهم هيبقى الأداء افضل ؟


الفرق هيكون حوالى 10 فريمات لصالح
gtx 970 sli

لكن الافضل تجيب كارت gtx 980 ti


علشان مش كل الالعاب بتدعم sli وحتى لو فى دعم بيكون فى بطئ ومشاكل + الاستهلااك العالى للوات لكارتين مع بعض

الميزه الوحيده من وجهة نظرى لفكره sli او crossfire ان بيكون عندك كارتين لواحد فيهم باظ او اتحرق هتشتغل بالتانى:D
eagle012
16-07-2015, 18:19
من و جهة نظري قدامك 3 أختيارات 1 - أنك تستنى لحد أما وندوز 10 ينزل و تنزل كروت جديده بتدعم الديركتأكس 12.1 أو 2 - تجيب كارت Gtx 980 و لما وندوز 10 ينزل و لقيت أن الديركت أكس 12 شغال معاه و أن لو عملت SLI ال Vram بتاعت الكارتين هيتضافو لبعض يبقى سعتها تجيب كارت Gtx 980 تاني و لو مطلعش بيدعموا سعتها تبقى تبيعه و تكمل على تمنه و تجيب حاجه أفضل أو 3- تجيب Gtx 980 ti و كده كده بيدعم directx 12.1 و أداءه عالي مع ال 4k