مساعدة في تحديث الجهاز

[M.S Muwafi]

Motherboard: GIGABYTE G41MT-S2P Socket 775
Processor: Intel Pentium Dual-Core E5700 @3.00GHz
RAM: Kingston Single Channel 2GB DDR3 1333MHz
VGA: no vga "intel built-in" -_- -_- -_-
Power: 500W
ممكن مساعدة؟؟ ...عاوزين نحدث الجهاز ده عشان نلعب ونزقطط شوية :D :D ....يعني مثلا نزود رامات ونجيب كارت شاشة محترم......الميزانية في حدود 1500 جنيه.....الحاجات اللي في الكيسة دي فيها أمل أصلا واللا تترمي؟!؟!.....ونستني شوية...شوية كتير يعني......ونجمع حاجة جديدة... من بورده وبروسيور وكارت شاشة وخلافه...وكل سنة وانتم طيبين :) :) :) :)

[M.S Muwafi]

بالمناسبة ال Maximum reolution بتاع الشاشة 1600*900 ...

[wessam-pro]

يؤسفنى ابلغك :D
هتحتاج رامه 4 جيجا اضافيه + تدور على بروسيسور مستعمل quad زى 9550 هيبقى عامل 400 تقريبا يعنى قول 700 جنيه رامة وبروسيسور
بعدين نبدأ نفكر نجيب كرت شاشة لان مش منطقى تجيب كرت قوى وتستفيد ب 30% بس من قوته نظرا لضعف باقى القطع
وياريت تذكر نوع الباور

[M.S Muwafi]

الباور 500 وات......لو الكيسة دي مفيهاش أمل :D :D .......قوللي عشان لو كده استني احسن واجمع حاجة جديدة أفضل

[wessam-pro]

موضوع امل ده بيعتمد على الميزانية الخاصة بيك
لو اخرك 1500 او 2000 يبقى اكيد مش هقلك ارمي الجهاز وجمع من الاول لان الفلوس مش هتكفى
طبعا الافضل تغيير المنصة بالكامل لجيل احدث لكن لو دا مش متاح ممكن تعمل زى ما قلتلك وهتقدر تلعب وتزقطط برده :D
وياريت موديل الباور بالظبط

[M.S Muwafi]

بص ياريسنا....هو الباور جاي مع الكيسة أصلا :D :D :D ... jb-500w p4 .....فاعتقد لازم هيتغير........بس بالشكل ده أعتقد الواحد ينتظر ويجمع حاجة جديدة أحسن

[wessam-pro]

يؤسفنى ابلغك :D
الباور دا تجارى هتحتاج تغيره
عموما ممكن تستنى لحد الميزانية ما تبقى 4000 مثلا وتجمع جهاز i3 haswell
مع كرت SAPPHIRE DUAL-X R7 265 2GB GDDR5
وباور 450

هيبقى ممتاز على الدقة بتاعتك

[neztiti]

اخي اشتري
بروسيسور مستعمل quad 9xxx ورام 4 قيقا وكرت شاشة مستخدم قوي شوي نوعا ما ورح يتمشى معاك الوضع سنتين على الاقل بغض النظر عن الرزليوشن والاعدادات المستخدمة ورح تلعب وتزقطط براحتك :D وبانتظار ايضا رأي باقي الاخوة

[doctor-adam]

البورده دى عند نص المنتدى لو ليه:D
دا رد ليه لحد عنده نفس البورده برده
https://arabhardware.net/forum/showthread.php?t=427728
فكرة التحديث فى البورده دى انك تشترى برسيسور لها اهدار للمال وقلت النقطه دى كذا موضوع

باختصار شديد البورده دى لو بعتها دلوقتى هتطلع منها باى فلوس 150 جنيه ولاحاجه

+ باقى القطع هتطلع بمبلغ فى النهايه

بعد كده البورده دى مش هتجيب حاجه اصلا
هتحتفظ من جهازك بالكيسه بالباور + الهارد لو كان هارد ساتا
والمبلغ اللى هتطلع بيه من البيع + 1000 جنيه او 1500 جنيه ميزانيه زى ما انت راصد

تقدر تحصل على بورده h81 حديثه وقابله انك تحدث عليها بعد كده بسهوله

الفكره انك بتكسب خطوه مش بتفضل ثابت:D

وبالتوفيق وكل سنه وانت طيب

[M.S Muwafi]

طب دلوقتي انتم ايه رأي حضراتكم....هل أجيب بوردة h81 وبروسيور core i3 ...... او ممكن كمان core i5 بس هيبقي ارخص حاجة عالآخر......بس كده كارت الشاشة هيستني هو والرامات.....واللا الأفضل أستني شوية...........وأجمعهم كلهم واجيبهم مرة واحدة