استفسار بخصوص معالجات الجيل الخامس

[الفواخيري]

السلام عليكم ورحمة الله انا ان شاء الله ناوي اجيب بوردة جيجابايت h97 وكنت هجيب معالج cor i5 من الجيل الرابع بس في اللي نصحني اني اصبر شوية لحد معالجات الجيل الخامس تنزل بما ان البوردة بتدعم الجيل الخامس عايز اعرف امتي المعالجات دي هتنزل مصر وشكرا.

[wessam-pro]

لو معندكش مشكلة ف الانتظار ممكن نتنظر امتى بالظبط هتنزل دى صعب حد يحددها لان السوق المصرى عجيب شوية سواء فى اسعاره او توقيتات نزول الجديد

لو مستعجل واستخدامك جيمز هات من الجيل الرابع بدون تردد المعالجات حتى من الجيل التانى والتالت بتقدم اداء قوى جدا مع الجيمز ومبتسببش اى عنق زجاجة

[الفواخيري]

شكرا.

[dash-mohamed]

لو هتجيب جيل رابع هات بوردة 8x يعنى h81 b85 كدة متجبش 97 بما انك هتجيب جيل رابع لان سعرها غالى حوالي 900 جنية وشوية والجيل الرابع مازال حديث وبيقدم اداء قوي وفرق الرابع والخامس مش هتشعر بيه لكنه فرق كبير فى السعر

[Mohammed Afify]

شوف الفرق بين الجيلين ميستهالش الانتظار لسه الجيل الرابع قوى وفيه معالجات تستحق الاقتناء لو كنت من مهوسى الالعاب فبوردة بشريحة B85 ستكون اكثر من كافية ولو كانت الميزانية محكمة ممكن بوردة بشريحة H81 فيها كل اللى تحتاجه بالنسبة للمعالجات I5 اراه كافى جدا لو كنت من محبى الالعاب اما اذا كان استخدامك للجهاز فى التصميم والرندر فيجب وجود معالج I7 الخلاصة ان الجيل الرابع لازال به الكثير ليقدمه مقارنة بالجيل الجديد لمعالجات انتل