المساعد الشخصي الرقمي

مشاهدة النسخة كاملة : بالنسبة للمعالج i5 4690 وبورده h81



هشام الكنج
25-07-2015, 21:11
بسم الله / السلام عليكم

اخواني الكرام انا إن شاء الله نازل بكرا مصر وهنزل تحديدآ فى روكسي عشان اروح مول سوق العصر عشان :

اشتري معالج i5 4690 واشتري بورده h81 واشتري كيسة zamlan z3 plus عشان اكون ارتحت من تحديث الجهاز ال 3 سنين الجايات إن شاء الله :)

وكمان عندي معالج i3 540 وعندي بورده h55m-s2 وعندي كارت شاشة ati 5770 عايز ابيعهم

وعندي هارد عايز اغيرله البلاستيكه بتاعته عشان السنون عندي البلاستيك بتاعها مكسور ومركب الوصلة بشوية ( لزق )

السؤال هو هل هلاقي القطع اللى انا عايز اشتريها بمول سوق العصر وهل فى محل هيشتري مني القطع المستعمله ومحل لتصليح الهارد

ولو فى مكان لكل طلباتي افضل من مول سوق العصر حد يقولي لاني نازل بكرا بالليل هكون فى القاهره إن شاء الله

لانه مفيش معايا وقت كتير ناوي اشتري وابيع وامشي عشان كدا ما قدرتش اني اكلم احد الاعضاء واقابله مثلا ويشتري مني وكدا

وجزاكم الله كل خير

phenomenon
25-07-2015, 22:45
وعليكم السلام ورحمه الله وبركاته .. قولتلك قبل كده يا اخ هشام حاول تظبط امورك قبل ماتنزل
الهارد ممكن يتصلح لكن ممكن ياخد وقت لان الفنى ممكن يكون قدامه 50 هارد عاوزين تصليح وهيقولك
سيبه وتعالى وقت تانى اكيد واكيد مش فى يومها
بخصوص البيع مستعمل انت لو لقيت شركه بتشترى مستعمل هيقولك سعر يزعلك لان الشركات اللى بنشنغل فى
المستعمل مش زينا هنا كل حاجه معروف قيمتها كام جنيه
ممكن يقولك بورده ومعالج 150 جنيه وانا كده كارمك اوى

كمان حاول تركب الجهاز فى مصر وتشغله وتطمن ان الدنيا تمام ( مشعارف اقولك خد الرامات ولا مش مستاهله )
انا بقولك كده عشان عارف ان السفريه مش سهله واحيانا الدنيا تمشى تمام واحيانا تخيب على حاجه هايفه

لو قدرت تبيع الحاجه وتجيب بيهم هارد جديد يبقى كويس جدا ومش لازم I5-4690 لو هيوقفك فى شراء حاجه مهمه
I5-4690 مشهيديك اطار اطارين زياده عن I5-4460 فى الالعاب مش هيتشافوا ولا هيتحس بيهم
لكن ممكن يوفرلك 300 جنيه تجيب بيهم هارد
طبعا انت قدامك اكتر من معالج يتوسطوهم
زى I5-4570 + I5-4590 غالبا مش هتلاقى 4670 لانه 2013 مش Refresh بس هتوفر على الاقل 200-300
يعنى بوجهه عام شوف التزاماتك المهمه ووازن الدنيا كده عشان تستفاد بالنزله صح

اظن القسم هنا مش صحيح اطلب نقل الموضوع الى قسم المعالج واللوحه الام

هشام الكنج
26-07-2015, 08:41
شكرا اخي الكريم لردك ولتوضيحك بعض الامور

بخصوص الهارد كلمت ناس فى مصر قالو انه بيتصلح عادي بتتغير البلاستيكة الخاصة بالسنون وبتكلفك 50 جنيه ومفيش خطورة على البيانات اللى على الهارد

وبخصوص البيع مستعمل انا سايبها على الله وانا بتمنى ان البورده والمعالج وكارت الشاشة يجيبو سعر كيسة zalman z3 plus وكدا يبقى تمام لان ميزانية المعالج والبورده الجديده معايا

وبخصوص المعالج انا فهمت منك اني ممكن اوفر لو نقص عليا فلوس وطالما اطارين او 3 او 5 مش فارقه كتير كدا انا ارتحت

وإن شاء الله ناوي اجرب القطع الجديده هناك وانا عندي رامتين 4 جيجا هاخد واحده معايا عشان لو جربنا وطلب رامة تكون موجوده ( اعتقد يكفى انه يفتلحي شاشة ال Bois واشوف المعالج ودرجة حرارته صح كدا ؟ )

phenomenon
26-07-2015, 09:54
الشكر لله اخى وسيب تساهيل الامور على المسهل هتمشى بسلام
ومفيش فرق خالص بين كل معالجات I5 - 4000 الجيل الحالى وجميعهم بكفائه عاليه
التردد العالى بيكون مهم فى برامج المونتاج والتصميم عشان فرق مجموع الوقت الكلى ممكن تلاقيه موفرلك دقائق لكن مش كتير عن بعضهم بردو الا مع كسر سرعته
لكن حتى مع كسر السرعه على الواقع الحقيقى ( 4.6GHz بعد الكسر فرق عن 3.7GHz باطار واحد ومش طول اللعبه )

دى صوره للعبه بتستفيد من مصادر المعالج

https://www.xbitlabs.com/images/cpu/intel-haswell-refresh/charts/batman-2.png
https://www.xbitlabs.com/images/cpu/intel-haswell-refresh/charts/metro-2.png

صوره للعبه لا تستفيد من تعدد مصادر المعالجه

https://www.xbitlabs.com/images/cpu/intel-haswell-refresh/charts/thief-2.png

لكن بدا برامج التصميم يبدا الفرق يكون واضح لكن ايضا مش واضح بنتيجه ايجابيه فعلا الا لما تلاقى نفسك بتخرج من I3 الى I5 ومن I5 الى I7

https://www.xbitlabs.com/images/cpu/intel-haswell-refresh/charts/3dsmax.png

هشام الكنج
26-07-2015, 11:53
إن شاء الله خير وانا بعد نص ساعة مسافر وربنا يقدم اللى فيه الخير إن شاء الله

mohmmed440
27-07-2015, 13:29
إن شاء الله خير وانا بعد نص ساعة مسافر وربنا يقدم اللى فيه الخير إن شاء الله

ربنا معك اخ هشام بالتوفيق ليك .. ترجع بالسلامة ان شاء الله

dash-mohamed
29-07-2015, 17:38
لو انت من اسكندرية اخ هشام , جميع القطع الى ذكرتها موجودة هنا , عدا الكيسة الزالمان لكن بدايلها كتير

و البيع للقطع ممكن تعرض الحاجة فى المنتدي الاول وتبعت شحن عموما لو خلاص مقرر تسافر القاهرة فيها كل حاجة ورينجات الاسعار كتير

بخصوص المعالج والبوردة بما ان معاك تمنهم وكله تمام يبقى خليك متمسك بيهم عشان تبقى جبت اعلى سرعة فى معالجات هازويل ال اى فايف , هارد عجز معاك يتأجل بعدين ب 400 جديد ويتجاب من هنا من خمسين مكان , لا قدر الله عجزت معاك بردو , يبقى خليك فى اقتراح الاستاذ ابراهيم والفرق مش هيكون كبير اوى زى مقال

ومبروك التحديث مقدما

بالتوفيق اخى هشام