شاشتي تعمل فقط مع اوبنتو ولا تعمل عند البوت او الدخول الى الويندوز

[Mmpopsoft]

السلام عليكم و رحمة الله و بركاته
انا عندي مشكله بقالها فتره فى شاشة اللاب
عتد تشغيل اللاب ، الشاشه بتكون سوداء و بيكون هناك اضائه خلفيه و مش بتظهر بيانات البايوس زى قبل كده .
انا عندى نظامين تشغيل
اوبنتو افتراضى
ويندوز 8 ثانوي
عند اختيار الويندوز ، اللاب بيشتغل و الصوت يكون شغال ولكن الشاشه بتفضل زى ما هى
اما عند اختيار اوبنتو ، الشاشه بتشتغل بكفاءه و من غير مشاكل
مع العلم ان مخرج الشاشه الثانوي بيشتغل على اى شاشه خارجيه و تظهر اعدادات البايوس على الشاشه الخارجيه فقط و تعمل بصوره طبيعيه اما شاشة اللاب زى ما هى :-(
جربت على الويندوز ازالة تعريف كارتين الشاشه و سطبتهم تاني بدون جدوى
اخدته و روحت محل للصيانه قالى دى عاوزه شاشه جديده و ركب شاشه جديده و الجهاز اشتغل كويس و ظهرت اعدادات البايوس و الويندوز ...
اللى عاوز افهمه ... لو كانت المشكله هاردوير يبقى المفروض الشاشه متشتغلش لا على ويندوز ولا اوبنتو ... ايه بقى اللى يخليها تشتغل على اوبنتو بس ... حتى متظهرش اعدادات البايوس قبل اختيار نظام التشغيل ؟؟؟؟؟؟؟؟؟؟؟؟
ارجو الرد باسرع وقت علشان انا مأجل تغيير الشاشه على امل انى الاقى حل .

[Mmpopsoft]

للرفع

[M.Medhat]

وعليكم السلام ... انا كمان عندي نفس المشكلة بتاعتك بس الفرق انه بعد اما نزلت ويندوز 7 على لابتوب Dell inspiron 1564
وبعد اما الجهاز عمل بووت راحت الشاشة فصلت اثناء ضبط اعدادات الويندوز في الــ First login , ولكن الجهاز يعمل طبيعي.
علماً بأن نسخة الويندوز هذه win7 ultimate 64x تم استخدامها من قبل على العديد والعديد من الاجهزة الكمبيوتر واللابتوب .
علماً بأن هذا اللابتوب دائما كنت بنزل عليه نسخة ويندوز من النسخة الريكفري المرفقة به , ولكن هذه المرة قررت انزل النسخة المذكورة .
الآن الجهاز يعمل ولكن الشاشة لا تعمل نهائياً . ولا أعلم ما السبب . اتمنى ان يساعدنا احد من الشباب .
وشكرا.

[Mmpopsoft]

حاول تجرب ويندوز مختلف ... المشكله دى حصلت معايا على لابتوب صاحبي ...
الويندوز اللى معايا سطبته على اجهزه كتير جدا ... و مع جهازه هو بس المشكله دى حصلت و لما سطبت الويندوز تاني حصلت نفس المشكله ... و اتحلت لما سطبت ويندوز مختلف . او نفس الويندوز اللى معاك بس الاصدار الخام بدون اى تحديثات ... نسخة مايكروسوفت الخام.

[hassan said]

السلام عليكم - صادفتنى مشكله يجوز هيا هيا
اشتريت شاشه 19 بوصه اسمها هان سبرى - المهم كنت مسطب عليها ويندوس اكس بى وكلو كان تمام - لما سطبت ويندوس 7 بعد الريستارت التالت كدا لاقيتها فصلت وكتبلى كلمه out of range يعنى كانى لعبت فى الريوسولوشن بتاعها وعليتو اكتر ما ينفع - فى النهايه بعد ما عملت البدع - اكتشفت ان الشاشه اخدا فلاشه غلط ودا عيب مصنعى - الفلاشه ديه كلمه بيقولها الى بيصلحو التليفزيونات والشاشات - المهم ان اخر دقه عرض للشاشه كانت 1200 فى 800 لكن الى فى الفلاشه كان اعلى 1400 ودا ( الناتيف ) يعنى الافتراضى فالى حصل انى وانا بسطب الويندوس - الشاشه اخدت الوضع الافتراضى بتاعها ( الى هوا غلط ) فقفلت ( طبعا الفلاشه ديه فيها معلومات الشاشه بالضبط الى بتديها للويندوس يعنى اسم الشاشه وحجمها الخ الخ - فشكل الى سطب الفلاشه ديه فى المصنع عطالها فلاشه شاشه اكبر فلذلك وقعت تحت ايدى ) بعد سنتين غيرتها :D معرفتش اعملها حاجة - انا كنت بنزل الويندوس على شاشه تانيا وساعات غيبيا والله بكملو وانزل الريوسولوشن الاقيها اشتغلت .
بالنسبه لشغل الشاشه على نظام اوبتونتو - زى اكس بى عندى فى اعدادات ظهور الشاشه على البيوس ( حسب الويندوس ) هتظهرلك 780 تقريبا - رقم صوغير كدا فى البيوس ومتقدرش تغيرها لكن فى سفن بتكون ريسولوشن تانى فلذلك ظهرت معاك على اوبتونتو ومظهرتش على سفن - زى ما قلتلك الشاشه اخدت فلاشه غلط فهى مثلا دلوقتى على اعدادات شاشه حجمها 40 بوصه مثلا يعنى فهتشتغل ازاى - لو شغلت اللاب على شاشه تانيا خارجيه العب فى الريوسولوشن نزلو او غير التردد - ولو عرفت حد عندو فلاشه الشاشه الى عندك من محلات الصيانه ويعرف يعملها يبقى تمام
- انا اسف لانى مقدرتش افيد اكتر

[Mmpopsoft]

السلام عليكم - صادفتنى مشكله يجوز هيا هيا
اشتريت شاشه 19 بوصه اسمها هان سبرى - المهم كنت مسطب عليها ويندوس اكس بى وكلو كان تمام - لما سطبت ويندوس 7 بعد الريستارت التالت كدا لاقيتها فصلت وكتبلى كلمه out of range يعنى كانى لعبت فى الريوسولوشن بتاعها وعليتو اكتر ما ينفع - فى النهايه بعد ما عملت البدع - اكتشفت ان الشاشه اخدا فلاشه غلط ودا عيب مصنعى - الفلاشه ديه كلمه بيقولها الى بيصلحو التليفزيونات والشاشات - المهم ان اخر دقه عرض للشاشه كانت 1200 فى 800 لكن الى فى الفلاشه كان اعلى 1400 ودا ( الناتيف ) يعنى الافتراضى فالى حصل انى وانا بسطب الويندوس - الشاشه اخدت الوضع الافتراضى بتاعها ( الى هوا غلط ) فقفلت ( طبعا الفلاشه ديه فيها معلومات الشاشه بالضبط الى بتديها للويندوس يعنى اسم الشاشه وحجمها الخ الخ - فشكل الى سطب الفلاشه ديه فى المصنع عطالها فلاشه شاشه اكبر فلذلك وقعت تحت ايدى ) بعد سنتين غيرتها :D معرفتش اعملها حاجة - انا كنت بنزل الويندوس على شاشه تانيا وساعات غيبيا والله بكملو وانزل الريوسولوشن الاقيها اشتغلت .
بالنسبه لشغل الشاشه على نظام اوبتونتو - زى اكس بى عندى فى اعدادات ظهور الشاشه على البيوس ( حسب الويندوس ) هتظهرلك 780 تقريبا - رقم صوغير كدا فى البيوس ومتقدرش تغيرها لكن فى سفن بتكون ريسولوشن تانى فلذلك ظهرت معاك على اوبتونتو ومظهرتش على سفن - زى ما قلتلك الشاشه اخدت فلاشه غلط فهى مثلا دلوقتى على اعدادات شاشه حجمها 40 بوصه مثلا يعنى فهتشتغل ازاى - لو شغلت اللاب على شاشه تانيا خارجيه العب فى الريوسولوشن نزلو او غير التردد - ولو عرفت حد عندو فلاشه الشاشه الى عندك من محلات الصيانه ويعرف يعملها يبقى تمام
- انا اسف لانى مقدرتش افيد اكتر


و عليكم السلام و رحمة الله و بركاته
اولا شكرا جدا لرد حضرتك .....
للاسف انا مقدرتش انتظر كتير و غيرت الشاشه و اشتغلت تمام ...
انا عرفت فعلا موضوع الفلاشه بعد لف كتير على محلات الصيانه لغاية لما لقيت واحد بيفهم زى حضرتك و قالى ان احتمال كبير ان الفلاشه الخاصه بسوفت الشاشه فيها مشكله و صعب جدا تلاقيلها حل و بصراحه كنت محتاج اللاب ضرورى ف غيرت الشاشه و حاليا محتفظ بالقديمه بالقديمه علشان احاول اشوفلها حل براحتى او اشوفلها طريقه علشان اشغلها على راسبيري باى .