المساعد الشخصي الرقمي

مشاهدة النسخة كاملة : مصر - جهاز في حدود 3500 جنيه - للأستخدام العادي


الصفحات : 1 [2]
MohamedYousri
17-10-2015, 22:44
جزاك الله كل خير علي سرعه الرد و التوضيح.. وصلت المعلومة

ايهما افضل من ناحيه ال Durability علي المدي الطويل،،H97-PRO GAMER ام الGigabyte خصوصا ان فرق السعر مش كتير و يعتبروا متطابقتين في المواصفات

و من هو الوكيل للماركتين حالياً في مصر ؟!!
phenomenon
17-10-2015, 23:14
وجزاك الله مثله ... بخصوص الخامه والكفائه والتبريد وتحمل الاخطاء
فكلاهما لا يمكن التفرقه بينهما او تفضيل احدهما على الاخر غير الراحه النفسيه تجاه احدهما والتجارب الشخصيه السابقه
كلاهما خارجين من المصنع مقدر لهم بتحمل الاخطاء الوارده وتحمل معاملات مختلفه بحدود ومقدر لهم بالعمر الطويل باذن الله

بخصوص الاختيارين المتاحين فاكيد لوحه H97 Pro Gamer طالما بنفس رنج السعر ولعده اسباب
اولا احدث منها فى عمليه الانتاج بفتره - بالاضافه الى كارت صوت ولان اعلى - كمان شكلها اجمل من لوحه GA-H97-D3
الوكيل اعتقد انه جاما او مترا بصراحه مش متاكد او وان شاء الله مش هتحتاج وهتعرف وقت الشراء او يمكن حد ياكدلنا دلوقتى

ملحوظه اخيره
تاكد من توافق كروت الواى فاى مع اللوحه الام حين شرائها وتثبيت احدث التعريفات الموجوده للوحه الام وللكارت المتطابقين مع الويندوز
دا فى حاله وجود كارت واى فاى فقط
MohamedYousri
18-10-2015, 05:33
كارت الواي فاي اللي عندي و هركبه ان شاء الله هو TP Link و شغال مع ويندوز 7 و 8.1 و 10 من غير مشكله الحمد لله
MohamedYousri
19-10-2015, 19:08
سؤال صغير

لما كنت بسأل علي الرامات لقيت اغلب اللي موجود 1866 ,,, و الـGigabyte H97 شغاله 1600 بس ,,, هل تنصحوني اني اجيب اختها الـZ97 ولا عادي اخليني ف الـH97 خصوصا ان الفرق مش كبير 200 جنيه تقريبا ...
MohamedYousri
19-10-2015, 19:54
استفسار كمان معلش
التجميعه اللي يعتبر استقريت عليها هي
GIGABYTE H97 Or Z97
Core i5 4460
8GB RAM
Cooler Master Case 500W

محتاج بقه ترشيحكم لكارت شاشة ف حدود 600 جنيه ,, مش عايز حاجه عاليه بس هتبقي احسن من الـIntel ينفع لو حبيت العب Games و يبقي برضه كويس مع كارت الدش
MohamedYousri
21-10-2015, 18:40
السلام عليكم جميعا

هل من مساعده في الاستفسارين الأخيرين؟!

شكرا جزيلا
MohamedYousri
24-10-2015, 19:16
السلام عليكم

في انتظار الرد علي اخر استفسارين

شكرا جزيلا
phenomenon
24-10-2015, 21:25
وعليكم السلام ورحمه الله وبركاته .. مفق باذن الله
حاول تزود ميزانيه الكارت 200 جنيه بس وتشوف كارت GTX 750 او GTX 650 بس يكون 2GB GDDR5 وكده كله شىء تمام
MohamedYousri
31-10-2015, 20:35
تم بحمد الله و بفضله شراء و تركيب و تشغيل التالي :



Gigabyte GA-Z97-D3H Socket 1150 Motherboard


Intel Core I5-4460 Haswell 3.2GHz LGA 1150 Desktop Processor


Kingston HyperX Blu 8GB DDR3 1866MHz CL10 1.5V


SeaSonic S12II Bronze 620W


Cooler Master HAF 912 Combat Mid Tower Desktop Case

الـHAF 912 ضخمه جدا ,,, تشيل عيل صغير جواها ,,, كنت ناوي علي الـSpec-02 بس قلت مش فارقه و دايما الـHAF 912 سمعتها كانت سبقاها ,,, غلبتني شويه علشان ارص الكابلات كويس من ورا و لميت الكابلات العجيبه اللي فالـSeasonic اللي مش هستخدمها ف البيت بتاع الهارد الـSSD و رتبت و فضيت الدنيا علي قد ما قدرت

الموديل اللي موجود منها حاليا بمروحتين من غير اضاءه LED و تشيل 2 من قدام و 2 من فوق و واحده من ورا

المكونات كلها جبتها كلها من عند High End و بصراحه قمه ف الاحترام و الذوق

سبحان الله ركبت الهارد من غير ما انزل ويندوز اشتغل زي الفل :D :D :D يادوب سطبت التعريفات و بس علي كده و دي حاجه غريبه جدا جدا بصراحه !!! :D :D

شكرا جزيلا لكل من ساعدني هنا و بالتوفيق دائما ان شاء الله
heshamfarid
31-10-2015, 21:07
الف مبروك يا باشا
لو ممكن صورة HAF اشوفه :D
MohamedYousri
31-10-2015, 21:17
الله يبارك فيك شكرا جزيلا

دي كل تفاصيلها من علي موقع Cooler Master علشان مش هعرف بس احط صوره حقيقيه ليها دلوقتي

https://www.coolermaster.com/case/mid-tower/haf-912-combat/

من قدام واحد USB 3 و واحد USB 2 و الحركه بتاعت المراوح انهم 2 من غير LED

انا كده كده كنت جايب مروحتين زياده ف فكيت اللي قدام و ركبت واحده حمراء و ركبت ف الجنب زرقاء و خليت واحده من فوق و واحده من ورا و ان شاء الله هجيب واحده كمان قدام برضه زياده للهواء مع ان الشتاء داخل و مش هحتاجها بس سعرها كويس 50 جنيه
MohamedYousri
05-11-2015, 09:09
السلام عليكم جميعا

في مشكله صغيره كده مع Windows 8.1 ,,, انا بحب دايما اظبط Turn Off Display علي دقيقتين او تلاته علشان لما اقوم ,,, باجي بقه لما ارجع احرك الماوس او ادوس علي اي زرار الشاشه ما تشتغلش ,,,, لازم مثلا اطفيها و اشغلها تاني كذا مره لحد ما تشتغل

حد عنده فكره المشكله ممكن تكون من ايه ؟؟؟