(مصر) طلب تجميعه ب 15000 للالعاب

[ahm3dvip]

بسم الله الرحمن الرحيم
السلام عليكم ورحمة الله وبركاته

- أقصى ميزانية محددة: 15000
- استخدام للجهاز: العاب حديثة
- حجم الشاشة و الدقة: لا اعرف
- القطع التي تنوي شراءها: كيسه كامله وشاشه
- القطع التي ستعيد استخدامها من الجهاز القديم: لا يوجد
- ميعاد شراء الجهاز: ثلاث اسابيع الى شهر تقريبا
- مكان الشراء: غير محدد
- محل سكنك: القاهره

[ahm3dvip]

وياريت يجماعه يكون فى التجميعه كارت الشاشه gtx980 ti

[ahm3dvip]

ايه رأيكم فى التجميعه دى
1- Gigabyte GA-X99-Gaming 5p / Socket 2011-v3 / Intel X99
2- Intel Core I7-5820K / Haswell-E / 3.3GHz / LGA 2011
3- G.skill Ripjaws 4 16GB (4 X 4GB) DDR4 2400 CL15 1.20V
4- Cooler Master Nepton 140XL Liquid/Water CPU Cooler
5- Gigabyte GeForce GTX 980 Ti G1 Gaming 6GB GDDR5 (GV-N98TG1 GAMING-6GD)
6- Seasonic M12II 750W EVO Edition 750-Watt 80 PLUS Bronze Full Modular PSU
7- Western Digital WD Red WD10EFRX 1TB SATA 6 Gb/s 64 MB NAS HDD
8- NZXT Phantom 410 (black) Mid Tower Case
9- BenQ RL2240HE 21.5 Inch Gaming LED LCD Monitor
وياريت لو فى تعديل متبخلش عليا بيه
ورمضان كريم

[عادل مرجان]

تجميعة ممتازة بس ياريت تغير الهارد بهارد ازرق او اسود

[phenomenon]

محترف ولا تحتاج الى تعديل ..
لو فى فرصه لشراء Phantom 820 هتكون افضل عشان اللوحه الام
هل فى سبب لاحتياج هارد RED ؟ الهارد مش للاستخدامات الروتينيه بل انظمه Network Attaching Storage
لو استخداماتك رويتينيه يبقى Purple or Blue او الاسرع بالتاكيد بلااك او تجيب واحد اخضر للتخزين وواحد SSD 120 جيجا للسيستم وتثبيت اللعبه الحاليه
لو عاوز تكسب كل الحلول بشكل جيد يبقى بلاك وSSD لو مشبتحب الازعاج والكيسه هتكون فوق المكتب بلاش تروح للبلاك لان صوته عالى
يبقى بلو وSSD او purple و SSD او
باربل فقط لاغيير لجميع الاستخدامات بسعموما حاول تزيد فى السعه التخزينيه

[doctor-adam]

تجميعتك ممتازه فعلا

بس الافضل فعلا تجيب هارد ssd للنظام + هارد ساتا تخزن عليه ملفاتك

بس عندى تحفظ على حاجتين مالهوش علاقه بالاداء الكيسه والتبريد

كيسه ب 800 جنيه وتبيرد ب800 برده وماتجيبش
Asus X99-DELUXE Socket
او
ASUS X99 Sabertooth / USB 3.1
طبيعى ان البورده مش هتعطيك فرق فى الاداء بس البورديت المذذكورين افضل من اللى مختاره كتير

وبالنسبه للتبيريد انا بميل للتبيريد الهوائى اكتر واى مشتت محترم
Noctua هيقوم بالواجب لان اقصى تردد هتوصله بثبات وشد خط تحت بثبات دى مع البرسيسور دا
4.2

[doctor-adam]

وبالنسبه للشاشه هات دى بما انك جيمزر اكبر 24 بوصه + احدث

BenQ RL2455HM 24 Inch Gaming LED LCD Monitor 1400

[ahm3dvip]

والله يا جماعه انا مش عارف اشكركم ازاى
بس فى حاجه انا اخرى فى الفلوس 15000 مقدرش ازود عن كده فانا بطلب من حضرتكم تجميعه بالسعر وتطظبط على ال15000 مع العلم
ممكن الاستغناء عن الهارد ولو فى حجات ممكن يكون ليها بديل ارخص ويظب الاداء مفيش مشكله
اهم حاجه متخرجش عن 15000
ولكم جزيل الشكر

[ahm3dvip]

وهل البورد الى انا مخترها تنفع فى كسر السرعه بثبات ولا هيبقئ فى مشكله

[doctor-adam]

Gigabyte GA-X99-Gaming 5 2500

Intel (https://www.amazon.com/s/ref=nb_sb_ss_c_0_5?url=search-alias%3Daps&field-keywords=intel&rh=i%3Aaps%2Ck%3Aintel) Core I7-5820K / Haswell-E / 3.3GHz / LGA 2011 3100

2200 G.skill Ripjaws 4 16GB (4 X 4GB) DDR4 2400 CL15 1.20V


Gigabyte GeForce GTX 980 Ti G1 Gaming 6GB GDDR5 5600

Seasonic M12II 750W EVO Edition 750-Watt 80 PLUS Bronze Full Modular PSU 900


Noctua NH-U12S CPU Cooler 450


BenQ RL2455HM 24 Inch Gaming LED LCD Monitor (https://www.ebay.com/sch/Consumer-Electronics-/293/i.html?_nkw=led+lcd+monitor) 1400

Samsung 850 EVO Series 250GB Internal Solid State Drive 1050


الاجمالى جمعهم انت :D+ كيسه حلو تعجك مايكونش تمنها مبالغ فيه:D
حاول اقتنيه اغلى اقل دا يعتبر حاجه جيده جدا بالنسبه للتجميعه الاكستريم

بالنسبه للبورده كويسه فى الكسر انت عاوز بورده ب2500 جنيه وماتكونش كويسه فى الكسر كمان:D

الفكره ان البرسيسور دا اقصاها فى الكسر بثبات 4.2 ودا كافى جدا مع امكانياته 6 كور و20 ميجا كاش هتعمل بيهم ايه اصلا
مش حرب هى:D
هات الهارد ال ssd هتحس بفرق رهيب معاه فى السرعه ومن الاخير هو اللى هيخليك تحس بقوه امكانيات جهازك وخلى تخزين الملفات لاى هارد قديم عندك

ونصيحه بما ان استخداماتك العاب بس

ولو عاو ز تقلل كتير فى الفلوس ممكن تبدل البورده والبرسيور وتروح i7 4790k وهيكون كافى جدا وزياده
وبروده بشريحه z97 ورامات ddr3
بالنسبه البرسيسور المذكور فى التجميعه مش هتحس بفرق اطلاقا فى الالعاب عن برسيسور
i7 4790k

لكن لو معاك الفلوس وتحافظ التجميعه كده اشترى :D
وبالتوفيق

[ahm3dvip]

انا والله يا دكتور سبب شراء جهاز اكستريم ان انا كل ما اجمع جهاز 3000 الاقى بعد سنتين الاقيه بقئ جهاز ضعيف واكون عاوز جهاز جديد فقلت اجيب من الاخر بقئ😎
وان شاء الله لما اجيب الجهاز انا عزمك على الحرب خلينا نولعها😉😁
بس افضل مكان للشراء فين

[ahm3dvip]

هل فى فرق بين
Gigabyte GA-X99-Gaming 5
و
Gigabyte GA-X99-Gaming 5P

[doctor-adam]

انا والله يا دكتور سبب شراء جهاز اكستريم ان انا كل ما اجمع جهاز 3000 الاقى بعد سنتين الاقيه بقئ جهاز ضعيف واكون عاوز جهاز جديد فقلت اجيب من الاخر بقئ
وان شاء الله لما اجيب الجهاز انا عزمك على الحرب خلينا نولعها
بس افضل مكان للشراء فين

مش صح على فكره فى المجال دا لان فى تطوير مستمر وبسرعه رهيبه
وكل فتره تقنيه جديده واضافات جديده

وجهازك اللى فاكره خارق دلوقتى ممكن كمان 3 سنين قدام حاجات جديده متوسط بالنسبه لها

هو الافضل انك تاخد حاجه كافيه لاحتيااجاتك فتره مناسبه وبعده كده تحدث لان التحديث هيحصل هيحصل

بس انا لو معايا فلوس تجميعه اكستريم هاشترى وكمان سنتين او 3 ابيعه واحدث تانى مدام فيه فلوس:D

[doctor-adam]

هل فى فرق بين
Gigabyte GA-X99-Gaming 5
و
Gigabyte GA-X99-Gaming 5P
شركة جيجا بايت دى شركه نصابه بتنزل من الشريحه الواحده يجى 20 لوحه ومن كل لوحه 3 او 4 rev
ومش فاهم ليه رغم انك لما تقارن بين اللوح مش بتلاقى فروق تذكر اطلاقا

غير النصب من كل الشركات فى موضع لوح ال gaming والاونطه دى قال يعنى فيها كارت لان وكارت صوت كويسين بقيت
gamming شرح الموضوع دا يطول وباختصار اونطه فى اونطه

Gigabyte GA-X99-Gaming 5P
بتدعم تردد رامات اعلى لحد 3300

الا من غير p اخرها ترددات 2800

دا الفرق الوحيد اللى لقيته بينهم وبدل ما الشركه تنزل تحديث بيوس يرفع القيمه للبورده نزلت بورده جديده وضفيت لها حرف ال p:D

وجهة نظرى اشترى الارخص ووفر فلوسك :D

دا لينكين اللوحيتن على جيجا بايت فصصهم كده لو لقيت حاجه جديده فرق بينهم اذكرها وانا متاكد انك مش هتلاقى حاجه

https://www.gigabyte.us/products/product-page.aspx?pid=5281#ov
https://www.gigabyte.com/products/product-page.aspx?pid=5125#ov

[ahm3dvip]

مقلتليش افضل مكان اشترى منه منين
ولو من المتجر كرت الشاشه هينزل امنى

[doctor-adam]

اماكن الشراء اشترى من الارخص اكيد:D
انا لما بحب اشترى حاجه بشوف ارخص محل على ايجى بريس وبتصل واخلى يشحنها لى
بكسل اروح:D

وجهة نظرى اى محل مش هتفرق المهم الارخص وتاخد ضمان لان كلكهم كده كده هيقرفوك ولوحاجه طلع فيها عيب علشان تبدلها:D

انا عندى لكى سيناريو افتراضى تصيع بيه:D على المحل اللى هتشترى منه بما انك هتدفع 16000 جنيه

متوقف على انك بتلعب جتا v ولا لا؟

واخيرا لقيت اى فرق فى البوردتين غير اللى قلته ؟

[ahm3dvip]

اه طبعا بلعب جتا v ودايس فى الالعاب الجديده كلها.
مفيش فرق بينهم غير اللى انت قولته.شركات نصابه 😠😈

[ahm3dvip]

مقلتليش يا دكتور السيناريو هيكون ايه

[altaier]

هات xbox one وريح راسك علي الأقل مش هيطلب منك تحديث وسعره ربع سعر الجهاز اللي هتجيبه وباقي الفلوس هات جهاز متوسط الأداء انا كنت في مكانك وعملت كدا طالما للألعاب فقط

Sent from my SM-N910C using Tapatalk

[doctor-adam]

السيناريو دا بلغة البرمجه open source code
يعنى اى حد عنده اضافه لصالح الراجل اللى هيشترى يضيف:D

انت تشوف واحد صاحبك وتظبطه وتاخد معاك مشوار الشراء دا

تشوف اى قهوه او كافيه جنب المول تقعد فيها انت وتخلى صاحبك يطلع يسال عن ارخص محل موجود فيه كل القطع

انت على ماصاحبك يجى تظبط دماغك بكوباية شاى وحجر معسل:D قبل تنفيذ المهمه:D

بعد مع صاحبك يجى ويغذيك بالمعلومات عن ارخص محل :D حلوه يغذيك بالمعلومات دى:D

هتبدلوا الادوار صاحب يتنظر على القهوه مع الشاى واالشيشه:D

وانت اطلع المول استهدف الضحيه:D المحل الرخيص يعنى

تدخل تقوله التجميعه دى عندك
صاحب المحل هيقولك دا كان لسه فى حد بيسال عليها حالا قصده صاحبك اكيد:D

قوله اها دا صاحبى وبندور على ارخص محل هو جيه هنا :D
وتقوم مطلع الفلوس من جيبك وتقوله انا جاى اخلص مش هاتفرج والجو دا:Dوياريت الفلوس تكون عشرينات مع مبلغ زى 15000 الف هتبان كتير اووووى فالراجل هيفرح:D

تكون مفهم صاحبك ان هو يطلع لك بعد 5 دقايق بالضبط على المحل ومش ترن عليه علشان يطلع :D علشان صاحب المحل مش يشك:D

صاحبك لما يطلع تكون مفهمه ان هو يقولك يلا بينا لقيت محل فى كل حاجه باسعاره كويسه جدا:D

طبعا انت تعيش فى الدور وتصيع:D تقوله لا خلااص احنا هنشترى من هنا الناس اللى هنا محترمه وهيكرومونا والجو دا:D

صاحب المحل هيصيع هو كمان:D يا باشا المحل محلك وببلاش وهكذا من هذا القيبل:D

تدخل المحل وخليهم يجمع الجهاز وانت تطلب شاى وعصير كمان:D
وياريت لو صاحب المحل ينزل اكل كمان ياعم انت هتدفع مبلغ وقدره يعنى تنح جامد:D

وتكون واخد هارد كله العاب تقيله زى bt4 و gta v
وتحرت الجهاز هناك علشان تتاكد ان كله تمام

تجى اهم نقطه فى الموضوع الحساب

نزل بقى من الاجمالى زى ماتقدر اوعى تدفع فى الاول فى النهايه خالص
وياسلاام لو النهارده بالليل كمان وقت مناسب جدا للمهمه دى

العيد داخل وصاحب المحل عاوز يقبض اكيد ومبلغ التجميعه كبير
عارف لو تجميعه ب 5 او 6 ممكن يتنح امال مع تجميعه زى دى فهيضعف
لان هيقعد اسبوع من غير شغل اجازة عيد+ ان هو هيقبض مبلغ كبير قبل العيد

المشكله اللى ممكن تقابلك ان ممكن صاحب المحل يكون بيدخل المنتدى دا :D
فهيظبطك انت وصاحبك صح هيحبسكم فى اوضه كلها كروت شاشه
علشان يعذبكم عذاب نفسى

وساعاتها هتكون محتاج تستشرينى فى منتدى طبى علشان تتخلص من العذاب دا


لكن انا انصحك من دلوقتى وانت فى اوضة كروت الشاشه تشوف اى كرتونه فاضيه
تمليها كروت نضيفه ماتشيلش غير titan وعلشان لو حد ذكى سال r9 295x
معانا اقوله ماشى شغال مايضرش

وبعد ماتظبط الكرتونه من الشباك وتطير حتى لو المحال فى الدور ال 15 :D

وماتخافش مش هيحصلك حاجه

هتلاقى نفسك فى النهايه خارج من المستشفى بتتمشى زى البرنس وبترفع ياقة القميص
زى ابطال gta v كده

بس انت افضل منهم اكيد هما مهتهم مش بتنتهى

لكن انت خلااص مهتمك انتهيت وطلعت بالكروووووووووووت

وبالهنا والشفا انت والكرووت

او احلاام سعيده انت والكرووت زى الكابتن اللى فى الصوره دا :D

https://arabhardware.net/forum/attachment.php?attachmentid=28908&stc=1

[ahm3dvip]

والله انت راجل زى العسل انت لو كنت قولتلي قبليها بيومين كنت عملتها والله

[doctor-adam]

والله انت راجل زى العسل انت لو كنت قولتلي قبليها بيومين كنت عملتها والله

انت لسه هنا انزل فرصتك دلوقتى لحد الساعه واحده قبل المحلات ماتقفل

لو كنت فاضى كنت جيت معاك وكنت سيبتك واخدت كرتونة الكروت :D

بس حظك عندى مهمه فى الصحرا بالهليكوبتر لمده3 سنين:D

[ahm3dvip]

حبيبى والله يا دكتور ادم كل سنه وانت طيب