مساعدة تجميعة من 6000 ل 5000 برامج فيديو والعاب اليوم

[mohmmed440]

السلام عليكم ورحمة الله وبركاته

كنت كتبت موضوع من كام يوم لاني هشتري تجميعه والنهاردة او بكره بالكتير وده اللي كنت طالبه


- أقصى ميزانية محددة: 6000 - 5000
- استخدامك للجهاز: للالعاب وتعديلات الفيديوهات والشروحات وبعض برامج الجرافيك

- حجم الشاشة و الدقة (Resolution) التي تستخدمها:1280*800 بعد مدة ممكن اجيب full hd
- القطع التي تنوي شراءها: gtx 960 او اذا امكن gtx 970
- القطع التي ستعيد استخدامها من الجهاز القديم: عندي جهاز لكن حابب ابيعه وازود عليه فلوس
- ميعاد شراء الجهاز: بعد 5 ايام او اسبوع


- مكان الشراء: مول كمبيوتر كويس وان امكن من متجر عرب هاردوير يبقى افضل

- محل سكنك: مصر الجيزة فيصل



ايه رايكم وبالنسبة للتجميعة عايز التجميعة ب 6 الاف ماتعديش جنيه واحد وكامله ياكارت gtx 960 او gtx 970 ولو للكارت 970 ممكن اتصرف في 500 جنيه بالعافية ده لو هتغروني 970 طبعا
:D
عشان ممكن اانزل النهاردة اجيبها او بكره بالكتير



واستقريت اني اشتري من ماكسمم هاردوير لانهم بيقولوا كويسين ومحترمين من ناحية التعامل وكنت بفكر في متجر عرب هاردوير وانا مش عايز اتاخر لانه اكيد الشحن فيه تاخير والاسعار اغلى بشويه بس مافيش مشكلة وياريت لوحد اشترى من المتجر يقول وصلت الحاجه في كام يوم لانه اخرها يومين انا لازم الجهاز اجيبه في اقرب فرصة لو ينفع وانا بكلمكم اجيبه يبقى تمام
:D:ah17:
وكل سنة وانتوا طيبين بالتوفيق للجميع ولاسرة المنتدى






مستني رايكم سريعا ده رابط الموضوع القديم
https://arabhardware.net/forum/showthread.php?t=427546

[mohmmed440]

ياريت لو حد عندو راي يقولنا عليه ومايبخلش علينا .. ان شاء الله انا رايح بكره دعواتكم

[mohmmed440]

ياريت حد يفدني ساعتين كده وهتصل عليهم ومش عارف اجيب ايه ولا منين

[هشام الكنج]

عليكم السلام

شوف اخي هذه التجميعه إن شاء الله تعجبك لكنها تحتاج 6500




Motherboard : ASUS H81 LGA 1150 = 550 LE
Processor : Intel I5-4690 LGA1150 = 1600 LE
Graphic Card : Gigabyte-GTX 960 4GB Gaming = 2300 LE
Power Supply : XFX 650W pro series BRONZE = 700 LE
Case : Zalman z3 plus = 400 LE
Ram: G.skill 8GB (1 X 8GB) DDR3 1600 CL9 1.5v = 605
Hard:Western Digital / 1TB / Green = 500

لو عايز الميزانية تقلل هتتنازل عن كارت 960 لانه ما ينفعش تجيب معالج اقل من كدا وتجيب الكارت 960

بالنسبة لكارت 970 صعب تجيبه الا لو كانت الميزانية 7000 وفوق

وبالنسبة للشراء اترك لك اختيار المكان والمعاد

[mohmmed440]

عليكم السلام

شوف اخي هذه التجميعه إن شاء الله تعجبك لكنها تحتاج 6500



لو عايز الميزانية تقلل هتتنازل عن كارت 960 لانه ما ينفعش تجيب معالج اقل من كدا وتجيب الكارت 960

بالنسبة لكارت 970 صعب تجيبه الا لو كانت الميزانية 7000 وفوق

وبالنسبة للشراء اترك لك اختيار المكان والمعاد


اول حاجه شكرا لرد حضرتك التجميعه ده فعلا حلوه وشكلي هستقر عليها مع بعض التعديلات البسيطه عندي ليك كام سؤال

هارد بلو ولا جرين وايه الاحسن

وهل الباور ده ZALMAN / ZM500-GV / 500w / 80 Plus Bronze هيشغل الكارت كويس وهل فيه فرق يذكر بين

i5 4460 3.2ghz و i5 4690 3.3ghz

والف شكر لحضرتك

وهل ماكسمم هاردوير شغالين النهارده ولا لا لاني بتصل عليهم مبيردوش وهل بيوصلوا وسعر التوصيل كام للجيزة فيصل وبيخدوا
قد ايه وقت ونفس الكلام لمتجر عرب هاردوير ياريت حد يكون عارف يفهمنا وبالتوفيق للجميع

[mohmmed440]

شكرا للجميع وشكرا لعدم الرد وشكرا للاخ هشام الكنج بالتوفيق للجميع

[هشام الكنج]

بالنسبة للباور اكيد هيشغل الكارت بدون مشاكل

وبالنسبة للمعالجين الافضل طبعآ 4690 وتردده 3.5 وليس 3.3 اما المعالج 4460 تردده 3.2 ولكن لن تشعر بفرق كبير بالالعاب خصوصآ مع كارت شاشة قوي ورامات 8 جيجا

بالنسبة للمتجر او ماكسيمم لا اعلم لانني ليس داخل مصر

[mohmmed440]

بالنسبة للباور اكيد هيشغل الكارت بدون مشاكل

وبالنسبة للمعالجين الافضل طبعآ 4690 وتردده 3.5 وليس 3.3 اما المعالج 4460 تردده 3.2 ولكن لن تشعر بفرق كبير بالالعاب خصوصآ مع كارت شاشة قوي ورامات 8 جيجا

بالنسبة للمتجر او ماكسيمم لا اعلم لانني ليس داخل مصر

تمام شكرا ليك لانك كنت خايف من اني اجيب الباور ويطلع مش كويس
وبالنسبة للمعالج لو لقيت الفلوس زياده هزود وهجيب لاني رفعت المزانية 6200
جزاك الله كل خير اخي الفاضل وشكرا لك بالتوفيق للجميع

[هشام الكنج]

العفو اخي وبالتوفيق ان شاء الله

[mohmmed440]

اخي الغالي انا اتفقت على هذه التجميعه ايه رايك فيها وبالخصوص الباور لانه ده المتواجد حاليا

Intel Core I5-4460 Haswell 3.2GHz LGA 1150 Desktop Processor (https://www.********.com/en/product/intel-core-i5-4460-haswell-3-2ghz-lga-1150-desktop-processor-maximum-hardware)

ASUS H81M-V3 LGA1150 Motherboard (https://www.********.com/en/product/asus-h81m-v3-lga1150-motherboard-maximum-hardware)

G.skill RipjawsX 8GB (1 x 8GB) DDR3 1600 CL9 1.5v (https://www.********.com/en/product/g-skill-ripjawsx-8gb-1-x-8gb-ddr3-1600-cl9-1-5v-maximum-hardware)

Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD (https://www.********.com/en/product/western-digital-wd-caviar-blue-wd10ezex-1tb-sata-6gb-s-7200-rpm-64mb-cache-hdd-maximum-hardware)

ZALMAN Z9 Plus Mid Tower Case (https://www.********.com/en/product/zalman-z9-plus-mid-tower-case-maximum-hardware)

HEC Rapter II Power 500w PSU (https://www.********.com/en/product/hec-rapter-ii-power-500w-psu-maximum-hardware)

Gigabyte GeForce GTX 960 G1 Gaming 4GB (https://www.********.com/en/product/gigabyte-geforce-gtx-960-g1-gaming-4gb-gddr5-gv-n960g1-gaming-4gd--el-madina)

والف شكر لحضرتك واسف لو كنت تعبتك معايا

[هشام الكنج]

التجميعة رائعة اخي والباور إن شاء الله هيشغلك كارت الشاشة بدون مشاكل وكويس انك جبت الكارت نسخة 4 جيجا عشان تلعب على اعلى الاعدادات والمعالج يطلعلك قوته بدون عنق زجاجه

[mohmmed440]

بصراحة مش عارف اقلك ايه بجد ربنا يوفقك :) :)

[dash-mohamed]

اخي الغالي انا اتفقت على هذه التجميعه ايه رايك فيها وبالخصوص الباور لانه ده المتواجد حاليا

Intel Core I5-4460 Haswell 3.2GHz LGA 1150 Desktop Processor (https://www.********.com/en/product/intel-core-i5-4460-haswell-3-2ghz-lga-1150-desktop-processor-maximum-hardware)

ASUS H81M-V3 LGA1150 Motherboard (https://www.********.com/en/product/asus-h81m-v3-lga1150-motherboard-maximum-hardware)

G.skill RipjawsX 8GB (1 x 8GB) DDR3 1600 CL9 1.5v (https://www.********.com/en/product/g-skill-ripjawsx-8gb-1-x-8gb-ddr3-1600-cl9-1-5v-maximum-hardware)

Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD (https://www.********.com/en/product/western-digital-wd-caviar-blue-wd10ezex-1tb-sata-6gb-s-7200-rpm-64mb-cache-hdd-maximum-hardware)

ZALMAN Z9 Plus Mid Tower Case (https://www.********.com/en/product/zalman-z9-plus-mid-tower-case-maximum-hardware)

HEC Rapter II Power 500w PSU (https://www.********.com/en/product/hec-rapter-ii-power-500w-psu-maximum-hardware)

Gigabyte GeForce GTX 960 G1 Gaming 4GB (https://www.********.com/en/product/gigabyte-geforce-gtx-960-g1-gaming-4gb-gddr5-gv-n960g1-gaming-4gd--el-madina)

والف شكر لحضرتك واسف لو كنت تعبتك معايا

اخي , السلام عليكم

الاخ هشام الكنج عرض عليك تجميعه معينة , رغم اختلافي معاه فى حتة ان " البروسيسور مينفعش تقل عن كدة " لا ينفع وكل حاجة مش لازم 4690 ممكن تجيب 4670 او 4570 والفرق مش كبير مش عايز اقلك ممكن تجيب 4440 كمان .. والفرق دة تحطه فى كارت الشاشة وتحاول على اد ماتقدر عشان تجيب ال 970 جى تى اكس وبكدة يبقى جبت كارت قوي بدل متجيب 960 مع كامل احترامي للكارت وعارف انه قوي وكل حاجة لكن دة مش هيغير من حقيقة الامر فى شئ الا وهو ان ال 960 كارت " فئة وسطى " ودة لو مبانش دلوقتى هيبان فى فترة قريبة جدا جدا جدا , خسارة 2400 جنية فى كارت متوسط مهما كانت مميزاته , هات مستعمل بال 2000 جنية اى حاجة تانية لو معرفتش تجيب 970

ومختلف كمان مع هشام فى ال h81 راي تجيب مش اقل من b85 ومختلف بردو فى الهارد الجرين ومتفق معاك فى البلو , عموما ,,

بخصوص تجميعتك بقى انت قللت عن تجميعه هشام الكنج فى البروسيسور وفى ال باور ومزودتش فى كارت الشاشة ! طب قللت لية ؟ طلما نفس الكارت 960 , هات نفس تجميعته ع الاقل , تجميعته البروسيسور والباور افضل وخصوصا البروسيسور اعلى حاجة فى ال i5 هازويل 4690 ..

مع كامل احترامي انت غلطان فى تجميعتك فى انك وفرت من الباورو البروسيسور ع الفاضى دة راي .. فقط فى حالة لو هتزود فى كارت الشاشة يبقى تمام
انا رأي

البروسيسور 4570 او هات الى انت كتبته 4460 مفيش مشاكل قدرت تجيب b85 يريت مكنش h81
الباور خليك فى ال 650 الى فى التجميعه الاولى ,ممكن تجيب ارخص شوية وكوسيس بردو زى zalman 600 watt او لو عايز 500 هات ع الاقل دة seasonic s12II 520 وات
ورأي متقلش الباور عن 600 - 650 عشان متغيروش فى المستقبل القريب

والكارت 970 جى تى اكس او اى كارت فئة عليا في حدود السعر مبين ال 960 - 970 سواء كان geforce او Amd

تقبل مروري

[هشام الكنج]

كلامك منطقي يا Dash-Mohamed بس انا اقترحت عليه معالج 4690 لانه هيجيب كارت 960 وبالتالي هيكون معاه فلوس زياده يبقى يوفر بالمعالج ليه لما ممكن بفرق بسيط يجيب اعلى تردد

وبالنسبة للهارد دا على حسب اختياره هو انا بس بطرحه كمثال

وبالنسبة للبورده ما اعتقدش انه هيحتاج b85 لان h81 تفي بالغرض الا اذا كان معاه فلوس زياده او اذا كان ناوي يكسر السرعه ودا طبعآ لو اشتري معالج يقبل الكسر

وطبعآ لو نزل شوية بسيطة بالمعالج وعرف انه يجيب 970 افضل

[mohmmed440]

المشكلة ان المزانية كانت 6000 وزودتها 6500 بالعافية وده اللي قدامي حاليا انت لو ركزت كنت عرفت ان السعر هو اللي واقف قدامي وهو حد يطول gtx 970 وما يجبهوش لو انت قدامك تجميعه بنفس السعر وشايف انها كويسه و احسن ياريت تقولها ومتبخلش علينا منتظر رايك dash-mohamed (https://arabhardware.net/forum/member.php?u=11277477)

ياريت اي حد عنده اي راي ميبخلش علينا بالتوفيق للجميع

[dash-mohamed]

كلامك منطقي يا Dash-Mohamed بس انا اقترحت عليه معالج 4690 لانه هيجيب كارت 960 وبالتالي هيكون معاه فلوس زياده يبقى يوفر بالمعالج ليه لما ممكن بفرق بسيط يجيب اعلى تردد

وبالنسبة للهارد دا على حسب اختياره هو انا بس بطرحه كمثال

وبالنسبة للبورده ما اعتقدش انه هيحتاج b85 لان h81 تفي بالغرض الا اذا كان معاه فلوس زياده او اذا كان ناوي يكسر السرعه ودا طبعآ لو اشتري معالج يقبل الكسر

وطبعآ لو نزل شوية بسيطة بالمعالج وعرف انه يجيب 970 افضل

تجميعتك محترمة اخى هشام مفهاش اى كلام انا بس اختلافي فى حتة انه ممكن ينزل بالبروسيسور شوية مش غير ممكن ولا حاجة ويحاول يوفر على قد ما يقدر عشان يحاول يجيب ال 970 فقط , لكن فى العموم التجميعة محترمة جدا


المشكلة ان المزانية كانت 6000 وزودتها 6500 بالعافية وده اللي قدامي حاليا انت لو ركزت كنت عرفت ان السعر هو اللي واقف قدامي وهو حد يطول gtx 970 وما يجبهوش لو انت قدامك تجميعه بنفس السعر وشايف انها كويسه و احسن ياريت تقولها ومتبخلش علينا منتظر رايك dash-mohamed (https://arabhardware.net/forum/member.php?u=11277477)

ياريت اي حد عنده اي راي ميبخلش علينا بالتوفيق للجميع

انا عارف موضوع السعر اللى حاكمك وكل حاجة انا بس النقطة الى بتكلم فيها هى ان انت عملت تجميعه قللت فيها البروسيسور والباور صبلاي وكاتب نفس الكارت الى فى تجميعه هشام الكنج .. طب لية قللت فى المواصفات ؟ متجيب تجميعة هشام الكنج طلما كدة كدة هتجيب نفس الكارت ال 960 ؟ فيها اعلى بروسيسور وباور افضل من الهيك رابتور ال 500 ؟

انا رأى هات البروسيسور دة 4570 أو 4460 وباور نقول زالمان 600 هيبقى شغال وزود ع الفلوس و تحاول تجيب 970 لو معرفتش هات تجميعة الاخ هشام كويسة جدا جدا وخليك فى كرت 960 وخلاص بردو كارت محترم مش وحش وربنا يباركلك فيه رغم ان انا فى رأي هات كارت " فئة عليا " استعمال بال 2200 - 2400 جنية افضل بدل متدفعهم فى ال 960 وهات بوردة بى85 .

[mohmmed440]

ان شاء الله هزود الباور اللي حضرتك قولتلي عليه والمعالج برضو

لكن البورده ده في ايد السعر وايه رايك النسخة الاسس من b85 ولا الجيجابايت

و الكرت gtx 960 مايستهالش ولو كان ده اللي قدر عليه ممكن تقولي كارت في حدود الميزانية احسن منه

[ahmed abouelkhe]

مع احترامى لحضراتكم , يا ريت منزودش اوى فى موضوع السعر والامكانيات , الاخ كان طالب فى الاول تجميعه بـ 6000 جنيه كحد اقصى , يعنى عشان نجيب الــ gtx 970 ممكن يزود 1000 جنيه على الميزانيه ودا كتير , فا انا احب اقول ان لازم تجيب اللى فى مقدورك المادى مش مهم احدث ولا اقوى حاجه , والـ gtx 960 4gb كارت قوى بيشغل احدث الالعاب على 60 فريم واكتر , ودا كافى جدا جدا جدا , وفرق الفلوس ممكن تعلى بيه البروسسور ودا هيكون مفيد اكتر

[mohmmed440]

مع احترامى لحضراتكم , يا ريت منزودش اوى فى موضوع السعر والامكانيات , الاخ كان طالب فى الاول تجميعه بـ 6000 جنيه كحد اقصى , يعنى عشان نجيب الــ gtx 970 ممكن يزود 1000 جنيه على الميزانيه ودا كتير , فا انا احب اقول ان لازم تجيب اللى فى مقدورك المادى مش مهم احدث ولا اقوى حاجه , والـ gtx 960 4gb كارت قوى بيشغل احدث الالعاب على 60 فريم واكتر , ودا كافى جدا جدا جدا , وفرق الفلوس ممكن تعلى بيه البروسسور ودا هيكون مفيد اكتر

ده حضرتك اللي انا بتكلم فيه انا معايا مزانية زودتها بالعافية 6500 فانا مقدرش ازود عن كده نص جنيه مش جنيه فانا احب لو استقر على تجميعه عشان اروح اشترى واتوكل على الله لاني ليا فتره المفروض اشتري وكل شويا اتردد عايز تجميعه حلوه في السعر المحدد خلاص يبقى اكيد اروح اجيب كده انتوا عارفين مبلغ 6500 مش قليل وغير كده انوا هيبقى حاطط فيه كل جنيه معايا وبالتوفيق للجميع

[dash-mohamed]

ان شاء الله هزود الباور اللي حضرتك قولتلي عليه والمعالج برضو

لكن البورده ده في ايد السعر وايه رايك النسخة الاسس من b85 ولا الجيجابايت

و الكرت gtx 960 مايستهالش ولو كان ده اللي قدر عليه ممكن تقولي كارت في حدود الميزانية احسن منه

الفكرة فى ان البوردة الب 85 افضل من ال اتش 81 فى مساحة الرام الى ممكن تزودها مستقبلا في دعم منصة بى سى ا اكسبريس 3.0 وفيه خواص تانية زى دعم كروس فاير وكدة بس مش كل الناس بتحتاجه لكنه من الميزات بردو الموجودة , هية عاملة 800 -840 جنية الافضل تجيبها لو مقدرتش ال اتش 81 هتشغلك كويس مفيش اى مشكلة وسعرها 500-550 جنية

الكرت 960 مشكلته السعر العالى بس انا مش محدد كارت معين الفكرة ان 2200 - 2400 جنيه كتير اوى عشان كرت فئة وسطى , ممكن تجيب بيهم حاجة قوية استعمال زى r9 290x او 780ti مثلا ؟! انا مثلا جبت r9 280x استعمال في راي دة افضل واعلى اداء من ال 960 ووفرت كمان فلوس , عرفت تجيب حاجة قوية استعمال افضل كتير دة رأي ودة بيرجع ليك فى انك تشوف كرت استعمال يناسبك يكون من الفئة العليا هتلاقي مواضيع واقسام للمستعمل واسواق كتير بتعلن عن المستعمل ممكن تبحثث فيها بردو ويبقى عندك خيارات كتير بجانب ال 960 .


مع احترامى لحضراتكم , يا ريت منزودش اوى فى موضوع السعر والامكانيات , الاخ كان طالب فى الاول تجميعه بـ 6000 جنيه كحد اقصى , يعنى عشان نجيب الــ gtx 970 ممكن يزود 1000 جنيه على الميزانيه ودا كتير , فا انا احب اقول ان لازم تجيب اللى فى مقدورك المادى مش مهم احدث ولا اقوى حاجه , والـ gtx 960 4gb كارت قوى بيشغل احدث الالعاب على 60 فريم واكتر , ودا كافى جدا جدا جدا , وفرق الفلوس ممكن تعلى بيه البروسسور ودا هيكون مفيد اكتر

الفكرة فى انه يجيب افضل حاجة بافضل سعر , انا بتكلم ىف انه يقلل شوية فى بعض الحاجات الاخري زى البروسيسور مثلا بشرط انه ميحسيش بفرق , يعنى مقلتش يجيب i3 مثلا لا كل الموضوع بدل ميجيب 4690 ممكن يجيب 4570 او 4460 والفرق مش كبير لكن فرق السعر يستفاد بيه ويحاول يوفر شوية فى الفلوس او يزود شوية ويجيب كارت اقوي عشان يرتاح مستقبلا وفيه خيارات كتير مش لازم 970 ممكن حاجة مستعملة زى ما ذكرت فوق وهيبقى وفر كمان فى الفلوس وممكن يجيب نفس التجميعه باعلى بروسيسور 4690 وكرت فئة عليا مستعمل , ودة مجرد اقتراح واوبشن يعنى يبقى ادامه خيارات متاحة مع خيار التجمعية الاولى الى فيها 960

وكرت 960 انا ذكرت انه كارت محترم جدا جدا جدا , لكنه كرت فئة " وسطى " مهما كان قوي .. ممكن يجيب حاجة افضل مستعملة او يزود شوية ويجيب 970 بفرق اداء مستقبلى بس ودى مجرد خيارات بدل ميبقى مقرر ع ال 960 على طول انا بقوله خيارات اخرى تكون ادامه يفكر فيها مش اكتر .


ده حضرتك اللي انا بتكلم فيه انا معايا مزانية زودتها بالعافية 6500 فانا مقدرش ازود عن كده نص جنيه مش جنيه فانا احب لو استقر على تجميعه عشان اروح اشترى واتوكل على الله لاني ليا فتره المفروض اشتري وكل شويا اتردد عايز تجميعه حلوه في السعر المحدد خلاص يبقى اكيد اروح اجيب كده انتوا عارفين مبلغ 6500 مش قليل وغير كده انوا هيبقى حاطط فيه كل جنيه معايا وبالتوفيق للجميع

بردو نفس الفكرة افضل شئ بافضل سعر , مش شرط تزود عن الميزانية ممكن تقل شوية من قطع وتزود فى قطع اخرى , ممكن تجيب قطع مستعملة وهكذا

عموما تجميعه الاخ هشام تجميعه محترمة جدا ممكن تجيبها الفكرة انه يبقى ادامك اكتر من خيار بس مش اكتر والقرار ليك ,

لكن التجميعه الى انت كاتبها بباور هيك رابتور 500 ومعالج 4460 بنفس كارت الشاشة 960 يبقى معملتش حاجة فا لو هتجيب كرت 960 هات تجمعيه هشام , معالج 4690 وباور 600 - 650 وات ماركة محترمة

دمتم بود

[Mustafa2016]

المجموع : 6860 جنية
وممكن تقلل فى البروسيسور وتجيب Intel I5-4690 LGA1150 1600 LE يبقى على كده المجموع : 6060 جنية بس انا من رأيي خليك فى بروسيسور i7 لأنه اقوى بكتير ومع الكارت ده العاب اليوم والعاب المستقبل هتشتغل وعلى اعلى اعدادات نصيحتى ليك زود الميزانية شوية وهات بروسيسور i7 ده عشان ما تغيرش الجهاز فى المستقبل وهيعيش معاك وهتشغل العاب اليوم كلها والعاب المستقبل كمان
وملحوظة كمان الكيسة اللى انا حاططهالك فى التجميعة الباور اللى معاها اصلى نوعة Cooler master extreem power 500 wat يعنى مش هتحتاج لشراء باور منفصل وكيسة منفصلة هتلاقى الباور ده جاى مع الكيسة يعنى ما تقلقش
الباور اصلى وليس تجارى وعلى مسئوليتى علشان الكيسة دى انا شفتها وشفت الباور اللى معاها الباور فعلى والشركة اللى مصنعاه شركة Cooler Master يعنى اصلى

Cooler Master K380 K-Series Mid Tower Desktop Case + Extreme Power Plus 500W PSU 650 LE
Team Xtreem Dark (1 X 8GB) DDR3 1600 CL9 1.5V 550 LE
ASUS H81M-V3 LGA1150 Motherboard 550 LE


Intel Core I7-4790 Haswell 3.6GHz LGA 1150 84W Desktop Processor 2400 LE (https://www.********.com/product.php?id=38445)



Gigabyte-GTX 960 4GB Gaming 2300 LE
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD 410 LE

[هشام الكنج]

مع احترامى لحضراتكم , يا ريت منزودش اوى فى موضوع السعر والامكانيات , الاخ كان طالب فى الاول تجميعه بـ 6000 جنيه كحد اقصى , يعنى عشان نجيب الــ gtx 970 ممكن يزود 1000 جنيه على الميزانيه ودا كتير , فا انا احب اقول ان لازم تجيب اللى فى مقدورك المادى مش مهم احدث ولا اقوى حاجه , والـ gtx 960 4gb كارت قوى بيشغل احدث الالعاب على 60 فريم واكتر , ودا كافى جدا جدا جدا , وفرق الفلوس ممكن تعلى بيه البروسسور ودا هيكون مفيد اكتر

زي ما قالك الاخ dash احنا بنحاول نجيبله الافضل بنفس السعر لانه لو جيت حسبتها ال i5 الفئة الرابعة كلها قريبة من بعضها لكن كارت 970 افضل من 960 ودا لمستقبل بعيد احنا ما بنقولش السنة دي ولا اللى بعدها لان 960 كافي جدآ

وطبعآ هو مش هيجيب غير على حسب فلوسه يعني فى بعض ناس بيقولك مش جريمة لما ازود 1000 حنيه على التجميعه واجيب حاجة كويسة وما احتاجش اني احدث بعد سنتين ولا حاجة دي الفكرة انه بعض الاعضاء لما بتحط تجميعه بتكون زيادة عن السعر المطلوب بشي بسيط ...

[Black_Spy]

بص عشان متحيرش نفسك كتير طالاما الميزانية حاكماك


انا من وجهة نظري طالاما ممكن فى المستقبل تحدث وتجيب كارت شاشة اعلي يبقى المهم انك تجيب باور سبلاي كويس يعيش معاك وتستفيد بيه فى جهازك اللى هتجيبه ويظبط العمل لو هتجيب كارت بعد كده


وبلاش تعتمد على البورات اللى بتكون جايه مع الكيسه لانها لا يعتمد عليها وممكن تعمل مشاكل فى جهازك وانت كمان هتجيب كارت شاشه مش قليل ولازمك باور محترم


ومن رايي تجيب التجميعة دى :

Core I5-4460 Haswell 3.2GHz LGA 1150 Desktop Processor ... 1400 LE
ASU S H81M-V3 LGA1150 Motherboard ... 525 LE
G.skill RipjawsX 8GB (1 X 8GB) DDR3 1600 CL9 1.5v Desktop Memory ... 625 LE
Seagate Barracuda ST1000DM003 1TB 7200 SATA 6Gb/s HDD ... 425 LE
Gigabyte GeForce GTX 960 G1 Gaming 4GB GDDR5 ... 2200 LE
Seasonic M12II 750W EVO Edition 750-Watt 80 PLUS Bronze Full Modular PSU ... 950 L.E
NZXT S340 Mid Tower (Black) ... 600 LE

Total: 6725 LE

لو جبت التجميعة دى متقلقش من اى حاجه بعد كده انت كده اسست لجهاز قوي وللمستقبل ان شاء الله

انا عارف ان الميزانية بتاعتك 6500 زى ما قولت فمش هتفرق تزود كمان 200 جنيه بس تكون جبت باور ممتاز ولو مش هتقدر تزود عن 6500 ممكن تجيب الباور دا

XFX ProSeries Core Edition 550W Full Wired PSU 80 plus Bronze ... 600 LE

وهيبقى الاجمالي كله 6375 جنيه

[wessam-pro]

انا متفق مع هشام بصراحة مترميش 2400 جنيه ف كرت 960 - الكرت دا فاشل ومضافش جديد يذكر للاجيال اللى قبله من فئة 660 و 760 الا بس فى الحرارة واستهلاك الطاقة وشوية خصائص جديدة ..
لو الفلوس حاكماك ومش هتعرف تجيب ال 970 gtx جمع جهازك زى ما الاخوة نصحوك وسيب فلوس الكرت على جمب لحد ما الكروت الجديدة من amd ما تنزل وهتلاقى قدامك اختيارات كتير

ومش متفق مع العضو ال قال 960 هيشغل كل الالعاب على الترا 60 فريم !! مفيش اى مراجعة بتقول كده ولا ربع كده كمان ولا حتى ال970 يشغل كل الالعاب على اقصى حاجة ب60 فريم وعن تجربة بضطر اقلل حاجات معينة ف كل لعبة عشان احافظ على 60 فريم

ده الحل الوحيد قدامك متستعجلش مشى نفسك بالتجميعه ال معاك لحد ما يتوفر مبلغ تشترى بيه الكرت ال هيفضل معاك قدام فترة طويلة باعدادات ممتازة مش سنة بالكتير و تدور على غيره

ونصيحة اخيرة ابعد عن باورات زالمان

[phenomenon]

طيب ليه B85 بسعر 800 جنيه وانت قدامك شيبايه H97 بسغر 900 جنيه
كبرو الخط شويه يا جماعه عشان صاحب الموضوع يقدر يفهم مجريات الامور
انا شوفت رد لصاحب الموضوع بيقول انه محتاج كارت GTX 970 والميزانيه 6500 جنيه ؟
طيب الميزانيه تجيب الكارت بس بدون شاشه اكيد

انا اقتبست تجميعه الاخ بلاك سباى التجميعه بس هتتنازل عن باور M12 وهتحط ميزانيه 400 جنيه لباور كويس
يعنى كده بقى معاك للكارت 2800 جنيه , هتتنازل عن الكيس وتجلطها 400 جنيه كده بقى 3000 جنيه للكارت
يعنى رايى الشخصى التجميعه دى هى طلبك

لو الشاشه عندك 1080p ان شاء الله هتلعب الترا

Core I5-4460 Haswell 3.2GHz LGA 1150 Desktop Processor ... 1400 LE
ASU S H81M-V3 LGA1150 Motherboard ... 525 LE
G.skill RipjawsX 8GB (1 X 8GB) DDR3 1600 CL9 1.5v Desktop Memory ... 625 LE
Seagate Barracuda ST1000DM003 1TB 7200 SATA 6Gb/s HDD ... 425 LE
Gigabyte-GTX 970 G1 = 3150 LE
XFX 430W Bronze = 400 LE
Case = 400 LE

Total = 6900


هتحاول تجيب الهارد من اى مكان بسعر 400 جنيه وممكن تشترى رامه Kingstone بسعر 550 تقريبا
ان شاء الله هتقدر تكملها بس هتفرق كتير مع GTX 970
صدقنى بالله اخى انا حطيت قبل كده الكومبيوتر فى درج مكتب وعملتله فتحات من الخلف عشان مكنتش قادر اركب كارتين شاشه فى كيسه واحده ومشيت عليها 4 شهور مش بسبب الميزانيه بس لكن حتى لما الكيسه اتوفرت تمنها كنت مكسل اجيب الكيسه وكمان الحاجه كانت درجات حرارتها ممتازه :) بس التراب ممكن نتكلم عليه بس بدون ما احلفلك التراب زاد لما ركبت فى الكيس

[Mustafa2016]

انا اتفق مع الاخ ابراهيم وممكن كمان تقلل الرامات وتجيب Team Xtreem Dark 8 GB DDR3 1600 CL9 1.5v Desktop Memory
خليك على تجميعة الاخ ابراهيم فهى الافضل فى كل شئ
بالتوفيق :)

[mohmmed440]

الف شكر للجميع وكل اللي ردوا ربنا يديكم الصحة وطول العمر ان شاء الله بالفعل انا اشتريت الكيسة خلاص بالمواصفات الاتية

Core I5-4460 Haswell 3.2GHz LGA 1150 Desktop Processor

ASU S H81M-V3 LGA1150 Motherboard

G.skill RipjawsX 8GB (1 X 8GB) DDR3 1600 CL9 1.5v Desktop Memory

Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD (https://www.%2A%2A%2A%2A%2A%2A%2A%2A.com/en/product/western-digital-wd-caviar-blue-wd10ezex-1tb-sata-6gb-s-7200-rpm-64mb-cache-hdd-maximum-hardware)

Gigabyte GeForce GTX 960 G1 Gaming 4GB (https://www.%2A%2A%2A%2A%2A%2A%2A%2A.com/en/product/gigabyte-geforce-gtx-960-g1-gaming-4gb-gddr5-gv-n960g1-gaming-4gd--el-madina)

HEC TE-WX Series 600w PSU (https://www.********.com/en/product/hec-te-wx-series-600w-psu-maximum-hardware)

والتجميعة من ماكسمم هاردوير ناس محترمة فوق التصور ومش عايزك تشتري وخلاص بيقولك على حسب احتياجك واللي يمشي معاك والكارت هيوصل النهاردة باذن الله والتجميعة محترمة جدا وادائها ممتاز وان شاء الله لسه هركب كارت الشاشة والدنيا تمام انا اصلا الفلوس اهو رجعتني للبيت مش معي قرش هي التجميعة ده الانسب في حدود السعر ولو كنت عاوز اجيب الكرت 970 كان لازم مش اقل من 6900 ل 7100 والحمد كل رضا من عند ربنا وربنا يوفق الجميع لكل خير

[phenomenon]

الف مبروك يا اخ محمد انت تريد وانا اريد والله يفعل مايريد التجميعه ممتازه Happy Playing

[mohmmed440]

الف مبروك يا اخ محمد انت تريد وانا اريد والله يفعل مايريد التجميعه ممتازه Happy Playing




الله يبارك فيك فعلا اخي الغالي الحمد لله رضا وخير من عند الله واهم حاجه الرضا بما اعطاك الله ربنا يوفقك ويطول عمرك .. :) :)

[ahmed abouelkhe]

الف الف مبروك يا استاز محمد , بس انا عاوز منك طلب , انك تقولى على اداء الـ gtx 960 4gb لانى بفكر اشتريها ان شاء الله , والف مبروك تانى :)